Заменик-министерот за земјоделство, шумарство и водостопанство, Фљакрон Беџети денеска поднесе неотповиклива оставка од функцијата. Тој на Фејсбук објави дека оставката ја доставил до премиерот Христијан Мицкоски.

Во објава Беџети искажува благодарност до премиерот, министерот за земјоделство, владиниот кабинет, и до колегите и соработници за коректната соработка.

„Ова беше 10-месечен период на посветеност, одговорност, да се служи оваа функција во корист на земјоделците и сите други што ги претставува ова Министерство. Верувам дека со достоинство, транспарентност, сериозност и гордост, придонесов на оваа позиција, колку и да е малку, за општото добро“, напиша Беџети во објавата.

Упати благодарност и до лидерот Арбен Таравари и партијата Алијанса за Албанците, потенцирајќи дека останува лојален на нив.

„Верувам дека не разочарав никого и со чесен труд ја афирмирав партијата што ја претставувам“, напиша Беџети.

The post БЕЏЕТИ СИ ЗАМИНУВА ОД ВЛАДАТА Заменик-министерот оставката му ја доставил на премиерот Мицкоски appeared first on plusinfo.mk.

Како што истакна заменик-министерот за правда Ален Деребан во изјава за Глас на Америка, очекувањата се Груби во брзо време да биде приведен, по што ќе бидат преземени сите неопходни мерки за неговата екстрадиција во Македонија.

– Во постојана комуникација сме со Министерствата за правда од соседните држави и очекуваме истиот во најскоро време да биде лоциран и уапсен, со што ќе се овозможи негово испорачување во Македонија и соочување со правдата – изјави Деребан.

Иако по распишувањето на меѓународната потерница сè уште нема официјална потврда за точната локација на Груби, властите уверуваат дека потрагата е во завршна фаза. Очекувањата се дека координацијата со регионалните служби за спроведување на законот наскоро ќе резултира со негово апсење.

Останува нејасно дали бегалецот се наоѓа во некоја од соседните држави или е во движење, но според информациите од надлежните институции, активностите за негово пронаоѓање и екстрадиција се во завршна фаза.

The post МУ ВЛЕГЛЕ ВО ТРАГА НА АРТАН ГРУБИ За брзо време ќе биде уапсен? appeared first on plusinfo.mk.

ВМРО-ДПМНЕ наследи држава во која не владеат Уставот и законите, истакна заменик министерот за правда, Ален Деребан во синоќешното гостување на поткастот „ВМРО-ДПМНЕ зборува“.

– Оваа Влада наследи држава во која секојдневно бевме сведоци на кршење на основните човекови слободи и права. Република Македонија беше доведена до степен да се декларира како држава во која владее правна несигурност, со длабоко вкоренети системски криминал и корупција, кои што го разјадуваат секое здраво ткиво од општеството – истакна Деребан.

Крајно време е да се воведат ред и правда во Македонија, истакна тој.

Деребан нагласи дека актуелната одлука на Владата за разрешување на републичкиот обвинител Коцевски е одличен потег и е еден од чекорите од борбата против криминалот и корупцијата.

– Очекував и претходно да даде оставка, поради сите случувања во правосудниот систем. Поради тоа што, како резултат на нивното работење ние имаме пад на индексот за перцепција за корупцијата, во кој детално е нагласено дека една од основните, главните причини е непостапувањето и неажурноста на Обвинителството во предметите со корупција и висок степен на криминал. Ова е една од главните причини за одлуката да се разреши ЈО Коцевски – потенцираше заменик-министерот Деребан.

Тој појасни дека работата на државниот јавен обвинител е да гони криминал и корупција, а не тој самиот да биде вклучен во истата.

– Јавниот обвинител наместо да се занимава со гонење на криминал и корупција, се занимава со внатрешно пресметување со останатите обвинители и со посредување при склучување на судски спогодби, каков што беше случајот со поранешниот врховен судија и поранешниот потпретседател на Советот за јавни обвинители – изјави Деребан.

Деребан се осврна и на составот на Судскиот совет, за кој истакна дека веќе не е кредибилен.

– Овој состав на Судскиот совет целосно го има изгубено својот кредибилитет и не може да биде носител, ниту дел од реформите во правосудството. Овој Судски совет е причина за голем број на домашни и меѓународни негативни извештаи. Исто така е причина за падот на индексот за перцепција на корупцијата, каде што е нотирано дека една од причините е лошата контрола на овој Судски совет врз судиите – заклучи заменик-министерот за правда Деребан.

The post КРАЈНО ВРЕМЕ Е ЗА РЕД И ПРАВДА Деребан побара оставка од државниот обвинител Коцевски appeared first on plusinfo.mk.

Собранието вечерва со 4 гласови „за“ и 62 против не ја прифати интерпелацијата против заменик-министерот за внатрешни работи Астрит Исени што ја поднесе Европски фронт.

Интерпелацијата ја образложи Дијана Тоска која од Исени побара одговорност и оставка зашто, како што рече, покажал неспособност да ја извршува функцијата, не успеал да ја зачува безбедноста и придонел за поттикнување на меѓуетничките тензии.

Интерпелацијата, истакна Тоска, е повик за правичност и почитување на слободите и правата на граѓаните од страна на институциите, но и повик за мир.

Исени оцени дека интерпелацијата не кореспондира со реалноста и претставува обид за дефокусирање на јавноста од злоупотребите на институциите во изминатите две децении.

– Не успеавте да ја зачувате безбедноста, придонесовте за поттикнување на тензиите, покажавте пасивност и неодговорност, вашиот неуспех за обезбедување еднаков третман од страна на институциите е јасен доказ за неспособноста да се извршува оваа функција. Интерпелацијата е барање одговорност, повик за правичност и почитување на слободите и правата на граѓаните од страна на институциите, ова не е само политичко прашање, туку и прашање на држава која цели да биде демократска – нагласи Тоска.

Таа се осврна на случувањата од 28 ноември, кога, како што рече, „само граѓаните Албанци беа уапсени, а ниту една мерка не се презема за тие што го запалија албанското знаме“.

Исени во одговорот истакна дека интерпелацијата нема врска со неговата работа.

– Чист сум од секој аспект и горд сум зашто никогаш не сум бил инволвиран во ниту една коруптивна афера. Немам криминално досие и не сум искористил класифицирани информации за криминални групи. За вас унапредувањето на Албанците никогаш не било приоритет, приоритет Ви биле отворањето казина, лотарии и игри на среќа за да создадете богатство. Интерпелацијата е обид да се покрие минатото на тие што работеа изминатите две децении и ја злоупотребуваа секоја позиција. Каде бевте кога имаше меѓуетнички инциденти, убиства и многу други монтирани случаи кои до денес не се откриени, како „Монструм“? Вие што денес зборувате за праведност, замолчивте за албанските семејства, како во случајот „Алфи“. Колку убиства се случија и колку казни изрековте, а зборувате за правда? Вие 22 години не можевте да откриете ниту еден монтиран случај. Во однос на кумановскиот случај, ова е прв пат да има казни за националното знаме – подвлече Исени.

Во рамки на денешната 29. седница, прва оваа година, беа отфрлени и интерпелациите за работата на првиот вицепремиер и министер за животна средина и просторно планирање Изет Меџити, вицепремиерот Иван Стоилковиќ и министерот за внатрешни работи Панче Тошковски, сите поднесени од Европски фронт, а прифатена беше интерпелацијата на претседателката на Комисијата за социјална политика, демографија и млади Илире Даути поднесена од Левица.

The post СОБРАНИЕТО НЕ ЈА ПРИФАТИ ИНТЕРПЕЛАЦИЈАТА ЗА ЗАМЕНИК-МИНИСТЕРОТ ЗА ВНАТРЕШНИ РАБОТИ „Против“ гласаа 62 пратеници appeared first on plusinfo.mk.

– Се констатира повреда на законските одредби и за констатираното прекршување на законските одредби ДКСК ќе постапи во рамките на своите законски надлежности, ќе донесе одлука од нејзина надлежност и ќе иницира постапка до надлежен орган – рече Димитровска.

За отворањето на овој предмет шефицата на Антикорупциска информираше и претходно кога одговараше на прашања од пратеници за време на седница на Комисијата за политички систем во Собранието на која се разгледуваше годишниот извештај за работата на ДКСК. Тогаш таа информираше и дека станува збор предмет за поранешен заменик во Министерството за внатрешни работи. Во техничката влада, на оваа функција беше Назим Буши од ДУИ.

Во време на изборниот период, согласно Пржинскиот договор, со МВР раководеше кадар на тогаш опозициската ВМРО-ДПМНЕ, актуелниот министер за внатрешни работи Панче Тошковски. Од редовите на СДСМ, пак, имаше дополнителен заменик, Митко Бојмацалиев.

Меѓутоа, двајцата, согласно закон, ги напуштија функции откако ДИК ги објави конечните резултати, па со МВР остана да раководи Назим Буши од ДУИ.

„На ден 31.5.2024 година, заменик министерот ја презема надлежноста за раководење со Министерството, се до избор на новата влада. На 23.6.2024 година, Собранието ја избира новата Влада. Во тој период – од 31 мај до 23 јуни, во Министерството од страна на заменик министерот донесени се вкупно 189 решенија – 98 решенија за хоризонтално распоредување, 68 за унапредување и 23 решенија за распоредување со кои на работниците им се намалува основната плата“, рече претседателката на ДКСК на денешната седница.

Ставот на антикорупционерите е дека во тој период со оглед дека не бил извршен изборот на новата Влада не можело да се прават распоредување односно дека не се почитувани забраните во Законот за спречување корупција и судир на интереси и Изборниот законик.

The post ЗАМЕНИК МИНИСТЕР ВО ТЕХНИЧКАТА ВЛАДА РАСПОРЕДИЛ 189 ВРАБОТЕНИ Антикорупциска поведува постапка appeared first on plusinfo.mk.

До изборот на нов министер, заменик-министерот за одбрана Тирој Јајага од денеска ќе раководи со Министерството за одбрана (МО).

Ова следува откако на досегашната министерка Славјанка Петровска официјално ѝ заврши функцијата откако на 28 мај беше верификуван нејзиниот пратенички мандат.

Претседателката на Антикорупциската комисија, Татјана Димитровска, потсети дека по верификација на мандатите, именуваните и избраните лица треба да се откажат од сите претходни функции поради неспоивост на функциите.

Тирон Јајага е кадар на Алијанса за Албанците.

Тирој Јајага е роден на 17 септември 1979, Република Северна Македонија. Тој е оженет и татко на две деца, според веб-страницата на МО.

Тирој Јајага дипломирал како правник на универзитетот „Кент“ во Велика Британија, 2005 година, а станал магистер по Меѓународно право со меѓународни односи на истиот универзитет во 2008 година.

Јајага почнува да работи како правник по меѓународно право во Секторот за меѓународна соработка во МО од 2012 до 2015 година, па од 2015 до 2019 година влегува во функцијата на Одбранбен советник во Северноатлантската алијанса (НАТО), Мисија на РСМ при НАТО. Од 2019 година повторно работи како советник во Секторот за меѓународна соработка во МО.

Тој ја презема функцијата заменик-министер за одбрана на 23 мај 2023 година, според МО.

The post ТИРОЈ ЈАЈАГА ПРИВРЕМЕНО ЌЕ РАКОВОДИ СО МИНИСТЕРСТВОТО ЗА ОДБРАНА Кој е новиот министер што ќе ја замени Славјанка Петровска? appeared first on plusinfo.mk.

– Заменик министерот за одбрана на Русија, Тимур Владимирович Иванов е приведен поради сомнение дека сторил кривично дело примање поткуп – објави Истражниот комитет на својот канал Телеграм.

Во 2012 година, Иванов беше вицепремиер на Московската област, додека подоцна беше генерален директор на државното претпријатие Оборонстрој.

Во 2016 година, со претседателски указ, Иванов беше назначен за заменик началник на Министерството за одбрана.

The post АПСЕЊА ВО РУСКИОТ ВОЕН ВРВ ПОРАДИ МИТО! Најблискиот соработник на министерот Шојгу заврши со лисици на рацете appeared first on plusinfo.mk.

– Имавме приведено три лица поврзани со убиството на лекарот Ацо Трповски, но лицата се пуштени на слобода поради недоволни докази. Според наши сознанија, лицето не е убиено во автомобилот туку е донесено телото и оставено во автомобилот. Не се откриени мотивите за убиството – вели Бојмацалиев.

68-годишниот лекар минатата недела беше пронајден избоден до смрт во неговиот автомобил паркиран во парк во близина на поранешната фабрика „Железара“.

Лекарот имал приватна ординација во поликлиниката „Железара“.

The post ГО УБИЛЕ НА ДРУГО МЕСТО, ПА ГО ДОНЕЛЕ ВО АВТОМОБИЛОТ Бојмацалиев открива нови детали за убиството на лекарот Ацо Трповски во Железара appeared first on plusinfo.mk.

Станува збор за лице С.С., вработено во Одделот за обезбедување определени личности и објекти, кое било обезбедување на заменик министерот во МВР. Против него ќе биде покрената и дисциплинска постапка во МВР за тешко кршење на работниот ред и дисциплина, соопшти МВР.

Настанот се случил на 28 октомври 2023 година во Ургентниот центар во Комплексот клиники „Мајка Тереза“.

The post КРИВИЧНА ЗА ТЕЛОХРАНИТЕЛ НА ЗАМЕНИК МИНИСТЕР ВО МВР Тепал свој колега во скопска болница appeared first on plusinfo.mk.

Австрија и Хрватска имаат разбирање за македонскиот проблем со патните исправи и им излегуваат во пресрет на македонските граѓани кои непречено ќе можат да го остваруваат правото на слободно движење во овие две земји со старите пасоши, доколку истите имаат валиден рок и регулиран престој.

Ова го нагласија амбасадорите Мартин Памер и Нивес Тигањ на одвоени средби со министерот за внатрешни работи Панче Тошковски, заменик министерот Назим Буши и дополнителниот заменик министер Митко Бојмацалиев.

Министерот Тошковски го поздрави разбирањето на земјите членки на ЕУ кое го имаат во однос на техничката природа на прашањето за проблемот со патните исправи, изразувајќи волја за надминување на овој проблем, се вели во соопштението на МВР.

The post ВО АВСТРИЈА И ВО ХРВАТСКА ЌЕ МОЖЕ ДА СЕ ПАТУВА И СО СТАРИТЕ ПАСОШИ Амбасадорите велат дека нивните земји имаат разбирање appeared first on plusinfo.mk.