Веро и клиентите собраа 419.526 денари за СОС Детско село преку кампањата „Заокружи сметка“, одбележувајќи ја четвртата година по ред од оваа хуманитарна иницијатива.

Во текот на декември, под слоганот „За секое дете да има весели празници“, Веро ги охрабруваше клиентите да ги заокружат износите на своите сметки, односно на тој начин разликата да ја донираат, потврдувајќи ја својата посветеност на корпоративната општествена одговорност и промовирајќи индивидуално дарување.

Милана Петковски, маркетинг директор на Веро, официјално го врачи чекот за донација, наведувајќи:

– Иницијативата е доказ дека сме општество кое сака да донира, ги препознаваме вистинските вредности и им благодариме на сите потрошувачи кои станаа дел од оваа иницијатива.

Претставниците на СОС Детско село изразија благодарност, нагласувајќи го значењето на тековната поддршка од заедницата:

– Само заедно, сплотени, можеме да направиме разлика и да создадеме посветла иднина за децата без родителска грижа или оние кои се во ризик да ја изгубат. И токму заради тоа сме бескрајно благодарни на граѓаните кои донираа, на нашиот стратешки партнер Веро, но и нашите „амбасадори“, касиерките и касиерите кои овозможија нашата порака да стигне што подалеку. Донацијата ќе биде наменета за реализација на активности за поддршка на семејства со предизвици во родителството како лиценцирани обуки, тренинзи и советувања во рамките на нашата програма за превенција на одвојување на децата од биолошкото семејство.

Веро продолжува да ја демонстрира својата улога како општествено одговорна компанија, обезбедувајќи секое дете да има можност за подобра иднина.

The post КУПУВАЧИТЕ ВО ВЕРО СОБРАА 419.526 ДЕНАРИ ЗА СОС ДЕТСКО СЕЛО Кампањата „Заокружи сметка“ заврши успешно appeared first on plusinfo.mk.

Донаторската акција „Заокружи сметка“ траеше од 1 декември 2022 година до 15 јануари 2023 година. Во овој период, сите потрошувачи во Веро маркетите при плаќањето на каса имаа можност да ја „заокружат сметката“ на некој повисок износ по личен избор. Со тоа, разликата од износот на пазарувањето и сумата на која одлучиле да ја заокружат сметката беше наменета за хуманитарна цел, односно за СОС Детско село. Исто како и во изминатите години, потрошувачите на Веро ги отворија срцата за децата без родителска грижа и во голем број се приклучија во акцијата, донирајќи средства за хуманата цел.

Донацијата за СОС Детско село ја предаде Милана Петковски, маркетинг-директор на Веро, која го истакна задоволството од успешно реализираната донаторска акција во која најголеми победници се децата без родителска грижа, но и целата општествена заедница.

– Нашата цел во кампањата „Заокружи сметка“ не е само да собереме средства што ќе ги донираме, туку и да влијаеме врз свеста на заедницата за големото значење на секоја индивидуална акција. Се водиме од мотото дека она што за некого е малку, за друг значи многу. Кога индивидуалните активности ќе се спојат во една заедничка рамка, прават значајни промени во општеството. Веро е докажан партнер на СОС Детско село и нашата соработка ќе продолжи и во иднина со цел на децата без родителска грижа да им овозможиме подобра иднина и многу насмевки на нивните лица – рече Петковски.

Претставниците на СОС Детско село истакнаа дека градењето вредносен систем на секоја личност е процес кој најлесно се учи преку позитивни примери кои се случуваат во најблиското опкружување.

– Веро е исклучително важна алка во овој процес бидејќи веќе две години по ред ги потсетува своите потрошувачи за важноста на споделувањето и добрувањето. Им се заблагодаруваме на сите вработени во Веро маркетите кои беа дел од оваа кампања и придонесоа повикот да се сподели до сите купувачи. Голема благодарност и до менаџментот на Веро маркетите кој секогаш е отворен за имплементација на иновативни кампањи за развој на филантропијата и поддршка на ранливите категории. Посебна благодарност до сите потрошувачи во Веро кои за време на новогодишниот период ја заокружија сметката и овозможија да се обезбедат финансиски средства за да може СОС Детско село да продолжи со мисијата: Топол дом и љубов за секое дете – рече Рахела Евтимова, експерт за развој на корпоративни партнерства во СОС Детско село

Како општествено одговорна компанија која се грижи за најранливите категории граѓани, Веро во текот на годината организира различни хуманитарни акции кои се наменети за децата згрижени во СОС Детско село. Покрај овие акции, Веро соработува и со компанијата „Пакомак“ која постави повратни вендинг апарати за рециклирање во повеќе Веро маркети, со што компанијата влијае врз свеста на граѓаните за здравата животна средина и придонесува за поголема грижа за околината.

The post АКЦИЈАТА „ЗАОКРУЖИ СМЕТКА“ ВРОДИ СО ПЛОД Веро донираше 11.000 евра за дечињата од СОС Детско село appeared first on plusinfo.mk.