Осумнаесетгодишен мотоциклист загина во сообраќајна несреќа што се случи на улицата Адем Демачи во Скопје, соопшти Министерството за внатрешни работи.

Во несреќата учествувале мотоцикл „пијаџо беверли“ со скопски регистарски ознаки, управуван од А.Љ.(18), патничко возило „фиат“ управувано од 20-годишната Д.Т. и патничко возило „пежо 307“ со скопски регистарски ознаки, управувано од А.Б.(35), сите од Скопје.

Во несреќата која се случи вчера попладне, мотоциклистот починал на местото на настанот, а смрт констатирал лекар од Итната медицинска помош.

Телото на починатиот е дадено за обдукција.

The post ЗАГИНА 18-ГОДИШЕН МОТОЦИКЛИСТ Во сообраќајката учествувале и два автомобила appeared first on plusinfo.mk.

Во Клиничкиот центар „Мајка Тереза“ почина мотоциклистот А.Ј. (34) од Скопје, кој беше повреден во тешката сообраќајна несреќа што се случи синоќа во населбата Ѓорче Петров, во која учествуваа две возила и мотор.

Полицијата го уапси возачот кој ја предизвика несреќата.

„На 14.3.2025 година во 18.54 часот во СВР Скопје било пријавено дека на уливата Ацо Шопов во Скопје се случила сообраќајна несреќа помеѓу патничко возило „фиат панда“ со скопски регистарски ознаки, управувано од Б.Р.(24) од селото Буковиќ, скопско, патничко возило „пежо 2008“ со скопски регистарски ознаки, управувано од С.А.(52) од Скопје и мотоцикл „сузуки“ со скопски регистарски ознаки, управуван од А.Ј.(34) од Скопје. Во несреќата со тешки телесни повреди се здобил мотоциклистот А.Ј., констатирани во Градската општа болница „8 Септември“, по што бил пренесен во Комплекс клиники „Мајка Тереза“, каде што подоцна починал“, соопшти полицијата.

Лекар констатирал смрт, а по насоки на јавен обвинител, телото на починатиот било дадено на обдукција.

„Возачот Б.Р. се здобил со телесни повреди, констатирани во Градската опшата болница и по укажаната помош во 1 часот на подрачјето на Центар бил лишен од слобода“, се додава во соопштението.

По целосно расчистување и документирање на случајот, ќе биде поднесена пријава по итна постапка.

Извршен бил увид од надлежен обвинител од ОЈО Скопје и од увидна екипа од СВР Скопје.

• ТЕШКО ПОВРЕДЕН МОТОЦИКЛИСТ, МОТОРОТ СКРШЕН НА ДВА ДЕЛА Страшна сообраќајна несреќа во Ѓорче Петров

The post ПОЧИНА ПОВРЕДЕНИОТ МОТОЦИКЛИСТ Полицијата го уапси возачот што ја предизвика тешката несреќа во Ѓорче Петров appeared first on plusinfo.mk.