– И што сега, да се полиеме со бензин и да се самозапалиме?

***

Што е со оставките?

– Ако може мртвите да ги оживееме, сите ќе си поднесеме оставки!

***

Министерот за здравство понуди оставка, вие не ја прифаќате.

– Тодоров ли да го турам за министер, Филипче советник да му биде?!

***

Размислувате ли вие за оставка?

– А што, Мицкоски да дојде на власт?! Не размислувам!

***

Многу луѓе ни умираат од ковид-19?

– Еве, да може да воскреснат, јас ќе дадам оставка, па Мицкоски нека биде премиер ако сака.

***

Имаме највисока смртност во Европа.

– Па во Африка ли да имаме?!

***

Србите среде пандемија градеа ковид-болници од тврда градба, а вие поставувате контејнери.

– И што треба сега, Вучиќ да ни биде премиер?! „Тропикана“ да ја отвориме?!

***

Пола Македонија ви изгоре во пожар.

– Да не треба Стојанче на ражен да го печеме?

***

Авионите за гасење пожар не ви беа сервисирани.

– И што треба сега, да ги слечеме падобраните и од авион да се фрлиме?!

***

Австријците ни ги гасеа пожарите, не е ли срамота?

– Ќе гасевме и ние, ама бавно ни оди – требаше да задоцниме?!

***

Немаме нови противпожарни возила, но затоа имаме нови државни лимузини.

– Да можело така еден пожар да се изгаси, сите ќе одевме пешки на работа.

***

Нема преговори со ЕУ, не можете да го решите спорот со Бугарија, џабе Преспанскиот договор.

– Да не треба името да го вратиме?!

***

Како се здушивте вака со ДУИ?

– Тие рекоа федерализација. Јас им реков, ако не па канализација да ви дадеме. И бидна…

***

Има голема корупција.

– Тоа е убавината на демократијата.

***

Правосудството ни е катастрофа.

– Да не треба на обвинители и на судии да им се јавувам?!

***

А не им се јавувате?

– Не тропај глупости!

***

Притвореници и затвореници ви шетаат по улици и патишта.

– Па за што градиме, да можат луѓето слободно да шетаат!

***

Почна учебната година, нема учебници…

– Кога бев дете, да не читавме учебници случајно… И што ми фали, премиер станав!

***

Велат дека лошо владеете.

– Ако не па Грујо да го вратиме…

The post Заевизми appeared first on plusinfo.mk.