Петте национални македонски телевизии, здружени во Македонската медиумска асоцијација (ММА), и јавниот сервис МТВ обвинуваат дека преку нови телевизиски сервиси српски компании ги злоупотребуваат и заобиколуваат македонските закони.

Националните радиодифузери членки на Македонската медиумска асоцијација (ММА) и јавниот сервис МРТ бараат надлежните институции да испитаат дали со работењето на спортските канали Арена M1, M2 и M3 Премиум се заобиколуваат и злоупотребуваат македонските закони.

Во заедничкото соопштение, ММА и МРТ наведуваат дека имаат материјални докази оти овие канали подолг период работат без домашна дозвола, додека АВМУ ги третира како странски програмски сервиси кои се реемитуваат во земјава.

„ММА и МРТ имаат материјални докази дека спортските канали Арена M1, M2 и M3 Премиум подолг период работат без домашна дозвола, а нашиот регулатор ААВМУ на волшебен начин ги третира како странски програмски сервиси кои се реемитуваат во Македонија, иако продукцијата, новинарите, коментаторите и гостите се во Скопје, студиските емисии се произведуваат тука, а програмата се емитува на македонски јазик.

Дополнително, во евиденцијата на српскиот регулатор (РЕМ) каналите Арена M1, M2 и M3 Премиум не постојат што значи не се домицилни, српски канали. Истовремено, во операторските евиденции одобрени од АВМУ овие канали се водат како странски сервиси кои емитуваат програма на српски јазик!

ММА и МРТ бараат органите на истрагата како и референтните институциите да утврдат дали со ваквото постапување е заобиколена законската обврска за дозвола, дали е причинета штета на буџетот со неплаќање на лиценца и дали постои одговорност кај сопствениците, одговорните лица на ТВ сервисите како и кај службениците на ААВМУ.

Бараме да се провери и евентуалното неовластено користење на премиум спортски ТВ-права позната како ТВ пиратерија.

ММА и МРТ нема да дозволат истиот модел на евентуалното изигрување на законот да биде применет и за најавениот Евроњус Македонија, односно ААВМУ да го третира како странски сервис на начин сличен на Арена Премиум каналите, како што најавуваат нивните сопственици и структури од Белград. Беззаконието кое денес се толерира како исклучок, утре може да стане правило.

ММА и МРТ ќе поднесат соодветни поднесоци до Јавното обвинителство и МВР за да се испита постапувањето и евентуалната одговорност на надлежните лица во ААВМУ“ – се вели во соопштението на Македонската медиумска асоцијација и јавниот сервис МТВ.

The post СПОРТСКИТЕ КАНАЛИ НА АРЕНА ГИ ИЗИГРУВААТ МАКЕДОНСКИТЕ ЗАКОНИ Работат без лиценца, лажно се прикажуваат како странски appeared first on plusinfo.mk.

Јавната администрација не се менува со најави, туку со конкретни решенија, системски промени и работа на терен. По две години работа, Министерот за јавна администрација Горан Минчев ги презентираше резултатите од реформскиот процес насочен кон создавање професионална, ефикасна и модерна администрација, која ќе биде поблиска до граѓаните и подобро подготвена да одговори на нивните потреби.

– Не ветувавме реформи, туку работевме на нивно спроведување. Не се водевме од краткорочни решенија, туку од потребата да поставиме стабилни темели на систем кој со години се соочуваше со одложувања и недовршени процеси – истакна министерот Минчев, посочувајќи дека еден од најзначајните резултати е усвојувањето на трите системски закони во областа на јавната администрација: Законот за административни службеници, Законот за вработените во јавниот сектор и Законот за стручно усовршување и обука на административните службеници.

Особено значаен сегмент од реформите е подобрувањето на статусот на административните службеници. Во партнерски дијалог со синдикатите постигнат е историски договор преку колективните договори, со кој е обезбедено континуирано зголемување на платите на административните службеници за 40 проценти до 2028 година. „Реформата на јавната администрација не може да биде успешна без да се грижиме за луѓето кои секојдневно ја носат работата на институциите” нагласи Минчев.

Важен чекор кон професионализација на управувањето е донесувањето на Законот за високи раководители, со кој за првпат се воспоставува единствен систем за избор и управување со највисоките раководни позиции во државната администрација. Новиот модел предвидува јавен оглас, проверка на условите, рангирање и избор на најдобрите кандидати, со што високите позиции се поврзуваат со знаење, компетентност, професионално искуство и интегритет. Законот опфаќа државни секретари, директори и заменици директори во институциите каде што е предвидено, а воведува и механизми за следење на нивната работа и одговорност за резултатите. Дополнително, со ограничувањето на В.Д. мандатите на шест месеци и намалувањето на бројот на членови во управните одбори на три члена, се создава поголема стабилност, ефикасност и рационално користење на јавните средства.

Паралелно со законските промени, воспоставена е Академијата за јавна администрација како нов систем за развој на знаењата, компетенциите и професионалниот потенцијал на административните службеници. Со модернизацијата на Центарот за обука во Аеродром, реализацијата на обуки за повеќе од 1.000 административни службеници низ државата и развојот на современ електронски систем за учење ЛМС, се поставуваат темели за администрација во која континуираното учење и усовршување ќе бидат составен дел од кариерата. „Академијата не ја гледаме само како нова институција, туку како инвестиција во луѓето и мотор на модерната администрација” истакна министерот.

Во изминатиот период беа реализирани и други значајни процеси, унапредување на Информациониот систем за управување со човечки ресурси – ИСУЧР, воспоставување механизми за следење на Стратегијата за реформа на јавната администрација, реформа на инспекцискиот систем, како и подобрување на процесите за управување со квалитетот во институциите. Министерството продолжи и со активностите во рамки на Партнерството за отворена власт, преку кое се зајакнува транспарентноста, отчетноста и учеството на граѓаните во креирањето јавни политики, а паралелно се унапреди и процесот на проценка на влијанието на регулативата (ПВР) преку поголема транспарентност, јавни консултации и подобро планирање на законските решенија.

Со сите овие активности, Министерството за јавна администрација во изминатите две години направи значајни чекори во воспоставувањето на нова рамка за функционирање на јавната администрација. Овие процеси претставуваат цврста основа за администрација која ќе се гради врз знаење, компетентност и одговорност, со крајна цел граѓаните да добијат поефикасни институции и подобри услуги.

The post ПЛАТИ ПОВИСОКИ ЗА 40 ОТСТО, КРАЈ НА ВЕЧНИТЕ В.Д. ФУНКЦИОНЕРИ Минчев ги сумираше двете години реформи во администрацијата appeared first on plusinfo.mk.

Бројните закони коишто се носат во Собрание, а коишто се дел од реформската агенда, се закони кои го подобруваат квалитетот на живот на граѓаните – рече Ели Панова, член на ИК на ВМРО-ДПМНЕ и пратеничка, во гостување во емисијата „Заспиј ако можеш”.

Таа додаде дека исплатените средства од страна на реформската агенда претставуваат признание дека ЕУ гледа дека државата има капацитет и е способна да исполни.

– Законите коишто ние ги носиме во овој момент, коишто се дел од реформската агенда, но дел и од програмата на Владата, се закони кои општеството има потреба за нивно носење, тоа е најважно. Ние со факти и аргументи се бориме и затоа сме изморени да им се докажуваме на нашата опозиција кога зборуваат дека ништо не работиме. Ако ЕУ не вреднува позитивно, ако граѓаните не вреднуваат позитивно, ако отвориме Државен завод за статистика и ги погледнеме бројките, ако во исто време имаме пет автопати коишто се градат, ако гледаме дека се градат болници, се спасуваат животи, тогаш сфаќаме дека ние можеби не можеме да се промениме како држава преку ноќ, но работиме со засилено темпо, за да оствариме што е можно повеќе – децидна е Панова.

Панова истакна дека голем дел од законите коишто се дел од реформската агенда се веќе во собраниска процедура, а дел од нив веќе се донесени.

– Денес имавме последна расправа за Законот за оружје, којшто е дел од реформската агенда, на која што беа прифатени одредени амандмани, законите за јавнообвинителска и судска служба исто така се во собраниска процедура, истите се дел од реформската агенда, на нив има одредени забелешки, истите се поврзани со финансиски средства, но во исто време ќе направиме да се подобрат истите и да ги донесеме во исто време – посочи Панова.

Панова додаде дека во Собрание истовремено се носат и закони коишто не се дел од реформската агенда, но се потребни за граѓаните. Таа истакна дека Законот за царински тарифи за првпат се намалува царината на репроматеријалите и претставува директна поддршка за производителите.

The post СО ЗАКОНИТЕ ШТО СЕ НОСАТ ВО СОБРАНИЕТО СЕ МЕНУВА СЛИКАТА ЗА МАКЕДОНИЈА Во постапка се измени на законот за оружје, за јавнообвинителска служба, за царински тарифи… appeared first on plusinfo.mk.

Сите поважни законски решенија, а пред сè сите решенија од реформската агенда, се носат во една транспарентна, јавна и отчетна процедура како никогаш досега. Сите законски измени во поглед на исполнувањето на реформската агенда ќе бидат донесени во рамките на Собранието, со или без поддршка на СДСМ – изјави на прес- конференција во Собранието пратеникот од ВМРО-ДПМНЕ Љупчо Пренџов.

Тој рече дека прес-конференцијата ја свикал во врска со случувањата со последните закони од реформската агенда, односно, како што рече, со лицемерието кое СДСМ и Венко Филипче се обидуваат да го протнат и во Собранието и на македонската политичка сцена.

– Сите закони беа во редовна постапка, со испочитувани рокови, со консултирани експерти, со организирани јавни расправи и слично, каде што беа поканети сите оние кои беа предложени од опозицијата, како и невладиниот сектор и меѓународните организации, Европската комисија итн.

Опозицијата активно учествуваше во подготовката, обликувањето и допрецизирањето на овие законски решенија. За секој од законите беа прифатени двоцифрен број амандмани и на тоа сме горди, затоа што секој добар предлог треба да биде вграден во законското решение, независно дали доаѓа од експертската фела, граѓанскиот сектор или од опозицијата.

Согласно Деловникот на Собранието, за донесување на Законот за Советот на јавни обвинители се потребни 41 пратеник. Јасно е дека, согласно бројките во Собранието, тоа законско решение секако ќе беше донесено. Но, загрижува фактот што Венко Филипче и СДСМ вчера гласаа против ова законско решение и јасно испратија порака дека се против реформската агенда, интеграциите во Европската Унија и подобар правосуден систем. Истовремено, пред некој ден соопштија дека се повлекуваат од уште еден реформски закон – Изборниот законик, и јасно и недвосмислено ни соопштија дека се против Законот за јавното обвинителство, кој е во собраниска процедура.

Ова е лицемерие. Ова е вистинскиот СДСМ – политичка партија која де јуре зборува за Европа, а де факто никогаш не направила доволно за да бидеме чекор поблиску до Брисел. Затоа јавно прашувам: во чиј интерес е ова блокирање на сите реформски закони? Знам само дека не е во интерес на граѓаните и на Македонија.

Сите законски измени во поглед на исполнувањето на реформската агенда ќе бидат донесени во рамките на Собранието, со или без поддршка на СДСМ. Македонија ќе оди напред, независно од политиканството и лицемерието.

Исто така, и во следниот период, како пратеничка група на ВМРО-ДПМНЕ и Коалицијата, како и како Комисија за политички систем и односи меѓу заедниците, ќе продолжиме активно да соработуваме со сите политички чинители, невладини организации и експерти со цел да креираме подобри закони. Ќе продолжиме да организираме јавни расправи, да работиме транспарентно и отчетно и да го прифаќаме секој предлог што значи подобро законско решение. Ние, како политичка номенклатура, ќе продолжиме да се однесуваме исклучиво согласно интересите на граѓаните и на државата – рече пратеникот Пренџов на прес конференцијата во Собранието.

The post ПРЕНЏОВ • РЕФОРМИТЕ ЌЕ ПРОДОЛЖАТ СО ИЛИ БЕЗ ВЕНКО ФИЛИПЧЕ И СДСМ Нивното лицемерие нема да нѐ запре appeared first on plusinfo.mk.

Големи предизвици го одбележаа здравствениот систем во 2025 година, оцени денеска министерот за здравство Азир Алиу по средбата со новинарите. Тој истакна дека повеќе проекти се во тек или во завршна фаза во јавните здравствени установи, а нови активности се планираат и за 2026 година.

– Здравствениот систем во секоја држава се соочува со предизвици, така е и кај нас. На крајот на годината веќе располагаме со база на податоци од здравствениот систем. За првпат имаме база на човечки ресурси, а наскоро ќе имаме и база на инфраструктура и технологии. Од аспект на законите, 12 закони веќе се во постапка на обработка и изменување, а работиме и на два нови закони кои досега не постоеја, но процесите налагаат да ги имаме. Очекувам до крајот на февруари сите законски решенија да бидат завршени – истакна Алиу.

Министерот појасни дека во Министерството за здравство се формирани шест работни групи кои го следат квалитетот на клиничките услуги. Пет од нив, како што наведе, веќе доставиле извештаи според кои немало клинички пропусти во третманот на пациентите, додека една група сè уште работи, а извештај за конкретен случај се очекува наредната недела.

Говорејќи за дигитализацијата како еден од клучните приоритети во здравството, Алиу информира дека во тек се активности на работната група за унапредување на регистрите на здравствени работници и здравствени установи, како и нивно поврзување со приватните здравствени установи во рамки на Националниот систем за електронски евиденции во здравството.

Една од главните придобивки, како што посочи, е централизирано и интегрирано управување со податоци, како и зголемена интероперабилност меѓу јавните и приватните здравствени установи. Посебна работна група работи на изработка на Стратегијата за дигитално здравство, при што веќе е поставена основа за нејзино финално усвојување и имплементација.

Работна група за лабораториски стандарди – LOINC ќе работи на усогласување на лабораториските тестови и резултати со меѓународно признати стандарди. Паралелно се работи на реконструкција и модернизација на дата-центарот, како и на воспоставување секундарен дата-центар, со цел унапредување на ИТ-инфраструктурата на Министерството за здравство и Управата за електронско здравство. Почната е и набавка на нова опрема, информира министерот.

Во фаза на реализација, како што нагласи Алиу, се проекти за реконструкција и адаптација на КАРИЛ, реновирање на 10 операциони сали со нивните предпростории, ходници и машински сали на Хируршките клиники при Клиничкиот центар „Мајка Тереза“ – Скопје, како и обновување на компресорски станици и станици за медицински гасови во Клиниката за токсикологија, Клиниката за хируршки болести „Св. Наум Охридски“, Општата болница во Струга – нефрологија и Општата болница во Гостивар.

Меѓу проектите со готова или завршна фаза на техничка документација се реконструкција и адаптација на простор во Клиниката за гинекологија и акушерство за потребите на програмата за биолошко потпомогнато оплодување (ин витро фертилизација), изградба на нов објект за Психијатриската болница во Демир Хисар, како и УНОПС-проектот за гасификација на објектите на Здравствениот дом – Скопје, ЈЗУ за геријатрија, Психијатриската болница Бардовци, Клиничката болница во Тетово и Центарот за јавно здравје Тетово.

Планирани се и проекти за изградба на поликлиники и амбуланти во соработка со општините, реконструкција на Општата болница во Велес, формирање Центар за цистична фиброза во рамки на Институтот за белодробни заболувања кај децата – Козле, како и децентрализација на онколошките услуги преку отворање регионални центри за дневна терапија во ГОБ „8 Септември“ и клиничките болници во Тетово, Штип и Битола.

The post ГОЛЕМИ ПРЕДИЗВИЦИ ВО ЗДРАВСТВОТО Алиу најави законски реформи и нови проекти appeared first on plusinfo.mk.

Статистиката покажа дека во првите 15 дена од тест периодот нема ниту една жртва низ скопските улици и сметам дека тоа е позитивно и тоа е на крај суштината на „Сејф Сити” – рече пратеникот од редовите на ВМРО-ДПМНЕ, Бојан Стојаноски во гостување на ТВ Алфа.

– Човечки е дека луѓето треба да се навикнат и затоа ја поздравувам одлуката на министерот Панче Тошковски да има тест период. Од друга страна јас би се фокусирал на друга статистика, тоа е дека во првите 15 дена од тест периодот нема ниту една жртва низ скопските улици и сметам дека тоа е позитивно и тоа е на крај суштината на „Сејф Сити”, да бидеме искрени и реални – рече Стојаноски.

Пратеникот Стојаноски истакна дека со законските измени во Собранието, кои се во тек, се отвора патот да профункционира „Безбеден град“ од 1 февруари и понатаму да се прошири и на други дејности.

– И затоа треба таквите реформски закони да не ги гледате низ политички опортунизам, туку низ тоа што на крајот суштински ќе се подобри. Пет закони беа сега заедно со Кривичниот законик тоа е пакет на 6 закони, во кои целата онаа функционалност и детали коишто бараат да почиваат врз законски измени се донесени, така да апсолутно се отвора патот да профункционира системот од 1 февруари. Имавме доста дебати за тие законски измени и сметам дека сето она што го гледавме низ улиците на Скопје, но и низ сите градови во земјава, бидејќи овој систем кога ќе профункционира, ќе биде воспоставен насекаде, бидејќи ќе треба да се прошири на други дејности, веќе сум разговарал со некои од скопските градоначалници, тие сакајќи да го сопрат оној вандализам на оштетување на јавната и урбана опрема сакаат да го инсталираат и таму – рече Стојаноски.

The post ВО 15 ДЕНА НИТУ ЕДНА ЖРТВА ВО СООБРАЌАЈОТ ВО СКОПЈЕ „Безбеден град“ ги покажува првите позитивни ефекти appeared first on plusinfo.mk.

Вреди го затвора засекогаш едно од најголемите поглавја на политичката измама против Албанците – прашањето за правична и соодветна застапеност, соопшти коалицијата.

„Новиот закон за правична и соодветна застапеност е најјасен доказ дека она што две децении се користеше како слоган, алиби и алатка за политичка уцена, денес станува законски, мерлив и применлив стандард. За прв пат, правичната застапеност не останува заложник на политичката волја на владите, партиските пазарења или на изборните манипулации, туку е регулирана со јасен, обврзувачки и надгледлив закон“, соопшти Вреди.

Со овој закон, Вреди ја затвора клучната алка на Охридскиот договор, се додава во соопштението.

„Фактите се неоспорни: Венецијанската комисија, највисокиот европски орган за уставни и правни прашања, исто така даде позитивно мислење за истиот закон. Ова дефинитивно ја побива пропагандата на ДУИ, која со години зборуваше за застапеност, но никогаш немаше храброст, волја и политичка чесност да ја регулира со закон“, се вели во соопштението.

Вреди, се додава, го направи она што другите само го ветуваа.

„Денес, правичната и соодветната застапеност се трансформира во правен механизам што гарантира вистинска еднаквост, транспарентност и правда за сите граѓани, без оглед на припадноста и без партиски посредници. Се очекува законот наскоро да влезе во собраниска процедура, а Вреди ги повикува сите пратеници, без исклучок, да се вратат на разумот, одговорноста и на јавниот интерес. Ова не е партиски закон, туку закон за еднаквост, закон за правда и закон за европската иднина на земјата“, соопшти Вреди.

The post ЗАКОНОТ ЗА ПРАВИЧНА ЗАСТАПЕНОСТ Е ВО СОБРАНИСКА ПРОЦЕДУРА Вработување во администрацијата без партиски уцени, пазарења и манипулации appeared first on plusinfo.mk.

Претседателот на САД Доналд Трамп потпиша извршна наредба за вештачка интелигенција со која ќе се обиде да го спречи растечкиот број државни закони што ја регулираат технологијата да постават национален стандард.

– Сакаме да имаме еден централен извор на одобрување – им рече Трамп на новинарите, опкружен со неговите советници, вклучувајќи го и секретарот за финансии Скот Бесант.

Извршната наредба ќе ѝ даде на администрацијата на Трамп алатки за укинување на „најоптоварувачките“ државни регулативи, објасни советникот за вештачка интелигенција во Белата куќа, Дејвид Сакс. Администрацијата нема да се спротивстави на правилата што ја регулираат вештачката интелигенција и безбедноста на децата, додаде тој.

Главните играчи во областа на вештачката интелигенција рекоа дека федералната влада, а не државите, треба да ја регулираат индустријата.

Сепак, државните лидери од двете главни политички партии рекоа дека им е потребен авторитет за поставување ограничувања на вештачката интелигенција, особено затоа што Конгресот постојано не успева да донесе закони што ја регулираат технолошката индустрија.

Гувернерот на Флорида, Рон ДеСантис, републиканец, предложи закон за права за вештачката интелигенција што би вклучувал приватност, родителска контрола и заштита на потрошувачите. Гувернерот на Калифорнија, Гевин Њусом, чија држава е дом на неколку големи компании за вештачка интелигенција, годинава потпиша закон со кој се бара од големите развивачи на вештачка интелигенција да ги објаснат своите планови за ублажување на потенцијалните катастрофални ризици.

Други држави донесоа закони со кои се забрануваат сексуални слики генерирани од вештачка интелигенција.

The post ТРАМП Ѝ ДАДЕ ФЕДЕРАЛЕН „ИМУНИТЕТ“ НА ВЕШТАЧКАТА ИНТЕЛИГЕНЦИЈА Законите на поединечните држави на САД нема да важат за неа appeared first on plusinfo.mk.

Како дете бев фасциниран од стрип и филм јунакот Супермен, кој ми беше персонификација на сè што е добро во овој свет. И секако, како последица на тоа, и до ден денешен паметам фрази и реченици кои ми оставиле силен впечаток тогаш. Меѓу речениците стои и следната „Чудно, немав видено ѓубре да јаде ѓубре“, со која Супермен, како Кларк Кент, неговата човечка маска и критика на светот, му се обрати на некој силеџија и насилник. Оваа реченица ми се моткаше низ главата кога ги читав коментарите за одлуката на градското собрание на Скопје – да се забрани фрлање ѓубре од 22:00 до 05:00. Само наместо „ѓубре кое јаде ѓубре“ стоеше „ѓубре кое фрла ѓубре“. И тогаш налетав на еден интересен статус на почитуваната маратонка, неколкукратно и шампионка, авторка и активистка Весна Кираџиева, кој ќе се обидам да го парафразирам во оваа колумна.

Менталитетот на самооправдување

Речиси секоја ситна будалаштина во Македонија се оправдува со некое од следните „оправдувања“: „А бе овие државата ја украдоа, а мене ќе ме казнуваат за: ѓубрето после 22 часот; или ако сум погрешно паркиран на сред булевар да тркнам на 10 минути до банкомат; или ако не сум застанал на пешачки; или ако зборам на телефон или имам слушалки”… Тоа е тој менталитет на македонскиот граѓанин. Секој чека некој друг да биде пример, а во меѓувреме сите продолжуваме да ги кршиме правилата. И така се вртиме во круг: државата ни е виновна, властите ни се виновни, партиите ни се виновни. А ние? Па нормално, ние сме невини, ние ништо не правиме. Но, токму тоа „ништо“ е најголемиот проблем. Системот не се поправа со магично штанцање закони. Се поправа со лична самосвест, со култура, со човечка почит. Ако мене ми пречи кога некој зборува на телефон додека вози, тогаш треба да бидам свесен дека и на другиот му пречи кога јас го правам истото. Тоа е ниво на свест што бара време, образование и волја. Но, бара и храброст да бидеш „црна овца“ – да не фаќаш кривини, иако сите околу тебе тоа го прават. Горе долу, ова е парафразираниот статус. Да дополнам:

Третманот кон отпадот, би рекол и сметам дека ќе најдам истомисленици, е дел од човековата култура. И кога нашата култура ќе премине во некултура, некултурата во гнасотија, почнуваме да се жалиме на сите освен на себеси! А отсекогаш ме фасцинирала една ненормална и необјаснива појава. Како може истиот наш човек, кога ќе појде во странство, некаде по Германија или Швајцарија – да биде културен, да го изнесе ѓубрето само во „вторник или петок“, да не фрла опушоци, лименки или обвивки од храна по улиците, но истиот лик, нема да му дадам титула човек, овде претставува „ѓубре кое фрла ѓубре“. Толку ли ја мразите или не ја почитувате Македонија?

Политика на мотивација и демотивација

И да не биде – „само народот е виновен“, ќе кажеме јасно: државните и градските власти, не се баш Мајка Тереза. Не може да очекуваме дека сите ќе станат свесни преку ноќ. Затоа е потребна политика на мотивација и демотивација. На пример, површно речено па не го земајте како точен процент, властите можат да воведат мотивирачка награда: оние кои сортираат отпад да добиваат попуст од 10% на сметката за комунална хигиена. Тоа е конкретна награда за одговорното однесување. Од друга страна, оние кои не сортираат да плаќаат 10% повеќе. Тоа е политика на казнување што демотивира: „Зошто да плаќам повеќе, кога можам да се организирам и да сортирам?“. Можеби звучи утопистички, но применливо е и врз згради и населби кои имаат заеднички комунални објекти. Иако кај нас секогаш ќе има „еден комшија кој не сака“, сепак – тврдам дека е применливо.

Такви мерки не се само финансиски – тие се симболични. Тие покажуваат дека државата не е непријател, туку партнер. Секако, за да има смисла и ефект ова сортирање, прво се потребни јасни означувања: каков контејнер – каков отпад собира. Државата треба да наметне и правила за производителите и увозниците на пластични кеси за отпад. Точно одредена боја за одреден вид отпад. Градовите треба да ги разгледаат своите фреквенции на движење и создавање отпад. На пример, центарот на градот, во сабота навечер сигурно генерира енормна количина отпад, и тоа не се решава со „почекајте до 5 наутро за да го фрлите“. Тоа треба да се реши со специфична смена на комуналните работници, кои не мора да се присутни на улица во време кога нема никој – но затоа ќе мора да се двојно поприсутни во време на висока фреквенција.

Личната совест како најголема награда

Можеби ќе звучи идеалистички, но сметам дека, најголемата награда не е попустот на сметката. Најголемата награда е мирната совест. Да знаеш за себе дека ти не си оној кој создава можности за ширење заразни болести, дека не си фрлил ѓубре на улица, дека си застанал на пешачки, дека си ги почитувал правилата – тоа е чувство што не може да се купи. Да, можеби ќе тапкаш во место додека другите околу тебе „фаќаат кривини“. Но, од некаде треба да се тргне, па тргни од себе. Ќе спиеш помирно. Ќе знаеш дека не си дел од проблемот, туку дел од решението.

„Чудно, немав видено ѓубре да фрла ѓубре.“ Таа видоизменета реченица на Супермен сфатете ја како повеќе од шега. Таа е огледало на нашето општество. Ако сакаме да живееме во чиста држава, мора да почнеме од себе. Да не чекаме другите први. Да бидеме црни овци, исклучоци, луѓе со совест. Да сортираме отпад, да почитуваме правила, да градиме култура. Само така ќе престанеме да бидеме „ѓубре“ што фрла „ѓубре“. Само така ќе станеме општество што гради иднина.

The post Ѓубре што фрла ѓубре appeared first on plusinfo.mk.

Заменик министерката за животна средина и просторно планирање, Ане Лашкоска, ја истакна својата визија за чиста животна средина и воздух во периодот којшто следи и наведе дека животната средина и справувањето со загадениот воздух се едни од врвните приоритети во агендата на Владата, предводена од ВМРО-ДПМНЕ, и дека министерството интензивно работи на решавањето на овој проблем. Таа говореше на денешниот настан Саем-отчет, под мотото „4 години работа за тебе”, со свое обраќање на панел-дискусијата „Локалната и централната власт работат за тебе“.

– Кога се соочивме со проблемот со загадениот воздух, моравме да донесеме еден план кој го изгласа Владата за наредните 6 години, односно повеќегодишниот план за справување со загадениот воздух наречен „План за справување со загаден воздух 2024-2030 година“, каде што ветивме дека ќе се залагаме и се залагаме за решавање на овој проблем со преземање конкретни чекори, чиишто резултати ќе ги видиме по неколку години, а тоа би биле трајни резултати – вели Лашкоска.

Заменик министерката истакна дека координацијата со локалните самоуправи е на одлично ниво и дека заеднички се прават планови за справување со загадениот воздух, а ги потенцираше изградбата на когенеративни централи за решавање на проблемот и носењето нови 2 закона коишто ќе значат многу за заштита на животната средина.

– Она за што се зафативме прво е изградбата на когенеративни централи, тие се единствениот начин да го решиме проблемот со загадувањето. Министерството за животна средина и просторно планирање е тесно поврзано со општините во државата и ниеден проект не можеме да го реализираме едни без други, Министерството е партнер на општините во државата. Заедно со општините направивме планови за справување со загадениот воздух, во собраниска процедура е Законот за индустриска емисија на гасови со кој ќе имаме контрола на големите индустриски загадувачи, а и новиот Закон за животна средина, а со овие 2 закона ќе се придонесе за заштита на животната средина – рече Лашкоска.

The post БОРБАТА СО ЗАГАДЕНИОТ ВОЗДУХ Е ВРВЕН ПРИОРИТЕТ Се крчкаат 2 нови закони за заштита на животната средина appeared first on plusinfo.mk.