Премиерот Христијан Мицкоски изјави дека Владата презема конкретни мерки за справување со пожарите на депониите Вардариште и Дрисла.

– Како Влада ги преземаме сите мерки. Да немате дилема. За Вардариште знаете дека имаме приведени и осомничени лица кои ја користеле илегалната депонија Вардариште, која постои повеќе од неколку децении, на повеќе од 20 хектари. Од вчера има приватна агенција за обезбедување, здружено ангажирана од неколку општини. Истовремено, како Влада и како институции, преку општествено одговорни компании обезбедивме градежна механизација, којашто веќе денеска ќе биде во полн состав таму. Вардариште би рекол е обезбедено, останува Дрисла – вели Мицкоски.

Тој наведе дека е чудно како може пожар кој што е смирен и ставен под целосна контрола повторно да се активира, потенцирајќи дека сите виновници ќе бидат изведени пред лицето на правдата.

– Но, чудно е како во одредени јавни претпријатија каде што свои кадри има ДУИ се случуваат вакви работи, чудно е и тоа ќе го истражиме и ќе обезбедиме соодветни докази како може пожар кој што беше речиси смирен, односно ставен под контрола, наеднаш да се распламти и како токму сега, откако успешно се справивме со пожарите. Во околните држави имаше жртви, повредени, иселени градови и така натаму, а кај нас сето тоа беше цело лето успешно завршено и покрај диверзиите коишто ги имавме на почетокот на летото, наеднаш сега да се случува ова пред локалните избори. Вистинското прашање и вистинскиот одговор на тоа прашање, кому сето ова му одговара? Но, ние нема да се занимаваме сега. Сега работиме да го решиме проблемот, потоа ќе се занимаваме. И да знаете дека сите виновници ќе бидат изведени пред лицето на правдата – рече Мицкоски.

The post „ЧУДНИ РАБОТИ СЕ СЛУЧУВААТ ВО ПРЕТПРИЈАТИЈАТА КАДЕ РАКОВОДИ ДУИ“ Кому му одговараат пожари пред локалните избори, прашува Мицкоски appeared first on plusinfo.mk.

Во текот на вчерашниот ден е затрупан дел од просторот на депонијата Дрисла од кој имаше чадење. Денеска затрупувањето продолжува со засилено темпо, бидејќи вчера беа извршени неколку логистички зафати кои овозможуваат полесен и побрз пристап до критичната точка, информира утрово директорот на Дирекцијата за заштита и спасување (ДЗС), Стојанче Ангелов.

Чадењето од депонијата Дрисла е сè уште присутно, но во многу помал обем, информира Ангелов. Тој тврди дека белилото што се гледа во Скопската Котлина е утринска септемвриска магла, а не опасен чад од депонијата.

Дивата депонија Вардариште, пак, е целосно изгасната и од неа нема никакво чадење, додаде Ангелов.

Во врска со полемиките дали воздухот е дополнително загаден од депонијата Дрисла, од ДЗС упатуваат да се побара официјална информација од надлежното Министерство за животна средина и просторно планирање.

Чадењето од депонијата Дрисла е сеуште присутно, но во многу помал обем и не е причина за маглата.

The post ДРИСЛА СЀ УШТЕ ЧАДИ, ВАРДАРИШТЕ НЕ Продолжува затрупувањето на скопската депонија appeared first on plusinfo.mk.