– Ова претстваува претфинален избор во рамки на програмата 7-те најзагрзени за 2021 година, која ја спроведува Европаностра- Европскиот глас на граѓанското општество. Објекот на Пошта се најде меѓу 12 најзагрозени локалитети во конкуренција на околу 300 апликцаии од различни делови на Европа, од страна на интернационално советодавно тело, составено од експерти по историја, архиологија, архитектура, конзервација, проектни анализи и финансии – истакна Макрадули.

Финалната листа и првиот грант за 7-те најзагрозени објекти ќе биде позната и објавена почетокот на 2021 година.

– Доколку пошта биде избрана во овој финален круг апликанти, тоа ќе значи краткорочни и долгорочни планирања, кои ќе обезбедат трајно зачувување и повторно заживување на објектот и негово достојно предавање на идните генерации како заштитено културно и градителско наследство – нагласи Макрадули.

Тој информира дека една од краткорочните мерки ќе биде и поставување привремен покрив за да се спречи натамошното уништување на објектот. Освен тоа, предвидено е функционално преиспитување на просторните можности преку спроведување јавни дискуси и дебати.

– Денес после повеќе години ги отвораме вратите за нова надеж на оваа некогашна главна шалтер сала на пошта. Овој најсилен симбол на постземјотресно Скопје, еден од најсветлите светски примери на модернизмот, граден по скопскиот земјотрес 1963 година, финализиран во 1974 година. Ова извонредно дело на македонскиот светски признат уметник Јанко Константинов, е многукратно наградуван проект во зејава и странство и изложен во МоМа во Њујорк. За жал, овој објект претрпе голема штета во пожарот во 2013 година. Куполата, внатрешните енетрниерни површини, специјално дизајнирани од Бошко Лазовски, фреските се уништени – истакна Макрадули.

Тој потенцира дека е потребно овој објект да се обнови.

Номинацијата на зградата на централната пошта била поднесена од Институтот за истражување на животната средина, градежништво и енергетика (ИЕГЕ) а поддржана од .АД Пошти, како и од Министерството за култура.

The post Објектот на Пошта избран во 12-те најзагрозени локалитети во Европа appeared first on plusinfo.mk.

Де Ланој рече дека со политизирањето на случајот со Еуростандард банка се  загрозува независноста на Народната банка.

– Меѓународното искуство покажа дека без независност, централните банки се воздржуваат од донесување тешки, но неопходни одлуки, што на крајот ја става во опасност стабилноста на севкупниот финансиски систем и може да доведе до далеку поголеми загуби за општеството отколку кога навремено се преземаат потребните корективни супервизорски активности – рече Де Ланој.

Извршниот директор на ММФ смета дека во случајот има неточни и шпекулативни изјави од некои засегнати страни, во врска со банкарскиот систем и Народната банка. Според него, ваквите изјави може да имаат сериозни штетни ефекти и ги повика сите засегнати страни да се воздржат од неодговорно однесување што може да ја доведе во опасност стабилноста на финансискиот систем, особено во време на глобална криза и во време кога ММФ го оценува македонскиот финансиски систем во целина како стабилен.

Де Ланој посочи дека ефектите од регулаторните барања коишто во изминатите години Народната банка ги засили во согласност со најновите меѓународни стандарди и со глобалните најдобри практики, се согледуваат и преку последните податоци коишто покажуваат дека банкарскиот систем е отпорен на шокови.

Тој нагласи дека банките во Северна Македонија, во моментов се добро капитализирани, мерено според адекватноста на капиталот на системот, којашто е повеќе од двојно повисока од минималните регулаторни барања согласно со глобално прифатените стандарди на Базел III. Според извршниот директор на ММФ, стабилниот банкарски сектор ќе биде силна основа за раст на економијата во посткризниот период.

The post Де Ланој од ММФ: Политизирањето на случајот Еуростандард банка ја загрозува независноста на Народната банка appeared first on plusinfo.mk.