– Ние ќе увеземе мазут и јаглен, најмалку што бараме е да се почитуваат стандардите за мазутот и јагленот што ќе го увезуваме. Свесни сме дека институциите – болници, градинки, училишта… се најголемите загадувачи. Најверојатно оваа зима ќе има зголемување на аерозагадувањето, потенцираше Нуредини.

Тој истакна дека за жал ова не е ситуација само кај нас, туку во цела Европа и рече дека проблемот е што ние 30 години не сме инвестирале во енергетика во државата.

– Јас разбирам дека е тешко време, но апелирам до сите да внимаваме со што се грееме, колку грееме и да бидеме енергетски поефикасни – посочи Нуредини, напомнувајќи дека граѓаните можат да се греат со дрва и пелети, кои се според стандардите, а не со материјали кои при согорувањето испуштаат штетни материи, кои прво го загадуваат домот, а потоа и околината.

The post НЕ ПАЛЕТЕ ГУМИ И ПЛАСТИКИ Нуредини ги советува граѓаните како да се греат и да дишат чист воздух истовремено appeared first on plusinfo.mk.

– Зоран Заев и СДСМ сакаат по секоја цена дупките во буџет кои ги направија со криминал, тендери и партиски вработувања да ги покријат и пополнат единствено со пари кои треба да ги дадат граѓаните преку давачките, односно последното преку еколошката такса. Еколошката такса од 4,13 денари за литар е покачување кое значи највисока еколошка такса која би ја плаќале граѓаните, споредено со сите европски земји. Сите се свесни дека Македонија го има најголемиот буџет во историјата на Република Македонија, а најлоши економски резултати кои што ни ги презентира и носи оваа влада.  Дупките во буџет од криминални тендери, СДСМ и Заев ги надополнуваат преку покачувања на еколошка такса за горива на самите горива, цени на струја, даноци и сè останато – рече Арсовски.

За сметка на граѓаните, додаде тој, еколошка такса не плаќаат фирмите кои користат петрол кокс, а се 20 пати поголеми загадувачи од граѓаните, односно петрол коксот според експертските анализи е 20 пати поголем загадувач од обичното гориво.

– Така што граѓаните кои возат со своите автомобили не се толкави загадувачи и ова е само затоа што фирми блиски до Заеви, односно и нивни фирми кои се во нивна сопственост користат петрол кокс за функционирање. Не само еколошка такса, туку им беше укината и акцизата која што чинеше околу 45 до 50 евра по тон уште во 2019 година. Ова е лицемерието на дело кое што го гледаме секојдневно. За фамилијата на власт да се богати, граѓаните мора секојдневно да даваат такса и да плаќаат повисока такса и да  осиромашуваат. Затоа, ВМРО-ДПМНЕ на секој можен начин ќе го блокира ова штетно покачување на цените на горивата – истакна Арсовски.

The post Арсовски: СДСМ сака да воведе највисока еколошка такса за горива во Европа appeared first on plusinfo.mk.

– Граѓаните треба да се казнуваат за животната средина но, треба и да се наградуваат. Не смеат сите граѓани во државата да се казнуваат подеднакво. Такво правило е штетно, неправично. Затоа ВМРО-ДПМНЕ на таа тема ќе дебатира, а не на инает и популизам – рече таа.

Таа додаде дека Македонија најдоцна од сите држави во Европа го оформила Министерството за животна средина и токму во времето на влада на ВМРО-ДПМНЕ во 1999 година.

– Почнавме со физибилити студија, направивме проекти, обезбедувавме средства од европските фондови и така натаму. Со ИПА проектите кои се добиваат со сериозна документација изградивме многу пречистителни станици и регионални депонии. Овие четири години ништо не се прави. Зошто? Затоа што тука голема улога играат и градоначалниците. Сите наши градоначалници од ВМРО-ДПМНЕ учествуваа кога имаше непогоди од поплави пожари, ете сме набавиле и авиони за гасење на пожари. Сме имале средства и сме планирале и без еколошки такси. Имавме и студии за загадувањето на воздухот и ги лоциравме загадувачите и какви мерки да преземеме. Во тие програми ќе видите субвенции за велосипеди, за електрични автобуси и возила, за пелети, за печки. Екологијата за ВМРО-ДПМНЕ секогаш била приоритет, како на локално така и на централно ниво – посочи Лепиткова.

The post Лепиткова: Не смее да има еколошка такса и за загадувачите и за незагадувачите appeared first on plusinfo.mk.

На мапата се претставени сите инсталации и со отварање на секоја инсталација поединечно се добиваат сите податоци за нивните дозволи.

Според Лилјана Поповска од здружението Зелен институт, време е да и погледнеме на вистината во очи и да си признаеме дека иако има индустриски пример кои ги следат законите и внимаваат на екологијата, сепак постојат огромен број капацитети на кои што првенствено во дозволите им е овозможено да работат онака како што им е полесно и поевтино, а поскапо за животот и здравјето на граѓаните.

– Со оваа алатка ќе ја имаме реалната претстава за тоа што навистина се случува и конечно да престанеме да ги бркаме оџаците на домаќинствата кои иако не се совршени, сепак се минимален проблем во однос на индустријата – истакна Поповска.

При изработка на оваа алатка од тимот на Зелениот институт беа претставени неточностите и грешките на кои наишле при преглед на официјалните документи од животната средина.

– Самата идеја за оформување на мапа на потенцијални загадувачи е одлична идеја. Во прв момент бев голем оптимист дека обработката на податоците нема да ни земе големо време и енергија, но реалноста беше друга. Имено податоците ги земаме од а и б интегрирани дозволи и елаборати за животна средина кои се документи со висока важност и притоа кога почнавме да ги обработуваме податоците утврдивме дека се соочуваме со документи кои што со тек на време изгубиле од својата важност во изработката и стандардизацијата на податоците. Па така во голем број од самите дозволи наидовме на проблеми кои не верувам дека се намерни, а тоа беа од типот на различно претставени координати на инсталациите, недостаток на податоци во однос на горива на инсталациите кои се користат, како и проблеми во однос на моќноста на горилниците – истакна инжинерот Зоран Зориќ, кој е дел од тимот кој работи на оваа алатка.

Тој изрази надеж дека изработката на оваа електронска мапа ќе отвори поле за ревизија, измена и стандардизација на документите кои се од голема важност.

Од Државниот инспекторат за животна средина се согласни дека оваа алатка ќе биде од голема помош за нив.

– Остваруваме соработка со Зелениот институт затоа што ние се соочуваме со предизвик на недостиг на систематизирани податоци за загадувачите на Град Скопје, уште повеќе со недостиг на физичка локација на тие загадувачи кои се концентирани во повеќе индустриски зони. Оваа карта е резултат на нашите потреби, а тоа се да имаме увид на физичката локација на секоја од инсталациите, и на тој начин имајќи ги податоците за квалитет на амбиентниот воздух да ги планираме нашите редовни и вонредни надзори – изјави директорката на Државниот инспекторат за животна средина, Ана Петровска.

Таа потенцира дека податоците од оваа платформа нема да бидат официјални, бидејќи ова е само една помошна алатка која не произлегува од законско решение, туку била утврдена како потреба да се помогне во делот на лоцирање на загадувачите од страна на Инспекторатот. Но, дека ќе направат анализа и доколку постои правно решение ќе биде предложено до Министерството за животна средина да се направи некое законско решение или измена на постојната регулатива за ваквиот начин на лоцирање на загадувачите.

Освен што првпат ги дигитализира податоците за тоа каде се загадува, оваа алатка исто така им овозможува на граѓаните да можат преку неа да пријавуваат можните загадувачи.

Петровска заклучи дека ова е особено важно затоа што на тој начин ќе може да им се помогне на инспекторите во навремено реагирање.

– Јас очекувам оваа мапа да продолжи да се развива и еднаш кога ќе биде готова ќе им овозможиме на граѓаните да им покажеме како да ја користат, а нашите инспекциски тимови да си се организираат и да бидат на терен кога ќе биде тоа неопходно – изјави диркторката на Државниот инспекторат за животна средина.

Таа додаде дека преку оваа алатка, исто така, ќе може директно да се следи работата на секој инспектор, бидејќи во тој систем ќе бидат воведени редовните и вонредните инспекциски надзори.

На прашањето дали Охридскиот регион ќе биде впишан во листата „наследства во опасност“, Петровска рече дека за жал таква можност сепак постои, но дека верува во способноста на институциите да го решат овој проблем

– Во овој момент имаме извештај кој за жал не е многу розов и реално ги отсликува сите оние недостатоци и недоследности во спроведувањето на она на кое што и на национално ниво е дефинирано како обврска. Потфрламе во делот со уривањето на дивоградбите и со усогласувањето на урбанистичките планови, исто така се издаваат дозволи за градба во староградско јадро без притоа да се почитуваат амбиенталните и архитектонско урбанистичките парамерти, така што не би ме зачудило да влеземе во опасност – рече Петровска.

На ова се надоврза и Поповска која потенцира дека ваквата ситуацијата е резултат на недговорна ноншалантност на институциите и на бизнис интересите на поединците. Според неа, нема оправдување за тоа што се случува, но и на тоа што не се случува за да се заштити Охридскиот регион.

Е-мапата ќе биде јавно достапна на посебна веб-страна за сите заинтересирани граѓани, но и за претставници од институциите, првенствено инспектори за животна средина на државно, градско и општинско ниво, а граѓаните ќе може да пријавуваат секаков сомнителен загадувач веќе од следниот месец.

The post Од следниот месец загадувачите ќе можат да се следат на е-мапа appeared first on plusinfo.mk.

Тој посочи дека деновиве се врши сериозен мониторинг со цел опеделени индустриски капацитети да не ја злоупотребат малата видливост заради маглата, и да испуштаат недозволени гласови. Појасни дека мониторингот се врши секоја вечер со термални дронови.

– Ние работиме во коренот на решавање проблемот. Неколку пати општам со јавноста главните компоненти се три. Едната е овој инспекциски надзор кој што верувам ќе се согласите сите, Инспекторатот на Град Скопје е една од најактивните институции од тој вид и карактер во државата – рече Шилегов.

Како што појасни, втората компонента е рашавање на јавниот транспорт, со што ќе се дестимулираат граѓаните да го користат автомобилскиот сообараќај. Оваа компонента градоначалникот рече дека ќе се спроведе на самиот крај, некаде после нова година, и треба да се имплементира до крај на 2021 година.

– Втората е на самиот крај, а тоа е решавање на јавниот транспорт со што ќе ги дестимулираме граѓаните да го користат автомобилскиот сообраќај имајќи во предвид дека кога ќе го воведеме тој концепт, таа смена на самиот крај, некаде после нова година се објавува јавната набавка, и тоа ќе се имплементира до крај на 2021 година. Ќе биде многу поекономично, поисплатливо и пологично да го користите јавниот транспорт како варијанта за превоз на луѓе отколку сопствениот автомобил – рече Шилегов.

Додаде дека третата компонента е организирано затоплување на домовите, каде ќе бидат понудени социјални пакети, за и овие граѓани да бидат дел од централното греење, со што ќе се намали емисијата на штетните гасови од затоплувањето на домовите.

– Третата компонента, за мене клучна, е организираното затоплување на домовите. Тука имавме сериозна интервенција оваа сезона. Околу пет илјади оџаци во нашиот град помалку зарачат што не е доволно, суштинско е да градските енергетски системи, конечно Регулаторната комисија го реши проблемот кој што го имаме со издавањето на лиценца, со цел да трите мрежи ги добиеме и да можеме на граѓаните на организиран начин понудиме и социјални пакети да бидат дел од централното греење со што ќе се намали емисијата на штетните гасови од затоплувањето на домовите – појасни градоначалникот Шилегов.

The post Термални тронови ќе ги ловат загадувачите на воздухот во Скопје appeared first on plusinfo.mk.

Владата, како што се наведува во програмата, ќе се води од следниве принципи: борбата против климатските промени на глобално ниво, како составен дел на сите секторски политики, превентивно дејствување (пред да настане штетата, односно загадувањето), загадувачот плаќа (трошоците за заштита на животната средина треба да ги сноси правното или физичкото лице кое ја загрозува животната средина), борба против нарушување на животната средина на самиот извор на загадувањето (каде е поедноставно и поекономично да се отстранат последиците од загадувањето) и интегрирање на заштитата на животната средина во другите политики (земјоделство, транспорт, енергетика, индустриска политика итн.).

– Се залагаме за долгорочен одржлив развој што се темели на грижливо користење на природните ресурси. Контролата и намалувањето на загадувањето останува една од основните цели. Ова вклучува употреба на еколошки горива и користење на обновливи извори на енергија, промовирање на одржливо управување со отпад, правилно и правично управување со водите и зелен транспорт. Ја поддржуваме циркуларната економија преку која ќе се намалат количините на отпад поради повторна употреба и рециклирање на материјалите и производите, стои во програмата.

Владата ќе се залага до 2024 ниту една државна институција да не се грее со стари и нееколошки системи за греење. Сите јавни институции се мапирани и ќе се донесат одлуки за најсоодветните решенија, како поврзање на централно парно греење, на гас, користење на високоефикасни инвертер клима уреди или топлотни пумпи.

– До крај на 2020 воведуваме постојана 24/7 контрола на Државниот инспекторат за животна средина и локалните инспекторати, ги вмрежуваме државниот и локалните капацитети и ќе ги зголемиме нивните ингеренции. По акредитација на методи на нив ќе им биде ставена целосно на располагање Централната лабораторија за животна средина, а Државниот инспекторат секоја година ќе потпишува договори за соработка со акредитирани лаборатории за суперконтрола, се наведува во програмата.

Од Владата најавуваат заострување на казните само во областа на заштита на животната средина поради, како што велат, лошото искуство од неажурност на институциите и бирократско водење на постапките. Ќе има кривична одговорност за оние кои незаконски ја загадуваат животната средина и го загрозуваат здравјето поради профит. Секој кој ќе биде констатирано дека ги прекршил правилата и процедурите ќе ја изгуби лиценцата и дозволите поради неодговорно однесување и неисполнување на законските обврски.

Новата Влада планира во првите две години да вложи 5 милиони евра за енергетска ефикасност на јавните објекти за да ја намали потрошувачката и загадувањето.

Првите две години на мандатот, Владата најавува дека ќе ги посвети на планско, но интензивно зазеленување на државата, а особено најзагадените градови. Согласно планот, ќе има поставување на зелени коридори и бариери/ѕидови на критични точки како зелен ѕид на Клиничкиот центар „Мајка Тереза“, поголема запуштена површина ќе биде заменета со урбано зеленило и соодветна урбана опрема, обврска за зелени зони околу индустриските капацитети, пошумување во касарни.

Ќе почне промена во политиките за јавен транспорт. Владата ќе даде поддршка на Град Скопје, кој почнува изградба на систем „Bus Rapid Transport“ – брз транспорт со трамвај (со кредитна линија од ЕБРД). Планирано е воведување покомплексен систем на субвенции и даночни олеснувања за набавка на „еколошки“ возила (на електричен и хибриден погон), замена на нееколошко гориво со гас кај транспортни средства (особено за транспортери на стоки, такси возила и сл.) и набавка на велосипеди.

Се најавува унапредување на велосипедскиот сообраќај и воведување зони со ниска емисија или зона со забрана на сообраќај за тешки товарни возила, временски распоред за достава на стоки, локална политика на паркирање (особено во близина на јавни објекти, пред се градинки, училишта и здравствени објекти). Ќе се инвестира во дополнителни мерни станици низ државата и посебна софтверска апликација која ќе овозможи полесен и потранспарентен приказ на состојбата со ПМ честичките, како по датум, така и по локација, со соодветни прегледи и извештаи.

– Во 2021 година ќе воведеме систем во четири нивоа на опасност за рана најава на поволна временска прогноза за појава на зголемено загадување на воздухот, кој ќе биде дел од постоечкиот систем за рана најава во УХМР. Податоците за емисиите од големите загадувачки капацитети ќе им бидат достапни на граѓаните во реално време, како и Катастарот за животна средина, регистрите за испуштање и пренесување на загадувачки материи, регистрите на издадените еколошки дозволи и одобрени елаборати, стои во програмата.

Од Владата велат дека ќе дадат поддршка на иницијативите за поставување мерни станици со пропишување на различни категории мерни инструменти, според нивната прецизност на мерењата со цел детектирање на локалните доминантни извори на загадување на воздухот. Најавуваат намалување на законски дефинираните гранични вредности на загадувачките супстанции во воздухот (на пониско ниво) и зголемување на стандардите за квалитет на горива во насока на контрола на повеќе параметри.

– Ќе донесеме законско решение за дефинирање на стандард за квалитет на пелети. Во 2021 ќе воведеме мерење на зацрнетоста на чадот по соодветни стандарди. Во 2021 ќе го донесеме Законот за индустриски емисии и од 2023 ќе обезбедиме меки кредитни линии за набавка на опрема и нови технологии за намалување на загадувањето на животната средина за малите, средни и големи капацитети. За истата ќе обезбедиме и даночни олеснувања при увоз, најавуваат од Владата.

Се планира да се обезбеди засилена контрола над работата на станиците за технички преглед на возила заради задолжително контролирање на издувните гасови од возилата што се регистрираат. При регистрирање на возило во сообраќајот кое ги надминува пропишаните мерки, веднаш ќе се активира контрола и одговорност за станицата која истото го одобрила, а возилото времено ќе биде отстрането од сообраќајот.

– Ќе помогнеме на малите и средните претпријатија да се прилагодат на новите еколошки стандарди. Ќе ги мапираме малите и средните компании кои користат дел од својот отпад за затоплување на просториите, а со тоа го загадуваат воздухот и ќе ги повикаме да учествуваат во повикот за субвенционирање на еко-опрема за мали и средни компании, стои во програмата.

Власта ќе предложи закон со кој ќе се формира комунална полиција на локално ниво, со која ќе можат досегашните комунални инспектори и Еко патроли заеднички да преземаат мерки за сторителите на штетните активности: одлагање на отпад на места кои не се предвидени за тоа, создавање на диви депонии од градежен и мешан комунален отпад, палење на гуми и останати високоштетни материи, палење и уништување на контејнери и сл. со мандатни казни. Комуналната полиција ќе почна да функционира во 2021.

Најавуваат засилена контрола на градилиштата и почитување и контрола на енергетските и други критериуми при градба и реконструкција на објекти.

– Преку проектот „Зајакнување на капацитетите на централно ниво за намалување на цврсти честички во воздух преку користење на нуклеарни технологии“ од IAEA (Меѓународна агенција за атомска енергија) со 235.990 евра ќе се набави инструмент кој користи нуклеарни технологии за анализа на составот на PM честичките, набавка на семплери за земање на примероци на воздух, спроведување на мерна кампања и подготовка на национална студија за одредување на главните извори на PM во поголемите градови во Македонија, се вели во програмата.

– Наша цел е до крајот на 2025 година минимум 60 отсто од тежината на отпадот од пакувањето што е создаден на територијата на Република Северна Македонија да се преработи со операции за преработка или да се употреби за добивање енергија, а до крајот на 2025 година минимум 55 отсто, а максимум 80 отсто од тежината на отпадот од пакувањето што е создаден и собран на територијата на Република Северна Македонија да се рециклира. Во 2020 ќе го донесеме Националниот план за превенција на отпад како национална цел и политика за создавање, намалување, повторна употреба и рециклирање на отпадот (2020-2026).

Од Владата велат дека континуирано ќе спроведуваат активности за поставување системи согласно новите шест закони за посебните текови на отпад, заради унапредување на примарната селекција на посебните текови на отпад (отпадна пластика и хартија, отпадна опрема од домаќинствата, отпадните гуми и масла, искористени возила и отпадот од текстил). Ќе се работи на интегрирана регионална инфраструктура за собирање и третман на отпадот, со акцент на одделно собирање, на местото каде се создава отпадот, на материјали кои може да се рециклираат, како и на третман на биоразградливиот отпад. Во програмата стои дека вкупното намалување за периодот 2020-2026 на биоразградливиот отпад што се отстранува на депониите ќе биде 25 отсто.

Владата ветува дека ќе се залага да помогне во расчистување на диви депонии, да продолжи осовременувањето на депониите, ќе ги поддржува локалните власти во борбата за чиста околина, ќе обезбеди директна поддршка за набавка на 10.000 канти и контејнери на годишно ниво.

Владата до 2024 година ќе изработи нов просторен план на државата за наредните 15 години.

– Ќе се зафатиме со решавање и на останатите критични жаришта. Ќе направиме санација на индустриско жариште – ревитализација на депонија за индустриски отпад од рудник во Радуша и Јегуновце. Редовно ќе се оддржува системот СКАДА и пумпна станица во депонија Јегуновце и ќе се санира таложник во пречистителна станица Јегуновце. Ќе се спроведе санацијата на индустриското жариште, односно ќе се реши проблемот со линданот во хемискиот комбинат ОХИС, Скопје (отстранување од една од двете локации со соодветна технологија и ревитализација на локација) со обезбедени 15,5 милиони долари. Ќе се направат испитувања на третата депониска локација во ОХИС, стои во програмата.

Ќе биде воведена забрана за изградба на нови мали хидроелектрани во заштитени подрачја и национални паркови. Владата ќе ја поддржи изградбата на пречистителна станица за Град Скопје (136 милиони евра со вклучени 10 милиони евра грант компонента). Предвидени се рехабилитации на канализациски мрежи во повеќе општини, изградби на пречистителни станици, зголемување на процентот на заштитени подрачја. Планот на Владата е Шар Планина да се развива како национален парк. Ќе се изготват нови планови за управување со националните паркови Пелистер, Галичица и Маврово, ќе се донесат планови за управување со заштитените подрачја (Шар Планина, Осоговски Планини, Преспанско Езеро, Маркови Кули и др.).

The post Владата најавува сериозна битка за зачувување на животната средина appeared first on plusinfo.mk.

Данска има една од најамбициозните програми за борба против климатските промени во светот. Земјата има цел да ги намали емисиите на стакленички гасови за 70 проценти до 2030 година и да стане целосно климатски неутрална најдоцна до 2050 година.

Како дел од поширокиот климатски договор, насочен кон намалување на емисијата на јаглерод во Данска за 3,4 милиони тони годишно, Владата ќе преговара за „зелена даночна реформа“ подоцна оваа година, во рамки на која компаниите треба да плаќаат даноци, чија сума ќе зависи од количината на испуштен јаглерод диоксид.

Во март Данскиот совет за климатски промени, владино советодавно тело, истакна дека Данска треба нагло да го зголеми „данокот на јаглерод“ за да ги исполни своите климатски цели.

The post Данска: Поголем данок ќе плаќаат компаниите кои повеќе загадуваат appeared first on plusinfo.mk.