Министерството за внатрешни работи овозможи онлајн закажување термин за сликање за лични документи во државата и за македонската дијаспора односно сите оние кои не поседуваат македонски телефонски број преку можност да извршат резервација преку електронската пошта

https://termin.mvr.gov.mk/Call_Request

„Од моментот на воведување на електронското закажување преку Веб страницата на МВР во текот на 2024 имало во просек по 7.000 закажани термини месечно, а во текот на 2025 има над 4.000 термини месечно или во просек речиси по 200 закажани термини на ден преку овој сервис.

Дополнително, ве информираме дека закажувањето термин преку редовните телефонски линии функционира беспрекорно и термин за редовна постапка се добива за еден ден“, соопшти министерството.

The post И ДИЈАСПОРАТА ЌЕ МОЖЕ ОНЛАЈН ДА ЗАКАЖЕ СЛИКАЊЕ ЗА ЛИЧНИ ДОКУМЕНТИ Дневно се закажуваат и по 200 термини на електронски начин appeared first on plusinfo.mk.

Новата веб-страница на Министерството за здравство е во функција од вчера, а од наредниот петок, 4 јули, ќе почнат состаноците на министерот за здравство Азир Алиу со оние кои ќе закажат средба. Од денеска веќе може да се закажува средба преку веб-страницата на Министерството за здравство, информираше министерот за здравство Алиу на денешниот брифинг со новинарите.

Предвидено е од 10 до 15 часот, секој петок да биде отворен ден за граѓаните, кои ќе си закажат средба онлајн. Она што граѓанинот, кој сака да има средба со министерот, треба да го направи е да остави име и презиме, телефонски број и тема за разговор со министерот.

Алиу на новинарско прашање одговори дека нема ограничување за темите, за кои што заинтересираните граѓани ќе сакаат да разговаат со него.

The post ОТСЕГА МОЖЕТЕ ДА ЗАКАЖЕТЕ СРЕДБА СО МИНИСТЕРОТ ЗА ЗДРАВСТВО Секој петок ќе биде отворен ден за граѓаните, нема ограничување на темите appeared first on plusinfo.mk.

Тој апелираше до граѓаните, доколку имаат закажан термин, а не можат да го искористат, барем последниот ден преку смс порака или преку докторот, да го откажат терминот. На тој начин ќе остават место за пациентите на кои навистина им треба дијагностичка процедура и ќе се намалат листите на чекање.

– Ги следиме податоците на закажани термини и на искористени термини. Стварно се јавува еден доста голем проблем. Ние сме во постојана координација и со Мој термин и со Државниот санитарен и здравствен инспекторат. Разговараме за да најдеме идејно решение како тоа би се надминало – посочи Андовски.

Тој кажа дека ова претставува доста голем проблем затоа што им се зема редот на оние граѓани на коишто навистина им треба дијагностичка процедура.

На пример, изминатиот период, во Скопје за компјутерска томографија, од 4.070 закажани термини, 970 не дошле.

– Тоа се над 23 проценти од пациентите кои без откажување не се појавиле на тој термин – појасни тој.

Андовски рече дека се прават анализи и дека во многу земји тоа се решава на повеќе начини.

– Само треба да се решиме на кој начин тоа ќе се направи – одговори Андовски на новинарско прашање.

Во некои земји, двапати ако се откаже терминот, следува одредена парична казна или пак нема да може да закаже редовен термин за одреден временски период.

– Ние не би сакале да одиме со такви реперкусии. Првин ќе апелираме, ќе видиме, ќе разговараме и со докторите, ќе разговарме и преку здруженијата на пациентите, ќе апелираме. Тоа е последно што може да направиме – подвлече тој.

Од Мој термин се праќаат пораки и потсетуваат, и според Андовски, дури и последниот ден да се откаже терминот, може веднаш да се ослободи за некој друг пациент.

The post ПАЦИЕНТИ НЕМААТ МИЛОСТ СПРЕМА ДРУГИ ПАЦИЕНТИ Пропаднале речиси 1.000 термини за компјутерска томографија appeared first on plusinfo.mk.

– Пациентите можат континуирано да се лекуваат во сите здравствени установи и матичните лекари можат да вршат секојдневни прегледи, да издаваат упати и рецепти, кои се подигнуваат во аптеките без застој – се наведува во соопштението.

The post МОЈ ТЕРМИН СЕ ВРАЌА ВО ФУНКЦИЈА Системот работи непречено, се издаваат упати и термин appeared first on plusinfo.mk.

Во Македонија вакцинацијата против ковид-19 на децата ќе се одвива исклчиво со закажување на термин, информираше министерот Венко Филипче.

Тој истакна дека закажувањето на терминот, односно пријавувањето ќе трае од денеска до четврток на сајтот vakcinacija.mk.

– Ова се прави поради подобра организација, затоа што од една виала на „Фајзер“ се даваат шест дози вакцини односно се вакцинираат шест лица. За да не дојде до отворање на вакцината и само на пример две апликации да се извршат, го правиме ова. По пријавување на децата, ќе се добие термин за нивна вакцинација – објасни Филипче.

Вакцинирањето на децата од 12 до 16 години со вакцината на „Фајзер“ ќе започне од петок. Оваа вакцина во моментов е единствена која е дозволена да се користи согласно препораките од внатрешното упатство за оваа категорија деца за оваа возраст.

The post Децата ќе се вакцинираат само со закажан термин appeared first on plusinfo.mk.

Согласно изготвениот план за работа, а во соработка со Управата за електронско здравство, ќе бидат повикувани пациентите чии прегледи беа откажани изминатиот период. Исто така, сите елективни хируршки програми, кои беа претходно одложени поради состојбата со пандемијата од ковид-19, ќе бидат реализирани согласно изготвените планови и протоколи на стручните колегиуми, информираат од Министерството.

Закажаните прегледи ќе се спроведуваат согласно претходно подготвениот план и протокол за работа на установата, со задолжително користење лична заштитна опрема од вработениот персонал на сите нивоа на здравствена заштита, почитување на физичка дистанца и негрупирање. Воедно ќе се врши и задолжителна редовна контрола над примената на превентивните мерки и донесените протоколи за работа од назначеното одговорно лице за контрола на Ковид-19 и Комисијата за заштита од интрахоспитални инфекции, со цел да се спречи можната трансмисија на инфекцијата со вирусот.

Во здравствената установа ќе биде дозволен влез на лица со специјалистички и супспецијалистички упат 15 минути пред закажаниот термин за преглед, при што ќе биде дозволен влез само на уште еден придружник. Задолжително е носењето заштитна маска на пациентот и придружникот при влез во здравствената установа на закажан преглед или прием на болничко лекување.

Сите јавни здравствени установи се задолжени да постават дезинфициенси за раце при влезот во установата и тие да бидат поставени на видно место јасни насоки за пациентите, а одговорно лице од установата е задолжено да спроведува термален скрининг, епидемиолошка проценка и контрола на носењето лична заштитна маска на пациентите, како и одржување физичка дистанца во чекалните на амбулантите за преглед, стои во соопштението од Министерството за здравство.

The post МојТермин е во функција, прегледи и интервенции од септември appeared first on plusinfo.mk.