Собранието на Република Македонија објави Јавен конкурс за изработка на заштитен знак (лого) со цел да се модернизира и уедначи визуелниот идентитет на законодавниот дом.

Според објавениот повик, новото лого треба да ги отсликува националните вредности, како и мисијата и визијата на институцијата. Во конкурсот се наведени и основните елементи кои треба да ги содржат предложените идејни решенија, а особено внимание се посветува на оригиналноста.

„Дизајнот мора да биде уникатен и досега неупотребуван. Авторите ќе треба да обезбедат ексклузивност на трудот и да гарантираат дека предложеното решение не ги повредува интелектуалните права“, се наведува во конкурсот.

Секој заинтересиран има право да поднесе најмногу три идејни решенија, а нивната евалуација ќе ја врши посебна комисија формирана од претседателот на Собранието. Рокот за поднесување на предлозите е 45 дена од денот на објавување на јавниот конкурс.

The post СОБРАНИЕТО ЌЕ ДОБИЕ НОВО ЛОГО Oбјавен конкурс, ќе се бара модерен визуелен идентитет appeared first on plusinfo.mk.

Пратениците на владејачкото мнозинство, како и на партиите кои го поддржуваат т.н. француски предлог, нема да се јавуваат за збор на собраниската седница на која ќе се расправа за Информацијата за преговарачката рамка на Македонија со ЕУ, која произлегува од предлогот на француското претседавање со Унијата.

Ова за Плусинфо го истакна извор од редовите на опозицијата, кој вели дека на власта ѝ се брза што е можно порано на дневен ред да дојде гласањето во собраниската сала и Информацијата да се прифати.

Пратениците противници на францускиот предлог немаат многу алатки на располагање, во обидот да развијат дебата со пратениците од власта, иако се очекува сите да се јават за збор.

Сепак, нашиот извор претпоставува дека и покрај планот на власта седницата да трае што е можно пократко, мали се шансите таа да заврши денеска, па дури и доколку биде пролонгирана до раните утрински часови. Реално е да се гласа за Информацијата утре, иако теоретски расправата може да трае и до сабота.

Веќе е потврдено дека во 13 часот на Парламентот ќе му се обрати претседателката на Европската комисија Урсула фон дер Лајен, а потоа, во рамки на 81 седница на Собранието за извештајот ќе зборува премиерот Димитар Ковачевски. Потоа на пратениците ќе им биде овозможено да се изјаснат за предлогот.

The post МНОЗИНСТВОТО ЌЕ МОЛЧИ, ОПОЗИЦИЈАТА ЌЕ ОДОЛГОВЛЕКУВА На власта ѝ се брза да се изгласа францускиот предлог во Собранието? appeared first on plusinfo.mk.

– Мора да ја видиме и дисциплинската постапка и потоа да видиме пратениците како ќе се однесуваат согласно со податоците и согласно со нормално документите коишто таму ќе бидат презентирани, рече во Ковачевски во одговор на новинарско прашање по посетата на ПЗУ Никоб Медикал.

Собранието, додаде премиерот, има соодветни комисии во кои се разгледува однесувањето на пратениците во Собранието во однос на усогласеноста со етичкиот кодекс на однесување.

– Колку што знам веќе дел од пратениците имаат иницијативи во таа насока и затоа јас би се повикал прво на следење на процедурата, следење на етичкиот кодекс на однесување и следење на процедурите во Собранието на Република Северна Македонија. Зошто? Затоа што да не заборавиме Собранието е посебна законодавна власт во државата, Владата е посебна – извршна власт и секако дека претседател на Влада не може да биде тој што ќе спроведува процедура во однос на она што го има како процедура во Собрание. Јас се надевам дека таму согласно со сите наводи и докази коишто ги споменавте дека ќе биде испочитувана процедурата и дека соодветно ќе бидат донесени понатамошни одлуки коишто се во надлежност на Собранието, меѓутоа и на други постапки, рече македонскиот премиер.

Тој оставува на ставот оти не сака да дава други коментари на снимката бидејќи, само се слуша глас и не се знае кој со кого или на кого му зборува.

– Не може да се дава оценка за нешто каде што се слушаат гласови, оти јас не сум бил таму, така што најдобар одговор може да дадат тие кои биле во самата сала и кои нормално дека ќе бидат дел од постапката што ќе си се води во соодветната Комисија, рече Ковачевски.

На новинарска забелешка дека во земјава има осудени лица врз основа на снимки на кои се слушаат гласови, премиерот потенцира оти судот секогаш пресудува врз основа на материјални докази.

– И тие кои се осудени, тие за кои има случаи, сите случаи судот ги води врз основа на закони, врз основа на материјални докази, документи за кои се однесува соодветен процес и соодветна пресуда. Значи, пресуда не се носи врз основа на телефонски разговори, туку пресуда се носи врз основа на релевантни документи кои што се докажуваат во судска , рече премиерот Ковачевски.

The post КОЈ ЌЕ ПОВЕДЕ ПОСТАПКА ПРОТИВ ЏАФЕРИ? Премиерот смета дека тоа треба да го стори собранието appeared first on plusinfo.mk.

„Почитувани пратеници, ве известувам дека за утрешниот ден нема закажани активности“, гласи една од СМС – пораките.

Во втората, Џафери го информира пратениците за состојбата со струјата во Собранието.

„Заради прекин во електричното напојување во Собранието, веб страницата на парлемантот е недостапна“, гласи втората порака.

The post СОБРАНИЕТО ОСТАНА БЕЗ СТРУЈА Талат преку СМС-пораки ги информирал пратениците да останат дома appeared first on plusinfo.mk.