Царовска не прецизираше кога Предлог-законот повторно ќе биде вратен пред пратениците, но рече дека дебати за него ќе има во септември. Законот е поставен на Националниот систем на прописи (ЕНЕР).

– Сега е летен период и ги чекаме експертите. Тој беше достапен на ЕНЕР повеќе од два месеца и сите аргументи беа земени предвид во финалното решение. Сега повторно тој е отворен и граѓаните може да испраќаат коментари, а имаше и претходно мејл-адреса. Очекувам да направиме рунда на дебати од септември, кога сите ќе се вратат од летните одмори и потоа да одлучиме како ќе го пуштиме законот во Собрание, иако ставот на МОН и на Владата е дека не отстапуваме од процесот што е почнат – дигитализацијата која е единствен излез за нашите ученици да станат подобри –  рече Царовска.

Таа додаде дека подготовките за прво и за четврто одделение се речиси готови – има нова концепција и нови наставни програми и материјали за учење што ги подготвува Бирото за развој на образованието.

– Очекувам дека по третата обука на наставниците во август ќе бидеме целосно подготвени и сите предизвици ќе се решаваат во тек. Но, стартуваме поподготвени од која и да е друга наставна програма која се донела во нашата држава. Дигитализацијата во образованието е нужна и не е прашање дали нашата држава сака или не сака, туку мора да фатиме чекор со светот и глобалните процеси. Тоа го покажа и пандемијата – да сме почнале пред десетина години со дигитализацијата, веројатно немаше да имаме цело полугодие на приспособување на образовниот систем во првата година од пандемијата, туку ќе бевме спремни – рече Царовска.

Таа  рече дека има три сценарија за почеток на новата учебна година. Првото е физичко присуство на учениците, ако продолжи стабилната епидемиолошка состојба.. Второто настава на далечина, како во изминатата учебна година, ако се влоши состојбата и терто  хибриден модел т.е. неделно ротирање на учениците во две групи за настава во училиштата и онлајн од дома.

The post Предлог-законот за учебници повторно е отворен за сугестии, дебати ќе има во септември appeared first on plusinfo.mk.

Тоа беше второ поднесување на предлогот во Собранието на групата родители кои не се согласуваат со новиот закон и целосна дигитализација на учебниците од четврто одделение. Првиот пат двете комисии не го прифатија предлогот зашто собраните потписи беа неуредно доставени, односно не беа во согласност со Законот за референдум.

Следно е претседателот на Собранието, Талат Џафери да го прифати предлогот и да може да почнат да ги соберат потребните 10. 000 потписи за да се распише рефендум на ниво на целата држава.

Драгана Спасовска, претставничка на Граѓанската иницијатија, за МИА изјави дека очекува Џафери набргу да одговори и потоа тие ќе имаат рок од 30 дена да ги собираат потписите.

– Кога Државната изборна комисија ќе отвори избирачки единици, имаме рок од 30 дена да собереме 10 000 потписи. Потоа нив повторно ќе ги доставиме во Собранието за распишување референдум – рече Спасевска и додаде дека нема сомнеж оти ќе ги соберат 10-те илјади потписи што се потребни за да се организира непосредно изјаснување на граѓаните.

Спасевска на седниците на собраниските комисии денеска ги образложи причините за нивните барања и зошто сметаат дека најавените реформи не се во интерес на децата.

Оваа фејсбук-група, која има околу 70.000 приврзаници кои, според Спасевска, се гласот на родителите, имаат неколку барања во врска со најавените реформи, но пред се да се запре донесувањето на Предлог-законот за учебници и наставни материјали во основно и средно образование, кој е во собраниска процедура.

Таа изјави дека за референдумот ќе формулираат прашање што ќе биде концизно и конкретно за да нема забуни.

Според Предлог-законот за учебници и наставни материјали во основното и средното образование, од учебната 2021/2022 година ќе бидат воведени дигитални учебници, прво во четврто одделение, а во наредните години и во погорните одделенија, како и во средното образование. Според предлог-законот, учениците до трето одделение ќе продолжат да учат од печатени (хартиени) учебници.

The post Во Собранието е прифатен предлогот за референдум против новиот закон за учебници appeared first on plusinfo.mk.

МОН апелира дека оваа постапка не оди во прилог на едукацијата на децата и дека секој пропуштен час, особено сега кога воспитно-образовниот процес се организира во вонредни околности и во услови на пандемија, значи пропуштено знаење, кое тешко се надоместува.

„Причината за бојкотот на наставата е неоправдана, ако се има предвид дека дигитализацијата на образованието е глобален процес кој се случува во голем број земји во светот, а Северна Македонија мора да фати чекор со современите трендови и да се приближува кон стандардите за квалитет на образование кои ги наметнуваат развиените општества. Дигитализацијата на материјалите за учење е дефинирана во новиот Закон за учебници и други наставни и дидактички материјали и предвидено е истата да се случува етапно, почнувајќи во четврто одделение од следната учебна година, така што во овој момент тоа воопшто не ги засегнува средношколците и тие немаат причина за отсуство од настава по тој основ“, се наведува во реакцијата од МОН.

Оттаму нагласуваат дека законското решение за учебниците е во целосна согласност со потребите кои ги наметнува светот во кој децата живеат, како и дека со него ќе се намали обемот на домашните задачи.

„Апелираме учениците кои денес не се дел од часовите, да ја продолжат наставата и успешно да ја завршиме учебната година. Во меѓувреме, граѓаните да продолжат да ги следат информациите кои ги објавува МОН во врска со креирањето и имплементирањето на промените во образовниот систем, бидејќи сите други извори на информации, можат да бидат неточни и од манипулативна природа, со намера да поттикнат несакани реакции токму од страна на учениците и нивните семејства“, се додава во соопштението од МОН.

The post МОН апелира децата да се вратат на настава, се ближи крајот на учебната година appeared first on plusinfo.mk.

– Кога министерката за образование Мила Царовска го слушна крикот на јавноста и револтот на родителите за идејата за отфрлање на учебниците и прифаќање на дигитални учебници, очигледно сфати дека оваа работа многу тешко ќе пројде во Собранието. Но, потоа веројатно ѝ текна да го повлече законот од собраниска процедура поради некакво дополнување за усогласување со европските документи. Голема е веројатноста дека зад ваквиот потег стои идеата да се залепи европско знаменце на законот, а тоа значи целосно непочитување на гласот на народот и револтот на родителите. Ако се вметне европско знаменце на законот, тоа значи дека тој закон ќе биде изгласан во рок од три дена, без разлика на тоа колку амандмани се поднесени – изјави Милошоски за Плусинфо.

Министерството за образование денеска соопшти дека не се откажува од носењето целосно нов закон за учебници со кој се воведуваат современи материјали за учење и се нуди можност за дигитализација.

„Ги повикуваме граѓаните и родителите да не подлегнуваат на грубите лаги и политички манипулации пласирани во јавност од страна на пратеници од опозицијата. Во интерес на објективно и вистинито информирање на јавноста по координација со Секретаријатот за европски прашања, Законот е вратен за  да се дополни само делот за усогласување со европските документи, како дел од процесот на усогласување на националното со европското законодавство. Законот денес е на дневен ред на Влада, по што  ќе биде доставен до Собранието“, се вели во соопштението на МОН.

The post Милошоски: Сакаат да му залепат европско знаменце на законот за учебници, затоа го повлекоа од собраниска процедура appeared first on plusinfo.mk.

Учебници во хартиена форма ќе добиваат учениците од прво до трето одделение, имајќи предвид дека првите години од воспитание и образование на децата се клучни за поставувањето на основите на писменост и градење однос кон книгата. Додека за учениците од четврто и погорните одделенија, приоритет ќе се даде на учебниците и дидактичкиот материјал во дигитална форма збогатени со мултимедиални содржини – филмови, анимации, видео прикази, галерија на слики и задачи, односно стануваат достапни електронските и аудио учебниците, поставени на една и единствена електронска платформа. За учениците со оштетен вид ќе се изработуваат и учебници на Брајово писмо.

Овие промени што ги најави Министерството за образование (МОН) треба да започнат од идната учебна година откако е усвоена нова Концепција за основно образование и изработка на новите наставни програми, што предвидува воведување на современа дидактика во воспитно-образовниот процес и наставата.

Дигитализацијата на учебниците дозволува тие да се ревидираат секоја година пред почетокот на учебната година, за да нема застарени податоци и содржини кои не соодветствуваат на реалноста. Учебниците ќе се пишуваат на јазик кој е разбирлив и соодветен на возраста на учениците. За да нема грешки во содржината, како и за додавање на теми кои недостасувале досега, а се поврзани со родовата еднаквост, мултикултурализмот, почитувањето на различностите и слично, се поставуваат повеќе филтри во текот на целиот процес на изработка на учебниците кој ќе се спроведува транспарентно и без можности за склучување на ексклузивни договори со одредени издавачи куќи или автори, соопшти Министерството за образование, најавувајќи клучни промени со кои ќе се обезбедат современи дидактички средства кои ќе се прилагодуваат на брзите општествени промени и трендови.

Законот за учебници и други наставни и дидактички материјали предвидува за секој наставен предмет, наместо само еден, да се применуваат најмногу до три учебници. Се работи за светски позната практика на отворени образовни ресурси, преку која се обезбедува автономија на наставниците во изборот на литература, затоа што тие самите на ниво на училишен колектив ќе одлучуваат кој од одобрените учебници по секој предмет ќе се користи во наставата.

Законот за учебници е дел од планот за темелна реформа на националниот образовен систем. Изготвен е согласно приоритетите во Стратегијата за образование 2018-2025 година и врз база на целосно нов Концепт за наставни и дидактички материјали, во кој се содржани најдобрите искуства и практики од неколку европски земји кои го имаат надминато системот на класична употреба на учебник, се додава во соопштението од МОН.

The post Од септември хартиени учебници до трето, а од четврто само дигитални? appeared first on plusinfo.mk.