Бојан Стојановски од опозициската ВМРО-ДПМНЕ рече дека со овој закон студентите ќе земат 120 денари до март 2023, оценувајќи дека со разговорите на владините претставници и студентите што ги претставуваа своите колеги, е постигнат договор „да се купат пет или шест месеци”.

Стојановски истакна дека меѓу студентите што преговарале биле студенти „што не излегле од штабовите на СДСМ и на ДУИ”. Според него, Владата требало да издвои 200.000 евра годишно повеќе за околу 40.000 студенти да земаат уште 40 денари повеќе. Стојановски најави дека ќе поднесе амандмани на Буџетот за 2023 година за висината на оброкот, како и за реновирање на студентските домови. Пратениците од опозицијата го бараа и договорот што е постигнат со студентите.

Измените на Законот за субвенциониран студентски оброк се преодно решение за продолжување на исплатата на субвенционираниот студентски оброк со истите услови, како и досега со траење до март 2023 година. Со нив се предвидува сите студенти кои и досега земале студентски оброк и ги исполнуваат условите за тоа со сегашното решение, да продолжат да земаат 120 денари до 15 март 2023 година, а потоа да се изгласа ново решение во договор на работната група, што произлезе од средбата со претставниците на студентските сојузи во Собранието.

Студентите треба да добијат посебни платежни картички кои ќе можат да ги користат само за студентски оброк во одредени локали. Ќе има ретроактивна исплата на субвенција за студентски оброк од 15 септември до сега, а ќе бидат вклучени и новозапишаните студенти.

Што уште усвоија пратениците на денешната седница?

Во рамки на продолжението на 91. седницата Собранието ги донесе и Одлуката за именување на член на Управниот одбор на Агенцијата за цивилно воздухопловство, Предлог-законот за изменување на Законот за игрите на среќа и за забавните игри, Предлог-законот за изменување и дополнување на Законот за ревизија на инструментот за претпристапна помош (ИПА) и Предлогот на закон за претворување на побарувањата на Република Северна Македонија по основ на платени обврски кон странски кредитор во траен влог во Јавното претпријатие „Колекторски систем”.

Пратениците од дневниот ред на 73. седница го донесоа и Законот за задолжување на Република Северна Македонија со заем кај Европската банка за обнова и развој по Договорот за заем за финансирање на Регионалниот проект за цврст отпад, по скратена постапка, додека во рамки на продолжението на 79. седница и Предлог – завршната сметка на Буџетот на Република Северна Македонија за 2021 година.

The post СТУДЕНТСКИОТ ОБРОК ЌЕ „ПРЕЖИВЕЕ“ ДО 15 МАРТ Студентите ќе добиваат по 2.400 денари месечно за храна appeared first on plusinfo.mk.