Јавен обвинител од Основното јавно обвинителство Скопје отвори истражна против возачот што му го попречи патот на 19-годишниот мотоџија на пластичарската улица, кој загина од силината на судирот.

Возачот е осомничен за Тешки дела против безбедноста на луѓето и имотот во сообраќајот, од член 300 став 2 во врска со член 297 од Кривичниот законик.

„Осомничениот 31-годишник вчера во вечерните часови управувал автомобил „ауди А4„ по булеварот Никола Карев и кога дошол до крстосницата со улицата Прохор Пчињски, не ја почитувал сообраќајната сигнализација и на удвоена полна линија навлегол во двете сообраќајни ленти за возилата од спротивен правец, свртувајќи во лево на крстосницата. Исто така, спротивно на Законот за безбедност на сообраќајот на патиштата, возилото го управувал под дејство на наркотична дрога“, соопшти Обвинителството.

Бидејќи не се придржувал кон прописите осомничениот свесно го загрозил јавниот сообраќај и го довел во опасност животот на луѓето, се додава во соопштението.

„Со предниот дел од автомобилот удрил во мотоцикл „БМВ“, додека во задниот дел на неговиот автомобил удрил мотоцикл „хонда ХДВ“, кои доаѓале од спротивна насока и се движеле паралелно. Од силината на ударот, оштетениот кој управувал со мотоциклот БМВ се здобил со тешки телесни повреди, од кои починал“, соопшти ЈО.

Со оглед на тоа што постојат околности кои укажуваат на опасност од бегство, можност да влијае врз сведоците или да го повтори делото, јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, додава Обвинителстото во соопштението за јавноста.

(ВОЗНЕМИРУВАЧКО) ЗАГИНА 19-ГОДИШЕН МОТОРЏИЈА НА ПЛАСТИЧАРСКА Возило му го попречи патот

The post ДРОГИРАН БИЛ ВОЗАЧОТ ШТО МУ ГО ПРЕСЕЧЕ ПАТОТ НА 19-ГОДИШНИОТ МОТОРЏИЈА КОЈ ЗАГИНА Обвинителството бара притвор appeared first on plusinfo.mk.