Уставниот суд на денешната седница не поведе постапка за оценување на уставноста и законитоста на Одлуката за донесување на ДУП-от за Градска четврт С3 16 Општина Ѓорче Петров, Скопје од 17 февруари 2024 година.

Судот не ги прифати наводите на подносителката на иницијативата Данела Арсовска, градоначалник на Град Скопје од причина што не најде повреда на законитоста и уставноста на постапката за донесување на оспорената Одлука за ДУП.

„Не се докажа дека со Одлуката е направена повреда на Статутот на Општина Ѓорче Петров, на Законот за локална самоуправа, на Законот за Град Скопје, на Законот за просторно и урбанистичко планирање, како и на членот 52 од Уставот“, информираат од Уставен.

The post УСТАВЕН ЈА ОДБИ ИНИЦИЈАТИВАТА НА АРСОВСКА Не е најдена повреда на законитоста за ДУП во Ѓорче Петров appeared first on plusinfo.mk.

Според анкетата која е содржана во овој извештај фирмите го оценуваат процесот на јавни набавки во земјава со просечна оценка од 2,82 (на скалата од 1 до 5), што е незначително намалување во однос на лани, кога оценката беше 2,87.

Дури 48 отсто од фирмите сметаат дека „секогаш“ или„често“ има корупција во јавните набавки, а три четвртини од фирмите како најчест проблем ја наведуваат најниската цена како критериум за добивање на набавката.

Фирмите се жалат и на задоцнетото плаќање. Тие просечно чекаат седум месеци за наплата на побарувањата за завршените набавки.

Од Центарот оценуваат дека честите поништувања на тендерите, причините за поништувањето и големината на тендерите за кои се носат вакви одлуки ја отвораат дилемата дали со поништувањата се прикриваат слабостите во спроведувањето на постапките за јавни набавки или, пак, манипулациите.

Оттаму сметаат и дека транспарентноста на јавните набавки не е на предвиденото ниво во согласност со новиот Закон за јавните набавки.

– Во повеќе од четвртина од мониторираните постапки на централно ниво (27,5 %), евидентирано е непочитување на законската обврска за известување во однос на спроведените тендери – велат од Центарот.

И во овој извештаен период е констатирано дека продолжува практиката најниската цена да биде критериум за избор на најповолна понуда во 97 % од тендерите, а електронската аукција е применета во дури 94 % од тендерите. Ваквото постапување на институциите не е во согласност со актуелните европски трендови, ниту, пак, соодветствува на барањата на бизнис-заедницата.

Лани не запрело доделувањето на набавката во чертири очи, односно  со директни преговори и без објавување оглас. На ваков начин се  склучени  368 договори, во вкупна вредност од 40 милиони евра. Во однос на претходната година намален е бројот на договори, но вредноста е зголемена за 21%.

The post Фирмите просечно чекаат седум месеци за наплата на завршени набавки appeared first on plusinfo.mk.