Здружението на новинарите на Македонија (ЗНМ) ја нагласува потребата изборот на раководните позиции, директор и заменик-директор, во Македонската радио-телевизија (МРТ) да се спроведе низ транспарентен, инклузивен и кредибилен процес, со јасен фокус на квалитетот на кандидатите и заштитата на јавниот интерес.

„Имајќи предвид дека рокот за оваа постапка истече на 15 април, сметаме дека е од особена важност целиот понатамошен тек на постапката да се води транспарентно и во целосна согласност со законските одредби, со доследно почитување на институционалните процедури и принципите на правната сигурност“ – се вели во соопштението на ЗНМ.

ЗНМ апелира изборот да се води врз основа на професионален интегритет, релевантно искуство на кандидатите, јасна визија и реален капацитет за унапредување на работата на јавниот сервис.

„Истовремено, неопходно е Законот за аудио и аудиовизуелни медиумски услуги да се почитува целосно и доследно во сите аспекти на постапката, без селективен пристап и без отстапки, со цел да се обезбедат легитимност, правна сигурност и доверба во постапката.

Квалитетниот и внимателно спроведен изборен процес е суштински предуслов за справување со предизвиците со кои се соочува јавниот сервис во служење на јавниот интерес. Само на тој начин може да се придонесе кон зајакнување на професионалните стандарди, независноста и севкупниот капацитет на МРТ да работи во интерес на граѓаните.

Оттука, очекуваме новото раководство со одговорен и стратешки пристап да придонесе кон унапредување на јавниот сервис, преку јасни развојни приоритети, професионално управување, посветено зајакнување на дописничката мрежа и јасна определба за работа во јавен интерес“ – вели ЗНМ во соопштението и додава дека останува конструктивен партнер во следењето на овој процес и во поддршката на сите напори што водат кон силен, независен и професионален јавен радиодифузен сервис.

The post КОЈ ЌЕ БИДЕ ДИРЕКТОР, А КОЈ ЗАМЕНИК-ДИРЕКТОР НА МРТ? ЗНМ апелира на законска и фер постапка appeared first on plusinfo.mk.

„Кога СДСМ ја гледа политиката низ призма на аквариумска риба со помнење од 3 минути и сака да освои ситни поени преку ниски страсти ќе одржи прес конференција каде ќе нападне свој довчерашен сопартиец и ќе излаже дека екс осуденик станал директор на затвор. Но истата оваа партија ќе молчи кога Филип Андов Сокол партиски кадар на СДСМ и директор на затворот Шутка му ги собира затворениците Управата за извршување санкции додека тој ги пушта. Истата партија каде Ден Дончев беше реформски кадар кој ги наполни џебовите и ја дувна во Австралија, или пак главен коалициски партнер и сродна душа во политиката им е ДУИ каде главни ликови се Артан Груби, внучето на Ахмети Дрин, и самиот Ахмети. Зошто СДСМ и Филипче не кажат збор за тоа што лиценците за игри на среќа се доделени на две фирми, од која едната струмичка блиска директно до Вице Заев, се доделени со потписот на Артан Груби. Ете така здушно функционира пљачкачката банда СДСМ – ДУИ“, се наведува во реакцијата на ВМРО-ДПМНЕ.

СДСМ попладнево истакна дека во владино соопштение до медиумите од 24 јули, самата Влада соопштила дека Ибрахим Ељези е именуван за в.д. заменик директор на Идризово, одделение во Велес, каде се наведни и други назначувања.

„Тоа соопштение го имаат сите медиуми и денешната реакција на истата прес служба дека не бил именуван е смешна. Впрочем врз основа на ова владино соопштение медиумите и ја пренесоа веста за неговото именување. Зарем денеска Владата на Мицкоски сака да каже дека медиумите сами си ја измислија веста? До толку несериозно, неодговорно однесување од Владата со потценување на јавноста и на медиумите досега не е забележано. Тоа што си правеле пиши-бриши на соопштенијата под притисок на јавноста Владата треба да одговори дали и реално значи дека Владата е пишман и за други одлуки? Кое друго име е избришано од најавените назначувања за директори?“, се наведува во соопштението на СДСМ.

The post „ДЕН ДОНЧЕВ ЈА ДУВНА ЗА АВСТРАЛИЈА, ГРУБИ ПОТПИШУВАЛ ЗА ФИРМИ ЗА ИГРИ НА СРЕЌА“ Од ВМРО-ДПМНЕ му порачаа на СДСМ да замете во својот двор и да вклучи шмрк appeared first on plusinfo.mk.

Денес леат крокодилски солзи, а во 2019 година Османи и Груби побараа да се преиспита одлуката за назначувањето на Еролд Муслиy, реагира коалицијата Вреди.

„Лицемерно е опозициската ДУИ да обвинува за недоволна застапеност на Албанците во безбедносните служби. Еве ги фактите. Талат Џафери, министер за одбрана, нула Албанци застапени во армиската единица ‘Волци’. Талат Џафери, технички премиер, армиски старешина Албанец претепан зашто реагирал за селективниот конкурс во ‘Волците’. ДУИ, преку Бујар Османи во 2019 бараше од тогашниот претседател Стево Пендаровски да ја преиспита одлуката за именувањето на Еролд Муслиу за директор на Агенцијата за разузнување. Затоа, овој плач на ДУИ не е за застапеноста на Албанците во институциите, туку затоа што Груби, Бујар, Крешник и компанија ги изгубија привилегиите“, се наведува во реакцијата на Вреди.

Од Коалицијата велат дека имаат заменик директор во Агенцијата за национална безбедност, институција која според програмата на Владата се предвидува да се спои со Агенцијата за разузнавање. После оваа реформа предлогот на Вреди за заменик директор во АНБ, ќе биде заменик и во интегрираната разузнувачка служба.

„Точно е дека Агенцијата за разузнавање имала заменик-директор Албанец од 2001 година, но точно е и дека во 2013 година вие ја сменивте систематизацијата на Агенцијата, каде што исчезна функцијата заменик директор. Од таа година Албанците немале заменик-директор, систематизација што ја гласавте на владиниот состанок, не знаејќи што сте направиле. Функцијата заменик-директор се врати во 2021 година, но од таа година која позиција ја имавте вие (ДУИ)? Никоја! Функцијата заменик директор на Агенцијата, Албанец, ќе ја врати Вреди!“, нагласуваат од Коалицијата Вреди.

Претседателката Гордана Сиљановска Давкова вчера донесе одлука со која се разрешува досегашниот директор на Агенцијата за разузнавање Еролд Муслиу кој на оваа позиција е втор мандат. На негово место е назначена Габриела Јаковлева, која доаѓа од редовите на Агенцијата.

The post ВО 2019 ГОДИНА ОСМАНИ И ГРУБИ БАРАА ДА СЕ ПРЕИСПИТА НАЗНАЧУВАЊЕТО НА МУСЛИУ „ДУИ не плаче за Албанците, туку за привилегиите“, реагира Вреди appeared first on plusinfo.mk.

Станува збор за заменик-директорот на Агенцијата Блерим Исеини кој до ДКСК лично доставил документ дека завршил Факултет за новинарство во Тирана и покрај тоа што според Законот во кој се наведени критериумите за оваа фуникција неопходна е диплома за завршени правни науки.

– Од страна на Агенцијата е доставено одговор дека се доставуваат сите документи кои се наоѓаат во персоналното досие на заменик-директорот, во кои не се наоѓа доказ за завршено високо образование. Во дописот се наведува дека имајќи во предвид дека заменикот на директорот на Агенцијата го именува и разрешува Собранието по предлог на Комисијата за прашања по изборите и именувањата, како и фактот дека освен доставените документи во досието на именуваниот нема други докази за исполнување н законски предвидени услови, согласно член 32 став 3 од Законот за слободен пристап до информации од јавен карактер, се предлага бараните докази да се обезбедат лично од именуваниот функционер или од Собранието. Се обративме и до Собранието кое не извести дека документите се вратени. Се обративме и до функционерот лично, кој донесе документи – нострифицирана диплома од Министерството за образование и наука, меѓутоа дипломата се однесува на завршен факултет за новинарство во Тирана. Со тоа, не е исполнет условот од членот 32 од Законот кој што бара кандидатот да има високо образование со стекнато најмалку 300 кредити според ЕКТС или 7/1 степен на образование од областа на правните науки – нагласи претседателката на ДКСК Билјана Ивановска образложувајќи го предметот.

Членовите на ДКСК на седницата разговараа да поведат иницијатива за негово разрешување од заменичката функција во Агенцијата, но во натамошната дискусија тие се сложија да побараат дополнително одговорност и од пратениците – членови на собраниската Комисија за избори и именувања кои спротивно на законот гласале за неговиот избор.

– Случајот не ги опфаќа виновниците кои се одговорни за ова. Тоа е Собранието. Мора да се опфати за одговорноста и таа Комисија која го поминала тој човек. Треба да се разреши, а тие кои се причина вака ќе поминуваат неказнети. Ова не е само политичко влијание, туку е криминал. Мора да се знае кој го прекршил законот и гласал во име на политиката – рече членот на Комисијата, Нури Бајрами.

Членот на Комисијата, Софка Пејовска Дојчиновска, која денеска беше избрана за потпретседател на ДКСК, потсети дека според законот пратениците не можат да се повикаат на одговорност.

Членот Шемси Салаи посочи дека не гледа одговорност кај лицето кое конкурирало во тој оглас, туку смета дека одговорноста е на Комисијата и лицата кои вршеле селекција при неговиот избор.

Претседателката на Комисијата, Ивановска предложи нивната инцијатива привично да биде поведена за разрешување на заменик директорот да се повлече и целиот предмет одново да го разгледаат, да ги преиспитаат сите околности, како и нужноста да се погледне записникот од седницата за да се види кој од членовите на собраниската Комисија гласал за неговиот избор по што ќе поведат нова постапка за овој предмет.

Исто така, членот на Комисијата Катица Николовска истакна дека одлучика да постапат по пријава пристигната од непознат подносител со наводи дека се спрема избор на заменик Народен правобранител и се планира да се именува кандидат кој што е спротивно на сите законски прописи, односно не ги исполнува условите, но и дека со поводена постапка има изречено кривични санкции. Таа потенцира дека состојбата за оваа функција во оваа институција е променета побара нивното натамошно постапувањето по овој предмет да се запре, а предметот да се затвори и да се архивира.

– Од сите институции побаравме кои што беа вклучени или имаат некои добирни точки со потврдувањето на професионалните способности, постапувања во однос на докажување вина. Обезбедивме документи од соодветниот суд каде што беше  наведено дека лицето работи во однос на потврдување на компетенциите дали ги исполнува или не, од МВР побаравме докази во однос на валидноста на документите за кои што се велеше во наводите дека се фалсификувани. И она што произлезе од нашето испитување е дека навистина сите овие наводи се потврдуваат. Имено, кандидатот воопшто не ги исполнува образовните перформанси, нема соодветно образование, за наведената позиција, дека како вработен во МВР поради фалсификат на документ за завршено образование му бил прекинат работниот однос. Се обративме и до Народниот правобранител да не извести за состојбите и активностите кои што ги има преземено по овие сознанија и настани. Од таму не известија дека од нивна страна е доставено до Собранието барање за повлекување на номинација на членови за кандидати за заменици народни правобранители. Променета е состојбата. За тие канцеларии се уште не е пополнета позицијата, дел од тие се уште празни, но видно е дека самите институции кои што се задолжени за постапување веќе постапиле и состојбите се променети. Ценевме дека нема елементи за наше натамошно постапувањето по овој предмет да се запре, а предметот да се затвори и да се архивира – рече таа.

The post ПРАТЕНИЦИТЕ НАЗНАЧИЛЕ НОВИНАР НАМЕСТО ПРАВНИК ЗА ЗАМЕНИК ДИРЕКТОР ВО ДРЖАВНА АГЕНЦИЈА Антикорупциска бара тој да биде разрешен appeared first on plusinfo.mk.

Полицијата соопшти дека непосредно по нападот, тие го ликвидирале напаѓачот и дека ситуацијата е под контрола.

Началникот на локалната полиција, генерал Лукански, опиша дека напаѓачот скршил стаклена врата за да влезе во училиштето, а потоа со нож го прободел заменикот директор на училиштето, кој се обидел да го запре.

Напаѓачот потоа го ранил домарот на училиштето, а потоа влегол во најблиската училница, каде сериозно повредил учител и двајца ученици.

Напаѓачот се обидел да избега, но повредениот домар го следел сè до пристигнувањето на полицијата, која безуспешно се обидувала да го уапси, но потоа биле принудени да отворат оган и да го ликвидираат.

Во пукањето се повредени и двајца полицајци, а локалната болница сè уште не соопшти за здравствената состојба на повредените лица во нападот. Сепак, дел од локалните медиуми наведуваат дека една од жртвите се бори за живот.

The post Напаѓач со нож усмртил заменик-директор и ранил две деца во Словачка appeared first on plusinfo.mk.