Еколошка криза се развива во рускиот град Туапсе на брегот на Црно Море, откако нов напад со дронови предизвикал пожар во морскиот терминал и дополнително ја влошил состојбата во нафтената инфраструктура.

Според локалните служби за итни ситуации, во гаснењето на пожарот биле ангажирани повеќе од сто лица, а дел од жителите од околните населби биле евакуирани и привремено сместени во хотели. Властите соопштија дека ситуацијата е ставена под контрола, но медиумските извештаи укажуваат дека претходните напади веќе предизвикале сериозни оштетувања на нафтените резервоари и прекин на работата на рафинериските капацитети.

A local resident of Tuapse shares a warm May holiday greeting. pic.twitter.com/ig7abjvcsr

— Special Kherson Cat (@bayraktar_1love) May 1, 2026

Во меѓувреме, граѓаните на Туапсе преку социјалните мрежи изразуваат револт и загриженост, тврдејќи дека се изложени на загаден воздух и вода, како и дека нема доволно информации од институциите. Дел од нив опишуваат дека градот е покриен со густ чад и нафтени остатоци, додека здравствените служби предупредуваат на зголемени концентрации на опасни хемикалии во воздухот.

Иако официјалните претставници уверуваат дека нема сериозна закана за населението, дел од жителите велат дека секојдневието станало неизвесно, со чести аларми и страв од нови напади и дополнително загадување.

Tuapse, Russia

The drones seemed to fly from the direction of Moscow, not Ukraine… it’s all very confusing and we’ll never know the whole truth. Nothing is clear, and we are all out of politics anyway. – IYKYK pic.twitter.com/aI2z9LYTVN

— Kate from Kharkiv (@BohuslavskaKate) May 1, 2026

The post 📽️ НАФТА ПАЃА ОД ЦРНОТО НЕБО НАД ТУАПСЕ Жителите на рускиот град се бесни на Путин за еколошката катастрофа appeared first on plusinfo.mk.

Нема толеранција за никого – изречени се казни на загадувачите во Скопје, објави попладнево скопскиот градоначалник Орце Ѓорѓиевски на Фејсбук.

„Почитувани скопјани, во изминативе денови Скопје се соочи со сериозно загадување на воздухот. Според податоците од државниот мониторинг, беше пробиен дозволениот праг и состојбата бараше итна и решителна реакција. Како градоначалник на Скопје, но пред сè како човек кој заедно со своето семејство го дише истиот воздух како и сите вас, немав право да молчам и да не постапам. Во изминатите два дена беа спроведени силни и координирани инспекциски надзори на терен. Инспекторатот за животна средина изрече казни кон правни лица – загадувачи и јасно покажа дека законот важи за сите“, објави Ѓорѓиевски.

Ова нема да застане тука, додава градоначалникот.

„Напротив, продолжуваме уште поинтензивно и уште поодлучно. Секој што го загрозува здравјето на граѓаните ќе биде санкциониран, без грам толеранција! За здравјето нема компромис. Ниту за мене, ниту за вас, ниту за нашите деца. Паралелно со репресивните мерки, Градот Скопје излезе и со низа препораки и мерки за заштита од загадениот воздух, кои се јавно објавени и достапни за сите граѓани. Овие препораки веќе се применуваат и се важен дел од заедничката борба за почист воздух“, вели градоначалникот.

Воедно, додава тој, сакам јавно да ја поздравам силната и континуирана заложба на Владата на Република Македонија за чекорите што за само година и пол, заедно со локалната власт, се преземени во насока на почист воздух.

„Тука спаѓаат Стратегијата за почист воздух 2024–2030, субвенциите за инвертер клими, поставувањето прочистувачи на воздух во градинките во Скопје, масовното пошумување низ државата, гасификацијата, изградбата на 2 когенеративни централи на влезовите во Скопје, како и новите паркови со клупи со вградени прочистувачи на воздух и многу други мерки. Борбата за почист воздух е заедничка и затоа апелирам до сите граѓани на Скопје да се придржуваат и да ги почитуваат препораките и мерките. Секој поединечен придонес е важен. Но, за она што е во надлежност на Градот Скопје, порачувам јасно и недвосмислено дека нема да има никаква толеранција“, објави Ѓорѓиевски.

Ред мора да има, законот ќе се спроведува, додаде тој и ги повика скопјани да пријават потенцијални загадувачи на: prijavizagaduvachi@skopje.gov.mk.

The post КАКО ГРАДОНАЧАЛНИК КОЈ ГО ДИШЕ ИСТИОТ ВОЗДУХ, НЕМА ДА МОЛЧАМ Казнети се загадувачи, Ѓорѓиевски ветува дека ќе нема толеранција за никого appeared first on plusinfo.mk.

Навистина е лицемерно СДСМ да говори загаден воздух, ветуваа „ајро ајро“ на митинг, почист воздух, а во суштина нивен министер протестираше против аерозагадувањето, наместо да преземе мерки, регира ВМРО-ДПМНЕ на обвинувањата на опозициската партија дека власта троши на милионски тендери, а не презема мерки против загадувањето.

„Во време на СДСМ, наместо за животна средина и почист воздух, се трошше 1,6 милион евра за лубриканти. За 7 години можеа барем за 10% да го намалат загадувањето на воздухот, ама приоритет им беше градење згради, како што сакаа во Хром да никнат 100 згради и Расадник исто така 100 згради во 2020 година“, реагира ВМРО-ДПМНЕ.

Доколку СДСМ навистина сакаше, можеше да преземе нешто, додава партијата.

„Да ги напоменеме нашите чекори кои како централна власт за 1,5 година ги преземаме, заедно со локалната: стратегија за почист воздух 2024-2030, субвенции за инвертер клими, прочистувачи на воздух низ градинките во Скопје, масовно пошумување на државата, гасификација на државата, Град Скопје воведе мерки и препораки до граѓаните за заштита од загадениот воздух, изградба на 2 когенеративни централи на влезовите во Скопје, паркови со клупи во кои има вградени прочистувачи на воздухот. Ова се само дел од чекорите кои ги имаме преземено, во делот справување со загадениот воздух“, соопшти ВМРО-ДПМНЕ.

Разликата меѓу ВМРО-ДПМНЕ и СДСМ се гледа и во рејтингот, се додава во соопштението.

„Затоа наместо соопштенија напишани од ВИ, нека седнат и нека научат сами да пишуваат и нека сфатат дека долго време ќе бидат опозиција со овој пристап“, потенцира ВМРО-ДПМНЕ.

СДСМ денеска побара итно да се прогласи еколошка и здравствена кризна состојба во Скопје. Советничката група на СДСМ информираше дека поднела иницијатива за свикување вонредна седница на Советот на Град Скопје, за да се утврдат заклучоци и итни мерки. Партијата најави дека на седницата ќе предложи конкретни мерки: бесплатен јавен превоз во деновите кога воздухот е загаден, да се побараат пари од Владата за бесплатни филтри на оџаците на големите загадувачи, пренамена на пари за прочистувачи за граѓаните и за еколошко греење, забрана за дрва и јаглен во подрачја со достапно централно греење, расчистување на дивите депонии, миење на улиците и пари за еколошки проекти.

The post „АЈРО, АЈРО“ НЕ ГО ИСЧИСТИ ВОЗДУХОТ, ТУКУ ТРОШЕШЕ ЗА ЛУБРИКАНТИ Лицемерно е СДСМ да обвинува за загадување, реагира ВМРО-ДПМНЕ appeared first on plusinfo.mk.

Нова студија покажа дека јадењето повеќе овошје може да го намали негативното влијание на загадувањето на воздухот врз белите дробови. Според истражувачите на Универзитетот во Лестер, ова може да се должи на природните антиоксиданти што се наоѓаат во овошјето.

Ефектот бил особено изразен кај жените кои јаделе четири или повеќе порции овошје дневно, според студија спроведена на повеќе од 200.000 луѓе. Научниците забележале дека мажите генерално јадат помалку овошје од жените, што би можело да објасни зошто заштитниот ефект е забележан кај жените.

Коментирајќи ги резултатите од студијата, Сара Слит, извршен директор на добротворната организација Asthma + Lung UK, рекла: „Знаеме дека исхраната богата со овошје ја поддржува функцијата на белите дробови, но оваа студија е возбудлив чекор напред бидејќи покажува дека овошјето може да помогне и во неутрализирање на ефектите од загадувањето на воздухот врз белите дробови“.

Повеќе за ова прочитајте на „Арт кујна“.

The post НАМИРНИЦИ ШТО МОЖЕ ДА ГИ ЗАШТИТАТ БЕЛИТЕ ДРОБОВИ Јадењето повеќе овошје може да го намали негативното влијание на загадениот воздух appeared first on plusinfo.mk.

Министерството за здравство, во координација со Институтот за јавно здравје, обезбеди 2.000 заштитни маски N95, кои вечерва ќе бидат дистрибуирани до жителите на скопското село Трубарево.

Маските се ставени на располагање од ЈЗУ Универзитетска клиника за инфективни болести и фебрилни состојби, а дистрибуцијата ќе се реализира со поддршка на тимови од јавните претпријатија и Општина Гази Баба.

Со оваа мерка се обезбедува навремена поддршка за локалното население, со цел намалување на непосредната изложеност на загадениот воздух предизвикан од пожарот.

На лице место се присутни и две возила на итната медицинска помош, подготвени да интервенираат и да укажат соодветна здравствена помош како на пожарникарите, така и на граѓаните доколку имаат потреба.

– Наш приоритет е заштитата на здравјето на граѓаните, особено во вакви кризини ситуации. Министерството и Институтот за јавно здравје ќе продолжат со координирани активности за да се обезбеди соодветна помош и поддршка на сите засегнати – рече министерот за здравство, Азир Алиу.

Министерството за здравство и Институтот за јавно здравје ќе ја следат понатамошната состојба, со цел навремено преземање на сите потребни мерки за заштита на граѓаните.

– Апелираме до жителите на Трубарево да ги користат маските и да ги следат официјалните упатства за безбедност. Здравјето на нашата заедница е најважно – додаде Алиу.

The post ПОДЕЛЕНИ 2.000 МАСКИ N95 ВО ТРУБАРЕВО Итна дистрибуција од здравство за заштита на жителите appeared first on plusinfo.mk.

Сериозен инцидент се случи во Визбегово, на локацијата каде што цел ден беснее пожар на дивата депонија, кој предизвика вознемиреност низ целиот главен град. Полицијата го приведе А.Н., сопственикот на правното лице кое управува со отпадот за старо железо во скопската населба Визбегово.

Приведувањето следуваше откако на локацијата избувна голем пожар, при што сопственикот не ги почитуваше наредбите на надлежните, при што дошло и до масовна тепачка меѓу група граѓани и полицијата

Од Министерството за внатрешни работи потврдија дека во 09:16 часот на 09.07.2025 беше пријавен пожар на отпад за старо железо на ул. Б.Буна во Скопје, каде што гореле хаварисани возила со плински уреди, при што се слушале и детонации. Според досегашните информации, нема зафатено приватен имот.

Некои медиуми пренесуваат дека била нападната и телевизиска екипа, која прва пристигнала на местото. Според првични информации, еден од вработените физички ја нападнал екипата и им ја скршил камерата, но засега нема официјална потврда од Министерството за внатрешни работи.

Пожарот, кој избувна рано изутрина, и понатаму не е под контрола. Црниот густ чад од депонијата се шири над Скопје и е видлив од сите делови на градот. Ветерот дополнително ја влошува ситуацијата.

На терен се ангажирани повеќе екипи на Територијалната противпожарна единица на Град Скопје, како и возила на ЈП „Комунална хигиена“, а во акцијата за гаснење е вклучен и авион Ер Трактор на ДЗС, како и хеликоптер АБ212 на МВР.

ЕР ТРАКТОР И ХЕЛИКОПТЕР ГО ГАСНАТ ОГНОТ Пожарот кај Визбегово не стивнува, се интервенира од земја и од воздух

ГОРИ ДЕПОНИЈА ВО ВИЗБЕГОВО Црн чад го покри небото над Скопје, паника меѓу граѓаните

The post 📽️ МАСОВНА ТЕПАЧКА КАЈ ПОЖАРОТ ВО ВИЗБЕГОВО Приведен сопственикот кој се спротивставил на полицијата appeared first on plusinfo.mk.

„Владата предводена од ВМРО-ДПМНЕ се обврзува на долгорочна и системска стратегија која реално ќе го намали загадувањето. За да се направи тоа, меѓу другото, потребно е да се промени на начинот на затоплување на домовите. Тоа подразбира наместо фосилни повеќе да се користат еколошки горива, меѓу кои и централно затоплување. За да се смени начинот на загревање на домовите, потребно е да се изградат гасни централи. Новиот начин на затоплување на домовите, истовремено, треба да биде достапен за сите граѓани“, соопшти ВМРО-ДПМНЕ.

Владата предводена од ВМРО-ДПМНЕ, додава партијата, интензивно работи на изградба на такви гасни централи.

„Веќе има и заинтересиран инвеститор. Тоа е инвестиција за чија реализација се потребни неколку години, за да профункционира. Гасната централа ќе обезбеди топлинска енергија и значително и драстично ќе ја намали загаденоста. Тоа ќе обезбеди, меѓу другото, и зголемена енергија која ќе се користи во стопанството“, соопшти ВМРО-ДПМНЕ.

Партијата упати критика до ретходната власт дека не презела ништо за да се намали аерозагадувањето во Македонија.

„Жално е што поранешната 7-годишна влада предводена од СДСМ и од ДУИ не водеше сметка за амбиенталниот воздух и не направи ништо за да се намали загадувањето. Барем нешто да направеа, сега, по 7 години, веќе ќе ги чувствувавме првите резултати и Скопје немаше да биде лидер на неславните европските и светски листи по загаден воздух“, додава ВМРО-ДПМНЕ.

The post ЦЕНТРАЛНОТО ГРЕЕЊЕ ЌЕ СЕ ВОВЕДУВА НЕКОЛКУ ГОДИНИ, АМА ПОТОА ВОЗДУХОТ ЌЕ БИДЕ ЧИСТ Владејачката ВМРО-ДПМНЕ се обврзува системски да го реши аерозагадувањето appeared first on plusinfo.mk.

Тој рече дека и покрај напредокот од 1990-те, загадувањето на воздухот сѐ уште е високо, особено во зимските месеци.

– Луѓето во Скопје и во Тетово се изложени на значително повисоки нивоа на токсични честички (PM2.5), во споредба со лица од Западна Европа – додаде Паолучи.

Здравиот воздух, нагласи тој, е од клучно значење за одржливиот развој.

Обраќање имаше и првиот вицепремиер и министер за животна средина и просторно планирање (МЖСПП), Изет Меџити.

Кои се причините за загадениот воздух?

– Денеска, заедно со Светска банка и со релевантните институции што имаат ингеренции во овој дел за почист воздух, присуствувавме на презентација на обемната анализа и работа на Светската банка, нормално со нашите локални институции и со животна средина, во однос анализа на причините поради кои имаме загаден воздух и како можеме да ги решиме. Посебен осврт има на поголемите градови во урбаните средини, почнувајќи од Скопје, така што, ова се вклопува и со нашата програма што ја донесовме пред некој ден на ниво на Владата, предводена од МЖСПП, каде се вклучени сите институции што имаат ингеренции. Разликата е во тоа што од анализите на Светската банка и на УНДП (Програмата за развој на Обединетите нации) и на други релевантни институции ги знаеме точно причините зошто имаме таков воздух и работиме повеќе на отстранување на тие причинители, не како во минатото само трчајќи по последиците и не знаејќи точно што и како правиме. Мислам дека ова е добра основа – подвлече Меџити во изјава за медиуми.

Според него, првиот фактор е тоа што домаќинствата и индустријата сѐ уште користат неквалитетно дрво и други извори за греење, особено во зимската сезона.

Владата ќе спроведе нова програма за решавање на проблемот

– Тука е и урбаниот транспорт и ред други причини. Ние веќе усвоивме и работиме на конкретна програма каде што освен гасификацијата, предвидени се и когенеративни гасни системи, исто така планираме да даваме субвенции за да се враќаат граѓаните на централното греење, посебно во урбаните средини каде што го има. Во однос на гасификацијата, мислам дека тоа е едно од решенијата што граѓаните ќе ги пренасочи кон помалку штетни или нештетни средства за греење во текот на сезонава. Исто и во однос на урбаниот транспорт, како што почнавме со електричните автобуси, планираме во Владата уште да поделиме 100-120 други за јавен транспорт на општините, тука се и приватните иницијативи, фабриката што деновиве ќе биде пуштена за обработка на употребено масло, тоа да се рециклира 100% и да има производство од Република Македонија. Работиме исто така и на други иницијативи и проекти. Значи, посветени сме да ги искористиме сите можности за да дојдеме до почист воздух – нагласи Меџити.

Професорот на Машинскиот факултет-Скопје, Даме Димитровски, појасни дека програмата е изготвена врз база на долгорочни истражувања и од „нашите научни институции и од нашите партнери коишто долги години покажуваат кои се загадувачи и како влијаат на загадувањето“.

– Првиот проект со кој се соочивме е идентификација на загадувачите и секој да ја преземе својата одговорност. Досега се случуваше загадувачите да си го вперуваат прстот еден кон друг, па домаќинствата да кажуваат дека загадува индустријата, индустријата да го обвинува транспортот, транспортот да обвинува некого трет. Со оваа програма се опфатени сите загадувачи во урбаните места во Македонија и е направена комплексна програма од 20-ина проекти што се бават со можни решенија. Програмата е динамична и дополнително ќе расте како што ќе има нов технолошки напредок или како што ќе имаме нови резултати на теренот. Опфатени се најмногу програми за домаќинствата што сакаме да ги вклучиме во програмата, да ги субвенционираме да почнат да користат чисти горива, да им понудиме сувогревно дрво како гориво што помалку загадува, а со тоа и да им овозможиме почист и поздрав воздух, за нивните деца генерално, во домаќинствата, во куќите – истакна Димитровски.

Како што најави тој, во план е строга и правична инспекциска контрола за сите индустриски капацитети.

Дали загадувачите ќе бидат казнети?

– Дополнително, планираме строга и правична инспекциска контрола за сите индустриски капацитети во државата, така што емисиите ќе бидат јавни и сите ќе бидеме сигурни дека тоа што се емитува е сигурно на европски ранг. Како што во 1963 година формиравме силни научни институции, кога имавме проблем со земјотресот, сега сакаме да ги поддржиме научните институции да се занимаваат со истражување за чистење на воздухот или за незагадување на воздухот и таква програма сме предвиделе – додаде Димитровски.

На новинарско прашање дали во пракса е казнет некој, тој одговори дека сега се прави посебен правилник.

– Значи се идентификуваше дека досега капацитетите биле слаби или ангажираноста била слаба или можностите на инспекторатите биле слаби. Сега во пракса ќе се предвиди едно силно централизирано тело што ќе се бави со инспекција во животната средина, што ќе може на сите објекти и по вертикала и по хоризонтала, да може да прави инспекција, да не си предаваме надлежности или да не си даваме можности за образложенија „не е моја надлежност“ – најави Димитровски.

На прашање дали е во план инспекторите да бидат поактивни за време на државните празници, бидејќи во тој период воздухот бил повеќе загаден, министерот рече дека ќе се работело интензивно.

– Веќе имаме донесено мерки на Владата и веќе се на терен. Веќе има и казна. Но, има потреба да се зголеми и бројот на инспекторите бидејќи е мал нивниот број за да има опфат низ цела Македонија – изјави Меџити.

The post ЗАГАДЕНИОТ ВОЗДУХ ГОДИШНО УБИВА 2.800 ЖИТЕЛИ НА ЗЕМЈАВА Следуваат строги инспекции и мерки за решавање на проблемот appeared first on plusinfo.mk.

– Евидентираме зголемен број  дечиња со респираторни симптоми, бронхоопструкиции, поголемите дечиња имаат бронхопневмонии и се со потешка клиничка слика. Моментално болнички се лекуваат 11 дечиња на одделението, 15 во дневна болница, а најмалите пациентчиња ни се новороденчиња од по 20 и 25 недели. Се жалат на кашлица, на зголемена температура, на болки во грло. Она што најмногу ги вознемирува родителите е зголемената температура, отежнатото дишење, одбиваат да внесуваат храна, течности, малаксаност… Деведесет проценти од примените во болница се со респираторни инфекции, а помал број со ентероколит – изјави началничката на одделението, д-р Маргица Арсовска.

Лекарите од кумановската болница го очекуваат пикот допрва во јануари и во февруари. Како превенција, стручните лица препорачуваат внес на разновидна исхрана, богата со витамини и минерали, да се даваат суплементи, витамини Д и Ц и рибино масло, но не претерано.

– Да се воздржат од колективни собирања по игротеки, оние со неразвиен имунитет до 18-месечна возраст или на 24 месеци, доколку може да не посетуваат градинки. Прошетките се одлични, но децата треба да се изведуваат во период кога нема аерозагадување. Ако веќе имаат можност, да набават прочистувачи за воздух – рече доктор Арсовска.

На одделението недостигале лекари, но сепак се постигнувало овозможувањето помош на пациентите од североистокот.

– Недостига персонал, моментално сме четири доктори специјалисти педијатри на оддел, еден специјализант и еден општ доктор што е малку за целиот град и за околината, недостига и средномедицински персонал. Се надеваме дека во јануари ќе има нови вработувања – додаде Арсовска.

The post ЗГОЛЕМЕН Е БРОЈОТ НА ТЕШКО РАЗБОЛЕНИ ДЕЦА ВО КУМАНОВСКАТА БОЛНИЦА Лекарите го очекуваат пикот во јануари и во февруари appeared first on plusinfo.mk.

„Протестираме затоа што секоја година од 3.828 до над 5.000 луѓе во Македонија умираат како директна последица на изложеноста на штетните честички PM2.5. Ова претставува речиси 18% од вкупната смртност во државата. Особено е загрижувачки фактот дека едно од девет починати деца под една година го губи животот поради загадениот воздух,“ велат од Зелен Хуман Град.

Организаторите истакнуваат дека бараат од институциите итни и системски мерки за справување со аерозагадувањето. Тие предлагаат краткорочни и среднорочни решенија за подобрување на квалитетот на воздухот и заштита на здравјето на граѓаните.

Протестот е организиран во соработка со Шанса за Центар, „Skopje Smog Alarm“, O2 Иницијатива, Зелените од Гази Баба, Иницијатива за ослободување од еднократна пластика, НаТочак – NaTochak, Go Green – Биди Зелен, Слобода на говорот и други граѓански организации.

Организаторите ги повикаа сите граѓани да се приклучат и да го изразат своето незадоволство од состојбата со загадувањето на воздухот, нагласувајќи дека само заеднички може да се изврши притисок врз институциите за конкретни промени.

The post ГРАЃАНИТЕ НА УЛИЦА, БАРААТ ЧИСТ ВОЗДУХ Протестен марш во Скопје со порака до институциите appeared first on plusinfo.mk.