Тој, се повика на новиот текст на законот за легализација на дивоизградени објекти.

– Јасно е укажано дека без дозвола од МЖСПП каде што ќе се предвидува и постоење на зелени површини околу тие градби, нема да се добијат дозволи за градба, тоа се нашите укажувања. Законот се врати пак на Влада, на владина расправа, нашата препорака од МЖСПП е дека треба да се легализираат само оние градби коишто се во сопственост на граѓани на жители кои живеат во нив – рече Нуредини.

Тој во однос на зелената агенда на ДУИ, рече дека „сите се движиме кон Европа“.

– Нашата цел е Европа и во таа смисла сакаме да се вклопиме во зелената агенда на Европа. Сакаме да ги имплементираме зелените стандарди за квалитетен живот на граѓаните. Наш приоритет е граѓаните да живеат во заштитена еколошка средина, но исто така граѓаните да имаат пристап и право на чиста вода за пиење, на прочистена индустриска отпадна вода. Ние веќе две години работиме и сме посветени на таа зелена агенда – посочи министерот.

За сечата на дрвја на  улица Орце Николов, Нуредини рече дека тоа е одговорност на секоја одделна општина.

– Доколку граѓаните не се согласуваат со такви одлуки, не треба такви одлуки да се случуваат. Ние ги поттикнуваме граѓаните. Нашата политика се стреми кон тоа да има се повеќе зеленило во градот. Но сепак ќе речам тоа е одлука на секоја општина – посочи министерот.

The post Нуредини: Во заштитените подрачја ќе дозволуваме да се легализираат само дивоградби во кои се живее appeared first on plusinfo.mk.

– Во однос на ова прашање не случајно е вграден и членот во којшто се вели дека во таков тип на подрачја и зони, секако ресорното Министерство коешто е надлежно или органот на државна управа, треба да даде согласност за можно ставање во правна рамка на објект во таква зона. Така што, доста и внимателно е одреден овој член. Секако без согласност од Министерството за животна средина конкретно нема да може да се стави во правна рамка објект во заштитени подрачја, зони во национални паркови итн. И секако Охридскиот регион, регионот под заштита на УНЕСКО, е исто така исклучен согласно студиите коишто се на располагање на државата од УНЕСКО, и станбените згради со А2 намена исто така се исклучени, нема да бидат во постапки за ставање во правна рамка на такви големи градежни објекти и комплекси – изјави Бочварски.

Целта со овој закон, дополни, е плаќањето на пенали којшто е одреден, не легализација или ставање во правна рамка по едно евро за квадратен метар, туку полни комуналии колку што се плаќаат во матичната општина, плус 50 проценти казнени пенали.

Секако, потенцираше, целта е да ги одвратиме луѓето да  градат дивоградби.

– Секако другиот апсект е зајакнување на инспекциските служби коишто веќе се случува со покачување на платите на градежните инпектори со вработување на инспекциски служби во сите коишто деноноќно и будно ќе следат понатаму да не ни се случуваат вакви појави. И тогаш државата, убеден сум, дека ќе биде подготвена повеќе да не оди со вакви постапки на ваков тип закони – рече Бочварски.

Тој рече дека треба да се легализираат и објекти од интерес за државата како далноводи, водоводи, можеби училишта и градинки што биле изградени по сите законски процедури во минатото, но не биле запишани во Катастар.

– Од тој аспект сме внимателни и очекуваме примената на овој објект и граѓаните да продолжат со поднесување барања до матичните општини во наредните шест месеци откако ќе стапи во сила овој закон, притоа строго почитувајќи го законот да се применуваат сите одредби од него – изјави Бочварски.

The post Бочварски се правда: Во заштитени подрачја ќе се легализира само со одобрение од Министерство за животна средина appeared first on plusinfo.mk.