Иако замрзнувањето може да го продолжи рокот на траење на многу намирници, важно е да се знае кои од нив не го толерираат добро овој процес.

Во некои случаи, има промена во квалитетот, вкусот и текстурата, а често се менува само текстурата, што во некои случаи негативно влијае на подготовката на храната, додека во други не прави никаква разлика. Затоа, важно е не само да знаете како и што да замрзнете, туку и однапред да размислите за што ќе користите одредени намирници.

Храна со висока содржина на вода

Храната како што се краставиците, тиквичките или зелената салата не е погодна за замрзнување бидејќи содржи многу вода. Кога таквата храна е замрзната, се случуваат промени во структурата на клетките, што резултира со губење на цврстината и крцкавоста. По одмрзнувањето, оваа храна станува кашеста и ја губи својата привлечна текстура.

Повеќе за ова прочитајте ТУКА.

The post KOJA ХРАНА НЕ ТРЕБА ДА СЕ ЗАМРЗНУВА И ЗОШТО Некои намирници ќе ја променат својата конзистенција, а некои и вкусот appeared first on plusinfo.mk.

Највисоката планина во Австрија, Гросглокнер (3.798 м), стана сцена на трагедија што го потресе светот на алпинизмот. Триесет и тригодишна жена од Салцбург загина од студ на само 50 метри под врвот, откако нејзиниот партнер, искусен алпинист, ја оставил сама 6 ипол часа во потрага по помош.

Истражителите утврдиле дека мразот и ветрот со брзина до 75 км/ч ја претвориле планината во замрзната стапица. Жената, која тоа утро тргнала на своето прв сериозно искачување, се почувствувала исцрпено пред самиот врв. Наместо да ја заштити и да ги почека спасителите, нејзиниот придружник заминал по помош, но таа никогаш не ја дочекала зoрата.

Австриското државно обвинителство поднесе обвинение за убиство од крајна небрежност против 36-годишниот маж. Според документот, тој ја оставил партнерката „неизолирана, дезориентирана и без заштита“ и не презел ниту еден минимален чекор за нејзина безбедност.

„Како поискусен и организатор на турната, имал обврска да ја води и заштити,“ се вели во обвинението.

Полицијата во Австрија утврдила дека парот тргнал два часа подоцна од планираното и без основна опрема за итни случаи.

И покрај тоа што видел хеликоптер што ја пребарувал областа околу 22:50 часот, мажот не дал никакви сигнали. Дури околу 3:30 по полноќ, по шест часа раздвоеност, конечно ја алармирал спасувачката служба.

Поради силен ветар, хеликоптерот на алпската полиција не можел да полета до зори. Тимот стигнал дури следното утро по 10 часот и можел само да ја констатира смртта.

Адвокатот на обвинетиот, Курт Јелинек, изјави:

– Мојот клиент длабоко жали. Се работи за трагична несреќа, не за криминален чин.

Трагедијата потсетува на случајот со руската алпинистка Наталија Наговицина (47), која во август загина во Киргистан откако две недели остана заробена на висина од над 7.000 метри.

The post СМРТ НА ДЕВОЈКА ГО ПОТРЕСЕ АЛПИНИСТИЧКИОТ СВЕТ Партнерот ја оставил да смрзне на 3.700 метри appeared first on plusinfo.mk.

Музичкиот могул Сајмон Ковел откри дека се збогувал со своите стари навики кои биле поврзани со многу забави и сега е здрав семеен човек, а тврди дека дури и се обновил.

Во неодамнешно интервју тој ја откри својата моментална рутина, објаснувајќи дека оди во велнес клиника каде што му се зема крв, се прочистува и повторно се инјектира во неговото тело.

– Ги правиш сите овие тестови и тие ти кажуваат колку години имаш – па јас во основа се обновив себеси со подобра исхрана, повеќе вежбање, помалку стрес и одредени додатоци. Мојот мозок е сè уште таму, сè уште имам енергија – рекол тој.

Но, Ковел имал и други големи планови, како што открил во претстојниот документарец.

– Всушност сакав да се замрзнам. Помислив, зошто да не? Потоа дознав дека ти ја сечат главата, па за две илјади години се враќаш како лебдечка глава, и си реков: „Не, не го сакам тоа“.

Ѕвездата доживеа неколку ужасни несреќи во последните години, што го натера да биде повнимателен од кога било за своето здравје. Првата беше во 2017 година кога падна по скалите од својот дом во Лондон.

Пред пет години доживеа сериозна несреќа кога го скрши грбот откако падна од електричен велосипед.

Ѕвездата, кој стана татко во 2014 година кога со партнерката Лорен Силверман го добија синот Ерик, исто така призна дека секој ден разговара со себе и со својот „ангел чувар“.

– Имам ангел чувар и разговарам со него за мирот. Тоа е сè што сакам.

 

View this post on Instagram

 

A post shared by Simon Cowell (@simoncowell)

Минатата година, Сајмон Ковел призна дека сè уште му е благодарен на својот син Ерик што го спасил во најтемниот период од неговиот живот. Во 1999 година, починал неговиот татко, а 16 години подоцна и неговата мајка, а потоа се нашол во црна дупка, кога повеќе не гледал никаква смисла пред себе. Но, потоа неговата свршеница Лорен му се јавила и му кажала дека е бремена. Признава дека раѓањето на неговиот син го вратило во живот.

Сега Нетфликс објави трејлер за нова документарна серија „Simon Cowell: The Next Act“, во која музичкиот могул е во потрага по следниот голем бенд.

The post ОД ОВДЕ ДО ВЕЧНОСТА Музичкиот могул признава дека сакал да го замрзнат, но потоа дознал дека треба да му ја исечат главата… appeared first on plusinfo.mk.

Министерството за образование на САД го извести Универзитетот Харвард дека ги замрзнува милијардите долари во грантови за истражување и друга помош сè додека универзитетот не се согласи со низа барања од администрацијата на претседателот Доналд Трамп, изјави висок функционер на одделот.

Харвард стана цел на администрацијата поради обвинувања за антисемитизам на кампусот за време на протестите на пропалестинските организации. Во последните недели, администрацијата на Трамп ги засили своите акции против Харвард.

Покрената е официјална ревизија на речиси 9 милијарди долари федерално финансирање за Харвард, барајќи универзитетот да ги забрани практиките за различност, еднаквост и инклузија и да преземе мерки против одредени пропалестински групи кои учествуваа во протестите, како и против употребата на маски за време на тие протести.

Харвард минатиот месец отфрли голем број барања од администрацијата на Трамп, нарекувајќи ги напад врз слободата на говорот и врз академската слобода.

Универзитетот ја тужеше администрацијата на Трамп откако таа суспендираше околу 2,3 милијарди долари федерално финансирање за образовната институција, ветувајќи дека ќе се справи со дискриминацијата на кампусот.

– Администрацијата на Трамп нема да стои настрана додека парите на даночните обврзници се користат за поддршка на факултети кои толерирале антисемитизам или кои поддржуваат расистички политики – рече висок функционер на Министерството за образование.

The post ТРАМП ЗАМРЗНУВА 9 МИЛИЈАРДИ ДОЛАРИ ГРАНТОВИ ЗА ХАРВАРД Универзитетот е под притисок поради одбивање на владините барања appeared first on plusinfo.mk.

Комисијата за заштита на конкуренцијата во рамките на своите надлежности пропишани во Законот за заштита на конкуренцијата и Законот за забрана на нефер трговски практики во синџирот на снабдување со земјоделски и прехранбени производи изврши ненајавен увид во четири трговски ланци и во една од стопанските комори во која се здружени истите.

„Увидот е извршен поради постоење на сомневање дека неколку ланци на маркети кои вршат трговија на мало со прехранбени и непрехранбени производи го прекршиле член 7 од Законот за заштита на конкуренцијата, кој забранува картели односно забранува договори и усогласено однесување на две или повеќе претпријатија, а се со цел нарушување на конкуренцијата. При контролата во службените простории на правните лица, извршен е увид во службената документација и направен е и увид во средствата за електронска комуникација при што се пронајдени докази дека истите донеле незаконита одлука која и јавно ја објавиле преку средствата за јавно информирање“, се наведува во соопштението од Комисијата за заштита на конкуренцијата објавено на Фејсбук.

Како што се посочува, контролираните субјекти спротивно на Законот за заштита на конкуренцијата донеле забранета одлука односно се договориле дека ќе делуваат усогласено и нема да набавуваат стоки од добавувачи кои ќе достават нови ценовници за нивните производи, поради што е поведена прекршочна постапка.

Комисијата за заштита на конкуренцијата информира дека интензивно врши контроли кај повеќе правни субјекти кои имаат свој удел во синџирот на снабдување со земјоделски и прехранбени производи и ќе преземе најригорозни мерки и санкции на секое нарушување на конкуренцијата на пазарот и нема да дозволи никакво изигрување на законите на штета на граѓаните.

The post ПРЕКРШОЧНА ПОСТАПКА ЗА 4 ЛАНЦИ МАРКЕТИ Се договарале за цените спротивно на законот appeared first on plusinfo.mk.

Буџетската канцеларија на претседателот на САД, Доналд Трамп, синоќа ја повлече извршната наредба за замрзнување на финансирањето на федералните грантови во САД само 2 дена откако посеа конфузија низ целата земја и покрена тужби, соопштија две лица известени за одлуката.

Регулативата, донесена во понеделникот вечерта, ја фрли неизвесноста во рацете на клучниот лост за финансирање на државите, училиштата и организациите кои зависат од трилиони долари федерално финансирање од Вашингтон.

Два извора, кои побараа анонимност, потврдија дека буџетската канцеларија синоќа ја повлекла регулативата, во порака испратена до агенциите и до другите владини тела, со само две реченици.

Критичарите од Демократската партија на САД бргу го поздравија повлекувањето на контроверзниот чин.

– Ова е важна победа за американскиот народ, чиишто гласови се слушнаа по огромниот притисок од сите страни на оваа земја – вистинските луѓе прават вистинска промена кога зборуваат – рече демократската сенаторка Пети Мареј од Вашингтон.

Притоа, таа ја обвини администрацијата на Трамп за „комбинација од груба неспособност, сурова намера и намерно непочитување на законот“ што „им предизвика вистинска штета и хаос на милиони луѓе во текот на 48 часа“.

Според неа, штетата и хаосот „сѐ уште продолжуваат“.

The post ТРАМП ИМ НАШТЕТИ НА МИЛИОНИ ЛУЃЕ ВО РОК ОД 48 ЧАСА Владата на САД ја повлече наредбата за замрзнување на финансирањето на грантовите appeared first on plusinfo.mk.

Премиерот Христијан Мицкоски вели дека преку Државниот пазарен инспекторат на дневна основа се следат цените на основните производи и најавува жестока реакција доколку, како што вели, утврдат дека повторно има несакани појави.

Во одговор на новинарско прашање, Мицкоски денеска рече дека очекува трговците да продолжат да ги намалуваат цените на производите, што претходно ги зголемија на сметка на поевтинувањето на производите опфатени со акцијата „Новогодишна кошница“, по што Владата предупреди дека ќе ги замрзне цените.

– Моравме да интервенираме и да покажеме колку сме сериозни во намерата, не може одредени трговци на грбот на граѓаните да остваруваат дополнителни екстра профити. Тие ги намалија цените пред Нова година, некаде 10, некаде 15, некаде и повеќе проценти. Очекувам овој тренд да продолжи и во деновите што следат – изјави Мицкоски.

Ако некој мисли дека не го следиме сето ова, се лаже, вели премиерот.

– Ако ги гледаме профитите што ги остваруваат трговските ланци ќе дојдеме до закулучок дека помеѓу условно кажано најуспешните компании 10, 15, 20, гледаме такви трговски ланци, а конјуктурата на бизнисот не е сменета, не е драматично зголемена потрошувачката ниту пак има некои иновативни методи, туку станува збор за покачување на цените и тоа не е добро. Го следиме тоа на дневна база преку Државниот пазарен инспекторат и жестоко ќе реагираме ако повторно видиме дека се случуваат несакани појави – рече Мицкоски.

Министерот за економија Бесар Дурмиши, на новогодишниот брифинг со медиумите, информираше дека има готова изготвено одлука за замрзнување на цените и доколку Државниот пазарен инспекторат при контролите укаже на злоупотреба на цените на основните производи, веднаш ќе биде донесена одлука на Влада за воведување на таква мерка.

The post ПРЕМИЕРОТ СО ОСТРА ПОРАКА ДО ТРГОВЦИТЕ Мицкоски најави жестока реакција ако цените не паднат appeared first on plusinfo.mk.

Кога размислуваме за слабеење, а овие денови размислуваме, мислиме дека лебот е првото нешто што треба да се исфрли од исхраната.

Добрата вест е дека постои поздрава алтернатива која ни дава можност да не се откажеме целосно од оваа компонента на нашата редовна исхрана, пишува Daily Mail.

Имено, експертите откриле трик како едноставните јаглехидрати во лебот да ги претворат во поздрави, односно „поотпорни“ јаглехидрати.

Доколку навистина ви е тешко да се откажете од лебот, а би сакале да ослабете, како што пишува Дејли Мејл, можеби ќе ви биде полесно доколку примените трик кој наводно ќе го преполови бројот на калории што ги внесувате со лебот.

Повеќе за ова на „Арт кујна“.

The post КАКО ДА ЈАДЕТЕ ЛЕБ, А ДА НЕ СЕ ЗДЕБЕЛИТЕ? Познат нутриционист откри трик кој многу помага appeared first on plusinfo.mk.

– Невозможно е да се постигне посакуваниот исход без да се реши прашањето за пензиите – изјави Пура.

Таа зборуваше за целта на владата да ја намали јавната потрошувачка за 3 милијарди евра и да ги зголеми даноците.

Намалувањето на јавната потрошувачка, како што процени таа, може да се направи со замрзнување на годишните зголемувања на пензиите врз основа на трошоците за живот или со зголемување на даноците на одредени пензии. Таа посочи и дека финската влада ќе се обиде да избегне мерки со кои се намалуваат најниските пензии.

Пура смета дека и старосната граница за пензионирање ќе мора да се зголеми.

Таа откри и дека владата се согласила да заштеди 700 милиони евра со намалување на трошоците за социјалните и здравствените услуги.

Финската влада на рамковна седница ќе го разгледува генералниот фискален план на предлог на Министерството за финансии. Конечната одлука за планот ќе биде донесена на пленарна седница на владата на 25 април.

Планот ќе послужи како основа за буџетот на централната влада за 2025 година.

The post ШОК ВО ФИНСКА ОД ВЛАДИНИТЕ ПЛАНОВИ ЗА ШТЕДЕЊЕ Ќе се замрзнат пензиите, социјалните и здравствените услуги appeared first on plusinfo.mk.

Според извештајот, САД, поддржани од Велика Британија, Јапонија и Канада, предложиле да започнат подготвителни опции за разгледување на лидерите на Г7 на евентуален состанок околу 24 февруари. Сојузниците брзаат да договорат план пред втората годишнина од целосната руска инвазија на Украина, забележува изданието.

Иако не се донесени никакви одлуки и за тоа прашање продолжува жестоко да се дебатира во европските метрополи, забрзувањето на работата за конфискација на имотот на Москва во корист на Украина ја нагласува нејзината растечка важност за Западот. Според извори информирани за разговорите, за таа тема разговарале овој месец и од министрите за финансии на Г7 и нивните заменици, при што се осврнале на тоа како да се развие таква политика и да се проценат нејзините ризици. Трите работни групи предложени од Вашингтон ќе ги испитаат правните прашања околу конфискацијата, начинот на спроведување на таквата политика и намалувањето на ризиците и опциите за тоа како најдобро да се насочи поддршката за Украина.

Германија, Франција, Италија и ЕУ изразија одредени резерви и ја истакнаа потребата внимателно да се процени законитоста на конфискацијата на имотот на Москва пред да се донесат одлуки. Неколку европски министри, исто така, ја истакнаа потребата од одржување на високо ниво на тајност во работата. Во западните престолнини се разгледуваат различни опции, почнувајќи од целосно конфискација и трошење на средствата на руската централна банка до користење на средствата од замрзнатите средства или нивно користење како колатерал за заеми, наведува ФТ.

The post Г7 БАРА НАЧИН ДА КОНФИСКУВА 300 МИЛИЈАРДИ ДОЛАРИ ОД РУСИЈА Се проценува ризикот од таквиот потег appeared first on plusinfo.mk.