Повеќе од 60 милиони Американци се под предупредување за тешки временски услови откако изби бурата наречена Блер, поттикната од поларен вртлог. Невремето погоди 30 држави во централниот дел на САД, а во седум држави е прогласена вонредна состојба. Освен снег, ветер и замрзнат дожр во Арканзас и Тексас се појави торнадо, јавува Би-Би-Си.

Откажани се илјадници летови, многу училишта се затворени, а патиштата се отсечени. Меѓу најтешко погодените области во неделата беа Канзас и Мисури, каде снежната бура предизвика услови за белување истури 30 до 40 сантиметри снег.

– Багерите за чистење заглавуваат, полицијата заглавува, сите заглавуваат – останете дома – ги предупреди мeтеорологот Метју Капучи вработен во познатата апликација MyRadar ги повика жителите на Канзас да останат дома бидејќи ситуацијата и понатаму ќе биде сериозна.

Тој вели дека во Канзас 32 години немало ваков снег.

Бурата засега се намалува додека се движи кон источниот брег на САД.

Обилните снежни врнежи и замрзнат дожд предизвикаа сериозни проблеми со транспортот на многу места во Европа, особено во Велика Британија и Германија.

Во северните делови на Англија, на надморска височина над 300 метри, се забележани снежни наноси до 40 сантиметри. Постојат стравувања дека некои населени места би можеле да останат отсечени од остатокот од светот.

Електричната енергија е прекината во делови од Бирмингем, Бристол и главниот град на Велс, Кардиф.

Аеродромите во Ливерпул, Манчестер и Лидс беа затворени во ноќта меѓу сабота и недела, но сообраќајот постепено беше обновен. Неколку спортски натпревари беа откажани, но големото дерби на англискиот фудбал помеѓу Ливерпул и Манчестер Јунајтед сепак се одигра и заврши нерешено, 2:2.

Сообраќајниците во Обединетото Кралство вчера беа преоптоварени, бидејќи многумина се враќаа дома по божиќните и новогодишните празници. Дел од железничките линии беа привремено затворени.

Во Германија, снегот и мразот исто така предизвикаа хаос. На аеродромот во Франкфурт беа откажани 120 од предвидените 1.090 летови, додека на аеродромот во Минхен беше отворена само една писта.

Во јужната провинција Баден-Виртемберг, осум лица се повредени откако автобус излета од патот.

Десетици илјади домови и деловни објекти во Ирска се без струја и вода поради екстремниот студ што ја зафати целата земја, јави ДПА.

Ниските температури предизвикаа затворање на училишта, ограничувања во јавниот транспорт и откажување на здравствени услуги.

Ирската електродистрибуција (ESB) соопшти дека 41.000 корисници се без електрична енергија и дека може да бидат потребни денови за целосно обновување на снабдувањето. Ирската водоводна служба информира дека приближно ист број лица немаат вода поради обилните снежни врнежи во југозападниот дел на земјата.

The post СНЕЖНА БУРА ГИ ЗАВЕА САД И ЗАПАДНА ЕВРОПА Откажани се летови, илјадници луѓе останаа без струја appeared first on plusinfo.mk.

• ДЕСНИЧАРИТЕ ВО ЗАПАДНА ЕВРОПА ЈА ПОДДРЖУВААТ КАМАЛА Многумина не веруваат дека таа ќе победи

Хамас не требаше да нападне, но и Израел ја претера

Истражувањето на компанијата „Југов Јуротрек“ (YouGov Eurotrack), во Франција, Германија, Шпанија, Италија, Шведска, Данска и во Обединетото Кралство, покажа дека силно мнозинство во сите седум земји, кое се движи од 65% во Франција до 82% во Шпанија, смета дека нападите на Хамас врз Израел на 7 октомври 2023 година не биле оправдани.

Сепак, најчестото мислење во секоја земја; од најниското ниво од 43% во Германија, 46% во Франција, 47% во ОК и 57% во Италија до највисоко ниво од 65% во Шпанија – било дека ниту последователните израелски напади во Газа не биле оправдани.

Израел не требаше да го нападне Либан

Слично – од 47% во Данска, преку 49% во Германија, 50% во Франција и во Обединетото Кралство, како и 68% во Шпанија, една од најпропалестинските земји-членки на ЕУ – сметаат дека нападите на Израел врз Либан се неоправдани.

Нападите на Израел врз Иран, исто така, најчесто се сметаат за неоправдани во сите седум земји, меѓу 45% (Данска) и 68% (Шпанија) од испитаниците, додека, пак, нападите на Иран врз Израел ги осудија меѓу 58% (Франција) и 71% (Шпанија) од испитаниците.

Израел уби премногу цивили во Газа

ЕУ е поделена околу конфликтот во Газа, при што земји како Шпанија и Ирска официјално ја признаа палестинската држава претходно оваа година, но други, вклучително и Германија, тврдат дека поддршката на безбедноста на Израел е централна за нејзината надворешна политика.

Околу нападите на Израел врз Газа, за кои палестинските здравствени власти велат дека убиле повеќе од 43.000 луѓе, најпопуларното мислење било дека Израел „имал право што испратил војници во Газа, но отишол предалеку и убил премногу цивили“.

Тој став го имале меѓу 25% (Италија) и 39% (Шведска) – но поголем број од испитаниците (помеѓу 16% и 26%) сметале дека Израел згрешил што употребил воена сила против Хамас одошто дека дејствувал пропорционално. (10% до 19%).

САД и Европа да не се мешаат

Слично на тоа, на прашањето дали Европа и САД треба да направат повеќе за да му помогнат на Израел да ги исполни своите воени цели или да ја ограничат владата на Бенјамин Нетанјаху да преземе воена акција, мноштвото, помеѓу 22% (Франција) и 36% (Шпанија), го избрале второто.

Значајни малцинства, меѓу 21% (Франција и ОК) и 25% (Италија), во меѓувреме рекле дека сметаат дека Европа и САД „не треба воопшто да бидат вклучени“.

Веројатно ќе избие целосна војна

Целосните мнозинства – кои се движат од 52% во Данска до 58% во Франција, 59% во Германија и Италија, 61% во ОК и 65% во Шпанија – рекле дека целосната војна во регионот во која се вклучени Израел и Иран е или „многу “ или „прилично“ веројатна.

Ако избие таква војна, најраспространетиот став во сите седум земји – од 42% во Данска до 47% во Британија, 51% во Германија и 59% во Италија – бил дека Европа и САД не треба да обезбедуваат воена помош за Израел.

Ни Израел ни Палестина

Запрашани да го дадат своето севкупно мислење за Палестина и за Израел, најчестата оценка за двете, во сите седум земји, била „многу“ или „прилично“ неповолна. Само во Италија мислењата за Палестина беа оддалеку блиски, со 33% негативни и 30% позитивни.

На друго место, 61% од Германците рекле дека имаат „неповолен поглед на Палестина“, во споредба со 15% кои биле „со поволен поглед“, додека, пак, соодветните бројки во Шведска биле 57% (неповолен поглед) и 20% (поволен поглед), а во Франција, 42% со неповолен поглед наспроти 25% со поволен поглед.

Мислењата за Израел биле подеднакво лоши, со нето оценки за поволност кои се движеле од минус 15 во Франција до минус 24 во Германија, минус 30 во Шведска и минус 33 во Шпанија.

The post ЕВРОПЕЈЦИТЕ НЕ ГИ САКААТ НИ ИЗРАЕЛ НИ ПАЛЕСТИНА Европа и САД не треба да се мешаат во конфликтот на Блискиот Исток appeared first on plusinfo.mk.

Барањето на Бугарија, Грција и Романија за интервенција на Европската комисија во врска со стандардно повисоките цени на струјата на енергетскиот пазар во Југоисточна Европа во споредба со оние во земјите од Западна Европа, ќе се најде на дневен ред на заседанието на министерскиот Совет за транспорт, телекомуникации и енергија на ЕУ, предвидено за 15 октомври во Луксембург.

Романскиот министер за енергетика Себастијан Бурдуја изјави дека барањето има за цел да се воспостави функционален енергетски пазар, посочувајќи дека Букурешт, Атина и Софија ги почитуваат европските правила поврзани со целите за декарбонизација и зелената транзиција, па затоа бараат и „еднакви права во пристапот до енергија по конкурентни цени, споредливи со оние што го плаќаат другите земји во ЕУ.

Според него, два клучни фактори што резултираат со повисоки цени на струјата во регионот се недоволниот број енергетски интерконекции во Централна Европа, пред се во Австрија и Словачка, што претставува пречка за протокот на поевтина струја од Западот, но и зголемената побарувачка на електрична енергија од страна на Молдавија и Украина, што резултира со раст на цените.

– На среден и долг рок, најдобро решение е да се прошири капацитетот на интерконекциите. Нашата цел е да извршиме фер и конструктивен притисок врз Австрија, Словачка, а можеби и врз други земји од Енергетската унија, за подобрување на нивното меѓусебно поврзување. Понекогаш е можно енергијата од Истокот да биде поевтина од онаа на Западот, но таа не може да тече во спротивна насока – изјави Бурдуја.

Во писмото што Бугарија, Грција и Романија минатиот месец го упатија до Европската комисија во врска со проблемот со повисоките цени на струјата, меѓу другото, се предлага воведување на повисоки даноци за производителите на електрична енергија што имаат најниски трошоци на производство, како и за трговците со енергија.

Според нив, на овој начин би се решило прашањето со „неочекуваните профити што ги остваруваат производителите поради сегашните ценовни услови, а кои не ги одразуваат реалните трошоци на производство“ на струјата.

„Приходот од овие даноци би можел да се прераспредели за намалување на товарот на потрошувачите и да се помогне за стабилизација на енергетскиот пазар на краток рок“, се наведува во писмото на трите земји упатено до еврокомесарката за енергетика Кадри Симсон.

The post НА ГРЦИТЕ, БУГАРИТЕ И НА РОМАНЦИТЕ ИМ СЕ СПОИЈА ЖИЧКИТЕ До кога ќе плаќаат многу поскапа струја од „западњаците“, нели се сите заедно во ЕУ?! appeared first on plusinfo.mk.

Според индексот на владеење на правото на меѓународната организација на граѓанското општество, World Justice Project (WJP), во делот за Европа, Македонија е рангирана на 31-то место од вкупно 40 европски земји. Македонија е пласирана веднаш под Косово и Бугарија, но можеби е интересен податокот дека на ранг-листата се наоѓа повисоко од најслабо пласираната ЕУ-членка, Унгарија, која е рангирана на 34-то место. Тоа веројатно не изненадува многу со оглед на фактот дека унгарската национал-конзервативна влада на премиерот Орбан повеќе од една деценија е изложена на сериозни критики од страна на Европската комисија и други организации поради кршење на демократските правила, принципите на правната држава, како и поради продлабочувањето на корупцијата. Под Унгарија при самиот крај на листата на WJP се и Србија и Албанија.

Посткомунистичките и постсоветските земји недвојбено изразија стремеж да влезат во ЕУ, по секоја цена. Но, кога ЕУ почнува да поставува барања, големиот ентузијазам делумно се претвора во „фаќање кривини“ на европскиот пат. Во источноевропските земји сè уште се чувствува повеќедецениското влијание од нивното авторитарно наследство. Тоа е посилен фактор од руското влијание.

Во медиумите во Западна Европа често се укажува дека институциите во источноевропските земји се слаби. Власта го контролира општеството. Опозицијата не успева да изгради доволно кредибилитет. Медиумите се длабоко поларизирани. Повеќепартискиот систем врз трагите од постокомунистичкото наследство не успева да профункционира на соодветен начин. Владите во овие земји мошне често постапуваат според принципот „земи сè, или соочи се со целосен пораз“. Тешко се прифаќа и гради политичка култура на споделување на власта.

Прибегнување кон популизам и теориите на заговор се неретко белег што го крактеризира начинот на кој се спроведуваат политиките во низа источноевропски земји, без оглед дали се означени како транзициски добитници или губитници. Дали можат да се избегнат постојаните обвинувања против политичкиот противник, да се избегне политичка дебата која се претвора во уцена, проследена со неконтролирани меѓусебни обвинувања, закани, навреди и понижувања? Македонија е еден од добрите примери што јасно го илустрираат и го потврдува интензитетот на таквата негативна спирала, што резултира со губење на сигурноста и довербата во најширок општествен контекст.

Последните години прашањата поврзани со правната држава се најдоа во фокусот на вниманието во Брисел. ЕУ-членките, според Лисабонскиот договор, мораат да ги исполнат на задоволително ниво барањата за владеење на правото за да ги заштитат, меѓу другото, компаниите, економските субјекти и човековите права и слободи.

Европскиот парламент смета дека Европската комисија е премногу нејасна кога им дава препораки на земјите-членки за зајакнување на владеењето на правото. Во исто време, актуелното шведско претседателство со ЕУ добива критики за пасивност, бидејќи, како што тврди еврокомесарката за вредности и транспарентност, Вера Јурова, неопходни се мерки што ќе овозможат ефикасни промени преку кои принципите на владеењето на правото треба да функционираат како универзални вредности, без оглед на какви било разлики во сфаќањата што произлегуваат од иделошката рамка во одделни држави. Во правна држава се ограничува моќта на власта на разни начини, така што граѓаните, компаниите и здруженијата добиваат заштита против самоволието, корупцијата и неефикасноста на администрацијата. Фокусот околу ова прашање добива сè поголемо значење во ЕУ во последните години, најчесто кога станува збор независноста на судството од политичко влијание.

Во јули годинава се очекува Европската комисија да го објави својот четврт извештај за владеењето на правото, кој ќе содржи препораки како да се засили правната држава, бидејќи состојбите во некои земји покажуваат тенденции на постојано влошување на очиглед на сите. Овие прашања, се разбира, по никаков основ не можат да се оддложуваат и туркаат настрана и во земјите кандидадтки што сакаат да се зачленат во ЕУ. Токму затоа очекувањата се свртени најмногу кон Европската комисија која има одговорност и моќ да дејствува во интерес на граѓаните, а не, како што укажуваат критичарите, во интерес на политичарите. Демократијата и почитувањето на елементарните човечки права не се можни доколку не се почитуваат принципите на правната држава.

Во дебатата што се одржа во Европскиот парламент, во пресрет на усвојувањето на споменатиот извештај, многумина побараа бескомпромисен пристап од страна на Еврокомисијата кон земјите во кои злоупотребите на власта отворено го поткопуваат функционирањето на правната држава, поддржувајќи систем на неказнивост во кој корупцијата е практично неуништлива. „Простете на начинот на кој ќе се изразам“, – нагласи германската социјалдемокреатска европратеничка, Биргит Сипел, – „но тоа е неприфатливо и едноставно тера на блуење“.

Блуење, и тоа не врз систем што донекаде и би можел да се нарече правна држава, ставена во функција на оддржливи реформи и зацврстување на општествените темели врз јасно прифатен и применет принцип на еднаквост на сите пред законот. Туку блуење врз „заробен“ систем, во кој интересите на помали групи моќници се во директна спротивност со градењето функционална правна држава, бидејќи многу полесно се снаоѓаат, како риби во вода, доколку државата остане килава. А во таква држава, – слаба и килава, – за оние што живеат во неа, или што останале да живеат во неа, секогаш, откако ќе се задоволат сите лидерски и функционерски апетити, остануваат барем трошки.

The post Правна или килава држава appeared first on plusinfo.mk.

Улогата на Западот во конфронтацијата со Русија е толку голема што се граничи со лудило, изјави портпаролката на руското Министерство за надворешни работи Марија Захарова.

Таа иронично истакна дека западните земји треба да одлучат во кој регион на светот ќе вршат провокативни активности: или во Евроазија или во Азија; или во Русија или во Кина.

– Да се вратиме на прашањето за улогите. Вашите улоги се толку луди што веќе априори е јасно дека нема да можете да водите информациско-политичка, хибридна војна на два фронта. Но, кризата на либералната тотална диктатура е толку голема што, очигледно, немаше други опции – рече Захарова, говорејќи на Источниот економски форум (ЕЕФ).

– Никој од Русија не води кампања против Азија. Ужасот што го покрива азиско-пацифичкиот регион од акциите на Запад во сите правци, од дестабилизација на ситуацијата околу Тајван до економски и енергетски санкции, не може да се опише на кој било начин – додаде таа.

ЕЕФ се одржува од 5 до 8 септември во кампусот на Федералниот универзитет на Далечниот Исток на рускиот остров во Владивосток. На него учествуваат претставници на 46 земји од светот.

The post ОДНЕСУВАЊЕТО НА ЗАПАДОТ СЕ ГРАНИЧИ СО ЛУДИЛО Захарова веќе не бира зборови appeared first on plusinfo.mk.

Министерството за надворешни работи со загриженост ги следи состојбите со поплавите во Западна Европа. Според информациите на нашите дипломатско – конзуларни претстваништва во погодените региони нема жртви државјани на Македонија, соопшти МНР.

The post МНР: Нема настрадани македонски државјани во поплавите во Европа appeared first on plusinfo.mk.