Во соопштението потпишано од 227 од вкупно 290 пратеници, се бара од сите надлежни органи, вклучувајќи го и судството, што поскоро да го спроведат Законот за одмазда против мохареб (непријателот на Бога).

„Тие се како џихадистите на Исламската држава, бидејќи со ножеви и огнено оружје се закануваат по животите и имотите. Го повикуваме судството решително да постапи со сторителите на тие злосторства и со сите оние кои ги поттикнаа немирите, вклучувајќи и некои политичари”, се додава во барањето на пратениците.

Законот за одмазда е еден од најстарите закони, што се состои во тоа сторителот на кривично дело или злосторство да биде казнет на истот начин на кој самиот го сторил тоа кривично дело. Овој закон е често придружен со библиското талионско начело „Око за око, заб за заб”.

Протестите во Иран почнаа на 16 септември, денот на смртта на Махса Амини (22) во болницата во Техеран, каде што беше ставена во тешка состојба по нејзиното апсење на 13 септември од страна на полицијата за морал поради „несоодветното носење на облеката” и непочитување на строгиот ирански кодекс на облекување за жените.

The post ИРАН ГО ВРАЌА ЗАКОНОТ ЗА ОДМАЗДА ПРОТИВ МОХАРЕБ Пратениците бараат судот да го примени против протестантите appeared first on plusinfo.mk.