Празниците се токму времето кога се стремиме кон чувство на сигурност и поврзаност, па затоа храната што нè потсетува на ова има силна емоционална и социјална улога, што дополнително ја зголемува желбата за такви вкусови. Сето ова е сосема разбирливо кога станува збор за краток временски период.

Сепак, дури и кога станува збор за само неколку дена во годината, комбинацијата од изобилство шеќер и потешка храна може да го оптовари дигестивниот систем и да предизвика чувство на тежина и замор. Не затоа што празничната храна е „лоша“, туку затоа што честопати е едноставно премногу изобилна.

Добрата вест е дека повеќето традиционални рецепти можат да се подготват со мали, но многу ефикасни прилагодувања кои не го менуваат значително вкусот, но го олеснуваат оброкот.

Покрај тоа, сè повеќе луѓе не консумираат одредени намирници поради алергии, нетолеранции или лични избори во исхраната, па за време на празниците често се прашуваат со што можат да заменат нешто, а јадењето сепак да остане вкусно и функционално.

Повеќе за ова прочитајте ТУКА.

The post ПРАЗНИЧНИ РЕЦЕПТИ ЗА ПОЗДРАВ ЖИВОТ Како да ги замените шеќерот, брашното, путерот и мајонезот без никој да забележи appeared first on plusinfo.mk.

Почнавте да го подготвувате вашиот омилен колач и на средина од мешањето на состојките сфативте дека немате прашок за пециво? Не грижете се, оваа леста незгода не мора да ги уништи вашите десерти.

Решението веројатно е веќе во вашиот фрижидер или во кујнските фиоки. Со помош на основни состојки и едноставни хемиски реакции што секој може лесно да ги примени, вашите колачи ќе бидат меки, лесни и воздушести како и обично.

Прашокот за пециво за нараснување тесто содржи сода бикарбона (база) и кисела компонента (како винска киселина). Кога ќе дојде во контакт со течност, се јавува хемиска реакција што ослободува меурчиња на јаглерод диоксид. Овие меурчиња се задржуваат во структурата на тестото, создавајќи лесна и воздушеста текстура. Од друга страна, содата бикарбона делува исклучиво како база и не е доволна сама по себе – за да се предизвика истиот ефект, потребно е додавање на кисела состојка, пишува Real Simple.

Со кои состојки можете да го замените прашокот за пециво, прочитајте на „Арт кујна“.

The post ВАШЕТО ТЕСТО ЌЕ НАРАСНЕ И БЕЗ ПРАШОК ЗА ПЕЦИВО Само една лажичка од овие состојки прави чуда appeared first on plusinfo.mk.

Контроверзниот американски милионер кој сака да си го продолжи животниот век одново си пресади нова крвна плазма во своето тело. Брајан Џонсон, кој во 2023 година замени литар од својата плазма со донирана плазма од неговиот син кој тогаш имаше 17 години, сега направи целосна замена на плазмата со раствор што содржи 5% албумин и интравенски имуноглобулин (IVIG) .

Тој вели дека лекарите не виделе ништо слично.

„Ми ја отстранија целата плазма од телото, а докторката рече дека тоа е најчистата плазма што некогаш ја видела“, напиша Џонсон во својата објава на Инстаграм.

Џонсон е дел од познатите личности кои сакаат да го „хакнат“ својот животен век за да живеат подолго, па ги нарекуваат и биохакери. Нивните методи, иако базирани на одредени научни студии, се шпекулативни.

Плазмата е течниот дел од крвта и сочинува околу 55 проценти од вкупниот волумен на крв во човечкото тело. Црвените крвни клетки ги сочинуваат преостанатите 45 проценти.

 

View this post on Instagram

 

A post shared by Bryan Johnson (@bryanjohnson_)

Џонсон стана популарен на социјалните мрежи по неговиот протокол за здрава исхрана „Блупринт“ и неговото движење „Don’t die“ што во превод значи „не умирај“.

За себе тврди дека е „најмерениот човек до сега“, алудирајќи на фактот дека тим доктори постојано ги следат и мерат еден куп биомаркери, од неговиот притисок, составот на крвта, шеќерот….Неговата цел е да го намали индексот на стареење колку е можно.

Во диетата на Џонсон нема месо, туку шитаке печурки, црна леќа и многу брокула. Тој исто така пие многу суплементи, редовно вежба и прави 18-часовен пост секој ден.

„Blueprint“ нуди и комерцијални услуги, вклучувајќи тестови за биомаркери кои мерат различни аспекти на здравјето, како што се метаболичката функција, хормоналниот баланс и воспалителните процеси. Овие тестови се достапни за купување и вклучуваат анализа на над 100 биомаркери, со цел да се добие детален увид во здравствената состојба на поединецот. 

Научниците се поделени за методата на „Блупринт“, но таа привлекува внимание во јавноста.

The post 📽 КОНТРОВЕРЗНИОТ БИОХАКЕР СИ ЈА ЗАМЕНИ ЦЕЛАТА КРВНАТА ПЛАЗМА Докторите не виделе вакво нешто? appeared first on plusinfo.mk.

Папата Франциск беше погребан вчера во Рим, а сега сите очи се вперени во конклавата, таен состанок на кардинали кои ќе се соберат за неколку дена за да го изберат новиот поглавар на Римокатоличката црква.

Заедно со светските лидери и монарси, околу 400.000 луѓе се собраа во Ватикан и на улиците на Рим за вчерашното последно збогување со аргентинскиот папа.

Толку голема толпа беше доказ за популарноста на Франциск, енергичен реформатор кој се залагаше за правата на најсиромашните и најранливите.

Многумина од оние што тагуваат по починатиот папа, кој почина минатиот понеделник на 88-годишна возраст, изразија загриженост за тоа кој ќе го наследи.

– Тој ја трансформираше црквата во нешто понормално, почовечко. Загрижена сум што ќе се случи – вели Ромина Качаторе (48), Аргентинка која живее во Италија и работи како преведувачка.

Утре во девет часот кардиналите ќе го одржат својот петти состанок по смртта на папата, каде што се очекува да го објават датумот на конклавата.

Изборот на папата, кој се одвива зад заклучени врати во фреско-украсената Систинска капела, со векови е предмет на јавна фасцинација.

Кардиналските електори ќе гласаат четири пати на ден сè додека еден кандидат не обезбеди двотретинско мнозинство, чиј резултат се објавува на светот со горење хартии од кои испуштаат бел чад.

Луксембуршкиот кардинал Жан-Клод Холерих изјави дека очекува конклавата да се одржи на 5 или 6 мај, по деветдневна жалост што завршува на 4 мај.

Германскиот кардинал Рајнхард Маркс им изјави на новинарите дека конклавата ќе трае само „неколку дена“.

Тој потврди дека дебатата за следниот папа е отворена, нагласувајќи дека „не станува збор за конзервативизам или прогресивизам“.

– Новиот папа мора да има универзална визија – рече Маркс.

Повеќе од 220 од 252 кардинали присуствуваа на погребот на папата и повторно се собраа денес попладне во базиликата „Света Марија Голема“ за да оддадат почит на гробот на Франциск.

Денес, во базиликата „Свети Петар“ се одржа миса од страна на Пјетро Паролин, државен секретар под Франциск и водечки кандидат за следен папа меѓу неколку фаворити за нов поглавар на Римокатоличката црква.

Само кардиналите под 80 години имаат право на глас на конклавата, а моментално ги има 135 – од кои повеќето се назначени од самиот Франциск.

Но, експертите не претпоставуваат дека некој како него ќе биде избран.

Франциск, поранешниот надбискуп на Буенос Аирес, кој сакаше да биде меѓу верниците, беше многу различен од својот претходник Бенедикт XVI, германски теолог.

Сепак, Бенедикт XVI беше значајна промена од неговиот полски претходник, харизматичниот и неизмерно популарен Јован Павле Втори.

Некои кардинали ја признаа тежината на одговорноста пред нив при изборот на нов поглавар на 1,4 милијарди католици во светот.

– Се чувствуваме многу мали. Мораме да донесуваме одлуки за целата црква, па затоа навистина мора да се молиме за себе – рече Холерик.

The post ДАЛИ ОВА Е ЗНАК ДЕКА НОВИОТ ПАПА Е ПОЗНАТ ПРЕД КОНКЛАВАТА? Главниот фаворит ја одржа мисата во базиликата „Свети Петар“ appeared first on plusinfo.mk.

Американскиот претседател Доналд Трамп вчера изјави дека „нема намера“ да се обиде да го отпушти претседателот на Федералните резерви Џером Пауел, и покрај неговите лути објави на социјалните мрежи насочени кон шефот на централната банка во последните денови.

Трамп рече дека „никогаш“ немал намера да го отпушти шефот на ФЕД, додавајќи дека „затајува во работите“. Но, тој го повтори своето верување дека Пауел треба да ги намали каматните стапки.

– Ова е совршено време за намалување на каматните стапки. Ако не го стори тоа, дали е тоа крајот? Не. Не е. Но, би било добро време. Можеше да се случи порано, но немам намера да го отпуштам – рече Трамп.

Трамп постојано ја повика Банката на федерални резерви да ги намали трошоците за позајмување, што би помогнало во зајакнувањето на економијата пред потенцијалниот удар на растот од царините, иако неодамнешните податоци покажаа дека економијата и оди добро во март.

Трамп објави и неколку коментари на социјалните мрежи кои се протолкуваа како притисок врз првиот човек на ФЕД. Тоа доведе до натамошен пад на и онака нервозните пазари и доведоа до пораст на долгорочните приноси на државниот долг на САД и пад на вредноста на доларот.

Политико напиша дека министерот за финансии Скот Бесент постојано ги предупредувал претставниците на Белата куќа дека секој обид за отпуштање на Пауел би ризикувал да ги дестабилизира финансиските пазари, потврдувајќи го она што Трамп веќе го знае.

The post ТРАМП НЕ ГО ОТПУШТА ПРВИОТ ЧОВЕК НА ФЕД Но, смета дека Пауел „затајува во работата“ appeared first on plusinfo.mk.

На 30 април, во салата за прес-конференции при Спортскиот центар „Борис Трајковски“, ќе се одржи вонредно Собрание на Кошаркарската федерација на Македонија (КФМ), на кое, според најавите, ќе дојде до промена на досегашниот претседател Перо Антиќ.

Негов наследник треба да биде Младен Ѓуроски – поранешен репрезентативец и играч на неколку македонски клубови – кој веќе ја има обезбедено поддршката од огромното мнозинство на клубовите низ земјава. Според податоците, зад неговата кандидатура официјално застанале 36 клубови, а тој денеска лично ја доставил одлуката за свикување на собрание до Куќата на кошарката.

„Иницијативниот одбор врз основа на членот 36 од Статутот на Кошаркарска Федерациа на Северна Македонија свикува вонредно собрание на 30 април со почеток во 16 часот во салата за прес-конференции при СЦ Борис Трајковски“, стои во официјалното соопштение испратено до федерацијата.

Промената на врвот на КФМ не доаѓа сама – Ѓуроски најавува вистинска кошаркарска офанзива со нов тим кој ги обединува некои од најголемите имиња во историјата на македонскиот спорт. Негови најблиски соработници ќе бидат тројца од четворицата најдобри македонски кошаркари на сите времиња: Петар Наумоски, Врбица Стефанов и Владо Илиевски. Тројцата прифатиле да му се придружат и активно да учествуваат во реформите за враќање на македонската кошарка на мапата на европскиот спорт.

Посебно внимание привлекува и вклучувањето на Томе Главчев – човекот зад кошаркарското чудо Блокотехна, клубот кој освои трофеј во БИБЛ лигата и стана втор македонски тим со меѓународен успех. Главчев долги години е активен во спортот како спонзор на Кожув, помагател на МЗТ Скопје и Куманово, и член на Управниот одбор на КФМ во неколку наврати.

Оваа силна екипа, позната и како „дрим-тим“, најавува нова ера за македонската кошарка. Според последните информации, Ѓуроски и неговиот тим се целосно подготвени да се соочат со сите предизвици кои ги носи преземањето на федерацијата и да започнат сериозна работа за подигање на спортот на повисоко ниво.

„Ние сме тука да ја вратиме македонската кошарка таму каде што ѝ е местото – на европската сцена. Имаме план, имаме енергија и најважно од сè – имаме поддршка од целата кошаркарска заедница,“ велат луѓе блиски до Ѓуроски.

The post ПРОМЕНИ НА ВРВОТ НА МАКЕДОНСКАТА КОШАРКА Ѓуроски го менува Антиќ, во КФМ влегува со легендарен „дрим-тим“ appeared first on plusinfo.mk.

Има терапија што може да ги замени лековите што недостасуваат на Универзитетската клиника за радиотерапија и онкологија во Скопје, изјави министерот за здравство Арбен Таравари на денешната прес-конференција.

Тој рече дека разговарал со директорот на клиниката и бил информиран во детали за што станува збор.

– Јас пред состанокот се слушнав со директорот на Онкологија, бев информиран во детали, се работи за три – четири лека, што недостасуваат, не повеќе од четири дена. Од вторник, сите лекови, бидејќи процедурата е завршена на 11, меѓутоа се чека, има право за жалба. Тоа се процедурите. Мора да ги причекаме и после тоа, од вторник, сите овие лекови ќе бидат достапни за сите пациенти. Меѓутоа во меѓувреме за сите лекови што недостасуваат, а се четири, има терапија што може да го замени лекот што недостасува – одговори Таравари на новинарско прашање.

Министерот рече дека треба да се размислува за законски измени за да не се случува поради административни процедури, да недостасуваат лекови.

The post ИМА ТЕРАПИЈА ШТО МОЖЕ ДА ГИ ЗАМЕНИ ЛЕКОВИТЕ КОИ ФАЛАТ НА ОНКОЛОГИЈА Во вторник треба да пристигнат лековите appeared first on plusinfo.mk.

САД инсистираат TikTok да биде префрлен на не-кинески купувач, оправдувајќи го потегот врз основа на националната безбедност. Американската влада стравува дека кинеските власти би можеле да ја користат апликацијата за собирање огромни количини лични податоци од американските корисници, како и за ширење политичко влијание низ светот.

Во моментов, САД се најголемиот пазар на TikTok, со околу 170 милиони корисници.

– Што се однесува до TikTok… Кина ќе мора да одигра некаква улога во тоа, можеби преку одредено одобрение, и мислам дека ќе го направат тоа. Можеби ќе им дадам мало намалување на тарифите или нешто слично за да го направат тоа – рече Трамп во средата.

Тој додаде дека би можел да го продолжи рокот за наоѓање купувач, кој во моментов е определен до 5-ти април.

Администрацијата на Џо Бајден претходно донесе легислатива наречена Закон за заштита на Американците од апликации контролирани од странски противник, исто така познат како „Продај или забрани TikTok“. Законот бараше ByteDance да ја продаде својата сопственост на TikTok до 19 јануари 2025 година, или ќе се соочи со забрана на апликацијата во САД.

Во меѓувреме, Трамп дополнително ги заостри трговските односи со воведување царини од 25% за увоз на автоделови и возила. Овие тарифи стапуваат на сила следната недела, а царините за автоделови ќе стапат на сила од 3 мај годинава. Тој, исто така, ги зголеми царините за увоз од Кина на 20%, што е зголемување од претходните 10% објавени во февруари.

TikTok се соочува со сè поголеми повици за забрана во многу земји низ светот. Индија ја забрани апликацијата уште во јуни 2020 година, заедно со 58 други апликации во кинеска сопственост, иако тоа беше најголемиот пазар на TikTok во тоа време. Јапонија, Австралија и Пакистан исто така размислуваат за забрана или ограничување на апликацијата.

Во април 2023 година, Австралија го забрани TikTok на сите владини уреди од безбедносни причини, а истиот потег го направија Естонија, Обединетото Кралство, Европската унија и Франција.Албанија воведе едногодишна забрана за TikTok кон крајот на минатата година, наведувајќи ја нејзината улога во порастот на насилството меѓу младите во земјата.

The post ТРАМП ГИ ТРАМПА ЦАРИНИТЕ ЗА ТИК-ТОК Што ќе одговори Кина? appeared first on plusinfo.mk.

Министерството за внатрешни работи ги потсетува граѓаните дека рокот за замена на регистарските таблички со нови, кои ќе ја содржат ознаката НМК, истекува на 31.12.2024 година.

Сите возила кои сѐ уште имаат регистарски таблички со буквената ознака МК или со таблички кои не ја содржат ознаката МК (со три бројки), треба да ги заменат со нови регистарски таблички кои ќе носат националната ознака НМК. Дополнително, за оние што нема да ја заменат табличката, се нуди опција да се залепи налепница со националната ознака НМК, која исто така мора да биде поставена до 31.12.2024 година.

– Министерството за внатрешни работи ги потсетува сите граѓани да ја заменат или дополнат својата регистарска табличка со налепница НМК најдоцна до крајот на годинава. Се апелираме граѓаните да не го остават ова до последен момент и да ја завршат постапката навремено – изјави портпаролот на МВР.

Налепниците НМК може да се добијат во сите станици за технички преглед низ земјата.

The post ОЗНАКАТА МК ЗАМИНУВА ВО ИСТОРИЈА, ОД 1 ЈАНУАРИ ЌЕ ВАЖАТ САМО НМК Променете ја регистарската табличка пред да биде предоцна или залепете налепница appeared first on plusinfo.mk.

Претседателот на Реал Мадрид, Флорентино Перез е подготвен да купи нов голман по поразот од Барселона (0:4) во 11. коло од шпанската Ла Лига, пренесува „Realmadridexclusivo“.

Поради повреда на Тибо Куртоа, на Ел класико бранеше Андреј Лунин.

Според изворот, поради неуспешниот исход на натпреварот, Перез решил да се здобие со нов голман. Голманот на Лил, Лука Шевалие, наводно е еден од кандидатите.

Реал Мадрид е втор во Примера со 24 бода по 11 кола. Тимот на Карло Анчелоти заостанува шест бода зад Барселона.

The post РЕАЛ ГО ПОСОЧИ ВИНОВНИКОТ ЗА ПОРАЗОТ ОД БАРСА „Кралевите“ ќе купуваат нов голман кој ќе го замени Лунин appeared first on plusinfo.mk.