Комисијата за заразни болести при Министерството за здравство денеска одржа состанок по потврдата за два случаи на мајмунски сипаници во земјава, по што донесе препорака двете лица да бидат ставени во самоизолација и под здравствен надзор.

– Заболените лица се во стабилна здравствена состојба и се ставени во соодветна изолација. Истовремено, здравствените власти спроведуваат мониторинг на сите блиски контакти на заболените. Доколку кај некое од нив се појават симптоми, тие веднаш ќе бидат тестирани во Институтот за јавно здравје – велат од Комисијата за заразни болести.

Од Комисијата апелираат до граѓаните да ги почитуваат основните хигиенски мерки за лична заштита од заразни заболувања и при евентуална појава на симптоми карактеристични за мајмунски сипаници, како осип, температура или зголемени лимфни жлезди, веднаш да се јават кај својот матичен лекар.

– Наш приоритет е заштита на јавното здравје, и затоа ги преземаме сите неопходни мерки за спречување на евентуално ширење на ова заразно заболување – велат од Министерството за здравство.

Во следниот период, матичните лекари ќе добијат детална информација за патеката за преглед, тестирање и згрижување на потенцијални пациенти со ова заболување.

Здравствените власти најавуваат дека ќе продолжат со внимателно следење на состојбата и, доколку има потреба, ќе преземат дополнителни мерки.

The post АПЕЛ ЗА ХИГИЕНА И ЗА БРЗА РЕАКЦИЈА Комисијата предупредува по појавата на мајмунски сипаници во земјава appeared first on plusinfo.mk.

– Во текот на февруари 2025 година во Македонија пријавени сe вкупно 746 заболени лица од акутни заразни заболувања – без ковид-19, грип, туберкулоза, СИДА, АФП и хронични носителства на хепатит Б и Ц и ХИВ, со вкупна инциденца од 40,6 на 100.000 жители. Во текот на февруари се бележи намалување на вкупниот број заболени лица за 11,3 отсто во однос на претходниот месец јануари 2025 – велат од ИЈЗ.

Најголем број акутни заразни заболувања се пријавени во Скопје, а најмал број во Охрид.

Во февруари, најчесто регистрирано акутно заразно заболување биле овчите сипаници со вкупно 366 пријавени лица. Споредено со јануари, се регистрира намалување на бројот на пријавени од овчи сипаници за 32,6 отсто.

Евидентирани биле 22 случаи на инфективна мононуклеоза, 13 случаи на скарлатина, четири случаи на голема кашлица и еден случај на легионерска болест. Пријавени биле 18 случаи на салмонелози, осум случаи на бактериски алиментарни инфекции и интоксикации и по еден случај на кампилобактериоза, џардијаза и шигелоза. Имало 68 случаи на шуга и еден случај на бактериски менингит. Во групата на сексуално и крвно преносливи инфекции, без ХИВ/СИДА, биле регистрирани седум заболени лица – пријавени се четири случаи на вирусен хепатитис Б и три случаи на инфекција со хламидија.

Во февруари пријавени биле два случаи потврдени на ХИВ и еден случај на СИДА, сите од машки пол, кои припаѓаат на возрасната група од 20 до 49 години.

Од пријавените три случаи на заразни заушки, два припаѓаат во возрасната група од 10 до 14 години, а еден е возрасно лице над 50-годишна возраст. Два од трите случаи се од Скопје, еден е од Куманово.

– Еден од случаите е комплетно вакциниран согласно Календарот за имунизација, а другите два случаи се со непознат вакцинален статус. Трите случаи се клинички потврдени – истакнуваат од ИЈЗ.

Во државава во февруари, пријавени биле вкупно седум случаи на Ковид-19, покажуваат податоците на Институтот.

The post И ВО ФЕВРУАРИ СЕ ШИРЕЛЕ ОВЧИТЕ СИПАНИЦИ Евидентирани биле 22 случаи со мононуклеоза, 13 лица со шарлах, двајца со ХИВ appeared first on plusinfo.mk.

Ако имате домашно милениче, тоа секако секојдневно ви носи насмевка на лицето. Без разлика дали се работи за вашата риба во аквариумот, за мачка или за куче, милениците ви го креваат расположението и со нив споделувате многу моменти кои вечно ќе ги паметите.

Сепак, исто така е важно да се знае дека домашните миленици можат да ни пренесат некои болести. Еве седум заразни болести со кои можете да се заразите од вашето сакано милениче:

Хелминтијаза
Можеби не сте ни свесни, но можете да добиете црви од вашите миленици.

Овие црви живеат во дигестивниот тракт како паразити, а вие може да се заразите доколку дојдете во контакт со столицата на заразеното животно. Многу пати животните ги инфицираат луѓето кои одат боси. Црвите можат незабележано да се вовлечат под вашата кожа.

Може да се спречи со редовно давање на таблети против црви и тенија на вашите миленици. Најчесто се манифестира со симптоми од дигестивниот систем (дијареа, повраќање).

Со продолжена инвазија предизвикуваат анемија и кај луѓето и кај животните.

Болест од мачја гребаница

Дури 40 отсто од мачките ги носат бактериите што ја предизвикуваат таа инфекција.

Тоа е болест која припаѓа на родот Rickettsia и паразитира на црвените крвни зрнца (еритроцити). На овој начин ги уништува црвените крвни зрнца што доведува до анемија.

Повеќе за оваа и за другите болести со кои можат да не заразат нашите домашни миленици, прочитајте на „Мајка и дете“.

The post ОД ИГРАЧКА ДО ПЛАЧКА 7 болести кои можат да ви ги пренесат вашите миленици appeared first on plusinfo.mk.

„Овие бројки се сериозен показател за состојбата со заразните заболувања во земјава. Порастот на овчите сипаници, како и зголемената бројка на сексуално и крвно преносливи инфекции, бараат засилени превентивни мерки“, велат податоците од Институтот за јавно здравје.

Останати податоци:

Сексуално и крвно преносливи инфекции: Забележани се 22 случаи, од кои 7 со сифилис, 6 со вирусен хепатит Б, 5 со вирусен хепатит Ц, и 4 со инфекција со хламидија.

Редки заболувања: Евидентирани се 4 случаи на голема кашлица и 2 на заразни заушки.

Заушки: Првиот случај е дете од Ресен, невакцинирано, а вториот е дете од Гевгелија со комплетна вакцинација.

ХИВ/СИДА: Во декември регистрирани се 2 нови случаи на ХИВ, додека еден случај на СИДА завршил со смрт.

Алармантен тренд

Од ИЈЗ велат дека во споредба со истиот период минатата година, бројот на пријавени случаи пораснал за 4,6%, а во однос на десетгодишниот просек, порастот изнесува 8%.

„Овој тренд укажува на потребата од редовна вакцинација и зголемена јавна свест за рано препознавање и превенција“, апелираат од Институтот.

Покрај значителниот пораст на заразни заболувања, во декември се евидентирани и 6 случаи на Ковид-19. Институтот продолжува да ги следи трендовите и да предлага мерки за спречување на ширењето на инфекциите.

The post ПОРАСТ НА ЗАРАЗНИТЕ БОЛЕСТИ Овчите сипаници, сифилисот и хепатитите земаат замав appeared first on plusinfo.mk.

Од заболените во јули 2024, најголем број – 148 се пријавени од Скопје, а највисока инциденца (43,0/100.000) се регистрира во Кавадарци, се наведува во месечниот билтен на Институтот за јавно здравје (ИЈЗ) за движењето на акутните заразни заболувања за месец јули, објавен попладнево.

Во текот на месецот регистрирано било едно починато лице асоцирано со Ковид-19. Најголем број заболени биле регистрирани од возрасната група над 60 години и кај деца до 9 години.

„Во лабораториите во кои се спроведува молекуларно и антигенско тестирање за присуство на SARS-CoV-2, во текот на месец јули, се тестирани вкупно 906 материјали со повеќе од двојно зголемување на бројот на тестирани во однос на минатиот месец – 409. Од почетокот на пандемијата, заклучно со 31 јули 2024, пријавени се вкупно 350.875 потврдени случаи на Ковид-19 (I=19.103,4/100.000) и 9.992 смртни случаи (Mt= 544,0/100.000; CFR=2,8%)“, се појаснува во извештајот на ИЈЗ.

Тој месец во Република Северна Македонија, пријавени биле вкупно 1.500 заболени лица од акутни заразни заболувања – без Ковид-19, грип, туберкулоза, СИДА, АФП и хронични носителства на хепатит Б и Ц и ХИВ, со вкупна инциденца од 81,7 на 100.000 жители.

„Во текот на месец јули се бележи зголемување на вкупниот број на заболени лица за 30,1% во однос на претходниот месец јуни 2024 година, како и во однос на аритметичката средина за периодот 2014-2023, за 12,3%, додека во однос на јули 2023, се бележи зголемување за 57,6%“, додаваат од ИЈЗ.

Меѓу другото, наведено е дека биле евидентирани 2 случаја на заразни заушки и еден случај на легионерска болест. Двата случаја на заразни заушки биле кај деца на возраст од 8 односно 9 години, вакцинирани со една доза на МРП, односно пропуштени за вакцинација со втора доза на МРП вакцина – втората доза на МРП вакцина се дава на возраст од 6 години, согласно Календарот за задолжителна имунизација на Република Северна Македонија. Дијагнозата била лабораториски потврдена.

Во јули е евидентиран и еден случај на вирусен енцефалит.

„Во однос на вирусниот енцефалит, станува збор за импортиран случај на енцефалитис предизвикан од крлеж (Tick-borne encephalitis). Пациентот дал податок дека бил каснат од крлеж за време на престој во Швајцарија. Дијагнозата е потврдена серолошки, во Вирусолошката лабораторија на ИЈЗ. Случајот е регистриран во јуни, 2024“, пишува во извештајот.

Кога станува збор за сексуално и крвно преносливи инфекции – без ХИВ/СИДА, биле регистрирани 13 заболени лица. Од нив, 6 случаи на сифилис, 4 случаи на вирусен хепатитис Б, 2 на гонореја и 1 случај на инфекција со хламидија.

„Во текот на месец јули пријавени се 5 потврдени случаи на ХИВ и 2 случаја на СИДА, 6 случаи се од машки и еден од женски пол. Во однос на возраста, по две лица припаѓаат на возрасната група од 20 до 29, 30 до 39 и 40 до 49 години, едно лице припаѓа на возрасната група од 50 до 59 години. Согласно постоечката евиденција на пријавени случаи – заклучно со 31 јули 2024, кумулативниот број на лица регистрирани со ХИВ/СИДА во Република Северна Македонија, за периодот 1987 до 2024, изнесува 674 и тоа 128 лица починале, 546 лица живеат со ХИВ/СИДА“, се додава во извештајот.

Три пријави за епидемија на заразна болест пристигнале до Институтот за јавно здравје минатиот месец.

ЦЈЗ – Тетово пријавил епидемија на голема кашлица на 2 јули на својата територија со 39 заболени лица.

На 10 јули, ЦЈЗ – Скопје пријавил епидемија на салмонелоза на територијата на градот. Епидемијата била пријавена со 15 заболени лица, од кои седуммина биле хоспитализирани на КИБФС со Дг: Salmonelosis enteritidis Gr.D. Сите заболени консумирале храна подготвена во ист објект во Скопје. Епидемијата била одјавена на 24 јули.

„На 16 јули, ЦЈЗ/ПЕ – Гостивар пријави епидемија на алиментарна интоксикација. Во епидемијата заболеле девет лица, кои консумирале храна во ист угостителски објект во Гостивар“, додаваат од ИЈЗ.

Оваа епидемија била одјавена на 31 јули.

„Во текот на месец јули, регистрирани се 7 случаи на ентероколитиси, 5 случаи на салмонелози, 3 случаи на алиментарни интоксикации и по еден случај на овчи сипаници и голема кашлица кај лица од Косово, Швајцарија, Турција, Србија, Швајцарија, Италија, Холандија, Словенија, Германија и Норвешка, кои привремено престојувале во Република Северна Македонија“, пишува во делот регистрирани болести кај странски државјани.

The post ВО СКОПЈЕ ИМАШЕ ЕПИДЕМИЈА НА САЛМОНЕЛА Во јули пријавени 18 случаи на шуга и 5 случаи на ХИВ appeared first on plusinfo.mk.

Комисијата за заразни болести по нејзиното вчерашно заседавање во однос на спречување на ширењето на пертусисот препорача да се засили инспекцискиот надзор на Државниот санитарен и здравствен инспекторат (ДСЗИ) за да се види навистина состојбата во градинката со вакцинирани и невакцинирани деца, да се овозможи тестирање за пертусис (голема кашлица) низ целата држава од центрите за јавно здравје за кое досега немаше таква можност и дигиталната евиденција за вакцинација на децата во вакциналните пунктови да биде задолжителна за подобар преглед.

Од 15 март се очекуваат и вакцини против пертусис за возрасни, а се предлага и тестирање за голема кашлица низ цела држава.

Вакциналните пунктови во Скопје работат во две смени.

The post ТРИ НОВИ СЛУЧАИ НА ГОЛЕМА КАШЛИЦА ВО СКОПЈЕ Бројот на заболени достигна 141 appeared first on plusinfo.mk.

На прашањето за докторите кои ги советуваат родителите против вакцинација, Мехмедовиќ одговори дека токму поради ова се и средбите со новинарите, за заедно со медицинските лица, да придонесат кон правилно информирање на јавноста.

Примариус доктор Љиљана Којиќ, специјалист педијатар при Клиника за детски болести, говореше за компликациите што можат да настанат по прележување на морбили. Во изјава за медиумите, таа сподели дека во нејзиното претходно работно искуство, имало случаи на 11 деца со аутистичен спектар што не биле вакцинирани, па нагласи дека кај нив во никој случај не може да има поврзаност со вакцинирање. На родителите што сакаат да ги вакцинираат децата кои се алергични, им советува да се обратат за консултација на Одделот за имунологија, на Клиниката за детски болести.

Доктор Кристина Ставридис, епидемиолог од Институтот за јавно здравје, потсети дека годинава бил регистриран само еден случај на мали сипаници кај 13 месечно невакцинирано бебе од Свети Николе, каде опфатот со вакцина бил над 98 отсто, што придонело да не се појави епидемија.

Таа нагласи дека се работи на зголемување на опфатот со вакцини, со интензивна кампања за откривање на невакцинирани деца и нивно вакцинирање. Се има и поддршка од Светската здравствена организација во активностите за зголемување на опфатот со вакцини, со вклучување и на теренска вакцинација. Податоците за шесте месеци веќе покажувале напредок во однос на опфатот.

– Очекуваме оваа година, за разлика од претходната, зголемен опфат со вакцинираност – нагласи таа.

Во услови на намален глобален опфат со МРП вакцина за прва доза, од 83 отсто и втора доза, од 74 проценти, што е далеку под опфат од 95 отсто, неопходен за постигнување на колективен имунитет, се зголемува ризикот од појава и проширување на епидемија од мали сипаници. Ова, меѓу другото, беше кажано на денешниот брифинг за новинари со здравствени работници.

Како што потсетуваат од Одделение за имунизација и вакцино – превентабилни заболувања при Институт за јавно здравје на државава, последната епидемија на мали сипаници беше во 2019 година со вкупно 1.901 заболено лице.

– Над 80,5 отсто од заболените лица во епидемијата беа невакцинирани, некомплетно вакцинирани или со непознат вакцинален статус. Епидемијата заврши како резултат на интензивната вакцинална кампања со МРП вакцинација, со која беа опфатени над 44.000 деца до 14-годишна возраст, како најефикасна противепидемиска мерка. Таа година, опфатот со МРП вакцина надмина 93 проценти и за прва, и за втора доза. Но, веќе следната година со почеток на Ковид-19 пандемијата, вакциналниот опфат се намалува на 63,0 отсто за прва доза и 68.5 проценти за втора доза. Следните две години се бележи скромно зголемување на кое достигна 70.7 отсто за прва доза и 89.2 проценти за втора доза, во 2022 година. Нискиот опфат последните две години доведува до зголемување на бројот на невакцинирано, осетливо население на мали сипаници – информираат од ова Одделение.

Свое обраќање пред новинарите имаше и претставничката на УНИЦЕФ, Патриција ДиЏовани.

На настанот беше кажано дека МРП вакцината е безбедна и ефикасна, најдобар начин на превенција, комбинирана вакцина што обезбедува истовремена заштита против три сериозни болести, мали сипаници, рубеола и заразни заушки.

Причина за овие болести е вирусна инфекција. Најчесто се јавуваат во детската возраст иако може да заболат и возрасни лица. Беше нагласено дека не постои специфичен третман за овие болести, но, успешно може да се превенираат со навремена и редовна вакцинација.

Беше потсетено дека мали сипаници се високо контагиозно, респираторно заболување предизвикано од вирус што може да доведе до тешки компликации и смрт.

Рубеолата е вирусна респираторна инфекција која вообичаено предизвикува благи симптоми кај децата, како зголемена температура, осип и отечени лимфни жлезди. Кај децата може да помине и без симптоми, но кај бремените жени и нивниот плод може да предизвика сериозни здравствени компликации.

Заразните заушки – паротит, се вирусна респираторна инфекција која се манифестира со зголемена температура, главоболка и оток на плунковите жлезди. Вообичаено болеста поминува со блага клиничка слика, но кај одредени случаи може да предизвика сериозни компликации како воспаление на мозочните обвивки – менингитис, или воспаление на мозокот – енцефалитис. Ретка, но карактеристична компликација е губење на слухот. Секој четврти адолесцент или возрасен маж развива оток и воспаление на тестисите, што ретко може да доведе до неплодност.

The post НЕМА ДОКАЗ ДЕКА МРП ВАКЦИНАТА ПРЕДИЗВИКУВА АУТИЗАМ, НО СПАСУВА ЖИВОТ Морбилите може да предизвикаат сериозни компликации, предупредуваат лекарите appeared first on plusinfo.mk.

Според него, тоа е со цел да се минимизира можноста за пренесување на заразата, особено онаму каде што имаме загрозени групи кои можат да бидат подложни на тешка компликација, како резултат на инфекција со ковид-19.

Препораката ќе се достави до Министерството за здравство и министерот Меџити.

Во однос на целокупната ситуација во земјата и бројот на лекови, како и вакцинацијата, било заклучено дека во моментов имаме доволно вакцини и лекови коишто можат да бидат на располагање.

Засега нема препораки за маски во јавниот превоз и домовите за стари лица и лицата со посебни потреби. Околу носењето на маски во аптеките, Мехмедовиќ информира дека во тие објекти, препораките се неформални.

Ова следува после појавата на подваријантата на коронавирусот, Ерис во околните земји, но и зголемениот број на ковид-случаи во Србија.

Според портпаролот на КЗБ, во земјава има мал број на случаи на заразени со ковид-19. Сепак истакна дека не може лесно да се собере инфективниот материјал кој треба да се обработи.

– Во моментов на Инфективната клиника има седум пациенти. Претежно се постари пациенти со коморбидитети и повеќето се на кислородна поддршка – информира д-р Мехмедовиќ.

The post МАСКИТЕ СЕ ВРАЌААТ ВО МАКЕДОНИЈА Комисијата за заразни болести со препорака за заштита од ковид-19 appeared first on plusinfo.mk.

Со предлог-измените на Законот за заштита на населението од заразни болести се предвидува во случај на епидемија да биде забранет влез во затворена просторија на лица што не се прележани или не се вакцинирани од одредена болест.

– Овој предлог е мошне сериозен затоа апелирам да нема играње, да нема брзање со ваков предлог на закон и да се злоупотребува притоа европсктоо знаменце. Тврдам дека ова е класична злоупотреба на европско знаме. Ако сакате нешто да усогласите, усогласете го на една страна. Матична комисија за овој закон треба и мора да биде Комисијата за здравство. По однос на ваков предлог на закон мора да се организира јавна расправа, да се отвори широка дебата, да се прашаат експертите, нагласи Стојаноска.

Пратеникот од СДСМ Јован Митрески рече дека овој закон е поврзан со европското право, но, како што рече, треба дополнителни консултации и дообјаснување на определени членови од законот бидејќи треба да се имаат предвид стручниот, здравствениот дел и почитувањето на правата на граѓаните според Уставот.

– Затоа, сакам да ги повикам членовите и замениците на Комисијата за здравство, но и на Законодавно-правната комисија да го имаат ова предвид, да седнат на заеднички состанок и да договорат и од стручен и здравствен аспект, но и од аспект на почитување на Уставот,

Пратеничката од ВМРО-ДПМНЕ Ангелинка Петкова побара предлог-законот за изменување на Законот за социјална заштита по скратена постапка предложен од ВМРО-ДПМНЕ и коалицијата да се стави на разгледување на 95-та седница. Овој закон, како што кажа, се однесува за остварување право на личен асистент за лицата над 65 години со тешка попреченост и потполно слепи лица. Предлогот на пратеничката беше прифатен.

The post „ЕПИДЕМИСКИОТ“ ЗАКОН ТРГНАТ ОД ДНЕВЕН РЕД Пратениците велат, да не се избрзува appeared first on plusinfo.mk.

Меѓу мерките се и задолжително носење маска тип ФФП2 во авиони и возови на подолги релации на национално ниво.

Медицински маски ќе можат да носат и деца на возраст од шест до 14 години, како и персоналот.

Маските се задолжителни во клиники и домови за стари лица, а потребен е доказ за негативен тест на ковид-19 пред да се влезе.

Сојузните држави ќе може да воведат дополнителни заштитни барања од 1 октомври до 7 април, зависно од нивото на инфекција.

Тука е вклучено задолжителното носење маски во локални автобуси и возови, како и во други јавно достапни затворени простории.

Исклучок за носењето маска е доколку лицето може да покаже негативен тест ако сака да присуствува на културни, рекреациски или спортски настани, но и за влез во ресторани. Исто така, барањето да се носи маска може да не важи, во случај лицето да докаже оти е целосно вакцинирано или закрепнато.

Овие планирани правила произлегуваат од концепт предложен од министрите за здравство и правда, Карл Лаутербах и Марко Бушмен, на почетокот од август.

Како што појасни Лаутербах, целта е да се избегне висока стапка на починати лица, изгубени работни денови и сериозни долгорочни последици.

Откако Кабинетот ги одобри мерките, тие сега се пред Бундестагот, каде може да поминат на 8 септември.

The post ГЕРМАНИЈА СО ПРЕВЕНЦИЈА ПРЕД НОВ БРАН Одобрени поостри ковид мерки, следи „амин“ од Бундестагот appeared first on plusinfo.mk.