Македонија ќе ја менува политиката за доделување „златни пасоши“ на странски инвеститори. Државата предлага да се смени регулативата со која досега беше утврдена конкретна сума за инвестиција со цел добивање пасош, пишува Дојче веле.

Се елиминира можноста за „трансакциона“ злоупотреба на македонскиот пасош

Според предлог-законот, кој е објавен на ЕНЕР, клучна причина за измените коишто ги изготви Министерството за внатрешни работи (МВР) е Извештајот на Европската комисија, во кој се наведува дека доделувањето економски државјанства претставува сериозен безбедносен и миграциски ризик.

Комисијата препорачува државите да се воздржат од доделување државјанства врз основа на минимален праг на инвестиција. Овие програми, познати како „златни пасоши“, се оценети како некомпатибилни со европските вредности, особено по пресудата против Малта од 29 април 2025 година.

Од МВР за Дојче веле велат дека примарната цел на предложените законски измени е допрецизирање на одредбите од Законот за државјанство, со што ќе се овозможи нивна поефикасна практична примена.

„Согласно извештајот и препораките на Европската комисија, доделувањето државјанство на странци од економски интерес може да претставува миграциски и безбедносен ризик, особено поради различните критериуми што се применуваат“, велат од МВР.

Оттука, целта е преку појасна нормативна рамка да се елиминираат потенцијални злоупотреби, да се воведе поголема контрола и да се обезбеди целосна усогласеност со правото на Европската Унија.

Усвојувањето на предложените законски измени, според МВР, во никој случај не значи дека се укинува критериумот поврзан со инвестирање, туку само се елиминира можноста за негова „трансакциона“ злоупотреба. Досега, странските инвеститори можеа да добијат македонски пасош ако инвестираат најмалку 400.000 евра во реален сектор или 200.000 евра во инвестициски фонд.

Што се менува?

Со законските измени се укинуваат фиксните парични износи за стекнување државјанство. Новиот модел предвидува мислење од надлежни институции: секој случај ќе се разгледува поединечно, со оценка дали постои особен научен, економски, културен, спортски или друг национален интерес за стекнување на државјанство и инвестицијата по автоматизам повеќе нема да го гарантира тоа право.

Паралелно, државата воведува олеснувања за своите иселеници. Министерството за внатрешни работи предлага рокот за повторно стекнување државјанство да се скрати од три години на три месеци. Мерката е дел од стратегијата за привлекување кадри и зајакнување на економијата.

Чести злоупотреби на „златните пасоши“

Праксата за издавање „златни пасоши“ во Северна Македонија не е новина и функционира со години наназад. Ваквата можност е уредена со член 11 од Законот за државјанството, кој предвидува дека странец кој наполнил 18 години живот може со природување да стекне државјанство ако тоа претставува особен научен, економски, културен, спортски или други национален интерес.

Официјалните податоци покажуваат дека над 370 странски државјани изминативе години се стекнале со ВИП пасош на заслужни граѓани по различни основи по член 11 од Законот за државјанство.

Политиката за „златни пасоши“ често беше критикувана поради потенцијални злоупотреби. Меѓу најпознатите случаи е индискиот бизнисмен Субрата Рој и неговите синови, кои добија македонско државјанство во 2013 година, но најавените инвестиции никогаш не се реализираа.

Случајот со украинскиот бизнисмен Олександр Онишченко, кој подоцна остана без државјанство, отвори прашања за безбедносните проверки. Онишченко остана без македонскиот пасош откако во јавноста се појавија информации дека во Украина од 2016 година е баран со потерница поради оштетување на државниот буџет, но и дека се наоѓа на црна листа на САД.

Според член 14 од Законот за државјанство, државјанството може да се поништи, ако се утврди дека „странецот при поднесувањето на барањето дал невистинити или неточни податоци, односно се користел со лажни исправи“.

The post МАКЕДОНИЈА ВЕЌЕ НЕМА ДА ИЗДАВА „ЗЛАТНИ ПАСОШИ“ САМО ЗА ПАРИ Македонски пасош се купуваше со инвестиција од 200.000 или од 400.000 евра appeared first on plusinfo.mk.

Мизрахи потенцираше дека Резолуцијата која е креирана од МАНУ, УКИМ и МПЦ зборува за македонскиот јазик, македонскиот идентитет и македонската историја и нема што да се коригира во неа.

Мизрахи се осврна и на Законот за државјанство за што рече дека доколку земјава сака да биде дел од ЕУ, мора да се однесува така.

– Оној закон за државјанство кој беше приложен во 2020 најверојатно ќе послужи како пандан за следното решение. Во однос на текстот на законот има збир на небулози, како на пример, дека граѓаните ќе може да добијат државјанство согласно одреден елемент како што е завршена учебна година, а такви се и студентите кои биле на посета, такви небулози се работничка книшка, доказ за платена сметка. Доколку одиме во ЕУ треба да видиме како функционираат другите држави во ЕУ, кои бараат за да добиете државјанство да бидете резидентен граѓанин од 8 до 10 години – рече Мизрахи.

Во однос на пописот таа истакна дека методологијата и натаму останува спорна точка да се дискутира.

– Законското решение кое беше понудено за пописот тоа беше нецелосно и се чекаше методологијата да надополни одредени прашалници кои останаа отворени во законот кои се однесуваа пред сѐ на резидентно и нерезидентно население, а методологијата остана да биде и понатаму дискутирана Секако дека и понатаму дека ќе се дискутира за методологијата, бидејќи истата претставува подзаконски акт што значи дека е менлива – рече Мизрахи.

За причините зошто спикерот на Собранието Талат Џафери ја врати интерпелацијата Мизрахи изјави:

– Интерпелацијата беше вратена иако истата беше доставена на ист начин како што беа доставени сите останати интерпелации во Собранието и таа е вратена заради усогласување со членот 136 од Деловникот на Собрание на Република Македонија. А, членот 136 гласи – „Ако предлогот на законот не е подготвен во согласност со одредбите на овој деловник“. Од кога интерпелацијата според Џафери е предлог на закон?

The post Мизрахи: Резолуцијата зборува за македонски јазик, идентитет и историја и нема зошто да се коригира appeared first on plusinfo.mk.

„Прајминистерот, сакал да ги знае аргументите на Левица (кои досега се елаборирани во над 20 часа говори на комисии во парламентот, на пресови, на ТВ емисии итн.)„, напиша Апасиев и додаде дека ќе ги повтори аргументите за повторувачите.

„ Законот не се однесува на бездржавјани, туку на лица кои веќе имаа косовско државјанство – т.е. наместо на апатриди, се однесува на бипатриди!

Законот е спротивен на Европската конвенција за државјанство на Советот на Европа од 1997 год. (која ние ја ратификувавме во 2002) и е во директна спротивност на Конвенцијата на СЕ за намалување на случаите на повеќедржавјанство (1963).

Законот, по трет пат од распадот на СФРЈ (1991), ќе дава државјанство по пат на сукцесија – што е единствен пример на бившите југословенски простори.

Законот не бара ефективна врска со државата која го издава државјанството, што е непознат феномен!

Законот не предвидува познавање на македонскиот јазик како услов за стекнување државјанство преку т.н. „олеснета натурализација“.

Законот предвидува давање државјанство со обични копии од платена сметка за струја!? (феномен непознат во светот).

Законот не бара да се има извор на егзистенција, како досега (што значи новите државјани одат директ на терет на државата).

Законот го намалува постојаниот престој за издавање државјанство на само 7 години!

Во случај на реинтеграција, непрекинатиот престој се намалува од три на само една година!

Проблемот на овие луѓе е институционален, а не легислативен (Македонија треба да цели кон поострување, а не кон либерализација на условите за стекнување државјанство).

Законот е во функција на нов вештачки етно-инженеринг, во насока на фалсификување на демографската реалност, во очи на илегалниот Попис“,  пишува во одговорот Апасиев и вели дека има уште 100 сргументи, ама дека за почеток овие десетина се доволно.

The post Апасиев му одговори на Заев: Законот за државјанство е во функција на нов вештачки етно-инженеринг и фалсификување на демографската реалност appeared first on plusinfo.mk.

„Откако увиде дека Левица со сите сили ќе се бори да го спречи донесувањето на Законот за државјанство, Владата реши овој Закон да го предложи со европско знаменце и со тоа да спречи било каква дебата по овој лош закон! Се поставува прашањето, како може овој закон за се поднесе со европско знаменце, кога тоа се прави само за закони кои што треба да ги донесе државата, со цел усогласување со европското законодавство. Со овој закон, не само што не се врши усогласување со европското законодавство, туку законот претставува кршење на истото, затоа што е во спротивност со делот на Европската конвенција за државјанство, кој го уредува начинот на добивање државјанство во случаи на државна сукцесија со цел избегнување на бездржавјанството, како и начелото за недискриминација, предвидено во истата конвенција. На државјаните на бившата СФРЈ досега два пати им беше дадена можност да се стекнат со државјанство на Република Македонија под особено олеснети услови, а компаративно ниту една република од соседството нема предвидено толку измени на законот за државјанство, заради задоволување на наменски случаи на државјани на СФРЈ. Со ваквите постапки, овие лица, се ставаат во повластена положба која апсолутно дискриминирана во однос на останатите лица кои аплицирале за добивање државјанство на Република Македонија“, соопшти Левица.

По 30 години од независноста, да се бара државјанство по оваа основа е налудничаво, со оглед на тоа дека тие лица веќе стекнале ефективна врска со друга држава, наведено е во соопштението.

„Во конвенцијата за државјанство е наведен рок, не подолг од 10 години, како период на престој пред поднесување на барањето за стекнување на државјанство со природување. Оваа горна граница ја следат сите држави во ЕУ и сите циркулираат околу неа. Сето тоа е бидејќи државјанството треба да биде израз на највисок степен на интегрирање на странецот во општеството. Тоа значи дека лицето треба претходно да се стекне со дозвола за постојан престој, па дури потоа да добие државјанство. Со скратувањето на периодот на добивање државјанство со природување на само 7 години, се симнува државјанството на ниво на институтот дозвола за постојан престој, која се добива по 5 години постојан престој на странец во Македонија. Јасно е дека носењето на овој закон е договор помеѓу СДСМ и партиите на албанското малцинство, со цел да си обезбедат дополнителен број на гласачи. Неслучајно, секогаш кога СДСМ е на власт, во Македонија се делат ‘бесплатно‘ државјанства и тоа претежно само на една етничка заедница, со што се врши насилна промена на демографската структура на населението во Македонија“, соопшти Левица.

The post Левица: СДСМ и ДУИ сакаат да прошверцаат исклучително штетен закон appeared first on plusinfo.mk.

И тој како и Заев не даде детали од договореното.

– Имаме цел сите граѓани да не останат без државјанство и еднаш за секогаш да го решиме проблемот. На добар пат сме за конечно решение.  Се надевам дека многу брзо на почеток на следната недела ќе излеземе заедно со нашиот последен и финален став, кој ќе биде достапен и за јавноста да се знае кои се прашањата за кои сме се согласиле, секогаш водејќи се од идејата дека е важно да се реши проблемот, а не да говориме добри и големи зборови – рече  Села.

Тој додаде дека во принцип секој човек кој е роден во земјава е нејзин државјанин.

The post Села: На добар пат сме да го решиме прашањето со државјанството appeared first on plusinfo.mk.

Премиерот изјави дека со лидерите на опозициските Алијанса и Алтернатива договориле додека тестот не  биде ставен на хартија нема да откриваат детали.

– Веруваме дека постигнавме договор. Од аспект на внимателност не кажуваме за деталите. Договоривме да споделиме со вас дека веруваме оти има договор. Тоа е вистинската формулација. Конечно ќе ја утврдиме кога ќе ја видиме ставена на хартија преку сите правни аспекти – рече Заев.

The post Договорени деталите од Законот за државјанство, но сѐ уште не се соопштуваат appeared first on plusinfo.mk.

Ова е трета средба на Заев со претставници на албанската опизиција – Алијанса за Албанците и Алтернатива и треба да се разговара за Законот за државјанство и решавање на проблемот со немањето државјанство на одреден број граѓани, како и за одблокирање на работата на Собранието.

На средбата присуствуваат и министерот и заменик-министерот за внатрешни работи Оливер Спасовски и Назим Буши, пратеничката Илире Дути од Алијанса за Албанците, како и министерот за земјоделство, шумарство и водостопанство Аријанит Хоџа, кој е од редовите на БЕСА.

Премиерот Зоран Заев во понеделникот по средбата во Собранието со лидерите на Коалицијата Алијанса за Албанците и Алтернатива, Зијадин Села и Африм Гаши, изјави дека имале успешен напредок и сериозен исчекор во разговорите, истакнувајќи дека до крајот на неделава на основа на анализата која експертите ќе ја направат, ќе може да се финишира со законското решение за државјанствата.

И претседателот на АА Села истакна дека се на добар пат се да се најде заедничко решение во врска со законот за државјанство.

The post Почна средбата на Заев со Села и Гаши, бараат решение за Законот за државјанство appeared first on plusinfo.mk.