Полицијата поднесе кривична пријава против в.д. директорката на Национален парк „Галичица“, поради сомневање за несовесно работење во службата.

Од СВР Охрид информираат дека пријавата е поднесена против Ф.Ѓ. (58) од Ресен, поради основи на сомнение за сторено кривично дело „несовесно работење во службата“.

Според информациите од истрагата, во текот на 2026 година, пријавената како в.д. директор на јавната установа дозволила спроведување активности и потпишала договор за соработка со приватно претпријатие од Охрид за тампонирање на катастарска парцела, иако за таа локација не постоела урбанистичка документација, ниту одобрен проект за инфраструктура.

Како што наведуваат од полицијата, станува збор за простор кој се наоѓа во заштитен појас од 50 метри, а за кој општина Охрид имала донесено времен мораториум за какви било градежни активности.

Дополнително, според истрагата, областа е опфатена со режим на заштита согласно планот за управување со светско природно и културно наследство на охридскиот регион.

Од полицијата посочуваат дека со пропуштање на должен надзор и со донесените одлуки е овозможено изведување на активности спротивни на важечките ограничувања и процедури.

Истрагата продолжува, а по целосно документирање на случајот ќе следуваат понатамошни правни постапки.

The post КРИВИЧНА ЗА ДИРЕКТОРКА НА ГАЛИЧИЦА Дозволени работи и покрај мораториум во Охридскиот регион appeared first on plusinfo.mk.

Ископувањата направени околу изворите во „Шум“, се главна причина што ја предизвикала матноста на водата од која се снабдуваат Струга и селата, заклучи градоначалникот Менди Ќура на денешната вонредна седница на Советот на Општина Струга, на која единствена точка беше расравата за проблемите на граѓаните со редовното снабдување со исправна вода за пиење.

Тој посочи дека две компании низ годините вршеле ископувања, кои, како што забележа, биле длабоки и оштетувањата тешко ќе се санираат. Вината ја лоцираше кај неговите претходници и надлежни институции, нагласувајќи дека ништо не било преземено за заштита на изворите.

– Констатирано е давање дозволи за ископувања повеќе од 10 години без критериуми, само за материјална корист, сериозна институционална аномалија, при што една од компаниите добила дозвола за ископувања во оваа чувствителна зона без да се утврди заштитна зона од еден километар околу изворот, која требало да биде оградена и физички заштитена. Но, за жал, поранешните раководители и одговорните институции не покажале интерес за заштита на овој витален извор, заедно со директорите на јавните претпријатија и надлежните органи. Сега штетата е направена и итно мора да се преземат мерки за санација на состојбата, без да се занемари кривичната одговорност на виновниците, бидејќи станува збор за витално прашање за здравјето и животот на граѓаните, рече Ќура.

На седницата присуствуваа и претставници на сите релевантни институции, меѓу кои и доктор Лидија Симоноска, специјалист по хигиена и здравствена екологија во Центарот за јавно здравје Охрид. Таа нагласи дека од нејзиното долгогодишно работно искуство, водата во „Шум“, досега никогаш не била матна, единствено матност покажала кога биле приклучени изворите од Белица.

– Вие не знаете во Струга какво богатство имате и какво богатство има шанси да не постои повеќе. Бев повикана од ОВР Струга над извориштето, каде што се вршат ископи. Не ми е јасно како може некој толку несовесно да ископува земјиште над извор, а знае дека тој извор е главен стабдител со вода за цела општина Струга. Тоа се над 50.000 жители, рече Симоноска.

Навраќајќи се на вредностите од првите мостри земени на 9 февруари, кога матноста е скоро 30 и со доволна количина хлор, таа појасни дека наредните проверки покажуваат намалување на матноста. Примероците од изворите покажале присуство на ешерихија коли, бактерија од свежо фекално загадување, која не се забележува во примероците од градот поради хлорирањето. Мострите земени на 16 февруари од изворот покажале 3,62 матност, но во градот била повисока. Тоа, појасни, е поради матната вода која минувала низ цевките, матнотијата, односно калта се таложеле на цевките и потребно е добро промивање и хиперхлорирање.

– Вчера повторно е зголемено нивото на матност, тоа е поради врнежите. Земјата, растресена од ископините и водата од врнежите понира долу и автоматски носи и честички и кал од земјата и затоа матноста во „Шум“ е голема, истакна Симоноска.

Примероци од водата од изворот „Шум“, како што информира, биле испратени и во Институтот за јавно здравје во Скопје за проширена анализа, каде ќе се испитаат сите елементи меѓу кои и радиоактивност, што по закон треба да се прави двапати годишно, поради честички кои можат да се најдат, а се токсични или карциногени за организмот.

Инспекторот за животна средина при Општина Струга Митко Коркутоски кажа дека веднаш по пријавата излегле на терен и затекнале механизација која вршела ископи без дозвола, за што направиле записник, кој бил доставен до сите надлежни институции.

– Направен е комплетен надзор на локацијата. Досега е преземено се за понатамошно спречување на загадувањето. На локацијата нема одобрение за експлоатација на минерална суровина, нема одобрение ниту за поставување угостителски објект, нема елаборат за заштита на животната средина, се направи записник со што ќе следи конкретно решение за забрана, рече Коркутоски.

Советниците донесоа заклучоци надлежните истражни органи и Јавното обвинителство итно да ги приберат сите релевантни податоци за целосно расчистување на случајот со нелегалниот ископ на минерални суровини и работењето на каменоломите во заштитната зона на изворот „Шум“, Владата да донесе одлука за определување заштитни зони на водите за водозафатниот објект извор „Шум“, со јасно утврдени граници на заштитните зони, мерки за заштита, услови и начин на воспоставување и спроведување на заштитниот режим и картографски приказ и евиденција во соодветните регистри. Воедно, Општина Струга треба итно да побара стручно мислење, анализа и препораки од надлежните институции за проценка на настанатата еколошка и хидрогеолошка штета, можните ризици по здравјето на населението, утврдување на потребните мерки за санација и заштита и воспоставување на систем на континуиран мониторинг.

Задолжени се сите надлежни инспекциски служби при Општина Струга итно и неодложно да постапат, секој во рамки на своите законски надлежности со цел констатирање на сите неправилности и прекршувања, изрекување на мерки согласно закон, задолжување на правните и физичките лица за отстранување на утврдените недостатоци и спречување на понатамошно нарушување на безбедноста на изворот и пошироката околина.

Јавното претпријатие „Водовод и канализација“ е задолжено итно да ги донесе сите неопходни правилници и интерни акти со кои се уредува работењето, заштитата и безбедноста на изворите за снабдување со вода за пиење, да воспостави систем на редовен мониторинг и контрола на квалитетот на водата согласно националните и европските стандарди, како и, меѓу другото, да се спроведе независна ревизија на работењето на претпријатието.

The post КАМЕНОЛОМИ КАЈ ИЗВОРОТ „ШУМ“ ЈА ЗАМАТИЛЕ СТРУШКАТА ВОДА Две фирми ископувале на помалку од киломатар од изворот appeared first on plusinfo.mk.

Основното јавно обвинителство Охрид поднесе обвинителен акт против две лица – државјани на Република Албанија, кои се товарат дека нелегално ловеле риба во води каде што риболовот е строго забранет. Инцидентот се случил на 4 јули, во близина на месноста Свети Стефан, на оддалеченост од околу 6,5 километри во езерските води.

Како што информираат од Обвинителството, двајцата обвинети биле затекнати во кајче, додека со поставена висечка мрежа вршеле риболов. При контролата кај нив биле пронајдени три уловени примероци од охридска пастрмка – заштитен вид кој е под постојан мониторинг.

„Со фаќањето на охридска пастрмка во заштитен реон, двајцата обвинети како соизвршители сториле кривично дело – Незаконит риболов, предвидено и казниво по член 229 став 1 од Кривичниот законик,“ информираат од ОЈО Охрид.

Во обвинението, јавниот обвинител побара продолжување на претходно определената мерка притвор, имајќи предвид дека постои опасност обвинетите да го повторат делото или да се дадат во бегство.

The post ФАТЕНИ НА ДЕЛО СО МРЕЖИ Албанци ловеле охридска пастрмка, добија обвинение и притвор appeared first on plusinfo.mk.

Просторот зад Собранието на Македонија ќе биде прогласен за безбедносна зона, заради безбедно и непречено функционирање на Собранието. Просторот ќе биде заштитен и уреден исклучиво за потребите на Парламентот, а таму нема да можат да се одржуваат ниту граѓански собири ниту протести.

Ова е превидено во новиот закон кој ќе биде донесен со општ консензус и по скратена постапка. На предлогот се потпишани координаторите на сите пратенички групи и претседателот Африм Гаши.

Се работи за ливадата зад Собранието, како и за асфалтираниот простор и приодот кон Домот на АРМ. Вкупната површина на безбедносната зона зафаќа 1,55 хектар. Улицата 11 Октомври, пред Собранието, каде досега се одржуваа протести не е дел од безбедносната зона.

На парцелата во ливадата требаше да се гради катна гаража, но тој процес е одамна стопирам, а според законското решение, на сопственикот што ја купи парцелата за гаражата ќе му бидат вратени парите, онолку колку што платил, без камата.

„Просторот околу објектот на Собранието се прогласува за безбедносна зона, заради безбедно и непречено функционирање на Собранието. Безбедносната зона претставува јавен интерес од значење за државата. Безбедносната зона е површината на просторот околу објектот на Собранието со дефинирана граница којашто ги опфаќа земјиштето и воздушниот простор, до која од безбедносни причини и заради безбедносни интереси на државата пристапот и користењето се ограничени со закон“, се вели во предлог-законот.

Висината на безбедносната зона во вертикала на утврдената територијална граница изнесува 100 метри. Границата на зонатата ќе ја забележи Агенцијата за катастар на недвижности по службена должност, а целата површина ќе биде запишана како сопственост на државата, со пробелешка дека се работи за безбедносна зона. Границата не може да се менува при донесување на нов урбанистички план и претставува составен дел од секој нов урбанистички план или урбанистичко-планска документација.

„Просторот во безбедносната зона се користи за потребите на Собранието и се уредува со поставување на времени објекти и урбана опрема во функција на негова непосредна употреба. Користењето и уредувањето на просторот се врши со одлука на претседателот на Собранието. Обезбедувањето и надзорот на просторот на безбедносната зона го врши надлежното министерство согласно закон“, се вели во законското решение.

Во безбедносната зона ќе бидат забранети градежни активности, поставување на линиска и инсталациона инфраструктура, одржување на јавни собири, протести или манифестации, летање со дронови и други типови на беспилотни воздушни летала и вршење на други работи со кои се нарушува или оневозможува нормалното функционирање на Собранието и објектите што се наоѓаат во непосредна близина.

„Со предложеното законско решение ќе се постигне и ќе се гарантира безбедноста на Собранието како претставнички орган на граѓаните и носител на законодавната власт на Републиката, ќе овозможи слободен пристап на пратениците и надворешните лица и ќе се спречи искористување на просторот за потреби кои не се на Собранието“, се вели во новиот закон.

The post ПРОСТОРОТ ЗАД СОБРАНИЕТО ЌЕ БИДЕ БЕЗБЕДНОСНА ЗОНА Пратениците сложни во намерата да обезбедат двор за законодавниот дом appeared first on plusinfo.mk.

Од НП Шар Планина потсетуваат дека движењето на моторни возила во заштитената зона е строго забрането и казниво по закон поради деградацијата на почвата и вознемирувањето на заштитените диви животински видови.

– Зоната на строга заштита претставува дел со највисок интерес за заштита, што се карактеризира со изворни, неизменети карактеристики на екосистемите или има сосема мали промени како резултат на традиционални управувачки практики. Зоната за строга заштита е составена од 5 посебни единици, ги опфаќа највисоките делови на Шар Планина кои се граничат со Република Косово т.е. Националниот парк Шара во Косово. Во оваа зона се наоѓаат најзначајните екосистеми и живеалишта: глацијални езера, тресетишта, високопланински пасишта, алпски камењари, вриштини со боровинки, смреки и Empetrum, најзначајните шумски екосистеми; како и значајните предели и најголем дел од значајните видови, особено од васкуларните растенија, дијатомеите, дневните пеперутки итн., се вели во соопштението на Национален парк Шар Планина.

Четворицата се задржани во полициска станица и за нелегално преминување на државна граница.

– Вчера на 10 септември, околу 23 часот и 10 минути во СВР Тетово биле задржани Е.Е.(25), Д.Д.(33), С.Ќ.(48) и Х.З.(41), сите од Република Косово, а поради сомнение дека илегално влегле во нашата земја. Се расчистува и документира случајот, соопшти СВР Тетово.

Од Националниот парк потсетуваат дека патиштата на кои е воспоставен режим на движење се претставени на карта, која е подготвена во согласност со Планот за управување со Националниот парк и Законот за заштита на природата, соопштија од Националниот парк. Картата на која се прикажани патиштата по кои е дозволено движење на моторни возила е поставена на информативните табли во паркот.

The post ЧЕТВОРИЦА КОСОВАРИ СО КРОС-МОТОЦИКЛИ ИЛЕГАЛНО ЈА ПРЕМИНАЛЕ ГРАНИЦАТА Сопрени во заштитената зона на Шар Планина appeared first on plusinfo.mk.

– За жал, траеше подолго од тоа што сакавме, но сега имаме позитивно мислење и од Град Скопје и од Сарај. Ќе има план за управување со Матка. Ќе имаме јавна расправа во која зона што ќе биде можно, исто така како што имаме во националните паркови – појасни денеска на средба со новинарите министерот за животна средина и просторно планирање Насер Нуредини и упати барање до надлежните институции да најдат решение за дивите градби на Матка.

Повеќе од две децении се води расправа за тоа кој ќе управува со локалитетот Матка. Во меѓувреме, оваа туристичка атракција е оставена без никакви позначајни инвестиции и во урбан хаос.

The post ЗАКОНОТ ЗА МАТКА ЌЕ ГО БИДЕ, A ЗА МАТКА – НЕ СЕ ЗНАЕ Идејата е да се прогласи за заштитена зона appeared first on plusinfo.mk.