Времето утре ќе биде сончево и топло, со мала до умерена облачност, најави Управата за хидрометеоролошки работи.

Ќе дува слаб до умерен ветер од јужен правец.

Минималната температура најниско ќе се спушти во Берово, до 12 степени Целзиусови. Најтопло ќе биде во Велес, Штип и во Гевгелија, каде температурата ќе достигне 35 степени.

Под влијание на циклонска активност за време на викендот ќе преовладува променливо облачно време со повремени врнежи од дожд.

Локално врнежите ќе бидат поројни и пообилни, во количина над 15 литри на квадрат, проследени со грмежи и засилен северен ветер со брзина над 40 километри на час.

Од сабота дневната температура ќе биде во опаѓање.

Потоа, до средината на следната седмица следува релативно стабилно и посвежо време.

Во Скопје за време на викендот ќе биде променливо облачно со сончеви периоди. Во делови од котлината ќе има нестабилност со пороен дожд, грмежи и засилен ветер .

The post ПАД НА ТЕМПЕРАТУРИТЕ ЗА ВОВЕД ВО ЕСЕНТА Од викендов посвежо и врнежливо време appeared first on plusinfo.mk.

Времето утре ќе биде сончево и топло со мала до умерена облачност, најави Управата за хидрометеоролошки работи. Ќе дува слаб до умерен ветер од југоисточен правец.

УХМР за утре и за задутре (10 и 11 септември) издаде портокалов метеоаларм опасност од топло време. Предвидени се максимални температури до 35 степени Целзиусови.

Утре во попладневните часови ќе има услови за локален развој на нестабилна облачност проследена со пороен дожд, грмежи и засилен ветер.

Во Скопје времето ќе биде сончево и топло со мала до умерена облачност. Ќе дува слаб до умерен ветер од јужен правец. Температурата ќе се движи од 15  степени наутро, до 34 степени во текот на денот.

Во петок времето ќе биде сончево и топло.

Во деновите од викендот под влијание на циклонска активност ќе преовладува променливо облачно време со повремени врнежи од дожд. Локално врнежите ќе бидат поројни и пообилни, проследени со грмежи и засилен северен ветер.

Од сабота дневната температура ќе биде во значително опаѓање.

The post ТОПЛО ДО ВИКЕНДОТ, ПА ЗНАЧИТЕЛНО ЗАЛАДУВАЊЕ Промената ќе дојде со дожд, грмежи и со ветер appeared first on plusinfo.mk.

Од понеделник дневната температура ќе почнат да опаѓаат, информира УХМР.

Во текот на новата седмица дневната температура ќе опадне за неколку степени. Во попладневните часови, особено во понеделник ќе има локална нестабилност со пороен дожд, грмежи и засилен ветер. Наместа ќе има услови за невреме со силен ветер и појава на град.

Максималните температури идната недела ќе се движат од 37 до 39 степени.

Утре , пак, ќе биде сончево и многу топло со мала до умерена локална облачност. Во попладневните часови, утре  наместа ќе има зголемена облачност и услови за пороен дожд, грмежи, засилен ветер и изолирано невреме со силен ветер и појава на град.

Максималната дневна температура ќе достигне до 40 степени.

Во Скопје, сончево и топло со мала до умерена облачност. Попладне во делови од котлината ќе има услови за краткотраен пороен дожд и појава на грмежи. Ќе дува слаб до умерен ветер од северен правец.

The post ДОАЃА МАЛО ЗАЛАДУВАЊЕ Следната недела температурите ќе се движат од 37 до 39 степени appeared first on plusinfo.mk.

Од Јавната установа Национален парк „Пелистер“ информираа дека поради наглото заладување и ниските температури, дождот на највисоките делови од планината преминал во снег.

„Променливото време и ниската температура дождот го претворија во снег, со што Пелистер, како крал на планините во Македонија, и понатаму останува непредвидлив и моќен“, соопштија од ЈУ НП „Пелистер“.

Фотографијата од снежниот врв е направена од вработените на пунктот на Националната радиодифузија на врвот Пелистер.

Наглата временска промена се почувствува и во Битола. Додека вчера во 17 часот биле измерени 26 Целзиусови степени, денеска во истиот термин температурата изнесувала само 12 степени, односно за само едно деноноќие е забележан пад од 14 степени, а температурата продолжува да се намалува.

The post СРЕД ЛЕТО ПАДНА СНЕГ НА ПЕЛИСТЕР Наглиот пад на температурите донесе зимска слика appeared first on plusinfo.mk.

Времето утре ќе биде сончево, со мала до умерена локална облачност, најави Управата за хидрометеоролошки работи.

Ќе дува слаб до умерен ветер од северен правец.

Минималната температура ќе се спушти до 8 степени во Берово. Натопло ќе биде во Гевгелија, со дневна температура до 34 степени Целзиусови.

Во Скопје ќе биде сончево со мала до умерена облачност. Ќе дува слаб до умерен северен ветер. температурата ќе се свижи од 13 до 32 степени.

Во петок под влијание на влажен бран ќе има повремени врнежи од дожд, кои локално ќе бидат пообилни, во количина над 15 литри на квадратен метар. Наместа врнежите ќе бидат проследени со појава на грмежи и засилен ветер, а температурата значително ќе опадне.

Во деновите од викендот ќе има ниски утрински температури, а дневните ќе бидат во постепен пораст. Во понеделник повторно се очекува локална појава на нестабилност.

The post ДОЖД, ВЕТЕР, ПА ЗАЛАДУВАЊЕ Студени утра за викендот appeared first on plusinfo.mk.

Синоптичарите за денеска најавија променливо облачно време со сончеви периоди. Попладне се очекува повремен локален дожд и услови за појава на ретки грмежи. Ќе дува слаб до умерен ветер од западен и северозападен правец.

Минималната температура ќе биде во интервал од 5 до 12, а максималната ќе достигне од 21 до 27 степени.

Во Скопје, променливо облачно со сончеви периоди. Ќе дува слаб променлив ветер. Минималната температура ќе се спушти до 9, а максималната ќе достигне до 25 степени.

Од Управата за хидрометеоролошки работи соопштија дека времето во текот на новата седмица ќе биде променливо облачно со сончеви периоди. Во попладневните часови ќе има локална појава на нестабилност со пороен дожд, грмежи и засилен ветер.

За утре и задутре најавено е да дува засилен до силен ветер од западен правец, наместа со брзина над 60 километри на час. Дневната температура се очекува до вторник да биде во пораст, а од среда во постепено опаѓање.

The post ЛОКАЛЕН ДОЖД И УСЛОВИ ЗА ГРМЕЖИ Два дена ќе се затоплува, па од среда ќе заладува appeared first on plusinfo.mk.

Под влијание на влажна и студена воздушна маса, времето ќе биде значително нестабилно, со облаци, врнежи и засилен северен ветер низ поголемиот дел од земјата.

Се очекуваат врнежи од дожд, кои на одделни места ќе бидат пообилни и ќе достигнат од 15 до 20 литри на квадратен метар. Со продорот на постуден воздух од север, на повисоките планински подрачја дождот постепено ќе преминува во снег.

Ќе дува умерен до засилен ветер од северен правец, кој повремено ќе достигнува брзина и над 60 километри на час, што дополнително ќе го засили чувството на студ.

Утринските температури ќе се движат од 4 степени во Маврово до 10 степени во Гевгелија, додека дневните ќе бидат во интервал од 10 степени во Берово до 18 степени во Гевгелија.

Во Скопје ќе преовладува облачно време со повремени врнежи од дожд и засилен северен ветер. Температурата ќе се движи меѓу 10 и 13 степени.

Во следните денови времето ќе остане променливо и посвежо. Ќе има сончеви периоди, но и услови за повремени врнежи од дожд, проследени со умерен до засилен северен ветер.

Температурите дополнително ќе опаднат, со утрински вредности кои на места ќе се спуштат и под нулата, додека дневните ќе се движат меѓу 9 и 18 степени.

The post ДОАЃА СТУДЕН БРАН СО ДОЖД И СНЕГ Врнежи, засилен ветер и пад на температурите низ Македонија appeared first on plusinfo.mk.

Поради продор на значително поладен воздух од север најпрвин на висина кој ќе продре до нашиот дел од Европскиот континент, во вторник и во  среда атмосферата кај нас ќе се дестабилизира и локално ќе се развиваат конвективни облачни и грмотевични јадра од кои очекувам појава на пороен дожд, грмежи и засилен ветер во зоната на нестабилност, предвидува Славчо Поповски.

Според него, од четврток под влијание на влажна и значително поладна воздушна маса од север во поголем дел од Македонија ќе имаме врнежи од дожд проследени со повремено засилен ветер од северен правец кој ќе предизвика поголемо заладување на времето во Македонија.

Подетаљно за временската прогноза прочитајте ТУКА.

The post УЖИВАЈТЕ ВО СОНЧЕВОТО ВРЕМЕ Од вторник дожд и грмежи, па големо заладување и планински снег appeared first on plusinfo.mk.

Времето утре ќе биде променливо облачно со врнежи од дожд, кои ќе бидат пообилни во западните делови од Македонија, најави Управата за хидрометеоролошки работи.

Ќе дува умерен до засилен ветер од северен правец.

Најстудено ќе биде во Берово, со утринска температура од 1 степен, а најтопло во Скопје, со дневна температура до 15 степени.

Во Скопје утре ќе биде променливо облачно со врнежи од дожд. Ќе дува слаб до умерен ветер од северен правец. Температурата ќе се движи од 7 до 15 степени Целзиусови.

УХМР за утре издаде предупредување за пообилни врнежи, под влијание на циклонска активност, кои наместа ќе бидат над 30 литри на квадратен метар.

До четврток ќе се задржи променливо облачно и нестабилно време со повремени врнежи од дожд и појава на грмежи. Процесите наместа ќе бидат поинтензивни во форма на невреме со пообилен пороен дожд, грмежи и засилен ветер, особено во западните и јужните делови. Дневната температура ќе биде во опаѓање, а во четврток и петок утринската наместа ќе се спушти и под нулата. Ќе дува северен ветер, кој во четврток ќе биде засилен, повремено силен.

The post ЌЕ НАВРНЕ ОБИЛЕН ДОЖД, НАД 30 ЛИТРИ НА КВАДРАТЕН МЕТАР Невреме, грмежи и северен ветер appeared first on plusinfo.mk.

Времето утре ќе биде променливо облачно со повремени врнежи од дожд, кои локално ќе бидат пообилни, најави Управата за хидрометеоролошки работи.

Наместа ќе има услови за изолирана појава на нестабилност со краткотраен пороен дожд, грмежи и со засилен ветер. Ќе дува умерен, повремено засилен ветер од северозападен правец.

Најстудено ќе биде во Берово, со утринска температура до 3 степени Целзиусови. Најтопло ќе биде во Гевгелија, каде температурата преку денот ќе се искачи до 21 степен.

Во Скопје утре времето ќе биде променливо облачно. Попладне во делови од котлината ќе има повремен дожд. Ќе дува слаб до умерен ветер од северозападен правец. Температурата ќе се движи од 8 до 15 степени.

За следните денови УХМР издаде предупредување за посвежо и нестабилно време, со пороен дожд, грмежи, силен ветер и со локално невреме.

„Под влијание на влажна и нестабилна воздушна маса, до среда ќе се задржи променливо облачно и нестабилно време со повремени врнежи од дожд и појава на грмежи. Процесите наместа ќе бидат поинтензивни во форма на невреме со обилен пороен дожд, грмежи и со засилен ветер, особено во западните и во јужните делови, каде во текот на овој период ќе наврнат над 30 литри на квадратен метар. Утринската температура ќе биде во опаѓање, а во четврток и во петок на некои места ќе се спушти и под 0 степени. Ќе дува северен ветер, кој во четврток ќе биде засилен, повремено силен“, се вели во предупредувањето на УХМР.

Во Скопје до среда времето ќе биде променливо облачно и нестабилно со повремен дожд и услови за појава на грмежи. Во делови од котлината ќе има услови за појава на невреме. Ќе дува ветер од северен правец.

The post ДОАЃААТ ВРНЕЖИ, ГРМЕЖИ, СИЛЕН ВЕТЕР И ЗАЛАДУВАЊЕ, СО УТРИНСКИ МРАЗ Мирната пролет оди на пауза appeared first on plusinfo.mk.