Зоран Заев и Венко Филипче ги избришаа одлуките на АСНОМ со кои е конституирана модерната македонска држава, за нив националното понижување е гордост – рече Валентин Манасиевски, член на ЦК на ВМРО-ДПМНЕ на прес конференција.

– Заев и Филипче ги избришаа одлуките на АСНОМ, го променија знамето, името на државата, а сега на ред им се јазикот, идентитетот, културата и историјата. Заев и Филипче се ставени на услуга на Бугарија поради уцени од група бугарски политичари поради нивното криминално минато.

За Зоран Заев и Венко Филипче терминот „северномакедонци” е гордост и успех на нивната политика која не доведе да бидеме држава со која другите се потсмеваат, потценуваат и не гледаа како потчинети.

Од тие причини граѓаните им пресудија на 4 изборни цуклуси по ред, а на следните избори ќе добијат црвен картон и ќе исчезнат од политичкиот спектар во Македонија – рече Манасиевски.

The post ЗАЕВ И ФИЛИПЧЕ ГИ ИЗБРИШАА ОДЛУКИТЕ НА АСНОМ СО КОИ Е КОНСТИТУИРАНА МОДЕРНАТА МАКЕДОНСКА ДРЖАВА За нив националното понижување е гордост appeared first on plusinfo.mk.

Шефот на Јавното обвинителството за гонење на организиран криминал и корупција, Ислам Абази со полна пареа си одработува за челното место на кое го ставија СДСМ и ДУИ – обвинува ВМРО-ДПМНЕ.

„Како кадар на Али Ахмети, Зоран Заев, Венко Филипче, Абази ги спасува од одговорност криминалците во редовите на СДСМ и ДУИ, па така донесе одлука за стопирање на постапката за случајот „Мазут” за сторен криминал тежок 167 милиони евра“ – пишува ВМРО-ДПМНЕ во соопштение.

Партијата тврди дека Абази е под лична и политичка концесија кон Ахмети, Заев и Филипче, како ментори на неговата професионална кариера во чие време стана шеф на ОЈО ГОКК.

„Затоа Абази не виде криминал, којшто цела јавност го виде и слушна, во предметот за набавката на мазут вредна 167 милиони евра за потребите на ТЕЦ Неготино од лицата блиски до ДУИ и СДСМ, како што се Васко Ковачевски, Ерџан Сулкоски, Ратко Капушевски и Асмир Јахоски и нивните партнери.

И покрај тоа што стручни истражители од Министерството за внатрешни работи, обезбедиле релевантни докази за оваа коруптивна и криминална набавка, сепак Ислам Абази и неговата соработничка Коларевиќ од ОЈО ГООК, одлучуваат оваа истрага да биде прекината и за тоа кривично никој да не одговара.

Згора на тоа и АД ЕСМ излезе со јавна реакција во која вели дека обвинителството ги искривило исказите и наодите на вештите лица кои немаа надлежност да зборуваат за финансиската штета која е предизвикана на претпријатието.

Тоа што треба да се знае е дека Советот на јавните обвинители, по закон, има обврска да ја следи работата на обвинителите и согласно овие законски надлежности обвинителот Ислам Абази и неговата колешка Коларевиќ, треба да бидат темелно испитани и сослушани.

Заедно со нив, исто така, треба да биде истражена и постапката и начинот на којшто тие одлучуваат да го прекинат овој случај наречен „Мазут” и обвинетите, уште пред да појдат на суд, да ги амнестираат од каква било одговорност или од какво било обвинение.

Тоа е предмет за кој постојат сериозни индиции и сомнежи за криминал, корупција, перење пари, но и загадување на животната средина и со тоа и труење на граѓаните и македонската јавноста има право да го дознае секој детал за оваа набавка која, веројатно, буџетот го оштетила за 167 милиони евра, а граѓаните ги труеше со мазут кој сериозно го загадувал воздухот“ – се вели во соопштението на ВМРО-ДПМНЕ.

Во спротивно, ќе испадне дека одредени истражувачки новинари беа поефикасни во истрагата за предметот од обвинителите Ислам Абази и Коларевиќ, на кои тоа им е работа.

Владеење на правото во државата мора да се воспостави, законот мора да важи еднакво за сите и секој кој се огрешил да одговара пред лицето на правдата.

Но, со вакви скандалозни и контроверзни одлуки за прекинување на истрагите, не се воспоставува правна држава, не зајакнува владеењето на правото и не се враќа и така ниската од 2% доверба на граѓаните во правосудството.

Затоа потребно е оставка од Ислам Абази и постапка од Советот на ЈО за него и Коларевиќ како ја донеле одлуката за стопирање на постапката за предмет од голем јавен интерес“ – пишува ВМРО-ДПМНЕ во соопштението.

The post АБАЗИ ИМ Е ВЕЧЕН ДОЛЖНИК НА СДСМ И НА ДУИ ЗА ВРТОГЛАВИОТ НАПРЕДОК ВО КАРИЕРАТА Затоа сега не гледа криминал во случајот „Мазут за ТЕЦ Неготино“ appeared first on plusinfo.mk.

Таму каде што Зоран Заев застана со антидржавната политика, сега продолжува Венко Филипче. Со прифаќањето и потпишувањето на капитулантските договори, Заев почна да го брише терминот „македонски“, додека Филипче чувар на заевата фотелја во СДСМ, спремен е да ја впише непостоечката и навредлива за нас Македонците придавка, „северномакедонски“ – пишува ВМРО-ДПМНЕ во соопштение.

„СДСМ и Филипче, не само што немаат проблем што дел од соседите не нарекуваат со тој термин, туку тие се горди на своето дело и за нив тоа претставува и голем успех. Како пиун на новиот бугарски премиер, Румен Радев, како некогаш Заев на Борисов, Филипче и неговата СДСМ немаат проблем да водат антинационална и антидржавна политика, која е во интерес на бугарските власти.

Само за нив, нема ништо лошо Бугарија да го негира нашето постоење пред 1944 година, нашите револуционери и дејци да бидат нивни и нашиот македонски јазик да го сметаат за дијалект на бугарскиот јазик. Ова негирање СДСМ и Венко Филипче дури и не го ни гледаат.

Како приврзаник и послушник на Радев, Филипче и СДСМ се единствените кои повикуваат прифаќање на бугарскиот ултиматум и бараат итно спроведување на уставните измени, кои се првиот чекор од сетот барања кои самата Бугарија, односно нејзините власти, јасно кажуваат дека понатаму ќе ги има.

Ова само докажува дека СДСМ и Венко Филипче се на иста линија со Бугарија, барањата, ставовите и речникот им се исти. Нема разлика меѓу официјална Софија, СДСМ и Филипче.

Вака отворено против својата држава и народ може да делува и работи само уценет политичар, друго објаснување за ваквата антидржавна политика, нема.

Иако изминативе дена јавно го прашуваме, Филипче молчи и одговара со што толку е уценет од група бугарски политичари за вака антидржавно и антинародно да се однесува, и дали во оваа уцена е вклучен и неговиот ментор, Зоран Заев.

Кога веќе Филипче не одговара на прашањата, му упатуваме апел да се вразуми и да почне да работи и делува во заштита на македонските интереси, а не како до сега да биде главен лобист на бугарската агенда.

На Македонија ѝ се потребни јасни гаранции дека уставните измени ќе бидат последното барање и последната отстапка што државата ќе ја направи на евроинтегративниот пат и тоа може да се постигне само со национален консензус на сите домашни политички чинители.

Влезот на Македонија во ЕУ треба и мора да биде достоинствен, како што прилега на една горда и исправена држава, со исполнети Копенхашки критериуми, а не понижена со национални и идентитетски отстапки“ – се вели во соопштението на ВМРО-ДПМНЕ.

The post КАДЕ ШТО ЗАСТАНА ЗАЕВ, ПРОДОЛЖУВА ФИЛИПЧЕ Едниот бришеше „македонски“, другиот впишува „северномакедонски“ appeared first on plusinfo.mk.

Повеќе од јасно е дека раководството на СДСМ води политика што создава сомнеж во јавноста дали воопшто партијата ги застапува македонските национални интереси или работи во полза на туѓи агенди и наративи – изјави на прес-конференција портпаролот на ЗНАМ Никола Мемов.

– СДСМ со години наназад води политика на национални отстапки, релативизирање на македонскиот идентитет и поткопување на државните позиции. Се започна од интервјуто на Зоран Заев за БГНЕС, каде јасно и гласно го изедначи македонскиот јазик и култура како исти и заеднички со бугарскиот јазик и заедничка историја. Потоа следуваше изјава од тогашниот претседател Стево Пендаровски со кои дополнително се отворија контроверзии околу ликот и делото на Гоце Делчев, нарекувајќи го Бугарин.

Следствено на ова, се потпиша и т.н. Француски предлог, прифатен од владата на СДСМ предводена од Димитар Ковачевски, што претставува најголема дипломатска капитулација и отстапки на штета на македонските позиции.

Дополнително, членот на Централниот одбор на СДСМ, Рубин Земун, со својот последен јавен настап ја минимизира улогата и значењето на Гоце Делчев, како историска личност кој е темел на македонската државност.

Венко Филипче, во континуитет инсистира на уставни измени и внесување на Бугарите во Уставот, притоа релативизирајќи ги постојаните негирања и провокации што доаѓаат од официјална Софија кон македонскиот идентитет, јазик и историја – рече Мемов.

Според него, со ваквите ставови и политики Венко Филипче станал политички мегафон на Софија во Скопје, промовирајќи наративи што директно им штетат на македонските национални позиции и достоинството на македонскиот народ.

– Се поставува прашањето која е заднината на ваквите бугарофилски политики на СДСМ, кога упорно промовираат наратив што директно се коси со чувствата и ставовите на македонскиот народ?! Во чие име се води оваа политика на релативизирање на македонскиот идентитет?!

Во чии интереси се шири тезата дека Бугарија не го оспорува македонскиот национален идентитет, кога секојдневно сме сведоци на спротивното?!

Зошто СДСМ постојано се обидува да ја прикрие сопствената политичка одговорност зад флоскулата за европскиот пат, додека истовремено ги блокира и бојкотира реформските процеси во Собранието?!

Се сомневаме дека вистинските мотиви за ваквиот наратив лежат во европската иднина на државата, туку во заштита на лични бизнис интереси, капитал и економски релации поврзани со Бугарија – рече портпаролот на ЗНАМ.

Затоа, рече Мемов, јавноста заслужува одговор на следниве прашања:

– Дали е точно дека Венко Филипче ја поседува фирмата во POWER i8 Ltd., ЕИК 207164506, регистрирана во Петрич, со дејност поврзана со недвижности?

– Дали семејството Заеви е поврзано со фирмата GOMASIDRA Ltd., ЕИК 204619751, исто така регистрирана во Петрич?

– Дали на истата адреса во Петрич, ул. „Гоце Делчев“ бр. 12, се регистрирани и други компании поврзани со лица блиски до Заеви?

– Дали постоењето и работењето на овие фирми се основната причина за ваквите бугарофилски политики на СДСМ?!

– Дали членовите на СДСМ се заложници на раководството и нивните политики кроени од нивните лични и бизнис интереси?

Го повикуваме Венко Филипче да се одважи, охрабри и да објасни што работат овие фирми во соседна Бугарија и која е нивната цел.

Ги повикуваме и членовите и симпатизерите на СДСМ да не поддржуваат вакви штетни политики и да не бидат нивни заложници.

Движењето ЗНАМ за Наша Македонија, базирајќи се на основните темели на постоење на македонската држава, Илинден и АСНОМ, ги остава вратите отворени за сите искрени и чесни членови и симпатизери на СДСМ – рече портпаролот Мемов.

На новинарско прашање дали е точно дека партијата се распаѓа, како што тврди СДСМ, особено поради заминувањето на еден пратеник и една советничка и дали има вина во самата партија, портпаролот на ЗНАМ Мемов одговори:

– Една третина од гласовите што ги имаше СДСМ се на контото на ЗНАМ, веќе во континуитет, од претседателските избори, преку парламентарните и локалните избори. Нормално е дека СДСМ имаат против партијата Движење ЗНАМ – За Наша Македонија и ние го разбираме тој факт. Контиунуирано работат на ослабнување на позициите на Движењето ЗНАМ.

Но, ЗНАМ е стабилна политичка партија, којашто секојдневно расте. На терен имаме 54 општински организации коишто работат деноноќно. Пратеничката група е стабилна, ние ги кажавме позициите за заминувањаето на пратеникот Цеков.

На прашањето како гледаат од ЗНАМ на разговорот на премиерот Мицковски со Јавниот обвинител Савески, како коалициски партнер, во делот на Етичкиот кодекс за работа и дали треба да се слушаат и разговараат во светло на најавената интерпелација од СДСМ за премиерот, Мемов нагласи:

– Апсолутно дека треба да разговараат и да комуницираат сите институции од било какво ниво на власт. Власта е поделена согласно Уставот на извршна, законодавна и судска и тука не гледам дека има простор за забрана на било каква комуникација.

Забрането е влијанието и сугестиите од извршната врз судско-обивнителската власт.

Апсолутно е демократско правото на политичките партии да покренат интерпелација за било кој јавен функционер избран во Собранието на Република Македонија – рече портпаролот на ЗНАМ Никола Мемеов.

The post ФИЛИПЧЕ ОДРАБОТУВА ЗА СОФИЈА ЗАШТО ТАМУ ИМА БИЗНИС ИНТЕРЕСИ Дали знае чии се овие фирми, прашува ЗНАМ appeared first on plusinfo.mk.

Имаме сведоштва од обвинители и судии дека Зоран Заев, Радмила Шеќеринска и Оливер Спасовски биле тие кои кажувале кој ќе се гони, а кој не, а телефонски повик меѓу раководители на институции не е криминал – оцени ВМРО-ДПМНЕ во соопштение.

„Обвинителката Лејла Кадриу од поранешното СЈО, јавно сведочеше дека Зоран Заев и Радмила Шеќеринска, оделе навечер во тогашните канцеларии на СЈО, и на обвинителите Ленче Ристовска, Гаврил Бубевски, Фатиме Фетаи и Лиле Стефанова им диктирале кој предмет да се работи, кој не, и кој поединец да биде опфатен со одреден предмет, а кој да биде изземен од политичкиот прогон кој го извршуваа, благодарение на Катица Јанева.

Поранешен судија на Врховниот суд, Ристо Катевеновски јавно изјави дека бил разрешен откако не дал позитивно мислење за случајот со Мерцедесот и Гордана Јанкуловска, утредента на вонредна седница на Судски совет, веќе бил разрешен од функцијата. Во кратки црти, Катевеновски бил разрешен затоа што не постапил по политичка директива.

Да не ја заборавиме и Добрила Кацарска, која делуваше по насоки на Заев, за што и стана Уставен судија, и за Вилма Русковска од обвинителството, која по насока на Заев бараше 200 години затвор за уставобранителите, за дело кое не соодвествува со реалноста. Тогаш СДСМ молчеше и не ги осудуваше тие случувања.

Сега СДСМ реагира за телефонски разговор помеѓу претседател на Влада и државен јавен обвинител. Што е тука криминал, ако премиер побара да се информира за скандалот со ослободување од одговорност за милионски криминал во ТЕЦ Неготино? Вака, СДСМ директно се вклучува во одбрана на Васко Ковачевски кој е ослободен во бегство од политичкото обвинителство водено од Ислам Абази, кадарот на Али Ахмети, Зоран Заев и Венко Филипче“ – пишува ВМРО-ДПМНЕ.

The post ИМАМЕ СВЕДОШТВА ДЕКА ЗАЕВ, ШЕКЕРИНСКА И СПАСОВСКИ НАРАЧУВАЛЕ КРИВИЧЕН ПРОГОН Телефонски повик меѓу раководители на институции не е криминал appeared first on plusinfo.mk.

СДСМ и Венко Филипче во едни соопштенија го обвинуваат ВМРО-ДПМНЕ за србофилство, а во други за бугарофилство, а во исто време Зоран Заев и Венко Филипче имаат документи за престој и златни визи од Дубаи – забележува ВМРО-ДПМНЕ во соопштение.

„Очигледно Венко Филипче е сервилен слуга на Зоран Заев, а Заев ја даде СДСМ под кирија на Румен Радев. Како што имаше директни сведоштва од Бугарија дека Заев добил пари од Софија, а за возрат ветувал прислушувани разговори, со кои тргувал пред да стане премиер, и ветувања за други бизниси, сега е многу веројатно дека Заев ја користел Софија за перење на криминално стекнат капитал поради што е уценет и сега одработува за Бугарија.

Притисоците од СДСМ за прифаќање на бугарските диктати не се ништо друго освен одработување на уценетите предавници и котиња, Заев и Филипче. Овие уценети котиња сакаат сега да ја фрлат Македонија на колена со нови предавства. Затоа им смета ВМРО-ДПМНЕ и ВМРО-ДПМНЕ ќе продолжи да биде брана за предавничките политики на котињата Заев и Филипче“ – пишува ВМРО-ДПМНЕ во соопштение.

The post ЗАЕВ И ФИЛИПЧЕ СЕ УЦЕНЕТИ ДА ОДРАБОТУВААТ ЗА БУГАРИЈА Затоа вршат притисок за уставни измени appeared first on plusinfo.mk.

Венко Филипче уште еднаш, и тоа пред гробот на Гоце Делчев, потврди дека е спремен да ги распродава националните интереси исто како неговиот ментор Зоран Заев, само за да си ја зачува фотелјата на Бихачка и да дојде до власт, се наведува во соопштението од ВМРО-ДПМНЕ.

„Филипче кажа дека „Бугарија не го негира идентитетот на Македонија“ и покрај отвореното негирање на Бугарија на идентитетот, на Гоце Делчев, покрај барањата на Бугарија за промена на учебниците, покрај оспорувањето на јазикот, Филипче ја потврди неговата сервилност и спремност за уставни измени веднаш, без услови и без гаранции дека тоа ќе биде последната пречка за државата“ – се наведува во соопштението.

Според ВМРО-ДПМНЕ тоа е доказ дека СДСМ на чело со Филипче е „конзистентен во предавничките политики исто како и неговиот гуру Заев“.

„Филипче нема црвени линии и заборава дека токму тој став и погрешната политиката на отстапки на СДСМ , Заев и останатите во минатото ја доведоа државата во состојба на константни уцени и блокади од Бугарија. Додека Филипче ја убедува јавноста дека „нема проблем“, во позадина е спремен на се и секакви отстапки кои директно удираат врз македонските интереси.

Филипче и СДСМ се проевропски само кога тоа им треба како во кампања кога ветуваа бесплатно здравство, квалитетно образование и повисоки плати. А од сето тоа добивме фотографија од авион на чиј лет ни беше ветен датумот за влез во ЕУ.

Филипче и СДСМ се проевропски само кога прават злоупотреба на европско знаменце во Собранието, а во реалноста делеа тендери, државјанства и вдомуваа луѓе блиски до Путин.

Додека СДСМ и Филипче се продаваат како проевропски, владеењето на СДСМ беше обележано по тоа што спротивно на националните интереси, издаваше македонски пасоши на белосветски наркобосови и криминалци, како што беше и државјанството на рускиот олигарх близок до Путин и осуден криминалец во Украина за перење пари и корупција, Александар Онишченко“ – се вели во соопштението на ВМРО-ДПМНЕ.

Според партијата ВМРО-ДПМНЕ, неопходна е јасна стратегија и јасен план за интеграцијата на државата, со прецизно дефинирани државни позиции кои ќе бидат доследно бранети и почитувани, нешто што, како што се наведува, „СДСМ и Филипче не го нудат и немаат црвени линии“.

The post ФИЛИПЧЕ ГИ ИМА ИСТИТЕ ПРЕДАВНИЧКИ ПОЛИТИКИ КАКО ЗАЕВ Спремен е да ги распродаде националните интереси appeared first on plusinfo.mk.

ВМРО-ДПМНЕ обвини дека опозициската СДСМ и лидерот на партијата Венко Филипче се во тотален хаос и настапуваат без јасна стратегија и концепт.

Во партиското соопштение се наведува дека Филипче „декларативно е проевропски, но реално е без правец и стратегија, обидувајќи се да ја скријат паниката и нервозата поради колапсот на сопствениот рејтинг“, како и дека се обидува да се претстави како арбитер за европскиот пат без да поставува црвени линии.

Од ВМРО-ДПМНЕ тврдат дека Филипче е подготвен за уставни измени „веднаш, без услови и без гаранции дека тоа ќе биде последната пречка за државата“, оценувајќи дека тоа претставува продолжение на политиката на отстапки.

„Венко Филипче е спремен да ги распродава националните интереси исто како неговиот ментор Заев, само за да си ја зачува фотелјата на Бихачка и да дојде до власт. Филипче отворено најавува подготвеност за уставни измени веднаш, без услови и без гаранции дека тоа ќе биде последната пречка за државата. Тоа е конзистетност на истата политика на отстапки како Зоран Заев и останатите кои поради нивната сервилност, ја ставија Македонија во ситуација да се соочува со блокада на патот кон ЕУ“, велат од ВМРО-ДПМНЕ.

Партијата дополнително го обвини Филипче дека манипулира со јавноста преку, како што велат, спинување на изјави од европски претставници, како и дека СДСМ „со месеци ширел невистини“ за средствата од ИПАРД програмата.

„Граѓаните заслужуваат чесна политика, јасни позиции и заштита на националните интереси. СДСМ и Филипче не го нудат тоа“, се наведува во соопштението на ВМРО-ДПМНЕ.

The post ФИЛИПЧЕ ЈА ПРОДОЛЖУВА ПОЛИТИКАТА НА ЗАЕВ Жестоки обвинувања од ВМРО-ДПМНЕ appeared first on plusinfo.mk.

Српските опозиционери Бранко Ружиќ и Јован Ратковиќ одржале средба во Скопје со генералниот секретар на СДСМ Александар Саша Димитријевиќ, чија цел била формирање опозициски фронт, а учесниците имале директни насоки и упатства од Зоран Заев и Зоран Башановиќ, рече Валентин Манасиевски, член на ЦК на ВМРО-ДПМНЕ, денеска на прес-конференција.

– Откако не добивме демант од Димитријевиќ за средбата која се одржала во Скопје, денес го откриваме и вториот важен играч во целата оваа игра. Имено, станува збор за Јован Ратковиќ, за кој според јавно достапните информации, знаеме дека е меѓународен секретар и член на претседателството на Социјалдемократската партија (СДС) во Србија, која инаку е дел од Партијата на европски социјалисти (ПЕС) во која членува и македонската СДСМ на Заев.

Зошто е важен господинот Јован Ратковиќ? Затоа што станува збор за човек кој е еден од основачите на движењето „Отпор!“ од Србија, кое одигра пресудна улога во соборувањето на српските власти на почетокот на милениумот.

Според јасните инструкции и насоки од Башановиќ и Заев, тројката составено од Бранко Ружиќ, Јован Ратковиќ и Александар Саша Димитријевиќ, одржала средба во Скопје на која било дискутирано за натамошните дејствија на овој таканаречен опозициски фронт.

За жал, СДСМ се става на услуга на друга партија во друга држава, додека нивната партија во Македонија има рејтинг кој се мери на една рака. СДСМ, предводена од чиракот на Заев, Филипче и неговиот послушник Димитријевиќ, за жал се распаѓа поради послушноста кон врховниот лидер Заев, чиј доказ е неговиот пречек на роденденот на СДСМ. Сè додека СДСM не се дистанцира и не се огради од Зоран Заев, нема да застане на нозе – рече Манасиевски.

The post ЕДЕН ОД ЛИДЕРИТЕ НА СРПСКИ „ОТПОР“ ГО УЧИ СДСМ КАКО ДА ФОРМИРА ОПОЗИЦИСКИ ФРОНТ Манасиевски тврди дека Јован Ратковиќ бил на средба во Скопје appeared first on plusinfo.mk.

The post 🎥 ФАТЕН МОМЕНТОТ КОГА ЗАЕВ СЕ „ВРАТИ ДОМА“ Некој „до уши“ се насмеал, друг го сонувал… appeared first on plusinfo.mk.