Поранешниот врховен командант на украинските вооружени сили и сегашен амбасадор на Украина во Велика Британија, Валериј Залужни, предупредува дека е опасно да се верува дека Русија веќе ја загубила војната, и покрај украинските успеси на фронтот и ударите врз руската инфраструктура.

Во авторски текст за британскиот весник „Телеграф“, Залужни оценува дека сè повеќе западни аналитичари погрешно заклучуваат дека крајот на војната е близу, бидејќи ја набљудуваат низ призмата на поединечни тактички успеси, наместо преку пошироката стратешка слика.

Според него, современото војување целосно се променило поради беспилотните летала, прецизното оружје и постојаниот надзор на бојното поле.

Војна на исцрпување

„Ова повеќе не е војна на брзи маневри. Ова е војна на исцрпување. Успехот денес се мери во метри, а не во километри, а секој тактички успех има огромна цена“ – наведува Залужни.

Тој смета дека фронтот достигнал состојба на рамнотежа. Русија нема капацитет целосно да ја освои Украина, но ниту Украина во моментов има средства само со воена сила да ја ослободи целата окупирана територија.

Москва не е поразена

Залужни истакнува дека Кремљ не ги остварил своите првични политички цели, но тоа не значи дека Русија е поразена.

„Русија сè уште ја води војната, контролира значителен дел од украинската територија и не покажува намера да го заврши конфликтот под услови што би значеле признавање пораз“ – пишува тој.

Истовремено, нагласува дека ниту Украина не може да прогласи победа, бидејќи и натаму во голема мера зависи од западната финансиска, воена и технолошка помош.

Западот покажува знаци на замор

Поранешниот командант предупредува дека руската стратегија сè повеќе се темели на економско, воено и психолошко исцрпување на Украина, додека Москва и натаму располага со поголеми човечки резерви и силна воена индустрија.

Дополнително, како што наведува, се појавуваат сè повеќе знаци на замор кај западните сојузници.

Политичките промени во Вашингтон и поделбите во Европа отвораат прашање дали сегашното ниво на поддршка може да се одржи на долг рок. Самитите и демонстрациите на единство имаат симболична вредност, но не се гаранција за трајно политичко единство – оценува Залужни.

Тој додава дека денес војната не се води само на фронтот, туку и во логистиката, индустријата, противвоздушната одбрана, критичната инфраструктура и отпорноста на општеството.

Критика и до НАТО

Во завршниот дел од анализата, Залужни оценува дека војната во Украина ги разоткрила слабостите на НАТО и отвора прашање дали Алијансата е подготвена за конфликтите на 21 век.

„Природата на војувањето драматично се промени. Беспилотните летала, прецизните удари и кибернетското војување бараат сосема поинаков пристап кон одвраќањето и колективната одбрана. Идната безбедност на Европа нема да зависи само од оние што се подготвени да се бранат, туку и од оние што се подготвени да понудат нова стратешка визија за континентот“ – заклучува Валериј Залужни во текстот објавен во британскиот „Телеграф“.

The post ОПАСНО Е ДА СЕ ВЕРУВА ДЕКА РУСИЈА ЈА ГУБИ ВОЈНАТА! Еве што всушност се случува и што ќе одлучи appeared first on plusinfo.mk.

Германските истражители веруваат дека зад експлозиите на гасоводите „Северен тек 1 и 2“ стои група Украинци кои делувале под директна наредба на тогашниот врховен командант на вооружените сили на Украина, генерал Валериј Залужни, објави Волстрит џурнал, повикувајќи се на полициски и обвинителски извори во Германија.

Според истражителите, се оформува „јасна слика“ за тоа како елитна украинска воена единица ги извршила нападите што во септември 2022 година го потресоа енергетскиот систем на Европа. Целта на акцијата, велат изворите, била да се намалат приходите на Русија од гас и нафта и да се прекинат економските врски меѓу Москва и Берлин.

Истражителите од Потсдам, следејќи траги поврзани со чартер-компании, телефонски броеви и регистарски таблички, собрале доволно докази за да издадат налози за апсење на тројца војници на специјалните сили и четворица нуркачи.

Клучен доказ, според извештајот, е црно-бела фотографија од германска сообраќајна камера на која е прикажано лицето на еден од нуркачите. Со користење на софтвер за препознавање лица, полицијата за неколку минути го идентификувала осомничениот и ги пронашла неговите профили на социјалните мрежи, што довело и до другите членови на групата.

Еден од нуркачите бил следен до Полска, од каде што, според податоците на германската полиција, бил транспортиран назад во Украина со црно БМВ со дипломатски таблички, управувано од украинскиот воен аташе во Варшава.

По повеќемесечна потрага, командантот на диверзантската единица бил пронајден во Италија. Истражителите првично имале само фотографија од насмеан маж на пасош, кој се покажал како вистински украински документ издаден на туѓо име — практика што, според полицијата, е честа кај тајните украински операции.

Благодарение на податоци добиени од граничната полиција на „пријателска земја“, германските истражители успеале да го идентификуваат осомничениот како 46-годишниот Сергеј К., ветеран од украинската Служба за безбедност (СБУ). Тој, според документите, командувал со противвоздушна единица за време на битката за Киев.

Судот во Болоња кон крајот на октомври ја одобри екстрадицијата на Сергеј Кузнецов во Германија, но неговата одбрана поднесе жалба до Врховниот суд, кој треба да одлучи до декември. Во меѓувреме, Кузнецов започна штрајк со глад, а украинскиот комесар за човекови права Дмитро Лубинец пријави дека неговата здравствена состојба се влошила.

Германската полиција веќе подготви специјален авион за негов транспорт до Хамбург, каде што треба да се одржи судењето.

The post ЗАЛУЖНИ ЈА НАРЕДИЛ САБОТАЖАТА НА ГАСОВОДОТ Германската полиција го поврзува со експлозијата на „Северен тек“ appeared first on plusinfo.mk.

Поранешниот командант на украинските вооружени сили, а сега украински амбасадор во Велика Британија, Валериј Залужни, одбил телефонски повик од американскиот потпретседател Џеј Ди Вансс, објави „Гардијан“, повикувајќи се на дипломатски извори.

Повикот следел само неколку дена по остриот судир меѓу претседателите на Украина и САД Володимир Зеленски и Доналд Трамп во Белата куќа на 28 февруари. Тимот на Венс наводно сакал да испита кој би можел да го замени Зеленски на чело на државата.

Залужни одбил да разговара со Венс откако се консултирал со претседателскиот кабинет во Киев. Според извор близок до него, одбивањето било „принципиелен став“ и јасен сигнал за украинско единство.

Иако Залужни ужива голема популарност во јавноста и во армијата, тој постојано нагласува дека додека трае војната не размислува за избори. Анкети сепак покажуваат дека би бил главен ривал на Зеленски доколку се кандидира за претседател.

The post ЗЕЛЕНСКИ ЗА МАЛКУ ЌЕ БИЛ СМЕНЕТ ПО КАВГАТА СО ТРАМП ВО ФЕВРУАРИ? Џеј Ди Венс предложил, Залужни ја одбил понудата appeared first on plusinfo.mk.

Украина треба да прифати дека нема да ги врати своите граници од времето на Советскиот Сојуз или од почетокот на руската инвазија во 2022 – порача Валери Залужни, поранешниот врховен командант и сегашен амбасадор во Лондон.

– Се надевам дека овде нема луѓе што уште веруваат во чудо. Ни 1991, ни 2022 нема да се вратат. Нема да има магична среќа – рече Залужни на форум во Киев, пренесе РБК Украина.

Неговата изјава доаѓа во време кога Киев сè повеќе зборува за примирје, а сè помалку за враќање на целата територија, иако Зеленски и натаму официјално бара враќање на Крим и сите други области под руска контрола.

Залужни беше сменет во февруари 2024 по несогласувања со Зеленски. Но и покрај тоа, остана еден од најпопуларните украински политичари. Во истиот период, рејтингот на Зеленски порасна по остриот судир со Доналд Трамп во Белата куќа.

– Непријателот сè уште има ресурси и може да продолжи со напади – додаде Залужни.

Анкетите покажуваат дека Залужни е еден од најпопуларните украински политичари. Анкетите, исто така, покажуваат дека рејтингот на Зеленски е зголемен по судирот со американскиот претседател Доналд Трамп на состанокот во Белата куќа во февруари.

Залужни беше разрешен од должноста во февруари 2024 година, во време кога неговата популарност ја надминуваше онаа на претседателот Володимир Зеленски. Несогласувањата меѓу двајцата се продлабочија по неуспешната украинска контраофанзива во 2023 година и по изјавите на Залужни дека војната влегла во фаза на исцрпување, што беше во спротивност со оптимистичките пораки на претседателот.

Откако беше разрешен, Залужни во март 2024 година беше назначен за украински амбасадор во Велика Британија.

The post НЕМА ДА СЕ ВРАТИ УКРАИНА ОД 2022, НИТУ ОД 1991 ГОДИНА Ривалот на Зеленски испрати брутално искрена порака appeared first on plusinfo.mk.

Додека стануваат сè погласни повиците на некои сојузници на американскиот претседател Доналд Трамп Зеленски да поднесе оставка, украинскиот лидер изјави дека би поднел оставка под услов земјата да стане членка на НАТО.

Тој исто така предупреди дека нема да биде лесно да го заменат.

– Не е доволно само да се одржат избори. Мора да ме спречите да учествувам, а тоа ќе биде малку потешко – рече Зеленски.

Изјавата на Зеленски дојде откако неколку американски републиканци, вклучително и советникот за национална безбедност Мајк Волц, сенаторот Линдзи Грем и претседателот на Претставничкиот дом Мајк Џонсон, рекоа дека Зеленски треба да ја напушти функцијата, по неговото однесување во Овалната соба во петокот за време на вербалниот судир со Трамп.

Тие вчера го повикаа Зеленски да ја смени стратегијата или да поднесе оставка.

Изборите во Украина во моментов се неостварливи поради воената состојба, иако мандатот на Зеленски е истечен.

Кое име е фаворит на анкетите доколку се одржат избори во Украина? Валери Залужни, поранешен врховен командант на украинската армија и актуелен амбасадор во Велика Британија, е едно од најчесто споменуваните имиња. Тој  ја водеше одбраната на Украина до 2024 година, а беше разрешен по несогласувањата со Зеленски околу воената стратегија.

Според анкетите, Залужни е попопуларен од Зеленски и во некои сценарија убедливо би го победил на избори.

Како можен кандидат се појавува и Виталиј Кличко, градоначалник на Киев и поранешен боксер. Тој веќе го критикуваше Зеленски за неговите оптимистички изјави за текот на војната, а го поддржа Залужни за, како што рече, искреноста. Кличко рече дека политичарите, вклучително и Зеленски, ќе мора да се соочат со одговорноста за успесите и неуспесите на крајот на војната.

Руслан Стефанчук, претседател на украинскиот парламент и близок соработник на Зеленски, е друго име што се споменува. Тој е познат по тоа што силно се спротивстави на повиците на Трамп за избори среде војна, велејќи дека на Украина сега и требаат „куршуми, а не гласачки ливчиња“. Тој неодамна ја повика ЕУ да ја зголеми воената помош за Украина и предупреди на заканата што доаѓа од Русија. Стефанчук се чини дека е највоинствениот од овие тројца кандидати.

Без разлика кога ќе се одржат изборите во Украина, тие ќе зависат од повеќе фактори.

Прашање е во која фаза ќе биде воениот конфликт, дали ќе има примирје или траен мир и дали Зеленски ќе се кандидира на тие избори.

The post КОЈ БИ ГО ЗАМЕНИЛ ЗЕЛЕНСКИ АКО ДАДЕ ОСТАВКА? Украинскиот лидер има тројца ривали appeared first on plusinfo.mk.

„Економист“ наведува дека најраниот датум за одржување на избори е 25 мај.

Весникот посочува дека некои подготовки за изборите веќе се започнати, дека се мобилизираат регионални изборни штабови и се составуваат листи со кандидати.

Според анкетите, актуелниот украински претседател Володимир Зеленски има мали шанси да го победи поранешниот врховен командант на вооружените сили на Украина Валериј Залужни во вториот круг.

Залужни сега ја извршува функцијата амбасадор во Велика Британија и се уште не ги кажал јасно своите политички амбиции, иако многумина го повикуваат да се кандидира.

Изборите во Украина требаше да се одржат во март 2024 година, но гласањето беше одложено на неодредено време поради војната.

The post ВО МАЈ ЗЕЛЕНСКИ ЌЕ СЕ ТРКА СО ЗАЛУЖНИ ЗА ПРЕТСЕДАТЕЛ? Анкетите му даваат предност на Залужни appeared first on plusinfo.mk.

Се чини дека тоа е ризик кој украинскиот претседател Володимир Зеленски е подготвен да го преземе, бидејќи не успеа да го убеди генералот Валериј Залужни да поднесе оставка како врховен командант на вооружените сили на Украина.

Додека некои украински политичари повикаа на помирување меѓу двајцата и рекоа дека тоа е сè уште можно, гласините за претстојната смена на генералот продолжија да кружат во Киев, како и во дипломатските кругови.

Додека Зеленски е неприкосновено лице на Украина во странство, Залужни е ривал на популарноста на претседателот дома.

Неговото лице е прикажано на безброј постери и мемиња на интернет низ Украина, вклучувајќи го и оној на кој е прикажан како го понижува Владимир Путин пред Меѓународниот суд на правдата во Хаг.

Токму оваа ривалска популарност е во срцето на актуелната криза во Киев, рече опозицискиот пратеник и сојузник на Залужни, Алексеј Гончаренко.

– Се работи за лични односи меѓу нив. Мислам дека не се работи за водење војна. Зеленски беше, не заборавајте, актер, а изгледа сака да биде единствената ѕвезда. И двајцата се емотивно исцрпени по изминатите две години – изјави Гончаренко.

Зеленски го постави Залужни на чело на вооружените сили на Украина во јули 2021 година, кога земјата веќе седум години се бореше да ги одбрани своите источни провинции од руски напад, но Путин во меѓувреме почна да собира многу поголема сила за инвазија преку границата.

Откако беше на функцијата, Залужни имаше седум месеци да се подготви за нападот и го изненади светот бранејќи го Киев, разбивајќи го најголемиот дел од руската инвазивна сила на патот кон главниот град, а потоа возврати и зазеде повеќе од половина од изгубената територија.

Долго најавуваната контраофанзива за враќање на поголема територија минатото лето не успеа да го постигне напредокот на кој се надеваа Киев и неговите поддржувачи, а Залужни призна за „Економист“ дека војната е во ќор-сокак и дека без огромен технолошки скок“, најверојатно нема да има поголем пробив.

Интервјуто го вознемири кабинетот на претседателот, но се чини дека тоа не ја намалило позицијата на Залужни меѓу обичните Украинци, според анкетите на јавното мислење. Во тој поглед, тој е постојано единствената јавна личност која му конкурира на Зеленски.

50-годишниот генерал се смета за олицетворение на воената трансформација на Украина од ригидна хиерархија од советската ера во модерност во западен стил, систем каде што на помладите офицери им се верува да ги донесат правилните одлуки во жарот на битката, наместо да чекаат наредби одозгора.

Залужни е роден во стариот систем, тој пристигна во светот во 1973 година во советскиот воен гарнизон на северот на Украина каде што служеше неговиот татко. Меѓутоа, како што растеше, неговиот инстинкт беше да се откаже од своето воено наследство, а една рана амбиција беше да стане комичар, истата професија од која излезе Зеленски. Но, семејната традиција преовладуваше и во 1997 година Залужни дипломира на Институтот за копнени сили во Одеса.

Тој беше премногу млад за да биде темелно школуван во советската култура на командување, која се врти околу несомнената послушност во синџир. Залужни за магистерскиот труд напишал анализа на воената структура на САД.

Додека се искачуваше низ чиновите, забрзан со заземањето на Крим од страна на Путин и офанзивата на источните провинции во 2014 година, Залужни одржуваше чувство на неформалност и другарство со своите војници, во целосна спротивност со високите офицери, често фотографирани во маици и шорцеви.

Тој пиел пиво на роденденот на неговата сопруга кога се јавил Зеленски во летото 2021 година, барајќи од него да ја преземе целосната команда со вооружените сили. Неговиот прв одговор, подоцна изјави за магазинот Тајм, беше: „Што сакаш да кажеш?“

Тој рече дека се чувствувал како да бил удрен „не само под појасот, туку и нокаутиран“.

Во јавноста, Залужни го задржа истиот дух на скромност и недостаток на амбиција, инсистирајќи на целосно одвојување на воените работи и политиката, но кабинетот на претседателот Зеленски не е убеден во тоа. Соработниците на Зеленски се сомневаат дека добротворната фондација на генералот на крајот може да стане политичка платформа, а зголемениот број на објави на Залужни со сопругата на социјалните мрежи го гледаат како проекција на потенцијална претседателска атмосфера.

Ако нешто би го турнало генералот во редовите на опозицијата, тоа би било промена. Тој очигледно не сака да си замине, одбива да поднесе оставка и стои цврсто наспроти оркестрираната кампања на гласини дека се подготвува да замине.

Зеленски бара жртвено јагне?

Не е јасно зошто Зеленски е подготвен да ризикува да го отуѓи толку популарниот потенцијален ривал. Ако има разлики околу тактиката и стратегијата, тие не се објавуваат јавно. Но, без оглед на изворот на поделбата, неговата очигледна сериозност и начинот на кој беше постапуван ги истакнаа слабостите на Киев.

– Како што војната во Украина се приближува кон крајот на својата втора година, не останува ни трага од поранешното единство на украинската елита – вели Константин Скоркин, политички аналитичар кој пишува за Фондацијата Карнеги за меѓународен мир.

Тој во оваа ситуација гледа можна потрага по жртвено јагне.

– Колку подолго траат борбите, толку е попримамливо да се бара некого за виновен, а заканата од внатрешна дестабилизација е пореална – додава Скоркин.

Гончаренко стравува дека ако Залужни биде разрешен, тоа ќе му наштети на моралот на општеството.

– Мислам дека тоа нема директно да влијае на бојното поле, но мислам дека влијанието врз моралот во општеството е вистински проблем – вели тој.

The post ОВОЈ ЧОВЕК ЌЕ БИДЕ НОВИОТ ПРЕТСЕДАТЕЛ НА УКРАИНА? Сè за генералот Залужни кој стана кошмар на Зеленски appeared first on plusinfo.mk.

Зеленски бил принуден да ги повлече понудите, пишува Тајмс. Конфликтот меѓу Зеленски и Залужни настнал откако на средба со претседателот на 29 јануари Залужни им рекол на советниците дека нивната проценка за ситуацијата на фронтот е повеќе оптимистичка отколку реална. По ова Зеленски од него побарал оставка.

Залужни одбил, а Зеленски се заканли дека ќе потпише указ за негово разрешување. Украинскиот генерал потоа, наводно, се вратил во својата канцеларија и им кажал на своите подредени дека заминува.

– Ги пакувам работите – наводно рекол Залужни, пренесува Тајмс.

Изворите јавуваат дека веројатната оставка на врховниот командант Залужни ќе биде првата алка во низата промени во високата команда на украинската армија, како и во другите државни органи.

Плусинфо веќе пишуваше дека Зеленски, меѓу останатото, е под притисок на САД да се справи со корупциските скандали во власта, што е еден услов за понатамошното финансирање на земјата. Тука е и притисокот од украинската јавност за досегашните успеси на украинската армија на фронтот.

САД и Велика Британија изразиле загриженост поради најавата за отпуштање на Залужни.

Членот на украинската Рада Алексеј Гончаренко во понеделникот објави дека Залужни е разрешен, но текстот на претседателскиот декрет не е објавен. На украинскиот генерал наводно му било понудено амбасадорско место, кое тој го одбил.

Британски „Економист“ напиша и дека на Залужни наводно му била понудена функцијата секретар на Советот за национална безбедност и одбрана, што тој го одбил.

Според едно толкување на досегашните информации, шпекулацијата дека Залужни е пред разрешување ја рашириле токму неговите поддржувачи за во јавноста да добијат поддршка за Залужни. Меѓу поддржувачите се и луѓе од партијата на поранешниот украински претседател Петро Порошенко.

Објавувањето на веста за Залужни може да му ја искомплицира работата на Зеленски, доколку тој навистина има намера да го смени Залужни.

Гласините за несогласувања меѓу Залужни и Зеленски кружат од 2022 година. Тогаш нашироко се зборуваше и пишуваше дека дел од политичката елита во Украина го гледал врховниот командант, кој има високо ниво на доверба во општеството, како потенцијален политички конкурент на Зеленски.

Од есента се шират гласини за намерите на Зеленски да го отпушти врховниот командант. Вклучително и поради стравот, како што се веруваше, од политичка конкуренција, како и со цел да се прогласи за одговорен за нереализираните планови на фронтот.

Самиот Зеленски лично во интервју за британските медиуми изјави дека армијата не може да се занимава со политика додека се водат борби.

– Тогаш тој (веројатно алудирајќи на Залужни) мора да оди во политика, но тогаш нема да може да се вклучи во војната – рече Зеленски во интервју за „Сан“ на крајот на ноември.

Во политичките кругови се разви силна гласина дека Зеленски се откажал од плановите за одржување избори во март 2024 година поради страв од конкуренција на Залужни, кој, според низа анкети, би можел да го победи актуелниот претседател.

The post ЗЕЛЕНСКИ НЕ УСПЕАЛ ДА ГО „ШУТНЕ“ ЗАЛУЖНИ Дворски интриги во украинскиот државен врв appeared first on plusinfo.mk.

Ова доаѓа во моменти на висок степен на јавен конфликт што постои меѓу Зеленски и Залужни. Се шпекулира дека Залужни ќе биде сменет од својата позиција. Тој бил искаран oд кабинетот на Зеленски за своето интервју во „Економист“ каде рече дека најверојатно нема да има пробив во украинската контраофанзива и дека Украина нема технолошка можност да напредува, освен ако не добие некоја нова технологија.

The post ЗА-ЛУЖНИ, НЕ ЗА ЗЕ-ЛЕНСКИ Тивка војна се води во Украина, Западот тајно преговара за крај? appeared first on plusinfo.mk.

„Њујорк Тајмс“ пишува дека цела година кружат гласините дека постојат тензии меѓу Зеленски и Залужни. А, според весникот, по интервјуто за „Економист“ Залужни бил прекорен и искаран од канцеларијата на претседателот. На Залужни му се обратил Игор Жовква, заменик-шефот на претседателскиот кабинет.

Жовква му рекол на Залужни дека „ последната работа што би ја направил е да коментирам за печатот… за тоа што се случува на фронтот (и) што може да се случи на фронтот“.

Западни функционери се јавувале во Киев и се распрашувале дали Украина „навистина е во ќорсокак“. Зеленски на пресконференција во саботата стави до знаење дека на конфликтот не гледа како на „ќорсокак“.

Во меѓувреме, во украинската јавност сѐ повеќе се разгорува темата за одржувањето претседателски избори во март иако тоа во земјата законски не е дозволено во време на војна.

Зеленски изјави дека „ова не е момент за избори“ и дека „тоа би било фарса која Русија баш ја очекува“.

– Ако нема победа, тогаш нема да има земја – изјави Зеленски во вечерното видеообраќање.

Западните сојузници на Украина, а особено САД, бараат од владата во Киев што е можно поскоро да одржи демократски избори. Сепак, ова би било поврзано со пречки: околу 20 отсто од украинската територија во моментов е окупирана од руски војници. Милиони Украинци избегаа во странство. Со оглед на тековните масовни руски напади, излегувањето на гласање исто така би претставувало значителен безбедносен ризик.

Поранешниот претседателски советник Олексеј Арестович најави дека ќе се кандидира против својот поранешен шеф на следното гласање. Зеленски е на функцијата од мај 2019 година.

Исто така, новиот украински парламент требаше да избран во октомври, но поради војната постапката беше одложена.

The post „ВОЈСКАТА ПРОТИВ ЗЕЛЕНСКИ“, ИЗБОРИ НЕМА? Претседателот го прекорил Залужни и предизвикал раздор во врвот appeared first on plusinfo.mk.