СДСМ соопшти дека не стои зад закон за промена на податоци во матичната евиденција кој во јавноста се поврзуваше со можност за промена на пол кај малолетни лица, по реакциите што се појавија по изјавите на поранешниот градоначалник на Струмица, Костадин Костадинов.

Реакцијата од партијата доаѓа откако Костадинов јавно изрази несогласување со законското решение за кое тврди дека отвора можност за промена на пол кај малолетни лица без согласност од родителите.

Од СДСМ, пак, тврдат дека станува збор за закон кој не е дел од актуелната програмска агенда и дека веќе подолго време не е во собраниска процедура.

„Немаме време за дефокус. Ова не е вистина. Законот за кој зборува Костадинов е повлечен од владина и собраниска процедура во март 2022 година и нема никаква врска со нашата нова програмска платформа“, соопштија од СДСМ.

Во своја јавна објава, Костадинов истакна дека предложеното решение не е во согласност со социјалдемократските вредности и повика законот да не биде прифатен.

„Сметам дека на сите ни е јасно дека ова не е социјалдемократска идеја. Конкретно мислам на Законот за матична евиденција, кој предвидуваше промена на пол на малолетни лица без согласност од родителите“, напиша тој.

Костадинов додаде дека и покрај тоа што ја поддржува заштитата на маргинализираните групи, смета дека постојат јасни граници во ваквите законски решенија.

„Јас искрено верувам во добрите намери на социјалдемократијата да заштитува маргинализирани групи, но некои работи се едноставно премногу“, наведе тој.

Поранешниот градоначалник повика на внатрепартиско обединување околу ова прашање, изразувајќи уверување дека мнозинството членови на СДСМ ќе имаат ист став.

„Во име на консолидацијата, убеден сум дека огромното мнозинство од моите партиски другари овој пат ќе бидеме на иста страна. Ова не треба да помине!“, порача Костадинов.

На крајот, тој апелираше СДСМ да се врати кон, како што наведе, вистинските социјалдемократски вредности.

The post СДСМ СЕ ОТКАЖАЛ ОД ИДЕЈАТА НА ДЕЦАТА ДА ИМ СЕ МЕНУВА ПОЛОТ БЕЗ СОГЛАСНОСТ НА РОДИТЕЛИТЕ Сега им е виновен Костадин Костадинов, кој ја провали таа будалштина appeared first on plusinfo.mk.

СДСМ е фатен на дело, потврди дека имаше во план да дозволи промена на пол на малолетни деца, без притоа да имаат дозвола од родителите или од старателите, соопшти ВМРО-ДПМНЕ.

„СДСМ повторно е во кавга со свој поранешен градоначалник, кој ги обвини дека за овој проект, тие велат, цитираме: Ова не е вистина, законот за кој зборува Костадинов е од 2023 година и тој закон беше повлечен, нема никаква врска со нашата нова програмска платформа. Со ова, СДСМ само ја потврди целта дека имал на ум да го протурка овој закон, но со реакциите на јавноста и ВМРО-ДПМНЕ беше стопиран“, соопшти ВМРО-ДПМНЕ.

Затоа се во опозиција, додаде партијата, а после ова сметаме дека уште толку ќе се маргинализираат.

„ВМРО-ДПМНЕ како и тогаш и денес не ги поддржува ваквите експерименти на СДСМ“, се додава во соопштението.

Поранешниот градоначалник на Струмица, Костадин Костадинов, вчера на Фејсбук објави дека Законот за матична евиденција, кој предвидуваше промена на пол на малолетни лица без согласност од родителите, не е социјалдемократска идеја.

„​Јас искрено верувам во добрите намери на социјалдемократијата да заштитува маргинализирани групи, но некои работи се едноставно премногу.
​Во име на консолидацијата, убеден сум дека огромното мнозинство од моите партиски другари,со кои низ годините сум имал различни ставови по многу основи, овој пат ќе бидеме на иста страна. Ова не треба да помине! Ова го пишувам со најдобра намера за вистинските социјалдемократи за кои верувам дека оваа порака ќе допре до нив, за сите наши заеднички победи и порази, за нашето денес, но и за нашето подобро утре. ​Да ја подигнеме социјалдемократијата онака како што и личи како државотворна, прогресивна партија на граѓаните и за граѓаните“, објави Костадинов.

The post СДСМ ПОТВРДИ ДЕКА САКАШЕ ДА ДОЗВОЛИ ПРОМЕНА НА ПОЛОТ НА ДЕЦАТА БЕЗ РОДИТЕЛСКА СОГЛАСНОСТ Ги сопре реакцијата на јавноста, потсети ВМРО-ДПМНЕ appeared first on plusinfo.mk.

Овој предмет, како што информираат од Уставен, беше ставен на дискусија на 19 јули 2023 година при што се исцрпи дискусијата, но во фазата на гласање, предлогот не го доби потребното мнозинство. Судијата-известител Дарко Костадиновски, тогаш предложи да се поведе постапка, односно во следната фаза Уставниот суд да ја оценува уставноста на три члена кои опфаќаат податок националност во матичните книги на родените, венчаните и умрените од Законот за матичната евиденција, но овој предлог не го доби потребното мнозинство од најмалку пет гласа „за“.

Подносител на иницијативата е Политичка партија „Левица”, а оспорени одредби се член 4 став 1 точка 2) во делот „националност”, член 11 став 1 точка 1) во делот „националностa” и член 13 став 1 точка 1 во делот „националноста”, сите од Законот за матичната евиденција („Службен весник на Република Македонија” број број 8/1995, 38/2002, 66/2007, 98/2008, 67/2009, 13/2013, 43/2014, 148/2015, 27/2016 и 64/2018 и „Службен весник на Република Северна Македонија” број 14/2020 и 129/2023).

Од наводите во иницијативата се вели, дека според подносителот, чувството на национална припадност е лично чувство на граѓанинот и не може да се докажува со јавна исправа, т.е. со документ издаден од државен орган, пред сè поради фактот што слободата на изразување на националната припадност го вклучува и правото на промена на чувството за национална припадност, а со практичното воведување на графа за националноста во изводот од матичните книги – како јавни регистри, се окончува еднаш изразеното национално чувство.

The post УСТАВЕН ПАК ЌЕ ОДЛУЧУВА Оспорените одредби од Законот за матична евиденција не го добиле потребното мнозинство appeared first on plusinfo.mk.

Министерката потенцира дека Законот за родова еднаквост ја унапредува положбата на жените во сите сфери на општественото живеење и што треба да направи државата за да ја унапреди положбата на жените во општеството.

Како што рече, со Законот за родова еднаквост ниту се третира менувањето на полот, ниту се третираат истополовите бракови.

– Направивме 18 јавни дебати во однос на Предлог законот за родова еднаквост. Законот се уште е во консултативен процес, не е ниту во собраниска, ниту во владина процедура. Продолжува широкиот консултативен процес, за да ги слушнеме сите заинтерсирани чинители и да дојдеме до решение кое ќе одговара на целото општество – изјави Тренчевска по денешниот брифинг со новинарите.

Според министерката, проблемот настанал со спојувањето на овие два закони. Како што рече, станува збор за два различни закони кои третираат различна проблематика.

– За Законот за измени и дополнување на Законот за матична евиденција, Владата во март 2022 година на седница донесе одлука да се повлече од собраниска процедура, за да се прошири консултативниот процес и да се изнајде решение кое ќе одговара на сите засегнати чинители во општеството – рече Тренчевска.

Прашана како го коментира вечерашниот протест на МПЦ, Тренчевска рече дека легитимно право е на секого да организира протест, но легитимно право е и да се каже вистината.

– Како борец за човекови права, не можам да кажам дека протест не смее да се одржува. Протестот е легитимно право на секој, но легитимно право е и да биде кажана вистината за двата закони, и за дефинициите и за механизмите. Протест може и по Устав и по закон да организира секој во државата – рече Тренчевска.

Според министерката, родовата еднаквост не е исто што и половата еднаквост.

– Поимот род и пол не е исто што и родов идентитет. Тоа се дефинирани согласно постојната законска регулатива во државата и согласно она што државата го презела како обврска од Истанбулската конвенција, идентични се дефинициите во Предлог законот за родова еднаквост со Законот за заштита и спречување од насилство врз жените, правна несигурност во државата ќе постои ако имаме различни дефиниции во различни закони – додаде Тренчевска.

The post ЗАКОНОТ ЗА РОДОВА ЕДНАКВОСТ НЕ Е ИСТО ШТО И ЗАКОНОТ ЗА МАТИЧНА ЕВИДЕНЦИЈА Министерката Тренчевска вели дека секој има право на протест appeared first on plusinfo.mk.

„Со 83 гласа ‘за’ и ниту еден против, пратениците од власта и опозицијата гласаа за измените кои конечно ќе донесат правна видливост за 700 наши сограѓани кои водеа децениска битка со системот да добијат правен идентитет, пристап до основните права и достоинствен живот. 11 години застапувавме за да се донесат измените во овој закон. Пресреќни сме што нашите предлози се прифатија и што како правници видовме дека промените се можни со сериозно вложување и труд“, наведоа во соопштение од Македонското здружение на млади правници.

Агенцијата за бегалци на Обединетите нации УНХЦР го поздрави вчерашното усвојување на измените на Законот за матична евиденција од Собранието. Во соопштение до медиумите оттаму наведоа дека измените овозможуваат решавање на сите познати случаи на бездржавјанство, како и секое дете родено во земјава да добие извод при раѓање, без разлика дали неговите родители се без документи или без државјанство.

„Секое дете родено на територијата на Република Северна Македонија има право на упис во матичната книга на родени веднаш, а најдоцна 45 дена од денот на раѓањето на детето, независно од државјанството и личниот статус на неговите родители“, се наведува во членот 4-а од членовите на Законот за матична евиденција.

„Ова праќа јасна порака за целта на измените. Ова водство за пример покажано од Собранието на Република Северна Македонија е најновиот чекор во низата мерки кои властите ги преземаат за да го спречат и решат бездржавјанството, вклучувајќи ја и таа со која Министерството за внатрешни работи им додели државјанство на 290 лица без државјанство“, посочи УНХЦР.

Претставничката на УНХЦР, Моника Сандри, изјави дека Агенцијата за бегалци на Обединетите нации ќе ги поддржува институциите да ги спроведуваат законските одредби и тесно да соработуваат со разни чинители за да се спречат нови случаи на бездржавјанство.

„Донесувањето на измените на Законот за матична евиденција е важен чекор кон остварувањето на меѓународните обврски на државата. Овој напор на целото општество го трасира патот на државата да стане прва држава во Европа и втора во светот која ќе го искорени бездржавјанството. Се надеваме дека ќе сведочиме слично заедништво и солидарност на Глобалниот форум за бегалци што ќе се одржи во декември. Законските измени беа можни благодарение на заедничките напори од државните власти, граѓанското општество, медиумите, ОБСЕ, Делегацијата на ЕУ, Советот на Европа, агенциите на ОН и други кои работат заедно како дел од глобалната кампања #ЈасПрипаѓам за да се стави крај на бездржавјанството до 2024 година“, се додава во соопштението на УНХЦР.

Како што пишувавме деновиве, момчето Мемет Камбер поради немање лични документи немаше пристап до лекување и почина. Камбер вчера беше погребан по неколку дена од смртта.

МЕМЕТ КАМБЕР ПОЧИНА, НО УШТЕ НЕ ПОЧИВА ВО МИР! Немањето документи му прави проблем на детето-фантом и по смртта

The post НА ДЕНОТ НА ПОГРЕБОТ НА КАМБЕР СОБРАНИЕТО ОДЛУЧИ 700 ЛИЦА ДА ДОБИЈАТ ИДЕНТИТЕТ Секое дете ќе се впише во матичната книга на родени appeared first on plusinfo.mk.