„Овој закон не е против семејството, туку против дискриминацијата. Тоа не е проект за идеологија, туку за правда и меѓусебно почитување“.

Вака изјави премиерот на Албанија, Еди Рама, обраќајќи им се на пратениците во парламентот откако со 77 „за“ и 36 „противС“ парламентот го усвои предлог-законот за родова еднаквост, предложен од владата на Рама.

Законот, според Рама, означува историски чекор кон поправедно и помодерно општество, јави „Топ Чанел“.

Изгласаниот закон гарантира еднакви права за жените и мажите во сите сфери на животот и се темели врз основните принципи на демократијата и одржливиот развој. Неговата цел е јакнење на рамноправноста и заштита од дискриминација, во согласност со вредностите на Европската Унија, кон чии стандарди Албанија ги усогласува своите закони.

Меѓутоа, опозицијата во Албанија гласаше против, предупредувајќи дека делови од законот можат да ги нарушат традиционалните вредности на албанското семејство. Лидерот на Демократската партија, Сали Бериша, остро реагира, нарекувајќи ја иницијативата обид за наметнување концепти кои, според него, не се во согласност со моралот, културата и општествената структура на земјата.

The post АЛБАНИЈА ИЗГЛАСА ИСТОРИСКИ ЗАКОН Родовата еднаквост не е против семејството, вели Рама appeared first on plusinfo.mk.

Спорните закони за родова еднаквост и за матична евиденција во Собранието се повлечени од понатамошни процедури и за ова ѝ честитаме на Владата за преземањето на таквиот чекор, соопшти денеска Исламската верска заедница (ИВЗ), истакнувајќи дека е против донесувањето на таквите закони и дека нејзиниот став е „заштита на традиционалните семејни вредности и по структура и по морал“.

ИВЗ, како што се наведува во соопштението, и порано излезе со став дека ја поддржува одлуката на сите поглавари на верските заедници во земјава, која дојде како резултат на заедничката средба од 7 мај годинава, при што беше истакнато дека законите за кои станува збор се спротивни на религиозните принципи и тие нема да бидат поддржани.

„Заштитата на семејството и човечкиот ген е основен принцип од кој не можеме да се оградиме, бидејќи тоа е сржта на здравото општество. Историски гледано, во минатото, во моментов и во иднина, ИВЗ секогаш ќе застане во одбрана на националните, верски, морални и духовни вредности, бидејќи заштитата на овие вредности е верска обврска за заштита на човечкото општество. Секоја иницијатива, која било идеја или правен принцип што е во спротивност со човековата природа е неприфатлива за ИВЗ. Според информациите со кои располагаме, спорните закони во Собранието се повлечени од понатамошни процедури и за ова ѝ честитаме на Владата за преземањето на таквиот чекор“, се наведува во соопштението од ИВЗ.

Плусинфо побара потврда од Владата дали и кога се повлечени предлог-законите за родова еднаквост и за матична евиденција, но до објавување на текстот не добивме одговор.

The post СПОРНИТЕ ЗАКОНИ ЗА РОДОВА ЕДНАКВОСТ СЕ ПОВЛЕЧЕНИ?! Исламската верска заедница ѝ честита на Владата appeared first on plusinfo.mk.

Министерката потенцира дека Законот за родова еднаквост ја унапредува положбата на жените во сите сфери на општественото живеење и што треба да направи државата за да ја унапреди положбата на жените во општеството.

Како што рече, со Законот за родова еднаквост ниту се третира менувањето на полот, ниту се третираат истополовите бракови.

– Направивме 18 јавни дебати во однос на Предлог законот за родова еднаквост. Законот се уште е во консултативен процес, не е ниту во собраниска, ниту во владина процедура. Продолжува широкиот консултативен процес, за да ги слушнеме сите заинтерсирани чинители и да дојдеме до решение кое ќе одговара на целото општество – изјави Тренчевска по денешниот брифинг со новинарите.

Според министерката, проблемот настанал со спојувањето на овие два закони. Како што рече, станува збор за два различни закони кои третираат различна проблематика.

– За Законот за измени и дополнување на Законот за матична евиденција, Владата во март 2022 година на седница донесе одлука да се повлече од собраниска процедура, за да се прошири консултативниот процес и да се изнајде решение кое ќе одговара на сите засегнати чинители во општеството – рече Тренчевска.

Прашана како го коментира вечерашниот протест на МПЦ, Тренчевска рече дека легитимно право е на секого да организира протест, но легитимно право е и да се каже вистината.

– Како борец за човекови права, не можам да кажам дека протест не смее да се одржува. Протестот е легитимно право на секој, но легитимно право е и да биде кажана вистината за двата закони, и за дефинициите и за механизмите. Протест може и по Устав и по закон да организира секој во државата – рече Тренчевска.

Според министерката, родовата еднаквост не е исто што и половата еднаквост.

– Поимот род и пол не е исто што и родов идентитет. Тоа се дефинирани согласно постојната законска регулатива во државата и согласно она што државата го презела како обврска од Истанбулската конвенција, идентични се дефинициите во Предлог законот за родова еднаквост со Законот за заштита и спречување од насилство врз жените, правна несигурност во државата ќе постои ако имаме различни дефиниции во различни закони – додаде Тренчевска.

The post ЗАКОНОТ ЗА РОДОВА ЕДНАКВОСТ НЕ Е ИСТО ШТО И ЗАКОНОТ ЗА МАТИЧНА ЕВИДЕНЦИЈА Министерката Тренчевска вели дека секој има право на протест appeared first on plusinfo.mk.