За стравичната трагедија, во која при пад во отвор за лифт загина 28-годишниот охриѓанец Кристијан Љушев, Трудовиот инспекторат ќе поднесе кривични пријави против две фирми, објави ТВ Алфа.

По двонеделното темелно истражување на околностите, трудовите инспектори утврдиле дека двете фирми не ги исполнувале законските прописи за безбедност при работа на градилиште, но во интерес на истрагата, не се открива за кои фирми станува збор.

Младото момче, кое работело во фирма за уредување на ентериери, настрадало додека со колега носеле дел од лежај долг речиси два метра во зграда која била во изградба. Инспекторите времено дале забрана за работа на градилиштето за сите правни субјекти – инвеститор, изведувач и надзор.

Неколку дена пред трагедијата, таткото на Кристијан отишол да му го однесе паричникот. Тој пренесува во каква состојба била зградата на која се работело.

– Јас се качив, влегов слободно во таа зграда, во тој влез до втор кат некаде. На скалите му го дадов новчаникот и прво што приметив, со мојата возраст и некое искуство во животот, е дека има отвори во зградата, дупки на лифтовите, огради нема. Прво, мене ме фати страв и веднаш му реков на син ми: пазете се, ова страшно е. Очекувам правда за детето. Детето не може никој да ми го врати назад, но треба да има една правда, да се знае дека некој одговарал – вели Валентин Љушев, татко на Кристијан.

ТРАГИЧНО НАСТРАДА МЛАД ОХРИДСКИ ФОТОГРАФ, СНИМАТЕЛ И ПРОДУЦЕНТ Кристијан Љушев паднал од зграда во изградба

The post ДВЕ ФИРМИ ЌЕ ОДГОВАРААТ ЗА СМРТТА НА МЛАДИОТ ОХРИЃАНЕЦ ЉУШЕВ Заградата во градба и отворите за лифтови биле сосема небезбедни appeared first on plusinfo.mk.

„Денеска (15.08.2024) во 01.50 часот во ОВР Кичево било пријавено дека на магистралниот пат Кичево – Гостивар, патничко возило ‘фолксваген пасат’ со кичевски регистарски ознаки, управувано од С.А.(22) од с.Туин, Кичевско, излетало од коловозот. Во несреќата со тешки телесни повреди се здобил возачот, по што бил пренесен во Комплекс клиники ‘Мајка Тереза’, каде што подоцна починал“, информираат од МВР.

Бил извршен увид од увидна екипа на ОВР Кичево.

The post 22-ГОДИШНО МОМЧЕ ЗАГИНА ВО СООБРАЌАЈКА Трагедија во Кичевско, возило излетало од патот, возачот починал на скопските клиники appeared first on plusinfo.mk.

Полицијата соопшти дека во несерќата учествувале патничко возило марка „БМВ“ со странски регистарски ознаки, управувано од М.К.(23) од Кичево, патничко возило „Ауди“ управувано од Ѓ.И.(40) од Кичево, како и со 4 паркирани возила: „БМВ“, „Ауди“, „Фолксваген шаран“ и „Опел“.

Во несреќата  починал М.К., а смртта е констатирана во Градска болница Кичево, додека со тешки телесни повреди се здобил вториот возач на „Аудит-то“ Ѓ.И., како и уште 4 сопатници во двете возила, „мерцедес“ и „ауди“, а 2 лица (сопатници), се здобиле со телесни повреди, сите констатирани во болницата „Св. Еразмо“ во Охрид.

Извршен бил увид од увидна екипа на СВР Битола.

The post МОМЧЕ НА ВОЗРАСТ ОД 23 ГОДИНИ ЗАГИНА ВО СООБРАЌАЈНА НЕСРЕЌА КАЈ КИЧЕВО Уште 7 лица имаат тешки и лесни повреди appeared first on plusinfo.mk.