Целосно е заменета, со нова и повисока, заштитната ограда меѓу исклучувањето за чешмата и активната лента, на делот каде излета и се запали автобусот на „Беса транс“.

Венец во спомен на жртвите е поставен на знакот „32 км“.

По несреќата на 23 ноември, сообраќајот по коловозната лента за Дупница и Кулата беше затворен за сообраќај, за вршење увид и истражни дејствија.

Агенцијата за патна помош на Бугарија, по несреќата изврши премер на делницата за да утврди дали знаците, заштитните огради и хоризонталните ознаки на подрачјето на несреќата се во рамките на законските норми.

The post ЕДЕН МЕСЕЦ ПО СТРАШНАТА НЕСРЕЌА Сообраќајот на автопатот Струма е целосно воспоставен appeared first on plusinfo.mk.

Паметната маска „C-Mask“ може во комбинација со апликација да препише диктат, да го зголеми волуменот на гласот на корисникот и да преведе говор на осум различни јазици.

Маската има отвори на предната страна, па затоа не штити од ковид-19, и треба да се носи преку стандардна заштитна маска. Таа е направена од пластика и силикон и има вграден микрофон, кој преку блутут може да се поврзе со смартфон.

„C-Mask“ нуди можност за превод на осум јазици: кинески, корејски, виетнамски, индонезиски, англиски, шпански, француски, и обратно.

The post Паметна маска нуди превод на осум јазици (ВИДЕО) appeared first on plusinfo.mk.

На примопредавњето во касарната во Ѓорче Петров пруствуваа државниот секретар во МО Драган Николиќ и кинескиот амбасадор Џанг Ѕуо кој истакна дека станува збор за практична активност од соработката меѓу двете армии и двете земји и е искрена поддршка на кинескиот народ за македонскиот во борбата против вирусот.

– Донацијата е од нашата народна армија и е добар симбол да докажеме дека вистинските пријатели се гледаат во несреќа. Кина со искрена надеж сака да соработува со РСМ заедно да се бориме и побзро да го победиме вирусот –  рече амбасадорот Ѕуо и нагласи дека оваа донација следи во редот на повеќе реализирани донации од збратимени градови, хуманитарни организации и компании од Кина.

Николиќ изразувајќи благодарност до НР Кина за овој хуманитарен гест, истакна дека донацијата е предвидена за Армијата на РСМ која се наоѓа на првата линија на борба против kовид 19., и која покажа подготвеност на највисоко ниво во справување со сите предизициви во однос на коронавирусот и во делот на кризната состојба кога започна и во делот на вонредната состојба во поддршка на граѓаните, но и на здравствените власти во поглед на спречување на ширење на коронавирусот.

–  Само преку акти на солидарност заеднички споделните искуства, научените лекции можеме сите заеднички и во регионот и глобано да ја победиме оваа пандемија. Во тој контекст ние ги споделуваме искуствата, научените лекции, но и мерките и активностите кои на светско ниво се применуваат така што сме подготвени и за наредниот период за евентуалниот втор бран уште поефикасно да се справиме со коронавирусот и час поскоро да ја победиме оваа пандемија – вели Николиќ.

Донацијата што овојпат пристигна со експресен воз од Кина до Европа, се состои од 62.000 заштитни маски, 4.200 заштитни очила, 3.000 визири, 6.000 заштитни одела и комплети, ракавици, инфузиски пумпи, електрични термометри и два сета термални шлемови.

The post Kинескиот амбасадор ја предаде на АРСМ донацијата во заштитна опрема appeared first on plusinfo.mk.

Донацијата е во вредност од околу 250.000 евра и се состои од 62.000 заштитни маски, 4.200 заштитни очила, 3.000 визири, 6.000 заштитни одела и комплети, ракавици, инфузиски пумпи, електрични термометри и два сета термални шлемови.

На примопредавањето на донацијата најавено е присуство на државниот секретар во Министерството за одбрана Драган Николиќ и кинескиот амбасадор Џанг Ѕуо.

Настанот, како што информираат од Министерството за одбрана, ќе се организира согласно препораките за одржување на безбедно растојание и носење на заштитна опрема.

The post Kина донира заштитна опрема во вредност од 250.000 еврa appeared first on plusinfo.mk.

– Покрај маските, пакетот содржи и десетици илјади заштитни очила, заштитни шлемови, заштитни скафандери, заштитни ракавици- истакна Османи при што нагласи дека се работи за опрема која ни е потребна, која сериозно ќе ги зацврсти нашите капацитети особено во здравството и здравствениот систем, кои секако ја претставуваат првата линија на одбрана од коронавирусот.

– Обезбедувајќи ги овие донации од нашите меѓународни пријатели, обезбедуваме и сериозни заштеди во буџетот, што во време на соочување со економските предизвици од пандемијата е исто така многу важно- додаде Османи.

На примопредавањето на донацијата в.д. Амбасадотот на Државата Катар, Хамад Ал Махмоод нагласи дека денешната  хуманитарна помош е донесена преку Катарскиот фонд за развој  и во насока на  поддршка на владата на Македонија во борбата против пандемијата ковид-19, притоа  потенцирајќи дека нашата земја секогаш може да смета на помош и поддршка од државата Катар и изрази надеж дека оваа глобална пандемија наскоро ќе заврши.

The post Осум тони заштитна опрема стаса од Катар appeared first on plusinfo.mk.

Полицијата приведе две лица за кои има сомневање дека ги ограбувале складиштата на медицинскиот центар. Веднаш бил направен и претрес во нивните домови, а локалните медиуми објавуваат дека во целата криминална мрежа се вплеткани и вработени во болницата.

Овие кражби според информации на управата на Клиничкиот центар најверојатно траеле веќе неколку недели, а вработените се посомневале во тоа бидејќи резервите од заштитни материјали се трошеле побрзо од предвидувањето на надлежните.

Во меѓувреме Владата го разреши и директорот за стоковни резерви кој е во самоизолација поради коронавирусот, по обвинувањата на опозицијата за неправилности и скандалите кои ја пратеа набавката на заштитни маски за потребните на Словенија.

The post Заштитна опрема украдена од Клиничкиот центар во Љубљана се продавала на интернет appeared first on plusinfo.mk.

– Ние први спроведовме тендер за заштитан опрема и тој се спроведува. Имаме и големи количини донации од Словенија, Унгарија…  На ниво на МВР донесовме и посебна уредба за постапување и однесување на полицајците за да не се заразат. Печатиме и памфлети кои ќе ги носи секој полицаец во кои се објаснува како се носи заштитната опрема. За случаи со понизок ризик тие треба да ностат заштитна маска и ракавици, во посложени ситуации покрај тоа ќе треба да носат и заштитни очина, а во најризични ситуации и скафандери – рече Чулев.

Тој рече и дека има дисциплински постапки против полицајци кои не носеле заштитна опрема.

The post Чулев: МВР има доволни количини заштитна опрема, се казнуваат полицајците кои не ја носат appeared first on plusinfo.mk.

– Оваа комбинација на мерки ќе дозволи порастеретерно да се движат луѓето, како и зголемувањето на заштитната опрема на граѓаните – вели Филипче.

Тој изјави дека се планира полицискиот час да почнува секој ден од 19 до 05 часот со што граѓаните ќе добијат дополнителни часови за завршување на обврските.

Филипче рече предлогот за возрасните над 65 години наместо како досега од 10 до 12 часот ќе можат да се движат од 08 до 12 часот, исто така и за движењето на младите до 18 години и сега да биде од 13 до 16 часот.

Има предлог полицискиот час за време на викенд да остане, но овој пат да започне  од сабота од 13 до понеделник до 05 часот.

Министерот рече сите други мерки за носење на заштитна опрема, дистанца од два метри, да не се собираат повеќе од двајца во група остануваат на сила.

The post Се предлага промена на полицискиот час, движењето на младите и возрасните, како и за викенд, рече Филипче appeared first on plusinfo.mk.

Европската Унија, на почетокот на кризата со коронавирусот, одлучи да воведе посебни авторизации за извоз на лична заштитна опрема за земјите вон ЕУ, освен за земјите членки на европската слободна трговска зона како Норвешка или Швајцарија.

Оваа одлука предизвика големо незадоволство во регионот, по што властите на шесте земји од западниот Балкан испратија писмо до Европската Комисија изложувајќи ги своите аргументи зашто е потребно изземање и на овој регион.

Портпаролот за трговија на Европската Комисија, Даниел Росарио, денеска потврди дека Комисијата го примила писмото и дека се согласува со аргументите на властите од регионот.

– Комисијата гледа логика во аргументите изложени од страна на овие земји, прашањето веќе се разгледуваше  и отворени сме за изземање – рече Росарио на денешниот дневен брифинг за новинарите во Брисел.

Рестрикциите ќе бидат ревидирани во наредните денови, бидејќи сегашните мерки истекуваат на 25 април.

– Во последните денови сме во контакт со повеќе земји членки и сега прилагодуваме некои елементи од системот за авторизации за извоз, еден елемент е типот на опрема за кој е потребна авторизација, помалку производи да бидат покриени со овој систем, а другиот е географскиот аспект на вклучување на земји вон Е – објасни портпаролот.

The post Западен Балкан најверојатно ќе може да увезува заштитна опрема од ЕУ appeared first on plusinfo.mk.

Оттаму тврдат дека  опрема има доволно во резервите на Министерството и таа се доставува на редовна основа по барање на секоја здравствена установа.

Од Министерството  потсетуваат дека заради проверка на користењето на заштитната опрема е извршени инспекциски надзор кој е спроведен од 30-ти март до 5-ти април во 79 јавно-здравствени установи и во 12 во приватни установи.

-Направен е увид во однос на опременоста, количината на заштитни маски, ракавици, капи, мантили за еднократна употреба, визири и калјачи, се што се користи за пристап кон пациенти на соодветно ниво на здравствена заштита. Констатирани се доволни количини, како и средства за дезинфекција на работни површини и дезинфициенци за раце.При инспекциските надзори од страна на Државниот санитарен и здравствен инспекторат не се констатирани неправилности по однос на користење на личната заштитна опрема од страна на здравствениот персонал – велат од Министерството за здравство.

Дополнително, додаваат од Министерството, добиени се донации во заштитна опрема и тоа во големи количини – повеќе од 1 милион парчиња заштитна опрема од различен вид.

–  Во тек е и набавка за дополнување на овие количини за што е распишана покана за јавна набавка објавена на веб страницата на Министерството за здравство и тоа за: 12.000 маски N95 или сличен стандард, 20.000 скафандери, 500.000 хируршки маски, 5.000 визири и 1.200 гумени скафандери – велат од Министерството и додаваат дека здравството и здравствените работници се клучниот столб во државата и го носат најголемиот товар за да му помогнат на населението, и токму затоа треба да внимаваат и на себе, а Министерството за здравство обезбедува заштитна опрема за јавно здравствените установи и продолжува да го прави тоа во континуитет. Министерството обезбеди заштитна опрема и за матичните лекари кои ги вклучи во системот на детекција и следење на пациенти заболени од коронавирус.

The post Министерство за здравство: Јанушев дава паушални изјави и шири паника appeared first on plusinfo.mk.