Пламенот во облакодерот „Вјесник“ во Загреб кој гори и утрово по целоноќна драма, почнал од горните катови, но пожарникарите кои се качиле на петнаесеттиот кат – сфатиле дека под нив веќе гори втор, посилен пожар. Веста ја потврди командантот на загрепската противпожарна служба, Синиша Јембрих, за Хрватското радио, јави Индекс.

– Ова може да укажува дека имало катастрофална грешка, или дека нешто во инсталациите предизвикало пожар низ целата вертикала на зградата, што е исклучително опасно – изјави Јембрих.

„Слушнав гром, а потоа видов пламен“

Жител на блиската зграда, Илија, раскажал дека прво помислил дека се работи за удар на гром.

– Слушнав дека удри гром, а кога погледнав надвор, видов дека гори. Прво гореше на врвот, а потоа се спушташе кон долните катови. Мислам дека се работи за инсталациите, но којзнае… ќе се сруши – рекол тој.

Пеколот низ дрвени ѕидови

Се чини дека целосното гаснење на огнот во „Вјесник“, симбол на социјалистички Загреб, ќе потрае до крајот на денот, пишоува хрватски „Индекс“. Делови од фасадата паѓаат, а термокамерите покажуваат дека огнот продолжува да се шири во некои делови. На терен се и статичари, кои ќе ја проценат стабилноста на конструкцијата.

– Работев тука речиси триесет години. Облакодерот е дрвен внатре, но многу убав. Тажно е што се случи ова – изјави за Индекс сведокот Крунослав од Загреб.

Оган во вертикала, типичен за дефект на инсталации

Командантот на пожарникарите Јембрих потврдил дека горело на повеќе места истовремено, што, според експертите, е типично за дефект во електрични или вентилациски инсталации. Пожарникарите морале да се повлечат и да гаснат однадвор, иако таквиот пристап е помалку ефикасен.

– Едноставно, би било премногу опасно да се влезе во областа погодена од пожар, особено ако има пламен под вас – објасни Јембрих.

Пожарникари за храватски Индекс изјавија дека внатрешноста на облакодерот е целосно уништена. Речиси 100 пожарникари се вклучени во гаснењето.

Службата објави слики на социјалните мрежи:

Одговорноста е на државата Хрватска

Хрватската новинарка Иванка Тома за „Јутарни лист“ оцени дека вистинската причина не е само техничка, туку системска.

„Точниот причинител ќе се утврди, но за тоа не се потребни ниту истраги ниту вештаци. Државата, како мнозински сопственик, е одговорна што оваа зграда 20 години е препуштена на забот на времето“, пишува Тома во утринска колумна за весникот.

Пожарот сè уште не е целосно изгаснат. Полицијата соопшти дека облакодерот ќе биде предмет на детална форензичка и статичка анализа.

The post ГРОМ, СТАРА ИНСТАЛАЦИЈА И МНОГУ НЕПОЗНАНИЦИ ВО ЗАПУШТЕНИОТ ОБЛАКОДЕР „ВЈЕСНИК“ Пожарникарите гаснеле на 15. кат, сфатиле дека гори под нив appeared first on plusinfo.mk.

Пеколна ноќ во Загреб. Облакодерот на познатиот „Вјесник“ на Славонска авенија уште гори и утрианва, додека делови од фасадата паѓаат на улицата подолу. Драмата трае со часови. Деведесет и три пожарникари со триесет возила се борат со пламените јазици кои избувнале нешто пред полноќ.

– Штетата е голема. Иако поголемиот дел од зградата беше напуштен, внатре има многу опрема и документи. Пријавата стигна околу 23 часот, интересно, само од еден граѓанин. Обично добиваме повеќе повици при вакви пожари – изјави командантот на Јавната противпожарна служба на Загреб, Синиша Џембрих.

Toj уверува дека нема опасност од уривање на зградата.

Тој вели дека што пожарникарите виделе пламен, побарале дополнителна интервенција.

– Опасно е, затоа што кога почнавме да се качуваме, пожарот се прошири кон долните катови, дури и кон приземјето. Очигледно се движи низ вентилацијата – истакна тој.

Џебрих, за Нова ТВ, изјави дека морале да ги повлечат пожарникарите поради остатоци и парчињата стакло што паѓаат од зградата и дека пожарот се гаси само од надворешни позиции околу висококатницата.

Gori Vjesnik… Ponos Grada Zagreba, nekadašnji centar informacija (*provjerenih)

ode… pic.twitter.com/AvDARX0bRo

— Skandalozni 🄯 ★ (@Skandalozni) November 18, 2025

Меѓутоа, Џембрих додаде дека сите пожарникари на градот се на терен и дека ќе биде потребно цело утро за да се стави пожарот под контрола.

– Се надеваме дека до крајот на денот ќе го изгаснеме целосно – рече тој.

Од друга страна, жителите на Загреб во паника ги напуштаат околните згради, додека полицијата го обезбедува периметарот поради опасност од паѓање на материјал. Според првичните проценки, материјалната штета е целосна, но засега нема информации за повредени.

Вицепремиерот и министер за просторно планирање, градежништво и државен имот, Бранко Бачиќ, исто така, беше на улицата Савска во времето на избувнувањето на пожарот, јавува Нова ТВ. Тој не соопштил повеќе информации од она што веќе е познато, наведувајќи дела сè уште не е познато што го предизвикало пожарот.

Зградата на „Вјесник“ е висока канцелариска зграда лоцирана на адреса Славонска авенија 4 во загрепската градска четврт Трње. Архитектот Антун Улрих (Antun Ulrich) ја проектира зградата, а изградбата се реализираше во периодот од 1956 до 1972 година.

Со висина од околу 67 метри и 16 надземни ката, зградата го одсликува модернистичкиот архитектонски дух на 1970-тите во тогашната Југославија.

Таа е сместена на едно од клучните места на градот, на крстосницата на Славонска авенија и Савска цеста, што ја прави видлива и препознатлива точка во градскиот пејзаж.

The post 📽️ ГОРИ ОБЛАКОДЕРОТ НА „ВЈЕСНИК“, СИМБОЛ НА ЗАГРЕБ Штетата е огромна, гаснењето уште трае appeared first on plusinfo.mk.