Со последните измени и дополнувања на Законот за електронски комуникации кои се во владина процедура Македонија ги исполнува правните обврски за усогласување со европските стандарди во областа на роамингот, со јасна цел – повеќе заштита, поголема транспарентност и пониски и предвидливи трошоци за граѓаните при користење мобилни услуги во роаминг во земјите членки на Европската Унија, информира Министерството за дигитална трансформација.

Оттаму додаваат дека измените и дополнувањата на Законот за електронски комуникации (ЗЕК) се влезени во владина процедура и истите се објавени на ЕНЕР. 

Министерството за дигитална трансформација очекува дека Владата ќе го утврди текстот на законот до крајот на месецот, а во февруари тој ќе се најде во собраниска процедура и ќе биде усвоен.

-Со измените и дополнувањата на ЗЕК се создаваат услови за воспоставување јасни правила за ограничување на цените на роаминг услугите, зголемена заштита на корисниците преку транспарентно информирање и механизми за спречување на неочекувано високи трошоци и зајакнување на регулаторната улога на надлежните институции во областа на електронските комуникации, укинување на трошоците за роаминг при патување во земјите на ЕУ, зголемена правна сигурност и предвидливост на цените и олеснет пристап до дигитални услуги, е-услуги и мобилна комуникација во странство – велат од Министерството.

Оттаму посочуваат и дека со предложените измени се врши усогласување со неколку европски директиви кои го регулираат прашањето.

По усвојување на измените на законот за електронски комуникации, ќе се донесат и 3 подзаконски акти од Агенцијата за електронски комуникации, по што сите овие активности ќе бидат споделени со Европската комисија на нивна валидација.

На овој начин, македонските граѓани ќе ги уживаат придобивките од единствената европска роаминг зона, без дополнителни непредвидени давачки и трошоци, на ист начин како граѓаните на ЕУ.

Земјава е дел од регионалниот договор за роаминг во Западен Балкан, со кој граѓаните користат мобилни услуги во земјите од регионот под услови како дома, без дополнителни роаминг-трошоци. 

The post СЕ ПОБЛИСКУ СМЕ ДО „РОАМИНГ КАКО ДОМА“ СО ЕУ Законските измени во февруари ќе се најдат пред пратениците appeared first on plusinfo.mk.

Стефановски појасни дека постапката ќе биде по анализа на Државната лотарија, која ќе  утврди кои се нелегалните приредувачи на игри на среќа и на министерството ќе испраќа нотификација, со табела на точната веб страница, којашто треба да се забрани.

– Ние, таа ја ажурираме, ја испраќаме како налог за забрана до Агенцијата за електронски комуникации, којашто ја забранува преку телеком операторите. Од испраќањето  Агенцијата за електронски комуникации и телекомите имаат рок од 3 до 5 дена да постапат и тие веб страници ќе бидат забранети. Какошто кажав и при носењето на законот, оваа трка ќе биде постојана, нема само еднаш да го правиме тоа. Отприлика мислам дека темпото ќе биде 2 до 3 недели на почеток, што значи на две-три недели Државна лотарија ќе нè известува за нови веб страници, коишто се појавиле, а ние со налог ќе ги забрануваме, се до финалното завршување на процесот. Целта е да ги одвратиме граѓаните да се учесници во нелегалното приредување на игри на среќа онлајн – изјави Стефановски.

Министерот смета дека на тој начин ќе ги заштитат граѓаните од злоупотреба на нивните лични податоци, картички и сметки во банките.

– Ќе го заштитиме буџетот од излевање на средства, коишто би требало да се слеат, како даночна обврска кон буџетот на Македонија – рече Стефановски.

Пред да се донесат законските измени за електронски комуникации, во кои е опфатено нелегалното електронско коцкање, направени се анализи. Според Министерството за дигитална трансформација во тој период биле детектирани 160 веб страници на коишто нелегално се приредувале игри на среќа.

– Тоа значи дека во првиот бран ќе бидат повеќе од 160, но мислам дека и во секој нареден бран, како што Државната лотарија и други заинтересирани странки ќе забележуваат дека постојат нелегални приредувачи на онлајн игри на среќа, тие можат да нè информираат и ние веднаш ќе постапуваме – изјави Стефановски.

The post ЌЕ БИДАТ ЗАБРАНЕТИ НАД 160 ВЕБ-СТРАНИЦИ ЗА НЕЛЕГАЛНО КОЦКАЊЕ Стапуваат на сила измените на Законот за електронски комуникации appeared first on plusinfo.mk.

За еден месец истекува рокот којшто Уставниот суд му го даде на Собранието за да направи измени во Законот за електронските комуникации, во врска со трите члена кои опфаќаат задржување на „мета податоци“ кај операторите, предупреди претседателот на Уставниот суд Дарко Костадиновски.

Костадиновски апелираше дека доколку Собранието не ги донесе измените, постои опасност по безбедноста на државата, односно институциите да немаат надлежност да собираат  мета-податоци од граѓаните, кои се клучни во откривање на евентуални кривични дела.

– За еден месец истекува рокот што му го одредивме на Собранието за Законот за електронски комуникации. Станува збор за употребата и пристапот на т.н. мета-податоци. Мета-податоци се оние податоци кои секој од операторите е должен да ги чува 12. За секој еден граѓанин. Тоа се податоци за потребите на безбедноста на државата, за докази во евентуална кривична постапка. На пример, мета податок е дека денеска сум се јавил 5 пати на тебе, во моментот сум во Бугарија и во Грција. Тоа се многу важни податоци од кои можат да се извлечат заклучоци со кого комуницирам, со која земја, дали со странски државјани. Тоа се многу важни податоци –  рече Костадиновски во гостување на Канал 5.

• ГАШИ НЕ ПРИМА „НАРЕДБИ“ И РОКОВИ ОД УСТАВНИОТ СУД ЗА КРИВИЧНИОТ ЗАКОНИК Собранието постапува според Деловникот, а не според акти на други институции

На последниот брифинг со новинарите претседателот на Собанието, Африм Гаши, рече дека Собранието работи според Уставот и Деловникот и не може да се ракводи од  акти на други институции, ниту да прима наредби од други институции. Гаши рече дека не се сеќава дека до Собранието стасал допис дека Законот за електронски комуникации им е вратен на доработка со рок од 6 месеци. Додаде дека ако стасал таков допис, тој ќе го прател до сите пратеници, а потоа пратениците може да покребат иницијатива за доработка за Законот за електронски комуникации според насоките на Уставниот суд.

• ОПЕРАТОРИТЕ НЕУСТАВНО ГИ ЧУВААТ ПОДАТОЦИТЕ ЗА НАШИТЕ КОМУНИКАЦИИ Уставниот суд му даде 6 месеци рок на Собранието да го смени Законот за електронските комуникации

Костадиновски вели дека ако по истекот на рокот Собранието не го усогласи законот со Уставот, судот ќе ги укине или ќе ги поништи спорните одредби.

– И не случајно кога ја донесовме одлуката, јас им кажав на новинарите дека му одредуваме на Собранието 6 месеци затоа што, како што вели спикерот Гаши „не примал наредби“, во ред, ама ние за еден месец ќе ја донесеме одлуката. Во тој момент нашите безбедносни служби ќе бидат лишени од мета-податоците. Но, одговорноста, ако се случи не дај боже терористички чин, тогаш нема да ја сноси Уставниот суд, тогаш ќе ја сноси органот кој не постапил. Затоа кажав, ја носиме одлуката за да не настапи правен вакуум. Истото важи и за Кривичниот законик. Замислете ние веднаш да донесевме одлука, се укинуваат/поништуваат одредбите од измените на КЗ. Па нашите служби ќе нема на што да се повикаат кога ќе водат постапки или ќе судат за злоупотреба на службена положба, или злоупотреба на јавни набавки – рече Костадиновски.

Уставниот суд на 14 октомври минатата година до Собранието го испрати Решението со кое поведе постапка за спорните членови од Законот за електронски комуникации, во кое што е определен рок од 6 месеци на Собранието за да направи измени и дополнување на законот.

Според судиите, мерката задржување на податоци претставува ограничување на уставното право за неповредливост на писмата и други начини на комуникација.

Според Законот за електронските комуникации телекомуникациските оператори чуваат многу податоци за електронските комуникации на сите претплатници и имаат обврска да им ги дадат на истражните органи на нивно барање, а без судски налог.

Според оспорените одредби од Законот за електронски комуникации телекомуникациските оператори се обврзани 12 месеци да чуваат повеќе видови на податоци од сите корисници и тоа податоци што се потребни за следење и идентификување на изворот и дестинацијата на комуникацијата, како и датумот, часот и на времетраењето на комуникацијата. Се чуваат и податоци што се потребни за идентификување на типот на комуникацијата, комуникацискатата опрема на корисникот и локацијата на мобилната комуникациска опрема.

За да ги остварат овие законски зададени задачи, операторите ги чуваат податоците од телефонските услуги, како повикувачкиот телефонски број и името и адресата на претплатникот, времето на повиците, податоците при обезбедување на пристап до интернет и електронска пошта, како што се корисничкиот код за идентификација, името и адресата на претплатникот кому му била доделена адреса за интернет-протокол (ИП) итн.

Во законот е предвидено и дека операторите не смеат да ги задржуваат податоците што ја откриваат содржината на комуникацијата.

The post „АКО СЕ СЛУЧИ ТЕРОРИСТИЧКИ ЧИН, ЌЕ ОДГОВАРА ТОЈ ШТО НЕ ПОСТАПИЛ ЗА МЕТА ПОДАТОЦИТЕ“ Костадиновски го предупредува Гаши дека е при крај рокот за корекција за Законот за електронски комуникации appeared first on plusinfo.mk.

На јавната расправа за иницијативата што се одржа денеска, судиите беа согласни дека одредбите се неуставни и посочија дека е неопходно уредување на регулативата.

Судијката известител за предметот, Татјана Васиќ Бозаџиева, на расправата посочи дека станува збор за задржување на мета податоци кои не ја откриваат содржината на пораките.

– Станува збор за мета податоци, а не за содржината на пораките, туку со нив се открива испраќачот, примачот, локацијата. Мета податоците не се податоци кои зборуваат за содржината на комуникациите, тоа е регулирано со друг пропис, со Законот за следење на комуникациите – појасни Васиќ Бозаџиева.

Според неа, мерката задржување на податоци претставува ограничување на уставното право за неповредливост на писмата и други начини на комуникација.

Судијата Осман Кадриу истакна дека регулативата дијаметрално отстапува од регулативата во Уставот.

– Вака како што е уредено, следењето на комуникациите, тоа да се врши само по налог на државниот орган, без да има одлука на суд, секогаш претставува можност правата на човекот да бидат повредени. Затоа што државниот орган без критериуми може да ги активира овие механизми кога ќе смета дека тоа е потребно – рече Кадриу.

Судијката Добрила Кацарска посочи дека, според неа, е небулозно некои податоци да се бришат за 12 месеци, а оние до кои некои органи имаат пристап, да немаат рок до кога ќе се чуваат.

– Не може да има чување на податоци без судот да даде одобрение. Не може тоа да биде ретроактивно, некој да ги чува тие податоци, а судот да се произнесе после извесен период. Без вклученост на судот не може никој никого да следи – рече Кацарска.

Судиите на расправата дискутираа дали мета податоците се важни за безбедноста на државата, како ќе влијае укинувањето на можноста за нивно прибирање и дали би дошло до оневозможување во постапување на органите на прогон.

Претседателот на Судот, Дарко Костадиновски предложи согласно Актот на судот, на законодавниот дом да му се даде рок од шест месеци за уредување на регулативата.

– Не знам дали законодавецот ќе биде ревносен, што ќе значи нашата укинувачка одлука, дали тие мета податоци се важни за безбедноста на државата. Да ја употребиме новата можност од Актот, со поведување на постапката да му наложиме на Собранието рок од шест месеци да ја уреди регулативата – рече тој.

Според Законот за електронските комуникации телекомуникациските оператори чуваат многу податоци за електронските комуникации на сите претплатници и имаат обврска да им ги дадат на истражните органи на нивно барање, а без судски налог. Ова уште во 2017 година е оспорено од повеќе организации, меѓу кои и „Евротинк“ – Центар за европски стратегии и Хелсиншкиот комитет за човекови права, а Уставниот суд дури денеска одлучи по иницијативата. Според подносителите, со чувањето на податоците за комуникациите се крши член 17 од Уставот, кој ја гарантира тајноста на писмата и останатите комуникации кои можат да се откријат исклучиво со судска наредба и тоа само во случаите на кривична истрага и за заштита на безбедноста на државата.

„Се наведува дека член 178 од Законот за електронските комуникации пропишува обврска за телекомуникациските оператори да задржуваат податоци за електронските комуникации на сите претплатници во период од 12 месеци, без судска одлука за тоа. Член 176 став 3 пропишува дека операторите се должни задржаните податоци за електронските комуникации на претплатниците по барање да им ги достават на надлежните органи по услови и постапка утврдени со закон, при што и оваа одредба не предвидува постоење на судска одлука. Поради тоа овие членови не се во  согласност со член 17 од Уставот“, се вели во иницијативата, пренесува Уставниот суд.

Подносителите на иницијативата, се додава, сметаат дека оспорените одредби не содржат доволно гаранции против евентуална злоупотреба од страна на овластениот орган со дадената техничка можност за континуирано и самостојно следење на електронските комуникации на граѓаните, како и при прибирањето на потребните податоци во врска со остварена комуникација.

„Во отсуство на јасни законски одредби во врска со следењето на комуникациите, постои ризик за создавање неограничена моќ, во спротивност со принципот на владеењето на правото и човековите права на приватност и заштита на личните податоци“, се наведува во иницијативата.

Според оспорените одредби од Законот за електронски комуникации телекомуникациските оператори се обврзани 12 месеци да чуваат повеќе видови на податоци од сите корисници и тоа податоци што се потребни за следење и идентификување на изворот и дестинацијата на комуникацијата, како и датумот, часот и на времетраењето на комуникацијата. Се чуваат и податоци што се потребни за идентификување на типот на комуникацијата, комуникацискатата опрема на корисникот и локацијата на мобилната комуникациска опрема.

За да ги остварат овие законски зададени задачи, операторите ги чуваат податоците од телефонските услуги, како повикувачкиот телефонски број и името и адресата на претплатникот, времето на повиците, податоците при обезбедување на пристап до интернет и електронска пошта, како што се корисничкиот код за идентификација, името и адресата на претплатникот кому му била доделена адреса за интернет-протокол (ИП) итн.

Во законот е предвидено и дека операторите не смеат да ги задржуваат податоците што ја откриваат содржината на комуникацијата. Исто така, според овој закон операторите се должни да ги задржуваат податоците за моменталната географска, физичка или логичка локација на терминалната опрема на своите претплатници, независно од нивната комуникациска активност, а овие податоци се задржуваат за последните 72 часа.

The post ОПЕРАТОРИТЕ НЕУСТАВНО ГИ ЧУВААТ ПОДАТОЦИТЕ ЗА НАШИТЕ КОМУНИКАЦИИ Уставниот суд му даде 6 месеци рок на Собранието да го смени Законот за електронските комуникации appeared first on plusinfo.mk.

Иницијативата за оценка на уставноста и законитоста на дел од Законот за електронските комуникации датира од 2017 година, а пред Уставниот суд ја поднеле повеќе организации меѓу кои и „Евротинк“ – Центар за европски стратегии и Хелсиншкиот комитет за човекови права.

Уставниот суд пренесува дека иницијаторите ги оспоруваат членовите 175, 176, 177 и 178 од Законот за електронските комуникации.

„Се наведува дека член 178 од Законот за електронските комуникации пропишува обврска за телекомуникациските оператори да задржуваат податоци за електронските комуникации на сите претплатници во период од 12 месеци, без судска одлука за тоа. Член 176 став 3 пропишува дека операторите се должни задржаните податоци за електронските комуникации на претплатниците по барање да им ги достават на надлежните органи по услови и постапка утврдени со закон, при што и оваа одредба не предвидува постоење на судска одлука. Поради тоа овие членови не се во  согласност со член 17 од Уставот“, се вели во иницијативата, пренесува Уставниот суд. Подносителите на иницијативата, се додава, сметаат дека оспорените одредби не содржат доволно гаранции против евентуална злоупотреба од страна на овластениот орган со дадената техничка можност за континуирано и самостојно следење на електронските комуникации на граѓаните, како и при прибирањето на потребните податоци во врска со остварена комуникација.

„Во отсуство на јасни законски одредби во врска со следењето на комуникациите, постои ризик за создавање неограничена моќ, во спротивност со принципот на владеењето на правото и човековите права на приватност и заштита на личните податоци“, се наведува во иницијативата.

Според член 17 од македонскиот Устав, се гарантира слободата и тајноста на писмата и на сите други облици на општење. Само врз основа на одлука на суд може да се отстапи од начелото на неповредливост на тајноста на писмата, ако е тоа неопходно за водење на кривична постапка или тоа го бараат интересите на одбраната на Републиката.

Според оспорените одредби од Законот за електронски комуникации телекомуникациските оператори се обврзани 12 месеци да чуваат повеќе видови на податоци од сите корисници и тоа податоци што се потребни за следење и идентификување на изворот и дестинацијата на комуникацијата, како и датумот, часот и на времетраењето на комуникацијата. Се чуваат и податоци што се потребни за идентификување на типот на комуникацијата, комуникацискатата опрема на корисникот и локацијата на мобилната комуникациска опрема.

За да ги остварат овие законски зададени задачи, операторите ги чуваат податоците од телефонските услуги, како повикувачкиот телефонски број и името и адресата на претплатникот, времето на повиците, податоците при обезбедување на пристап до интернет и електронска пошта, како што се корисничкиот код за идентификација, името и адресата на претплатникот кому му била доделена адреса за интернет-протокол (ИП) итн.

Во законот е предвидено и дека операторите не смеат да ги задржуваат податоците што ја откриваат содржината на комуникацијата. Исто така, според овој закон операторите се должни да ги задржуваат податоците за моменталната географска, физичка или логичка локација на терминалната опрема на своите претплатници, независно од нивната комуникациска активност, а овие податоци се задржуваат за последните 72 часа.

The post ОПЕРАТОРИТЕ ЧУВААТ ПОДАТОЦИ ЗА НАШИТЕ КОМУНИКАЦИИ ЦЕЛА ГОДИНА БЕЗ СУДСКИ НАЛОГ Уставниот суд ќе проценува дали се крши тајноста на писмата appeared first on plusinfo.mk.