Месеци ќе бидат потребни за да се обнови снабдувањето со авионско гориво и да се нормализираат нарушувањата во рафинериските капацитети на Блискиот Исток, дури и доколку биде отворена Ормускиот теснец, изјави директорот на Меѓународната асоцијација за воздушен транспорт (ИАТА), Вилијам Волш.

Цената на нафтата падна под сто долари за барел откако американскиот претседател Доналд Трамп соопшти двонеделно примирје со Иран условено со итно и безбедно повторно отворање на Ормускиот теснец низ која вообичаено поминува околу една петтина од светската трговија со нафта.

Волш пред медиумите во Сингапур изјави дека иако очекува пад на цените на суровата нафта, трошоците за авионско гориво, најверојатно, ќе останат благо зголемени поради влијанието врз рафинериите.

-Доколку повторно се отвори и остане отворен, мислам дека и понатаму ќе бидат потребни месеци за да се вратиме на потребното ниво на снабдување имајќи ги предвид нарушувањата во рафинериските капацитети на Блискиот Исток, кои се клучен дел од глобалното снабдување со рафинирани производи – изјави Волш.

Авиокомпаниите во Азија ги намалуваат летовите, превезуваат дополнително гориво од матичните аеродроми и додаваат нови локации за дополнување гориво бидејќи конфликтот на Блискиот Исток го намалува снабдувањето со керозин, што дополнително врши притисок врз индустријата веќе погодена од двојно зголемените цени.

Притисокот досега е најизразен на пазарите со пониски приходи и зависни од увоз, како Виетнам, Мјанмар и Пакистан, откако Кина и Тајланд го запреа извозот на авионско гориво, а Јужна Кореја го ограничи на нивото од минатата година.

Доколку суровата нафта повторно почне да тече, „би сакал да верувам“ дека Кина, како и Јужна Кореја, повторно ќе го обнови извозот на рафинирани производи, истакна Волш.

– Капацитетите на рафинериите ќе бидат достапни кога суровата нафта повторно ќе почне да тече, но ќе биде потребно време. Изразената разлика меѓу цената на суровата нафта и на рафинираното авионско гориво ќе ги поттикне рафинериите да го зголемат производството на авионско гориво – рече тој.

The post ЦЕНАТА НА АВИОНСКОТО ГОРИВО ЌЕ ОСТАНЕ ВИСОКА Се предвидува дека со месеци ќе трае обновата на снабдувањето appeared first on plusinfo.mk.

Соединетите Американски Држави ги повикуваат своите граѓани да го напуштат Иран, додека Вашингтон продолжува да врши притисок врз Техеран да ја запре репресијата врз демонстрантите, а американскиот претседател Доналд Трамп не исклучува напад.

„Веднаш напуштете го Иран. Имајте план за излез од Иран кој не се потпира на помошта на американската влада“, велат САД во предупредување објавено на нивната веб-страница за „виртуелна амбасада“ за Иран.

На американските граѓани кои не се во можност да го напуштат Иран им се советува да „најдат безбедно место“, да се снабдат со храна и со други основни производи и да бидат свесни за нивната околина во секое време.

Трамп се закани со воена акција врз Иран и објави дека секоја земја што соработува со Иран ќе се соочи со нова царина од 25 проценти за извоз во САД.

Иранските лидери се соочија со жестоки протести поради тешките економски услови и против длабоко вкоренетиот свештенички режим.

Во протестите се убиени 505 демонстранти, 113 припадници на војската и 7 минувачи.

Од почетокот на протестите на 28 декември, уапсени се 10.721 лица.

The post ИТНО НАПУШТЕТЕ ГО ИРАН ИЛИ НАЈДЕТЕ БЕЗБЕДНО ЗАСОЛНИШТЕ Повик од САД до американските државјани appeared first on plusinfo.mk.

Украинските сили уништија руска муниција и резерви на беспилотни летала во два одделни напади на окупираните територии во август и септември, објави Генералштабот на вооружените сили на Украина на 22 септември. Нападите имаа за цел да ги попречат офанзивните планови на руските сили кои се обидуваат да напредуваат во источна Украина, објавува „Киев Индепендент“.

Уништена е магацин со илјадници беспилотни летала

Украинската оперативна група „Днипро“ изврши напад врз дистрибутивен центар за беспилотни летала на 29 август, уништувајќи „огромни залихи“ на беспилотни летала.

Според соопштението, Русија планирала да дистрибуира повеќе од 19.000 беспилотни летала, вклучувајќи ги моделите Молнија, Бумеранг, Вандал Новгородски и Горинич, заедно со придружната опрема, од таа локација до своите сили во окупираниот дел од регионот Донецк.

The Armed Forces of Ukraine carried out airstrikes on the enemy positions along with an ammunition depot in Verkhniokamyanka, Luhansk region.

2/25 pic.twitter.com/427qsqr73W

— 𝐀𝐧𝐧𝐚 𝐊𝐎𝐌𝐒𝐀 | (@tweet4Anna_NAFO) September 22, 2025

Погодено е и складиште за муниција

Во посебна операција, украинската војска и Безбедносната служба на Украина (СБУ) погодија складиште за муниција во претежно окупираниот регион Луганск. Нападот се случи откако руски камиони доставија илјадници мини, гранати, тенковски гранати и друга муниција до силите стационирани во близина на окупираниот град Бохдановка.

Се наведува дека муницијата била наменета за снабдување на 17-тиот тенковски полк на руската 70-та моторизирана стрелачка дивизија.

„Руските возила беа уништени заедно со муницијата“, соопшти Генералштабот, без да прецизира какво оружје било користено во нападите. Украинските сили редовно ги таргетираа руските воени цели и стратешките објекти со оружје со долг дострел за време на војната за да ги попречат офанзивните операции на Москва.

The post 📽️ УНИШТЕНИ 19.000 ДРОНОВИ И ОГРОМНА КОЛИЧИНА МУНИЦИЈА Украинците започнаа жестоки нови напади врз руските сили appeared first on plusinfo.mk.

Обединетите нации добија дозвола од Израел за влез на околу 100 итни хуманитарни камиони во Газа, поради растечката закана од глад меѓу 2,3 милиони жители, објави Ројтерс.

Претходно, само 9 камиони беа одобрени, од кои 5 сè уште се под израелска контрола за последни проверки. Тие носат бебешка храна и нутритивни додатоци, неопходни за спасување на животите на децата со малнутриција.

Службеници на ОН истакнуваат дека овие залихи се од критично значење, предупредувајќи дека доцнењата и континуираните недостатоци можат да доведат до брзо и неконтролирано зголемување на малнутрицијата.

Директорот за здравство на УНРВА, Акихиро Сеита, нагласи дека стапките на малнутриција веќе се зголемуваат и може драстично да се влошат доколку кризата со храна продолжи.

Додека Израел тврди дека блокадата е за да се спречи пренасочување на помошта од страна на палестинските милитанти, вклучително и Хамас, хуманитарната криза продолжува да ескалира.

Шефот за хуманитарна помош на ОН, Том Флечер, ја критикуваше сегашната скала на помош како недоволна, опишувајќи ја како “капка во океанот”.

Израел планира да ги прошири воените операции во територијата, која е опустошена од нападот на Хамас во октомври 2023 година.

The post ИЗРАЕЛ ДОЗВОЛИ 100 КАМИОНИ СО ПОМОШ ЗА ГАЗА Обединетите нации стравуваат дека залихите се „капка во океанот“ за 2,3 милиони луѓе appeared first on plusinfo.mk.

Цените на Арабика, најпопуларното зрно кое се користи во повеќето мелено печено кафе, скокнаа за дури 70% во 2024 година и речиси 20% од почетокот на оваа година. Пред три недели надминаа 4,30 долари за фунта или 0,45 килограми.

Робуста, второто најпопуларно зрно кое често се користи за производство на инстант кафе, поскапи за 72% минатата година.

-Никогаш не сме имале толку ниски залихи во февруари и сè уште сме далеку од новата култура. Нема да имаме многу кафе за продавање до следната жетва. И не сме сами, секаде е вака – вели  Вилијан Сезар Фреирија, менаџер за продажба во третата по големина кафе кооператива во Бразил, Кокапеку.

Иста е состојбата и во  Cooxupe, најголемата светска соработка на одгледувачи на кафе, во бразилската држава Минас Жераис, најголемиот производител.

-Има многу кафе во магацините, но речиси целото е продадено на крајните клиенти и само чека испорака – изјави координаторот за складирање Андре Силва Пинто.

Според супервизорот за продажба на компанијата Cooxupe Луиз Фернандо дос Реис, одгледувачите веќе продале 90% од минатогодишниот род.

Проценката на Cooxupe за продажбата на земјоделците е конзистентна со неодамна објавените податоци кои покажуваат историски ниски залихи.

The post БРАЗИЛ ВЕЌЕ НЕМА ЗАЛИХИ ОД КАФЕ Цената на кафето скокна за 20% appeared first on plusinfo.mk.

Организацијата за забрана на хемиско оружје (ОПЦВ) денеска соопшти дека е „длабоко загрижена“ поради тоа што нема одговор од Сирија на прашањето за нејзините големи залихи на хемиско оружје, кое може да вклучува забранети воени отрови.

Во 2013 година, Сирија се согласи да се приклучи на ОПЦВ, набргу по нападот со гас во близина на Дамаск, во кој загинаа повеќе од 1.400 луѓе.

– И покрај повеќе од една деценија интензивна работа, случајот со хемиско оружје во Сирија сè уште не може да се затвори – рече генералниот директор на организацијата Фернандо Аријас на годишниот состанок на ОПЦВ.

Организацијата претходно го обвини режимот на сирискиот претседател Башар ал Асад за употреба на хемиско оружје во граѓанската војна, што Дамаск го негираше.

– Од 2014 година, секретаријатот (ОПЦВ) пријави вкупно 26 отворени прашања, од кои седум се оттогаш решени, во врска со залихите на хемиско оружје во Сирија – рече Аријас.

– Содржината на преостанатите 19 отворени прашања предизвикува голема загриженост бидејќи се однесуваат на големи количества потенцијално непријавени или непроверени агенси за хемиска војна и хемиска муниција – додаде тој.

Правото на Сирија на глас во ОПЦВ беше суспендирано во 2021 година. Санкцијата без преседан беше одговор на нападите со гас врз цивили во 2017 година, што Дамаск го негираше.

Минатата година ОПЦВ ја обвини Сирија за напад со хлор во 2018 година во кој загинаа 43 лица, што предизвика тензии меѓу Дамаск и Западот.

Конфликтот во Сирија, предизвикан од задушувањето на продемократските демонстрации во 2011 година, остави повеќе од половина милион мртви, милиони раселени луѓе и ја подели земјата.

The post ХЕМИСКОТО ОРУЖЈЕ ВО СИРИЈА ГО ЗАГРИЖУВА СВЕТОТ Режимот на Асад обвиниет за масовни залихи appeared first on plusinfo.mk.

Поконкретно, извештајот вели дека ЕУ треба да ги советува домаќинствата да бидат подготвени да бидат самодоволни минимум 72 часа во случај на вонредна состојба.

Иако во текстот не се наведува руската агресија како единствена можна закана, таа е спомената како главна опасност.

Извештајот забележува дека ЕУ не била подготвена ниту за пандемијата ковид-19, ниту за руската агресија против Украина и дека треба да премине „од реактивност на проактивна подготвеност“.

„Немаме јасен план за тоа што ќе направи ЕУ во случај на вооружена агресија против некоја земја-членка. Заканата од војна што ја претставува Русија за европските безбедносни сили нè принудува да го разгледаме ова како централен дел од нашата подготвеност, без да ја поткопуваме работата за подготовка за други големи закани“, се вели во извештајот.

Во објавениот текст се предлагаат и други мерки ширум ЕУ, а најмалку 20 отсто од вкупниот буџет на блокот да биде распределен за зајакнување на безбедноста и подготвеноста за кризи.

Текстот исто така предлага план за поголема размена на разузнавачки информации меѓу земјите на ЕУ.

Извештајот кој го напиша поранешниот фински претседател Саули Ниинисто во својство на специјален совеик на ЕК.

The post АЛАРМАНТЕН ИЗВЕШТАЈ ДОСТАВЕН ДО ЕВРОПСКАТА КОМИСИЈА Што треба да прават Европејците при војна со Русија? appeared first on plusinfo.mk.

– Залихите во земјите-производители пресушија бидејќи увозниците брзаа со пратки пред новиот закон со кој ќе се забрани увозот на земјоделски производи произведени на расчистено земјиште. Увозниците ги забрзуваат пратките бидејќи законот отвори прашања на кои Европејците сè уште не одговориле- рече извршниот директор на ICO, Ванусија Ногуеира.

Од асоцијацијата за кафе не се сигурни дека  Европската Унија како најголем пазар на кафе во светот да им даде  време на земјите производители и на трговците да се подготват за новите обврски.

Земјите како Бразил, Колумбија и Костарика се подобро подготвени за закон кој бара од производителите да добијат потврда дека кафето не се произведува на обесшумена земја, додека малите фармери во африканските земји ќе имаат повеќе проблеми.

The post ЗАЛИХИТЕ НА КАФЕ СЕ НА ДНОТО Европски закон ги натера трговците да го купат целото производство appeared first on plusinfo.mk.

Во првиот квартал од 2024 година, глобалната економија покажа мешани достигнувањa, одбележани со позитивни показатели од една страна и долготрајни предизвици од друга. Сепак, нарушувањата во синџирот на снабдување продолжија, зголемувајќи ги стапките на инфлација и ограничувајќи го производството во одредени сектори. Геополитичките тензии и несигурноста околу трговските политики дополнително придонесоа за нестабилност на пазарот, што поттикна претпазливост меѓу инвеститорите. И покрај опкружувањето полно со предизвици и конкуренција, во кое компанијата работи во Република Северна Македонија и Косово, ОКТА останува лидер во снабдувањето со горива.

*Прилагодена за ефектот на вреднување на залихите

Обемот на продажба во првиот квартал од 2024 година изнесуваше 274 илјади м³, со пад од 11% споредено со истиот период минатата година. Производите беа пласирани на двата пазари на кои компанијата традиционално работи (домашниот и извозниот), при што извозот учествуваше со 35% во вкупниот обем на продажба.

Бруто маржата достигна 238 милиони денари и забележа пораст од 36% споредено со истиот период минатата година. Добивката пред оданочување изнесува 77 милиони денари.

ЕБИТДА изнесува 138 милиони денари и бележи пораст од 79% споредено со истиот период мината година. Ова е резултат од зголемената продажба на странските пазари, надополнет со зголемените домашни и извозни маржи, главно поради позитивниот ефект на вреднувањето на залихите од 28 милиони денари, наспроти негативниот во висина од 136 милиони денари, постигнат претходната година и делумно ублажен од зголемените оперативни трошоци за 6%.

Во согласност со своите стратешки приоритети и одлуката да ги зајакне инвестициите во почисти извори на енергија и да ги намали емисиите на јаглерод диоксид, компанијата инвестираше вкупно 29 милиони денари во текот на првиот квартал од 2024 година во изградба на 12 MW фотоволтаична централа, која се очекува да почне со работа до втората половина од 2024 година, и во други проекти за обновлива енергија. Овие инвестиции кои не само што придонесуваат кон одржливоста на животната средина, туку нудат и значителни економски придобивки.

Во 2024 година, стратегијата за ООП на ОКТА ќе остане посветена на обезбедување еколошка и социјална одржливост во заедницата во која работи. Компанијата втора година по ред ги поддржува активностите на СОС Детското село во Скопје. Овој пат ОКТА склучи договор за донација на 6.000 литри екстра лесно масло за домаќинство, со цел да го обезбеди годишното количество гориво потребно за затоплување на еден од младинските куќи во Радишани. Истовремено, вработените во ОКТА активно учествуваа во првата од трите годишни крводарителски иницијативи, потврдувајќи ја својата цврста посветеност на хуманоста и благосостојбата на заедницата.

Обезбедувањето на конзистентно и непречено снабдување е клучно во денешното динамично опкружување. Преку внимателно следење на ситуацијата, менаџментот на ОКТА делува проактивно, брзо реагирајќи на какви било потенцијални нарушувања. Истовремено, посветеноста кон унапредување на иницијативите за автоматизација ја подобрува ефикасноста и сигурноста, рационализирајќи ги процесите за непречено задоволување на зголемената побарувачка. Преку имплементирањето на иновации и способноста за прилагодување, ОКТА не само што одржува континуитет, туку придонесува кон подобрување на општеството, поттикнувајќи одржлив напредок и стабилност за сите.

The post ОКТА СО ПОДОБРЕНИ РЕЗУЛТАТИ ВО ПРВИОТ КВАРТАЛ ОД 2024 ГОДИНА Поттикнати од извозот и ефектот од вреднување на залихите во услови на зголемени меѓународни цени на горивата appeared first on plusinfo.mk.

Всушност, по минатонеделното објавување на десетиците доверливи документи на Пентагон, Украина веќе е принудена да менува некои од своите воени планови.

Украина ги менува плановите, Путин ги вади Сухоите

Њујорк Тајмс пишува дека Русија би можела да се охрабри да ги извади бомбардерите кои долго време ги чуваше откако се увиде дека Украинците уништуваат авиони во воздухот. Од почетокот на војната Украина уништила 280 руски авиони. Весникот потсети и дека украинскиот претседател Володимир Зеленски во неколку наврати бараше од сојузниците авиони Ф-16.

За дел од информациите, веродостојноста американските власти ја потврдија. Инсајдер, повикувајќи се на Њујорк Тајмс коментира дел од списите до кои дошле новинарите од Тајмс. Се вели дека и во претходен документ од 28 февруари за кој пишуваше Тајмс, овој „Ден Д“ за украинските сили би дошол и порано, на 3 мај.

Потребни се многу, многу Патриоти

Веродостојноста на документите сè уште се истражува, иако некои верзии што кружат на интернет се уредени, претходно објави Инсајдер. Прашањето е која е оригиналната верзија?

Украина кубури пред сè со залихите на ракети за системите за воздушна одбрана С-300 и Бук од советската ера, со кои Украина лани успешно ги одбиваше руските ракети, но и за системите НАСАМС и ИРИС-Т кои земјата ги доби лани во октомври и ноември. Но, ниеден од нив не може да се спореди со системот „Патриот“.

Месецов, неколку десетици украински војници ја завршуваат обуката за ракетниот систем „Патриот“. Но, на Украина ќе ѝ треба повеќе, многу повеќе, од „Патриот“ во наредните месеци, велат воените претставници, а службениците за набавки на Пентагон ги пребаруваат залихите на сојузниците.

Зеленски бил шпиониран, затоа не му давале оружје со долг дострел?

Си-Ен-Ен прегледа 53 протечени документи, од кои сите се чини дека се произведени помеѓу средината на февруари и почетокот на март.

Еден документ открива дека САД го шпионирале Зеленски. Тоа не е изненадувачки, рече изворот близок до Зеленски, но украинските власти се длабоко фрустрирани поради протекувањето.

Извештајот на американското разузнавање вели дека Зеленски на крајот на февруари „предложил удар на руски локации за распоредување во руската област Ростовска“ со помош на беспилотни летала, бидејќи Украина нема оружје со долг дострел способно да достигне толку далеку.

Се вели и дека вакви изјави го објаснуваат американскиот страв да не му достави на Киев оружје со долг дострел, иако јавно Киев отфрли дека ќе го користи оружјето за напад, туку само за одбрана.

Кој ги смени бројките на жртвите?

Едно од горливите прашања во документите е и бројот на жрвти. Според некои извори, тој бил сменет во документите за да се прикажат повеќе жртви на украинската страна. Но и за бројките од двете страни Пентагон вели дека има „ниска доверба“ , поради празнините во информациите, оперативната безбедност и намерните обиди, веројатно од двете страни, за заблуда.

На пример, во верзијата на документите објавена на Телеграм, бројот на Украинците убиени во акција, 16-17.500 бил ставен на руска страна, додека кај украинските жртви биле ставени бројки превртени од тие, односно 61-71.500 починати, пишува Би-Би-Си.

Зад сето ова стојат компјутерџии?

Приказната за тоа како документите го нашле својот пат од платформата за пораки Discord, до 4Chan и Telegram, веќе ја раскажа Арик Толер од истражната разузнавачка група со отворен код, Bellingcat.

Толер вели дека сè уште не е можно да се открие оригиналниот извор на протекување, но смета дека тие се појавиле на некоја таква платформа за гејмери на почетокот на март. Тука се спомнува примерот о д 4 март, кога еден од играчите на компјутерската игра Мајнкрафт објавил десетина документи и претходно на  форумот напишал:

„Еве, има некои протечени фајлови“.

The post ШТО ВЕЛАТ ПРОТЕЧЕНИТЕ ДОКУМЕНТИ НА ПЕНТАГОН? Украинците ќе ја потрошат силата до 23 мај, потоа ќе летаат Сухоите! appeared first on plusinfo.mk.