ЕУ ѝ префрла на Украина уште 1,4 милијарди евра од замрзнатите руски средства. Парите, обезбедени од каматите остварени од имотот на руската централна банка што беше замрзнат по почетокот на руската инвазија, ќе бидат наменети за поддршка на украинската одбрана.

Европската комисија соопшти дека средствата ѝ биле префрлени на Европската Унија на 3 август, а денеска официјално се ставаат на располагање на Украина.

Претседателката на Европската комисија, Ursula von der Leyen истакна дека Русија мора да сноси одговорност за штетата што ја предизвика со војната.

„Русија мора да плати за уништувањето што го предизвика. Ние ги користиме приходите од блокираните руски средства за да го обезбедиме тоа“, изјави Фон дер Лајен.

Таа додаде дека дополнителните 1,4 милијарди евра ќе помогнат Украина да ја продолжи својата одбрана од, како што наведе, нелегалната војна што Русија ја води против неа.

Со оваа исплата Европската Унија продолжува да ги користи приходите од замрзнатите руски средства за финансиска и воена поддршка на Украина, додека главнината од средствата останува блокирана.

The post РУСИЈА ЌЕ ПЛАЌА ЗА ВОЈНАТА Брисел ѝ испраќа на Украина нови 1,4 милијарди евра appeared first on plusinfo.mk.

Рускиот претседател Владимир Путин разговарал за можноста Русија да донира милијарда долари на Одборот за мир на америкаскиот претседател Доналд Трамп од замрзнатите руски пари во странство.

Како што соопшти Кремљ, Путин за ова разговарал вчера со специјалниот американски пратеник Стив Виткоф и со зетот на Трамп, Џаред Кушнер.

– За време на разговорите за Одборот за мир, беше нагласена нашата подготвеност да насочиме милијарда долари во буџетот на оваа организација од рускиот имот замрзнат од страна на претходната американска администрација – изјави по средбата советникот на Путин за надворешна политика, Јуриј Ушаков.

Тој додаде дека остатокот од парите од тие резерви, замрзнати по руската инвазија на Украина во 2022 година, „би можел да се насочи кон обнова на териториите погодени за време на борбите“. Според него, тоа би се случило дури откако „ќе биде склучен мировниот договор меѓу Русија и Украина“.

Американскиот претседател Доналд Трамп го претстави Одборот за мир вчера во Давос. Иницијативата им нуди на државите членки постојани места по цена од милијарда долари.

Путин, кој е поканет да се приклучи на одборот, сè уште не се обврзал официјално, но и претходно ја споменуваше можноста за користење на замрзнатиот руски имот за плаќање на членарината.

Рускиот претседател Владимир Путин во видеообраќање потврди дека е согласен да донира милијарда долари, но од рускиот замрзнат имот, а останатите пари да се искористат за обнова на Украина.

– Добивме покана да се приклучиме кон Одборот за мир, лично од американскиот претседател Трамп. Сакам да му се заблагодарам за оваа покана. Ние отсекогаш сме ги поддржувале и ќе продолиме да ги поддржуваме сите напори за меѓународна стабилност. Исто така забележителни се напорите на САД да се најде репение за украинската криза. Имајќи ги в предвид посебните врски на Русија со палестинскиот народ, ние сме подготвени да донираме милијарда долари од замрзнатите руски средства – рече рускиот претседател Путин.

The post 🎥 ПУТИН НУДИ МИЛИЈАРДА ДОЛАРИ ОД ЗАМРЗНАТИТЕ РУСКИ ПАРИ ЗА ОДБОРОТ НА МИР НА ТРАМП Остатокот од тие средства би се трошел за обнова на Украина appeared first on plusinfo.mk.

Унгарскиот премиер Виктор Орбан денеска во Брисел отворено порача дека планот на Европската Унија за заем поврзан со репарации и замрзнати руски средства е завршена приказна. Според него, за таква идеја едноставно нема доволна поддршка меѓу земјите членки.

Пред почетокот на Самитот на ЕУ, Орбан без дипломатски ракавици го нарече предлогот „глупав“, предупредувајќи дека вакви потези не носат мир, туку ја туркаат Унијата кон директно вклучување во војната.

– Постојат две земји што се во војна – Русија и Украина. Тоа не е Европската Унија. А сега ЕУ сака да им ги земе парите на едните и да им ги даде на другите. Тоа е погрешно – изјави Орбан.

Тој застана и во одбрана на белгискиот премиер Барт де Вебер, кој исто така се спротивстави на ваквиот план, оценувајќи дека неговиот став е „целосно исправен“ и дека Унијата не смее да оди во таа насока.

Според Орбан, доколку овие средства ѝ се дадат на Украина, тоа ќе значи дополнителна ескалација и директен чекор кон војна, сценарио кое, како што вели, тој не сака да го види.

– Јас сакам мир. Само мир. Време е да направиме чекори кон мирот, а не кон војната – порача унгарскиот премиер.

Изјавите на Орбан доаѓаат во момент кога во ЕУ растат поделбите околу тоа како да се постапува со замрзнатите руски средства и колку далеку Унијата смее да оди во поддршката на Украина, без да влезе во директен конфликт.

The post ИДЕЈАТА Е ГЛУПАВА, ВОДИ КОН ВОЈНА Орбан го кочи планот на ЕУ за префрлање руски пари на Украина appeared first on plusinfo.mk.

Бајка и илузија е дека Русија нема да ја загуби војната во Украина, изјави белгискиот премиер Барт де Вевер, пренесе РБК-Украјина врз основа на неговото интервју за „Ла Либре“.

Тој изјави дека замрзнатиот руски имот на крајот ќе мора да ѝ биде вратена на Москва и дека секој обид за конфискација е кражба. Притоа, Вевер тврди дека Кремљ се заканил со вечна одмазда кон Брисел доколку биде дозволена конфискација.

Де Вевер нагласил дека Белгија е под огромен притисок околу прашањето за одземање руски средства, но дека тоа би било чекор без преседан.

Тој додал дека дури и поразот на Русија би бил непосакуван поради ризикот од нестабилност во нуклеарна сила.

The post БЕЛГИСКИОТ ПРЕМИЕР ОТКРИ СО ШТО СЕ ЗАКАНИЛ КРЕМЉ Бајка е дека Русија ќе загуби, поразот би значел хаос? appeared first on plusinfo.mk.

Европската Унија се најде на крстопат поради сериозни несогласувања меѓу новата белгиска влада и европските институции околу планот за обнова на Украина. Предлогот, познат како „реконструкциска позајмица“, треба да се финансира со замрзнатите руски средства што се чуваат во Белгија, а целта е Киев да добие стабилно финансирање за 2026 и 2027 година. Но, Белгија постави низа тврди правни и финансиски услови, поради што планот засега е целосно блокиран.

Белгија не сака да се впушта во ризици

Белгискиот премиер Барт Де Вевер оцени дека предлогот е „фундаментално погрешен“ и дека создава „реални, не теоретски ризици“. Во писмо до претседателката на Европската комисија Урсула фон дер Лајен, тој предупреди дека Белгија не може да прифати механизам што би можел да предизвика сериозни последици по финансиската стабилност на државата. Според Де Вевер, за Белгија „не е доволно“ да добие политички уверувања — неопходни се цврсти правни гаранции.

Од Европската комисија и дел од државите членки порачуваат дека планот е најдобрата алатка за да се одржи финансиската поддршка за Украина. Тие сметаат дека Русија треба да биде таа што ќе ја плати штетата од војната, а замрзнатите средства се „прашање на правда, не само економија“. Според нив, позајмицата од околу 140 милијарди евра би овозможила предвидливост и стабилност за украинскиот буџет во следните години.

Механизмот предвидува Украина да ги користи средствата веднаш, а обврската за отплата да се активира само ако Русија некогаш ги исплати репарациите. Но, токму тој модел е проблематичен за Белгија. Тамошните власти предупредуваат дека земјата би можела да се соочи со тужби и со финансиски барања доколку Москва реши да ги оспори одлуките на ЕУ. Дополнително, Белгија стравува дека пристапот би можел да ја поткопа довербата на меѓународните инвеститори во европските финансиски пазари.

Се спрема план Б

Брисел затоа веќе работи на план Б. Како алтернатива на користењето руски замрзнати средства, се разгледуваат заеми што би ги гарантирале државите членки или заеднички обврзници на ниво на ЕУ. Тој модел би можел да ја избегне правната несигурност што ја наведува Белгија, но би ја зголемил задолженоста на Унијата — нешто што неколку држави го сметаат за неприфатливо.

Главното прашање сега е дали ЕУ може да ги усогласи националните интереси со заедничките цели. Неколку земји предупредуваат дека држави како Белгија не можат да го блокираат „критичниот механизам“ за Украина, но други истакнуваат дека Брисел мора да ги земе предвид ризиците што ги посочува новата белгиска влада.

Белгија инсистира дека не е „кочничар“, туку дека дејствува рационално.

„Нула ризик не постои, но сегашните ризици се премногу високи“, велат белгиските власти.

Тие тврдат дека нивната позиција не е политичка, туку базирана на детални правни и финансиски анализи.

Тест за единството во ЕУ

Од друга страна, украинските власти веќе предупредија дека одложувањето на европските одлуки може да ја загрози стабилноста на земјата. Без брза и предвидлива финансиска поддршка, Киев може да се соочи со сериозни буџетски празнини, а тоа би влијаело и врз безбедносната ситуација на фронтот.

Сега сите погледи се насочени кон наредниот самит на ЕУ. Таму треба да се реши дали Унијата ќе продолжи со оригиналниот план, ќе го активира резервниот модел или ќе ризикува Украина да остане без потребната помош. За Брисел, овој спор е повеќе од финансиска техничка расправа — станува тест за единството на ЕУ во најкритичниот момент од војната.

The post БЕЛГИЈА ГО ТРЕСЕ БРИСЕЛ Европските пари за Украина нема да врват како што замислила Урсула appeared first on plusinfo.mk.

Во соопштението објавено на веб-страницата на ЕУ, се прецизира дека со донесената одлука и регулатива се појаснуваат обврските на Централните регистри на хартии од вредност кои ги чуваат средствата и резервите на Централната банка на Русија (ЦБР), кои се „имобилизирани како резултат на рестриктивните мерки на ЕУ“.

Советот посебно одлучил дека Централните регистри што поседуваат повеќе од милион средства на ЦБР мораат одвоено да обработуваат вонредни готовински биланси што се акумулираат по рестриктивните мерки на ЕУ.

The post ЕУ ГИ ОДМРЗНУВА ЗАМРЗНАТИТЕ РУСКИ СРЕДСТВА Приходите од нив ќе бидат за поддршка на Украина appeared first on plusinfo.mk.