Најмалку четири лица се повредени денеска во несреќа со жичарница во северозападна Италија, а околу 100 лица биле евакуирани со хеликоптер, соопштија локалните власти, јави Си-Би-Ес Њуз.

Инцидентот се случил кога две кабини се судриле со горната и долната станица на жичарницата во регионот Пиемонт, информира италијанската противпожарна служба, повикувајќи се на Ројтерс.

Во несреќата биле повредени тројца патници кои се наоѓале во каби
ната, како и операторот на жичарницата кој бил на земја. По инцидентот, блиските скијачки патеки биле затворени.

Генералниот директор на операторот на жичарницата Макуданга, Филипо Безочи, за агенцијата АНСА изјави дека една од кабините не забавила како што било предвидено и удрила во заштитната ограда на станицата.

– За среќа, нема сериозно повредени и ничиј живот не е во опасност, изјави Безочи.

По запирањето на жичарницата, околу 100 лица, меѓу кои и деца и странски туристи, останале извесно време заглавени на горната станица на планината Монте Моро, на надморска височина од околу 2.800 метри, по што биле безбедно евакуирани.

Италијанската јавна телевизија РАИ објави дека жичарницата е изградена во 1962 година и дека била целосно реновирана пред две години, со инвестиција од околу два милиони евра.

The post 🎥 ЧЕТВОРИЦА ПОВРЕДЕНИ ВО НЕСРЕЌА НА ЖИЧАРНИЦА ВО СЕВЕРНА ИТАЛИЈА Во драматична спасувачка акција околу 100 туристи биле евакуирани appeared first on plusinfo.mk.

Граѓаните на социјалните мрежи споделуваат дека е исклучена струјата и на Богородица од македонска страна и на Евзони од грчка, како и дека вработените се евакуираат.

– Министерството за внатрешни работи ги известува граѓаните дека поради пожар кој избувна на грчка страна, во моментов е во прекин сообраќајот преку Граничниот премин Богородица. Се преземаат интензивни мерки за гасење на пожарот и по неговото гасење, повторно ќе биде овозможено преминување преку граничниот премин. Апелираме до граѓаните да не се упатуваат кон граничниот премин додека не биде објавено дека пожарот е изгаснат и сообраќајот нормализиран – велат од МВР за Плусинфо.

Според информациите во гаснењето на пожарот интервенираат 39 пожарникари со два пешадиски тима, 12 возила и еден хеликоптер.

Од грчката страна сообраќајот е запрен до Поликастро. Возилата се пренасочуваат на граничниот премин Дојран. Инаку на преминот има колони од возила кои биле таму кога започнал пожарот. На социјалните мрежи, во групи се споделуваат фотографии и видеа.

The post 📽️ ПОЖАР ГО ЗАТВОРИ ПРЕМИНОТ БОГОРОДИЦА Голем оган кај Евзони, сообраќајот пренасочен на Дојран appeared first on plusinfo.mk.

Отсранет е автобусот, нема повредени и патот е отворен за странските автобуси полни со туристи кои чекаа да се расчисти хаосот од несреќата која се случи во 11:40 часот во Долна Матка, кога автобус со турски регистарски ознаки полн со туристи се излизга во патот и удри во заштитната ограда.

По неколку часа автобусот е тргнат од местото на несреќата каде може да се забележат трагите од гумите во земјата, отворајќи го патот и за останатите десетина автобуси и околу 1500 странски туристи, објави Канал 5.

Патниците и туристичкиот водич на групата Тухан Беадин сведочат дека автобусот се излизгал од патот и со задното десно тркало удрил во банкината пришто автобусот се искривил надесно. Ова се случило додека автобусот се враќал наназад по тесниот пат со цел да се размине со друг автобус.

The post ТУРИСТИ СО ЧАСОВИ БЕА ЗАГЛАВЕНИ НА МАТКА Турскиот автобус е тргнат од патот appeared first on plusinfo.mk.