Претставниците на Занаетчиската комора бараат занаетчиите од услужните дејности да можат да работат и во недела. Ова тие ќе го изложат на средба со претставници на надлежните министерства, која очекуваат да се одржи наскоро..

Занаетчиите уште при носењето на законот за недела неработен ден  реагираа дека не е во интерес ниту на малите, микропретпријатија, ниту пак на државата која на овој начин, според нив ја поттикнуваше сивата економија.

– Ние не бараме да не го почитуваме законот, туку напротив ќе ги плаќаме нашите вработени, но бараме да ни дозволат да работиме. Ќе го земам пример Куманово како погранично место. Во неделите, особено сега во летниот период имаме свадби, прослави, родендени, крштевки. Огромен број сограѓани одат во соседните држави на фризер, козметичар, таму ги оставаат парите. Не работат ниту цвеќарите, не може ниту за смртни случаи да се купи цвеќе. Губитници сме сите и државата и ние како занаетчии – изјави претседателот на Занаетчиската комора Агрон Фазлији.

Комората ќе придонесе за да се разгледа законот и да овозможи сите вршители на занаетчиска дејност и самостојните занаетчии да имаат право да работат во недела почитувајќи ги другите законски одредби. Комората ги повика институциите да ги земат предвид специфичните потреби на занаетчиите и да предложат алтернативни решенија кои ќе ги заштитат нивните интереси и ќе овозможат континуитет на нивната работа.

Оттаму велат дека е потребно е да се ревидира и олесни регулативата, со цел да им се дозволи на овие занаетчии да работат и во недела, за да можат да го задржат нивниот приход и да ги задоволат потребите на клиентите.

Од комората не се задоволни ниту од субвенциите кои ги нуди Министерството за економија и велат дека паушално оданочените занаетчии не можат да аплицираат на таа мерка, бидејќи се ограничени од процедурите.

– Ние бараме соодветни субвенции кои ќе го поттикнат развојот на занаетчиството како гранка во државата, да можат да вработат луѓе, да ја поттикнат локалната економија. Верувам дека ќе имаме добра комуникација со надлежните – изјави Фазлији.

Од Комората велат дека занаетчиството е значаен дел од нашата економија и култура и надлежните, Владата, министерствата треба да се посветат посебно внимание за неговиот развој и поддршка.

The post ЗА СВАДБИ ВО НЕДЕЛА СЕ ОДИ НА ФРИЗЕР И КОЗМЕТИЧАР ВО СРБИЈА Занаетчиите бараат недела да биде работна за услужните дејности appeared first on plusinfo.mk.

– Набавка на хартиени кеси чини 50 отсто повеќе од набавката на многу лесните пластични кеси за носење на стока чијашто дебелина е пониска од 15 микрони, и кои претежно ги користевме за пакување на бурек и бели пецива во бурекџилниците. Освен тоа хартиените кеси ги нема на пазарот што предизвикува и други проблеми – велат од Занаетчиската комора.

Пекарите предлагаат измена на Правилникот и дозвола да се користат многу тенките кеси чија што дебелина е пониска од  15 микрони без да се наплатуваат од страна на потрошувачите, затоа што за тоа треба да вработат уште едно лице кое што треба да води евиденција на прилив од средства од кеси, што е навистина невозможно за мали занаетчиски дуќани како што се бурекџилниците.

Исто така предлагаат државата да го субвенционира трошокот за набавка на  хартиени кеси за занаетчиите, за да можат финансиски да издржат за да ја почитуваат регулативата, во спротивно во овие и така тешки денови за секторот ќе следи затварање на многу занаетчиски бизниси затоа што е невозможно да се издржи овој финансиски товар.

Овој дополнителен трошок на пекарниците, велат од комората доаѓа во период кога сите други трошоци во секторот се зголемени.

-Драстично се зголеми цената на репроматеријалите за пекарски производи (брашно, шеќер, зејтин, и др) – велат од Комората.

Освен тоа, додаваат од  Занаетчиската комора, занаетчиите се соочуваат со намалена побарувачка на занаетчиските производи и услуги, проблеми со одржување на ликвидноста на бизнисот, недостаток на финансии за исплата на плати и придонеси за вработените,  преоптовареност со парафискални давачки и проблеми за опстанок во услови на криза од пандемијата со ковид-19.

The post ХАРТИЕНИТЕ КЕСИ СЕ ПОСКАПИ ЗА 50 ОТСТО ОД ПЛАСТИЧНИТЕ Пекарниците не можат да издржат уште еден товар appeared first on plusinfo.mk.

The post Занаетчиската комора бара ослободување на придонесите и персонален данок за три месеци appeared first on plusinfo.mk.