Единаесет луѓе се убиени, меѓу кои и 4 деца, во ноќен украински напад врз одморалиште во делот од Запорошката област под руска контрола, објавија руските власти.

Москва го обвини Киев за намерен напад врз цивили.

Украина сè уште не ги коментирала овие обвинувања.

Гувернерот Евгениј Балицки изјави дека уште 16 лица се ранети во нападот врз туристичкото село Кириловка. Населбата се наоѓа на брегот на Азовското Море, во близина на Мелитопоље.

„Непријателот виде и разбра кого целеше“, напиша Балицки на Телеграм.

Las AFU atacan zona turística en la región de Zaporozhie. La pasada noche, fue atacado el sitio de Kirílovka (#Melitópol). Se atacó un lugar de recreo. 8 personas muertas (2 niños). Hay 14 heridos (3 niños). #Ucrania pic.twitter.com/jYlcHjNLUz

— Lev Nikoláyevich (@LevNikolay) July 25, 2026

The post 🎥 11 МРТВИ, ОД КОИ 2 ДЕЦА, ВО УКРАИНСКИ НАПАД НА ОДМОРАЛИШТЕ ВО ЗАПОРОЖЈЕ Москва ја обвини Украина дека намерно гаѓала цивили appeared first on plusinfo.mk.

Експлозии одекнуваа низ Крим во текот на целата ноќ, додека пожари гореа во близина на Керч, нафтени терминали и во близина на позиции на руската противвоздушна одбрана. Поради нападите, мостот Керч беше затворен повеќе од пет часа, а сообраќајот беше обновен дури во раните утрински часови.

Според украински и според руски извори цитирани од медиумите, удари биле регистрирани на повеќе локации низ окупираниот полуостров.

Гореше терминалот во Керч

Телеграм-каналот „Кримски ветер“ објави дека нови жаришта се појавиле на нафтениот терминал во Керч, кој бил погоден и во претходните напади.

Пожари биле забележани и во близина на Бахерово, каде се распоредени руски системи С-300 и С-400. Сателитски снимки регистрирале огнени жаришта и во пристаништето Кавказ, како и во близина на железничката станица Пивдена во Керч.

Каналот „Супернова+“ објави дека бил погоден и комплексот за складирање и за претовар на гориво „ТЕС Терминал“.

Russia’s fuel route to Crimea is still under pressure.

Ukrainian forces struck both sides of the Crimean Bridge on June 21: the oil terminal in occupied Kerch and maritime oil logistics at Port Kavkaz in Russia’s Krasnodar region. President Zelenskyy confirmed strikes on both… pic.twitter.com/sT1AFf8XDq

— Meanwhile in Ukraine (@MeanwhileInUA) June 23, 2026

Мостот беше затворен

Според информациите објавени на каналот што ја следи состојбата на мостот Керч, сообраќајот бил прекинат во 23:24 часот.

Блокадата траела повеќе од пет ипол часа. Возилата повторно почнале да го користат мостот во 05:10 часот наутро.

Руските власти на Крим засега не ги коментираа пожарите и нападите.

Half of Crimea left without power after overnight attack

Residents across multiple cities on the occupied peninsula are reporting widespread power outages.

Officials claim the blackout was caused by an “electrical grid failure,” but locals are sharing footage of a major fire… pic.twitter.com/cpABuXHMU1

— NEXTA (@nexta_tv) June 23, 2026

Руски удари врз Украина

Додека траеја нападите врз Крим, Русија изврши нов бран воздушни удари врз Украина.

Во нападите врз Харков, Запорожје и врз Сумската област биле повредени шест лица. Утрово жителите на Киев биле повикани да се упатат кон засолништата поради опасност од нов масовен напад.

Од друга страна, руските власти соопштија дека во украински напади со дронови врз Доњецк биле повредени 18 лица.

The post 📽️ КРИМ ПОД ОГАН, МОСТОТ КЕРЧ ЗАТВОРЕН Русите возвратија со напади врз Киев appeared first on plusinfo.mk.

Украинскиот претседател Володимир Зеленски изјави дека Украина е подготвена да отвори дури 6 кластери во пристапните преговори со Европската Унија и дека очекува летово да донесе нов напредок на европскиот пат на земјата.

Во своето редовно вечерно обраќање, Зеленски порача дека Киев ги завршил подготовките за дипломатските активности што следуваат наредната седмица и нагласи дека Украина нема да биде причината за евентуални одложувања во преговарачкиот процес.

Киев гледа кон Брисел

Зеленски потсети дека Европската Унија ја потврдила подготвеноста за отворање на првиот кластер во преговорите со Украина.

– Направивме апсолутно сè за овој напредок и сум благодарен на сите што помогнаа и на сите што работат за нашата земја – изјави украинскиот претседател.

Советот на ЕУ оваа седмица официјално го почна процесот за отворање на Кластер 1 во пристапните преговори со Украина и со Молдавија.

На иста маса со Трамп, без тет-а-тет средба

Иако американскиот претседател Доналд Трамп ќе учествува на работен состанок на Г7 заедно со Зеленски, засега не е предвидена посебна билатерална средба меѓу двајцата лидери.

Според висок претставник на американската администрација, руското напредување во Украина во моментов е „повеќе или помалку запрено“.

Дронови, пожари и нови напади

Додека дипломатијата бара напредок, војната продолжува со несмалено темпо.

Локалните власти во рускиот Краснодар соопштија дека едно лице загинало, а тројца биле повредени во напад со украински дрон. Според гувернерот Венијамин Кондратиев, остатоци од беспилотно летало предизвикале пожар на бродски терминал.

Украинскиот Генералштаб не го коментираше нападот, но потврди дека украинските сили погодиле објект за преработка и пумпање нафта во Волгоград, како и цели во окупираните делови на Доњецк и на Запорожје.

Запорожје повторно доби струја

Во меѓувреме, нуклеарната централа „Запорожје“ повторно е поврзана со електроенергетската мрежа по поправките извршени за време на локален прекин на огнот, постигнат со посредство на Меѓународната агенција за атомска енергија.

Ова е дури 19-ти случај централата да остане без надворешно напојување од почетокот на војната.

The post КИЕВ Е СПРЕМЕН ДА ОТВОРИ 6 КЛАСТЕРИ СО ЕУ Украина брза кон Унијата додека војната трае appeared first on plusinfo.mk.

Повеќе од 2.300 борбени дронови, речиси 1.560 водени воздушни бомби и 108 ракети биле истрелани кон Украина во текот на изминатата недела, додека Киев добил нов фрлач за германскиот систем за воздушна одбрана IRIS-T.

Украинскиот претседател Володимир Зеленски соопшти дека новата испорака пристигнала од Германија. Тој оцени дека системите за воздушна одбрана остануваат клучни за заштита на цивилното население и критичната инфраструктура.

„Секој ден работиме на обезбедување поголема заштита од рускиот терор. Вчера добивме нов фрлач за системот IRIS-T“, напиша Зеленски на Икс.

Дронови, бомби, ракети

Според украинскиот претседател, сите цели на нападите биле цивилни објекти. Меѓу нив се станбени згради и енергетски капацитети. Тој тврди дека воздушниот притисок врз Украина останува исклучително силен.

„Русија испали 2.300 борбени беспилотни летала, речиси 1.560 водени воздушни бомби и 108 ракети од различни видови кон Украина во текот на изминатата недела“, наведе Зеленски.

IRIS-T е германски систем за воздушна одбрана наменет за пресретнување авиони, хеликоптери, беспилотни летала и крстосувачки ракети. Во употреба се верзии со краток и среден дострел, способни да дејствуваат против повеќе видови воздушни цели.

Повеќе ракети, повеќе заштита

Зеленски предупреди дека Украина има потреба од дополнителни ракети за противвоздушна одбрана. Тој претходно испратил писмо до претседателот на САД, Доналд Трамп, и до членовите на Конгресот во кое алармирал за недостиг на вакви системи.

Американскиот сенатор Ричард Блументал најавил дека ќе има одговор на барањата од Киев. Украинскиот претседател воедно соопштил дека Русија во еден од последните големи напади употребила и балистички ракети од типот „Орешник“.

Нападите не запираат

Воздушните напади продолжиле и во регионот Запорожје. Според локалните власти, во изминатите 24 часа биле извршени 976 напади врз 55 населени места.

Во нападите загинале две лица, а седум биле повредени. Регистрирани се и десетици случаи на оштетена инфраструктура, станбени објекти и возила.

The post 2.300 РУСКИ ДРОНОВИ НЕДЕЛНО ПРОТИВ ЕДЕН ШТИТ Украина доби нов германски „фрлач“ и побара уште ракети appeared first on plusinfo.mk.

Руската државна нуклеарна корпорација Росатом објави дека украински дрон ја погодил електраната во Запорожје, но дека нема штета на клучната инфраструктура.

– Попладнево, украински камиказа борбен дрон го погоди ѕидот на машинската просторија на енергетската единица број шест, предизвикувајќи пост-детонација. Експлозијата не предизвика оштетување на клучната опрема, но направи дупка во ѕидот на машинската просторија – рече шефот на Росатом, Алексеј Лихачев.

Лихачев го нарече овој инцидент „намерен“.

Русија ја зазеде нуклеарната централа во Запорожје во март 2022 година и оттогаш таа беше нападната неколку пати за време на војната, поради што постои постојан страв од нуклеарна несреќа во овој објект.

– Ние сме еден чекор поблиску до инцидент што веројатно ќе има влијание врз оние што живеат далеку надвор од границите на Русија и на Украина, а сепак мислат дека се целосно безбедни – рече Лихачев.

The post УКРАИНСКИ ДРОН НАПРАВИЛ ДУПКА ВО ПРОСТОРИЈА ВО НУКЛЕАРНАТА ЕЛЕКТРАНА ЗАПОРОЖЈЕ Според Росатом, инцидентот е намерен appeared first on plusinfo.mk.

Најмалку три лица загинаа, а 14 се повредени во текот на ноќта во руски напади врз два региона во Украина, соопштија украинските власти.

Во Полтава, во централниот дел на земјата, шефот на регионалната администрација Виталиј Дјакивнич објави на Телеграм дека во првиот напад загинале две лица, а 11 се повредени. Нападот предизвикал пожари и оштетувања на станбени згради и хотели.

Another night of Russian terror against Ukraine.

A massive combined missile and drone attack targeted cities across the country. In the Poltava region and Zaporizhzhia, at least three people have been already confirmed killed, with over ten injured. Civilians are being… pic.twitter.com/v6yUmbS7E2

— Andrii Sybiha (@andrii_sybiha) March 24, 2026

Во Запорожје, шефот на регионалната администрација Иван Федоров соопшти дека бил извршен „масовен комбиниран напад“ со ракети и беспилотни летала.

– За жал, едно лице загина, а тројца се повредени – напиша Федоров.

Massive attack on Ukraine last nighg. Russia launched cruise missiles, ballistic missiles, drones. Explosions were heard in the cities of Poltava and Zaporizhzhia just before 3 a.m. local time, monitoring channels reported. pic.twitter.com/KAf3dRSz04

— Geo News (@GeoTienou) March 24, 2026

Во меѓувреме, на Кримски Полуостров, кој е анектиран од Русија, гувернерот на Севастопол изјави дека две лица загинале, а осум се повредени во експлозија што предизвикала пожар во станбена зграда.

The post 📷 📽️ ДРАМА ВО ПОЛТАВА И ЗАПОРОЖЈЕ Нов бран напади во Украина, има загинати и повредени appeared first on plusinfo.mk.

Руски напад со дрон го зави во црно градот Богодухив во Харковската област, каде загинаа три мали деца и еден 34-годишен маж, додека нови удари врз Запорожје предизвикаа пожари и масовни прекини на струја.

Според украинската Државна служба за вонредни состојби, ударен дрон погодил приватна куќа во станбен дел од Богодухив, која била целосно уништена. По експлозијата избувнал пожар што се проширил на површина од околу 60 квадратни метри.

„Непријателот повторно нападна станбена зона. Куќата е целосно разурната“, соопштија спасувачките служби.

Под урнатините биле пронајдени телата на две момчиња, едното на возраст од една година, другото двегодишно, како и на двегодишно девојче. Животот го загубил и 34-годишен маж.

Началникот на Харковската регионална воена управа, Олех Сињегубов, информира дека повредени се и 35-годишна трудница и жена постара од 70 години.

Ова е втор смртоносен напад врз Богодухив во рок од неколку дена. На 9 февруари во руски напад загинаа десетгодишно момче и неговата мајка, откако нивниот дом беше погоден и срушен.

Во текот на ноќта на удар се најде и Запорожје. Дронови погодија инфраструктурен објект, предизвикувајќи голем пожар и прекини во снабдувањето со електрична енергија. Според локалните власти, повеќе од 11.000 корисници во два реона останале без струја.

Дел од снабдувањето е обновено, но утрово над 2.000 домаќинства сè уште биле без електрична енергија. Властите предупредуваат дека целосната стабилизација може да потрае.

Во друг ноќен напад биле оштетени и болнички објекти, скршени се прозорци на едно одделение, но нема жртви. Во Вилњанск се оштетени и уништени повеќе приватни куќи, а повредени се две жени на возраст од 19 и 77 години.

Според украинското воено воздухопловство, Русија во текот на ноќта лансирала 129 јуришни дронови, меѓу кои и од типовите „Шахед“, „Гербера“ и „Италмас“. Противвоздушната одбрана соборила или неутрализирала 112 летала, но 15 дронови погодиле осум различни локации низ земјата.

The post ТРИ МАЛИ ДЕЦА ЗАГИНАА ВО НАПАД СО ДРОНОВИ Руската армија напаѓа станбени зони во Харков и во Запорожје appeared first on plusinfo.mk.

Украинскиот претседател остана со подигнати веѓи и иронична насмевка на зборовите на американскиот лидер Доналд Трамп кој изјави дека рускиот лидер Владимир Путин „сака Украина да успее“, пренесува Индекс.

Камерите го фатија чудниот момент среде прес-конференција на Трамп и Зеленски во резиденцијата Мар-а-Лаго.

– Русија сака Украина да успее. Тој дури понуди помош со енергија и електрична енергија по ниски цени – рече Трамп, предизвикувајќи очигледен израз на неверување кај Зеленски.

Новинарите потоа го прашаа Трамп дали Русија би можела да учествува во мировен договор за обновата на Украина.

– Да, разговаравме. Русија ќе помогне – додаде Трамп.

Trump:

Russia wants to see Ukraine succeed. It sounds a little strange.

Putin was very generous in his feeling toward Ukraine succeeding. pic.twitter.com/tiBk5lB0nz

— Clash Report (@clashreport) December 28, 2025

Шефот на САД откри дека имал два ипол часовен телефонски разговор со Путин пред средбата со Зеленски, фокусирајќи се на централата Запорожје, најголемата нуклеарна централа во Европа.

– Путин работи со Украина за повторно да ја отвори централата. Не ја напаѓа со ракети. Тој сака да ја види повторно активна – тврдеше Трамп, додека Зеленски молчеше воздржувајќи се од реакција.

Сцената од снимката, која се споделува на мрежата Икс, веднаш стана вирална.

The post 📽️ ЗЕЛЕНСКИ ВО НЕВЕРУВАЊЕ ОД ЗБОРОВИТЕ НА ТРАМП „Путин се понуди да помогне“ appeared first on plusinfo.mk.

Зеленски најави дека најновиот мировен план нуди можно повлекување на Украина од исток, јавува Би-Би-Си. Според украинскиот лидер, во Донбас е можна слободна економска зона.

– Постојат две опции: или војната продолжува или ќе треба да се одлучи нешто во врска со сите потенцијални економски зони.

Првиот човек на Украина нагласи дека економска зона ќе треба да се воспостави и околу нуклеарната централа Запорожје, која моментално е окупирана од Русија, и дека руските трупи ќе треба да се повлечат од четири други украински региони, Дњепропетровск, Николаев, Суми и Харков.

Претседателот на Украина Володимир Зеленски пред новинарите презентираше нов документ од 20 точки, кој е преработка на оригиналнит нацрт за мир во Украина од 28 точки предложен од САД. Објавата на Зеленски доаѓа по неколку недели разговори меѓу претставници на САД и на Украина.

– Направивме значителен напредок кон финализирање на документите – рече Зеленски за документот за кој „Киев индепендент“ пишува дека е нацрт-закон за безбедносни гаранции меѓу Украина, САД и Европа, како и билатерален договор за безбедносни гаранции меѓу Украина и САД.

Друг документ меѓу Киев и Вашингтон се фокусира на економска соработка и е опишан како „патна карта за просперитет на Украина“.

Откако го презентираше новиот договор Зеленски побара средба со американскиот претседател Доналд Трамп за, како што вели, чувствителните прашања. Зеленски потврди дека планот е споделен со руската страна за увид.

Скај Њуз пишува дека Украина и САД се согласиле за делови од мировниот план, но дека територијата и прашањето за нуклеарната центрела Запорожје останува најтешка точка за Киев.

– Не постигнавме консензус со американската страна за територијата на Донецката област и за централата Запорожје. Но, значително ги приближивме повеќето ставови. Во принцип, целиот друг консензус во овој договор е постигнат меѓу нас и нив – изјави украинскиот лидер.

Ако биде одобрен, конечниот документ ќе треба да го потпишат лидерите на Украина, САД, Европа и Русија.

Прекинот на огнот би требало да стапи на сила веднаш по потпишувањето. За документот да стане важечки, тој мора да биде ратификуван од украинскиот парламент или одобрен од граѓаните на референдум, кој би можел да се одржи во рок од 60 дена.

Порталот „Киев Индепендент“ објави нацрт на можен мировен план од 20 точки, презентиран и парафразиран од украинскиот претседател.

Според „Киев Индепендент“ планот не ги споменува аспирациите на Украина за членство во НАТО.

1. Украина е признаена како суверена држава. Документот е договор за ненапаѓање меѓу Русија и Украина.

2. Ќе се воспостави сателитски надзор за следење на прекршувањата на договорот.

3. Украина ќе добие безбедносни гаранции.

4. Вооружените сили на Урраина ќе бројат 800.000 војници во мирнодопски услови.

5. САД, НАТО и европските држави ќе ѝ обезбедат гаранции „слични на член 5“ од Повелбата на НАТО.

А) Доколку Русија ја нападне Украина, ќе биде покренат координиран воен одговор и повторно ќе бидат воведени сите глобални санкции против Русија. Б) Доколку Украина ја нападне Русија без причина или отвори оган на руска територија, безбедносните гаранции се поништуваат. Доколку Русија отвори оган врз Украина, гаранциите стапуваат на сила. В) САД ќе бидат компензирани за обезбедување безбедносни гаранции (оваа одредба е отстранета). Г) Претходно потпишаните билатерални безбедносни договори меѓу Украина и околу 30 земји остануваат во сила.

6. Русија ќе формализира политика на неагресија кон Европа и Украина преку сите потребни закони и документи, кои мора да бидат ратификувани од Државната дума.

7. Украина ќе стане членка на Европската Унија во јасно дефиниран период и ќе добие краткорочен преференцијален пристап до европскиот пазар.

– Засега, прашањето за датумот на пристапување е билатерално прашање меѓу САД и Украина, без потврда од Европа. Членството во ЕУ е исто така безбедносна гаранција, па затоа сакаме да одредиме датум – на пример, 2027 или 2028 година – рече Зеленски.

8. Украина ќе добие глобален пакет за развој, дефиниран со посебен договор, кој опфаќа неколку економски области:

А) Ќе се формира фонд за развој за инвестирање во брзорастечки индустрии, вклучувајќи технологија, центри за податоци и вештачка интелигенција.

Б) Компаниите на САД и САД ќе соработуваат со Украина за реконструкција, модернизација и управување со гасната инфраструктура.

В) Заеднички напори за обнова на областите погодени од војната.

Г) Развојот на инфраструктурата ќе биде приоритет.

Д) Ќе се прошири експлоатацијата на минерали и природни ресурси.

Ѓ) Светската банка ќе обезбеди посебен пакет за финансирање.

Е) Ќе се формира работна група на високо ниво, со назначување на водечки светски финансиски експерт за администратор на просперитетот.

9. Ќе се воспостават неколку фондови за економско закрепнување, реконструкција на уништената инфраструктура и хуманитарни прашања, со цел мобилизирање на 800 милијарди долари – проценетата штета од војната.

10. Украина ќе ги забрза преговорите за договор за слободна трговија со Соединетите Американски Држави.

11. Украина ја потврдува својата посветеност да остане ненуклеарна држава во согласност со Договорот за неширење на нуклеарно оружје.

12. Контрола на нуклеарната централа Запорожје и реконструкција на хидроцентралата Каховка. Вашингтон предлага заедничко управување со електраната меѓу Украина, Русија и Соединетите Американски Држави (по 33% секоја), со американски надзор. Украина се спротивставува на руската контрола и предлага заедничко управување со Соединетите Американски Држави, при што 50% од електричната енергија ќе оди на територии под украинска контрола.

13. Украина и Русија ќе воведат училишни наставни програми кои промовираат разбирање, толеранција и борба против расизмот и предрасудите.

14. Во регионите Донецк, Луганск, Запорожје и Херсон, линијата на воените позиции на денот на потпишувањето ќе биде признаена како де факто линија на фронтот, со повлекување на руските сили од другите области и распоредување на меѓународни сили за следење.

15. Русија и Украина се обврзуваат да не користат сила за промена на територијалниот статус и да ги решаваат споровите преку дипломатија.

16. Русија нема да се меша во користењето на Днепар и Црното Море за комерцијални цели.

17. Ќе биде формиран хуманитарен комитет за размена на сите затвореници, ослободување на цивили и помош на жртвите од конфликтот.

18. Украина мора да одржи претседателски избори што е можно поскоро по потпишувањето на договорот.

19. Договорот ќе биде правно обврзувачки, а неговото спроведување ќе го следи Мировен совет, со кој ќе претседава Доналд Трамп.

20. Прекинот на огнот ќе стапи на сила веднаш по договор меѓу сите страни.

The post МОЖНО Е УКРАИНСКО ПОВЛЕКУВАЊЕ ОД ИСТОК И ЕКОНОМСКА ЗОНА Зеленски претстави нов план со 20 точки, не се спомнува НАТО? appeared first on plusinfo.mk.

Американскиот претседател Доналд Трамп изјавил дека разговорите за прекин на војната во Украина се „блиску до нешто“. Тој го повикал Киев да реагира побрзо, нагласувајќи дека секој пат им треба „предолго време“.

Трамп ја притиска Украина да реагира побрзо

Трамп, зборувајќи пред новинарите во Овалната соба, рекол дека се надева на побрза реакција од украинската страна. Неговиот тим, Стив Виткоф и Џеред Кушнер, планира средба со руската делегација во Мајами овој викенд. Според Белата куќа, тие ќе се обидат да изнудат договор што би ставил крај на инвазијата.

Виткоф и Кушнер веќе се сретнале со украинските претставници во Берлин, каде што разговорите, според американски извори, се движеле во „позитивна насока“, иако најспорно останува прашањето за руското барање да добие украинска територија во секое можно решение.

За Зеленски предлогот за поделба на Запорожје е неправеден

Украинскиот претседател Володимир Зеленски изјавил дека Соединетите Држави предложиле компромис според кој нуклеарната централа Запорожје би била поделена меѓу три страни – Украина, САД и Русија.

– Разговаравме за ова детално и им кажав дека тоа го сметам за неправедно – рекол Зеленски, објаснувајќи дека проблемот не е само во сопственоста на централата, туку и во безбедносните ризици и милитаризацијата на објектот. Тој додал дека централата е во тешка состојба и нема пристап до основни ресурси како вода и електрична енергија.

Мајами како сцена за тивок дипломатски пресврт

Состанокот во Мајами, според изворите на „USNews“ и РИА Новости, ќе биде прв директен обид за конкретен мировен нацрт од страна на администрацијата на Трамп. Американскиот претседател ја опишал ситуацијата како „критична точка“ и изразил уверување дека „се приближуваат кон решение“.

Дипломатскиот притисок од Вашингтон се интензивира, додека Москва и Киев остануваат далеку во ставовите за територијалните прашања.

The post БЛИСКУ СМЕ ДО….НЕШТО Трамп се надева на брзо „да“ од Украина appeared first on plusinfo.mk.