Милијарди долари повторно стануваат достапни за Иран, но под строги американски услови, вели извор за Ал Џезира. Белата куќа одобри ослободување на првите 12 милијарди долари замрзнати средства, додека администрацијата на претседателот на САД, Доналд Трамп, постави јасни правила за нивното трошење.

Според рамката на новиот мировен договор, Техеран ќе добие пристап до средства што со години беа блокирани во странство поради санкции, меѓу нив и средства замрзнати во Швајцарија.

Клучниот услов е парите да не се користат како неограничен кеш.

Наместо тоа, средствата ќе бидат наменети за купување храна, лекови и други цивилни производи преку пазари и преку финансиски канали одобрени од САД.

Американските власти со години предупредуваат дека директното ослободување на средствата би можело да овозможи дел од нив да завршат кај Корпусот на Исламската револуционерна гарда.

Со договор и до 50 милијарди долари

Според извори запознаени со преговорите, првично биле договорени две транши од по 6 милијарди долари.

Во текот на следните 60 дена, колку што треба да траат разговорите за конечен договор, можно е да бидат отклучени уште 12 милијарди долари.

Доколку двете страни постигнат траен мировен договор, вкупното олеснување од санкциите и ослободените средства би можело да достигне дури 50 милијарди долари.

Засега не е познато дали Техеран целосно се согласува со условот средствата да се користат преку американски одобрени канали, но иранските власти јавно не ја отфрлија оваа одредба.

The post 12 МИЛИЈАРДИ ДОЛАРИ ЗА ИРАН, АМА ПОД КЛУЧ Техеран ќе мора да купува храна преку американски канали? appeared first on plusinfo.mk.

Обединетите Арапски Емирати (ОАЕ) планираат да деблокираат дел од иранските средства што со години беа замрзнати во земјата, како дел од поширок договор кој би требало да придонесе за намалување на тензиите и обновување на соработката меѓу двете страни.

Според информациите што ги објави „Ројтерс“, станува збор за најмалку 10 милијарди долари ирански средства, додека првите три милијарди долари веќе биле префрлени.

Изворите наведуваат дека конечниот износ што би можел да биде деблокиран може да достигне и до 20 милијарди долари.

За возврат, Иран би требало да ги прекине нападите и да ја продолжи економската и разузнавачката соработка со Обединетите Арапски Емирати.

Доколку договорот биде целосно реализиран, тој би можел да претставува значаен чекор кон деескалација на тензиите во регионот и обновување на комуникацијата меѓу двете земји, чии односи во изминатите години беа обременети со бројни безбедносни и геополитички предизвици.

Засега нема официјална потврда од властите во Техеран и Абу Даби за деталите од евентуалниот договор.

The post ОАЕ ПОДГОТВЕНИ ДА ГИ ОСЛОБОДАТ ИРАНСКИТЕ МИЛИЈАРДИ Емиратите нудат деблокада на средства во замена за мир appeared first on plusinfo.mk.

Европската Унија доби 1,4 милијарди евра приход од каматата на замрзнатиот имот на Централната банка на Русија, средства кои ќе бидат насочени кон финансиска поддршка на Украина, соопшти Европската комисија.

Според соопштението, ова претставува четврта транша од каматата на замрзнатиот имот на руската централна банка, блокиран согласно санкциите на ЕУ воведени поради војната против Украина.

Претседателката на Европската комисија, Урсула фон дер Лајен, изјави дека парите ќе се користат за функционирање на украинската држава, зачувување на јавните услуги и поддршка на вооружените сили.

– Нашата посветеност на победата и слободата на Украина останува непоколеблива – изјави Фон дер Лајен.

Планирано е 95 проценти од средствата да бидат насочени преку механизмот за заем за Украина, кој обезбедува неповратна поддршка за отплата на макрофинансиската помош од ЕУ и заеми од земјите од Г-7 во вкупна вредност од 45 милијарди евра. Останатите пет проценти ќе се доделат на Европскиот мировен фонд за итни воени и одбранбени потреби на Украина.

Комесарот за економија на ЕУ, Валдис Домбровскис, оцени дека на овој начин санкциите против Русија се претвораат во конкретна помош за Украина.

– Со овој потег, Европа покажува дека Русија ќе ги сноси последиците, бидејќи средствата од нејзините резерви се користат за опстанок и обнова на Украина – посочи Домбровскис.

Замрзнувањето на средствата на Централната банка на Русија е дел од поширок пакет санкции што ЕУ и нејзините членки ги воведоа како одговор на руската агресија. Забраната за трансакции со овие средства доведе до акумулација на значителни приходи, кои се користат за поддршка на Украина.

Советот на ЕУ во февруари 2024 година одлучи дека институциите што управуваат со овие средства мора да ги распределат и чуваат генерираните приходи, а во мај беше усвоена законска рамка за нивно користење во корист на Украина. На крајот на 2025 година беше донесена одлука со која трајно се забранува префрлање на замрзнатите средства од руската Централна банка на Москва.

The post ЕУ НАСОЧУВА 1,4 МИЛИЈАРДИ ЕВРА ОД РУСИЈА Средствата ќе помогнат во финансирањето на Украина appeared first on plusinfo.mk.

Лидерите на Европската унија се собраа во Брисел на еден од најнаелектризираните самити во последните години. Главната цел е да се обезбедат најмалку 90 милијарди евра финансиска помош за Украина за следните 2 години, откако САД најавија повлекување од тој дел на поддршката.

Белгија, каде што се наоѓа депозитарот „Евроклир“ со најголемиот дел од замрзнатите руски средства, предупредува на сериозни правни ризици. Премиерот на Белгија Барт Де Вевер повеќепати изјави дека земјата не сака сама да го понесе товарот и бара целосни гаранции од партнерите во Унијата.

Унгарскиот премиер Виктор Орбан ја нарече европската поддршка за Украина „бриселска ароганција“, нагласувајќи дека Унгарија нема да финансира војна.

Во Москва, пак, се заострува реториката. Кремљ оцени дека односите со Вашингтон се „разрушени“, но изразил надеж за подобрување, доколку се направи напредок во решавањето на војната во Украина. Москва исто така најави контрамерки доколку САД продолжат со нуклеарни тестирања.

Валериј Герасимов, началник на генералштабот на руската армија денеска изјави дека НАТО користејќи ја, како што вели, таканаречената руска воена закана, значително го зголеми своето воено присуство во близина на границата на Русија.

– Се набљудува обемот и интензитетот на активностите за оперативна и борбена подготовка. Се преземаат мерки за зголемување на оперативната ефикасност на трансферот на воени засилувања – посочи Герасимов.

Тој додаде дека Русија годинава формира воена бригада опремена со новата хиперсонична балистичка ракета со среден дострел „Орешник“.

Паралелно, претседателот на Белорусија, Александар Лукашенко, објавил дека новиот руски ракетен систем „Орешник“ е распоредeн во Белорусија и е во состојба на борбена готовност.

Од другата страна, Европската комисија и поголемиот дел од земјите членки нагласиле дека неуспехот да се постигне договор за користење на замрзнатите руски средства би ја оставил Украина без витални средства и би го довел во прашање кредибилитетот на ЕУ.

• АКО НЕ ДОБИЕМЕ ПАРИ, ПУТИН ЌЕ ДОБИЕ ЖЕЛБА ДА ЈА ОСВОИ ЦЕЛА УКРАИНА Зеленски ги убедува европските лидери да му обезбедат репарациски заем

Полскиот премиер Доналд Туск испрати остра порака:

– Или пари денес, или крв утре – мислејќи на загубите во војната во Украина.

Туск потврдил дека постои широка согласност европските лидери да ги користат замрзнатите руски средства преку т.н. „заем за репарации“ наместо ново задолжување на Унијата.

Самитот продолжува под силен притисок. Брисел е исправен пред прашањето дали може да најде пат меѓу финансиската солидарност со Киев и правните ограничувања што ги бараат некои земји членки.

Украинскиот претседател Володимир Зеленски изјави дека Украина ќе биде во големи проблеми, а Владимир Путин ќе биде охрабрен да ја продолжи војната ако Европската Унија не одобри репарациски заем заснован врз замрзнатите руски средства.

The post НАПНАТО ВО БРИСЕЛ, МОСКВА ЈА ЗАОСТРУВА РЕТОРИКАТА Герасимов ја спомна ракетата „Орешник“ appeared first on plusinfo.mk.

Премиерот на Унгарија Виктор Орбан откри дека во кореспонденција со рускиот претседател Владимир Путин добил уверување дека Москва ќе одговори со сите законски средства на евентуалното замрзнување на руски имот од страна на ЕУ. Путин исто така рекол дека Москва ќе ја земе предвид индивидуалната позиција на секоја земја-членка на ЕУ.

Пред утрешниот самит на ЕУ во Брисел, Орбан изјави дека конфискацијата на овие средства би ја изложила Белгија на сериозна опасност, бидејќи го нарушува меѓународното право и ги загрозува белгиските компании кои управуваат со тие средства.

Орбан упати предупредување до Белгија да не се согласи со плановите на Европската комисија за користење на замрзнатите руски државни активи за помош на Украина, пренесува ДПА.

– Секој судски спор ќе биде изгубен и на крајот некој ќе мора да ги врати конфискуваните средства – порача Орбан.

Планот на ЕУ предвидува средствата на Руската централна банка да се користат за долгорочни заеми за Украина. Улогата на Белгија е клучна бидејќи белгиската компанија „Јуроклир“ (Euroclear) управува со околу 185 милијарди евра од вкупно 210-те милијарди евра замрзнати руски средства во Унијата.

Иако одлуката теоретски може да се донесе со квалификувано мнозинство, Унгарија останува на ставот дека нема да го поддржи овој предлог на претстојниот самит, каде идејата ја ужива поддршката на германскиот канцелар Фридрих Мерц и други влијателни европски лидери.

Според извори, владите и институциите на ЕУ ќе се обидат да постигнат одлука со квалификувано мнозинство, што значи дека не е потребна едногласна согласност од сите 27 држави.

The post ЌЕ РЕАГИРАМЕ, МУ РЕКОЛ ПУТИН НА ОРБАН Москва следи кој во ЕУ ќе гласа за замрзнување руски имот appeared first on plusinfo.mk.

Руската централна банка поднесе тужба до Московскиот трговски суд, барајќи 230 милијарди долари отштета од „Еуроклеар“ (трезор во кој се чуваат и се порамнуваат акции, обврзници и државни резерви, но самиот „Еуроклеар“ не е банка и не ги поседува парите). Ова е првиот конкретен правен чекор откако Кремљ предупреди дека плановите на Европската унија да користи замрзнати руски средства би предизвикале „правен кошмар“ за ЕУ.

Европската унија планира да користи дел од средствата на Руската централна банка, во вредност од околу 210 милијарди евра, кои беа замрзнати во Европа откако Москва ја нападна Украина во 2022 година, со цел да обезбеди кредити за воените и цивилните потреби на Киев во 2026 и 2027 година.

Лидерите на ЕУ во петокот се согласија средствата засега да останат замрзнати, тврдејќи дека поддршката за Украина е неопходна, бидејќи во спротивно Русија еден ден би можела да го нападне НАТО — тврдење што Москва силно го негира.

Правните експерти очекуваат Московскиот трговски суд брзо да донесе одлука за „Еуроклеар“, депозитарот со седиште во Белгија, кој ги чува најголемиот дел од замрзнатите руски средства. Судот потврди дека на 12 декември добил барање од Руската централна банка за исплата на 18,2 трилиони рубли — целосната вредност на замрзнатите државни средства на Русија.

Доколку Руската централна банка го добие случајот, би можела да започне со присилно враќање на средствата од „Еуроклеар“ во други јурисдикции, особено во оние што Москва ги смета за „пријателски“ земји. „Еуроклеар“ не одговори веднаш на барањето за коментар.

Русија постојано ја предупредува Европската унија дека користењето на нејзините суверени резерви би претставувало кражба, сериозно би ја поткопало довербата во централните банки и еврото и би резултирало со силен одговор, вклучително и конфискација на средствата на европските приватни инвеститори во Русија.

– Кој рационален инвеститор би ги чувал своите хартии од вредност во ‘Еуроклеар’ ако сфати дека неговите имотни права не се почитуваат и дека средствата можат да бидат запленети под кој било изговор – изјави за Ројтерс инвестицискиот претставник на рускиот претседател Владимир Путин, Кирил Дмитриев.

Централната банка на Русија на 12 декември изјави дека плановите на ЕУ за користење на нејзините средства се нелегални и дека го задржува правото да ги искористи сите расположливи механизми за заштита на своите интереси. Додаде дека спроведувањето на мерките ќе биде оспорено во националните и странските судови, меѓународните организации, арбитражните трибунали и други меѓународни правни тела.

Плановите на ЕУ се соочија со отпор и во самата Европа. Банкарите и правните експерти предупредуваат дека запленувањето на толку голема количина државен имот би било правно спорно и би поставило опасен преседан.

Документ од 2024 година, објавен од Риксбанк, централната банка на Шведска, наведува дека таков потег би бил прв пат во историјата земји кои не се директно вклучени во војна да запленат средства од воинствена држава за време на активен конфликт, со цел да помогнат на трета земја.

Предлозите на ЕУ се спротивни и на некои идеи што се појавија во одредени верзии на мировниот план на САД, според кои руските резерви би можеле да се поделат, еден дел за обнова на Украина, а друг за создавање заедничко инвестициско средство меѓу САД и Русија.

Кирил Дмитриев ги нарече плановите на ЕУ „удар врз меѓународниот резервен систем создаден од САД“, предупредувајќи дека последиците би можеле да одат многу подалеку од сегашниот конфликт и трајно да го променат глобалниот финансиски поредок.

The post ПУТИН СИ ГИ БАРА ЗАМРЗНАТИТЕ 230 МИЛИЈАРДИ ДОЛАРИ Москва оди на суд против Европа поради руските резерви appeared first on plusinfo.mk.

Унгарскиот премиер Виктор Орбан се огласи за најавата за денешното гласање во Брисел, каде што се очекува земјите-членки на ЕУ да одлучат за долгорочно замрзнување на средствата на руската централна банка, а унгарскиот премиер реагираше бурно на ова.

Меѓу другото, Орбан рече дека напладне ќе се одржи писмено гласање кое ќе предизвика непоправлива штета на Европската Унија.

– Денеска Брисел го преминува Рубикон. Предмет на гласањето се замрзнатите руски средства, за кои земјите-членки на ЕУ досега гласаа на секои шест месеци и донесоа едногласна одлука. Со денешната постапка, Брисел го укинува условот за едногласност со еден потег на пенкалото, што е очигледно нелегално – рече Орбан.

Унгарскиот премиер, исто така, истакнува дека со денешната одлука, владеењето на правото во Европската Унија завршува, а европските лидери се ставаат над правилата.

– Наместо да обезбеди почитување на договорите на ЕУ, Европската комисија систематски го крши европското право. Го прави тоа за да ја продолжи војната во Украина, војна во која очигледно не може да се победи. Сето ова се случува во сред бел ден, помалку од една недела пред состанокот на Европскиот совет, најважното тело за донесување одлуки на Унијата кое ги обединува шефовите на држави и влади. Ова го заменува владеењето на правото во Европската Унија со владеење на бирократите. Со други зборови, воспоставена е диктатура во Брисел. Унгарија протестира против оваа одлука и ќе стори сè што е во нејзина моќ за да го врати правниот поредок – рече Орбан.

Патем, Европската комисија предложи да се користи одредбата од Договорот за ЕУ, член 122, за замрзнување на средствата на неопределено време. Оваа одредба им дава одврзани раце на владите на ЕУ да усвојат какви било мерки што ги сметаат за неопходни, со квалификувано мнозинство, за да се справат со тешката економска состојба во ЕУ.

Договорот за замрзнување на руските средства на неопределено време би го елиминирал клучниот ризик за планот за нивно користење за финансирање на Украина, бидејќи Унгарија и Словачка повеќе нема да имаат право на вето да го продолжуваат замрзнувањето на секои шест месеци како што имаат сега.

The post ЕУ ДЕНЕСКА ЌЕ НАПРАВИ КАТАСТРОФАЛНА ГРЕШКА Без право на вето ќе се гласа за замрзнатите руски пари appeared first on plusinfo.mk.

Белгискиот премиер Барт де Вевер го запрел планот на Европската унија за користење на замрзнатиот руски имот во Европската Унија при што со парите би бил одобрен заем од 140 милијарди евра за Украина.

Причината, според дипломатски извори, е стравот дека рускиот претседател Владимир Путин би возвратил со воен напад директно на белгиска територија, каде што се чува дел од имотот, јави Јутарњи лист.

– Ако Русија навистина ги побара парите (од имотот назад) од која било причина… готовината треба веднаш да биде таму – рече Де Вевер, додавајќи дека „довербата во целиот финансиски систем на Европа“ би бил под знак прашалник.

Кој ќе ја даде таа гаранција, прашува белгискиот премиер.

– Ги прашав моите колеги: „Дали сте вие? Дали се земјите-членки?“… На ова прашање не беше одговорено со цунами од ентузијазам околу масата.

Лидерите на европските земји го одложија прашањето за следниот самит откако не успеаја да го уверат белгискиот премиер дека неговата земја нема да биде одговорна. Планот е Европска Комисија ќе предложи конкретни механизми во декември.

Вкупната вредност на замрзнатиот руски имот во ЕУ надминува 200 милијарди евра, од кои околу 140 милијарди, според идејата, би биле користени за заем за Украина, но не со директна конфискација, туку како колатерал.

Засега одлуката е блокирана. Ова, како што пишува „Политико“, неочекувано вето, предизвика шок низ европските институции. Додека тимот на претседателката на Европската комисија Урсула фон дер Лајен уверуваше дека постои решение, Белгија ја повлече рачната кочница.

– Ова е хаос. Не требаше вака да се одвиваат работите – изјави дипломат за „Политико“.

Белгискиот отпор ја натера Унијата повторно да го разгледа прашањето како да ја поддржи Украина без нови финансиски инструменти. Пред самитот, меѓу сојузниците на Киев владееше оптимизам, особено по усвојувањето на 19-тиот пакет санкции против Русија насочен кон т.н. „флота во сенка“ и кон банкарскиот и енергетскиот сектор.

Сепак, промената дојде веднаш откако американскиот претседател Доналд Трамп воведе дополнителни санкции кон руските нафтени гиганти, што го засили дипломатскиот притисок врз Москва.

Францускиот претседател Емануел Макрон истакна дека идејата за користење на рускиот имот не е напуштена.

– Планот не е закопан, треба да разговараме за техничките детали. Мораме да делуваме внимателно, бидејќи не смееме да го прекршиме меѓународното право – рече Макрон.

The post НЕОЧЕКУВАНО ВЕТО ОД БЕЛГИЈА, ВИСАТ МИЛИЈАРДИТЕ ЗА УКРАИНА Што ако Русите ги побараат назад средствата од замрзнатиот имот? appeared first on plusinfo.mk.

Министрите на ЕУ се согласија „да ги искористат извонредните приходи од замрзнатите руски средства за поддршка на одбраната и обновата на Украина во контекст на руската агресија“ – објави на Твитер белгиската влада која претседава со разговорите меѓу земјите на ЕУ во Брисел.

Текстот требаше да добие само формално одобрение од министрите, откако договорот за ова веќе беше склучен на почетокот на месецот.

The post ЕУ ГИ ОДМРЗНУВА ЗАМРЗНАТИТЕ РУСКИ СРЕДСТВА Ќе бидат инвестирани во одбраната на Украина appeared first on plusinfo.mk.

Американските власти се свесни дека конфискацијата на замрзнатите руски средства ќе доведе до катастрофални последици, изјави поранешниот разузнавач на американската морнарица, Скот Ритер, за време на гостувањето на Јутјуб каналот „Дијалог работи“.

Тој го изјави ова како одговор на прашање поврзано со написот во „Њујорк тајмс“ во кој се изнесени слични тврдења.
– Да, знам дека (конфискацијата) е лоша идеја. Њујорк Тајмс има контакти со брокери на Вол Стрит, финансиски луѓе. Ако сакате доларот веднаш да пропадне, ако сакате да ја поткопате довербата во САД, само напред, украдете го финансиските резерви на земјите кои ги довериле своите средства на западните банки – рече Ритер.

Поранешниот разузнавач изјави дека таквата врска ќе доведе до губење на довербата во банките и ќе ги натера луѓето да почнат да ги повлекуваат своите пари од нив, како и до пад на вредноста на доларот бидејќи другите земји ќе бидат принудени да користат други валути поради кражба на нивните средства.

– Она што го велат САД е: „Секогаш кога не се согласуваме, можеме да ги замрзнеме вашите средства и да ги одземеме“. Кој би сакал да води ваков бизнис? Дали вие би ги ставиле парите во банка која вели: „Ако не ни се допаѓа тоа што го работите вие Скот Ритер, вие сте на подкастот, нам не ни се допаѓа, па ќе ги замрзнеме вашите финансии и ќе ги одземеме“ – објасни Ритер.

Тој смета дека не треба да се чуваат пари во такви банки и посочи дека таков развој на настаните ќе има доколку се одземат средства од Русија, бидејќи таквиот систем повеќе нема да ја ужива довербата на народот. Според него, тоа би довело до одлив на пари и колапс на светскиот економски систем во кој доминира Западот.

– На крајот, кога сето ова ќе заврши, Западот ќе биде принуден да се сврти кон Русија и да каже: „Извинете, ќе ви ги вратиме парите со камата“. Ако мислите дека ова нема да се случи, прашајте ги Иранците. Ние им ги замрзнавме средствата кога го тргнаа Шахот, па за конечно да склучиме мир со Иран според „Иранскиот нуклеарен договор“, моравме да им ги вратиме парите – заклучува Ритер.

The post ПУТИН „УДИРА“ КАМАТА! Западот ќе мора да ги врати замрзнатите руски средства и да плаќа „пенали“ appeared first on plusinfo.mk.