Петмина алпинисти од Босна и Херцеговина загинаа на планината Елбрус во Русија, а двајца членови на експедицијата ги преживеале исклучително тешките услови на планината, објавија руските медиуми.

Истражниот комитет на Руската Федерација за Кабардино-Балкарија објави дека е започната истрага. Според нивното соопштение, група од 7 алпинисти тргнала да се искачи на Елбрус во четвртокот, 25 јули. Еден од членовите успеал да се спушти од планината и да побара помош. Тој пријавил дека двајца алпинисти се разболеле на надморска височина од 5.100 метри. Другиот преживеан бил пронајден од членови на спасувачките служби. Двајцата преживеани се хоспитализирани.

Според босанските медиуми, двајцата преживеани се Харис А. и Кемал В..

Извлекувањето на телата на петмината загинати е прекинато поради лошите временски услови.

Осум спасувачи биле вклучени во потрагата.

Според досега достапните податоци, групата алпинисти не била составена од професионалци.

„Суровите временски услови ги спречуваат спасувачите да ги евакуираат телата на двајца починати алпинисти. Телата се наоѓаат на седлото на планината Елбрус на надморска височина од 5.350 метри“, соопшти истражниот комитет.

Според локалните водичи, временските услови за искачувањето првично биле релативно поволни, но потоа ветерот достигнал брзина од 45 километри на час, а до утрото се зголемил на 70 километри на час. Ваквите ветрови се сметаат за критични при обидите за искачување на врвот.

Елбрус одзеде животи и претходно оваа година. Според руските медиуми, дете (11) почина на 19 јули при искачување, а неговиот татко беше тешко повреден. Исто така, на почетокот на јули, турист од Санкт Петербург падна од висина и не преживеа при искачување на највисокиот врв во Европа, на Какваз.

The post ЗАГИНАА ПЕТМИНА АЛПИНИСТИ ОД БОСНА И ХЕРЦЕГОВИНА НА ЕЛБРУС Двајца ги преживеаја екстремните планински услови appeared first on plusinfo.mk.