Мицкоски ја упати Јотова советите да ги даде и до тие земји-членки на ЕУ кои што треба конечно да ги почитуваат човековите права.

– Имаме 14 пресуди за македoнската заедница во Бугарија. Ги повикувам истите овие кои што нас ни даваат совети, да ги советуваат и бугарските власти, да ѝ дозволат на македонската заедница барем да се организира во невладини организации. Не бараме да бидеме дел од Уставот, туку да се организираат во невладини организации. Тоа можат да го направат во таа насока – кажа Мицкоски од општина Гази Баба, каде што присуствуваше на поставување на камен-темелник за нова училишна зграда.

Јотова вчера од Ќустендил советуваше дека Македонија треба подобро да ги разбира европските вредности.

– Би сакал да ги повикам моите колеги од Република Македонија да ги читаат европските вредности со поголемо разбирање, бидејќи тогаш, кога ќе започнат вистинските преговори за пристапување во ЕУ, постои едно главно прво поглавје, Основни права. Овие права минуваат низ целиот преговарачки процес и ако има барем една земја која верува дека не се почитуваат човековите права, особено оние на претставниците на различни народи и народи, овој процес никогаш нема да заврши – рекла Јотова.

Според неа, нашата земја не знае да го почитува Договорот за добрососедство, при што додала дека „Бугарите никогаш не биле воспитувани да ги навредуваат соседите, ниту да имаат територијални, јазични или културни и претензии“.

Бугарската потпретседателка ова го кажа на настан со наслов „Бугарите на Балканот надвор од границите по 1878 година. Кодекс на опстанок“, кој се одржал под покровителство токму на Јотова и на кои учествувале и претставници на бугарските заедници од Македонија, Албанија, Грција, Косово, Романија, Турција и од Србија.

The post БУГАРИЈА ДА ЈА СОВЕТУВАТЕ ЗА ЧОВЕКОВИ ПРАВА, А НЕ МАКЕДОНИЈА Мицкоски жестоко возврати на изјавите на Јотова appeared first on plusinfo.mk.

„Спорт во рамки на канцелариите нема да се практикува, постојат спортски сали за тоа. Вториот дел мене како правник ми пречи тоа што ова министерство се нарекуваше „за политички систем“ кога знаеме дека сè ова што ние го работиме е политички систем. И Собранието е политички систем, Владата, дури и судовите се политички систем“.

Вака вели Стефан Андоновски, секретар за меѓународна соработка на ВМРО-ДПМНЕ во интервју за Радио Слободна Европа. Тој најави дека во новата влада најверојатно нема да има вицепремиери како што беше пракса во претходната, а дека ќе има трансформација во Министерството за политички систем.

– Тоа е таа поделба на власта кај нас која постои и е на три дела. Беше чудно што еден министер е задолжен за цел политички систем во државата односно за еден ресор. Така што мислам дека ова ќе се трансформира само во Министерство за односи меѓу заедниците додека политичкиот систем има една малку поширока димензија – објаснува Андоновски.

Според него „треба да има човек во Влада кој ќе се грижи за политички систем, но тоа да има една поширока димензија, а не ресорски со сектори и мислам дека оперативно ќе почне да работи ова министерство во смисла за правата на сите заедници“.

Андоновски најави и дека ВМРО-ДПМНЕ разговара и со други политички партии за зголемување на владиното мнозинство што би било бенефит за носење крупни законски одлуки.

The post „НЕМА ВЕЌЕ ФУДБАЛ ВО МИНИСТЕРСТВОТО НА ГРУБИ“ Ќе има измени во Министерството за политички систем, најави Андоновски од ВМРО-ДПМНЕ appeared first on plusinfo.mk.

Ахмети смета дека Мицкоски не направил добро што излегол на митинг на својата партија и побарал да не се даде ниту еден глас за кандидатите на Европскиот фронт.

– Тој не требаше да ја започне оваа битка бидејќи со мене не може да излезе на крај, јас не сум го провоцирал туку сум кажал една вистина дека тој сѐ уште нема ниту еден ден на чело на државата. Тој е седум години опозиција и не знае како се раководи државата, тој не знае како се градат институциите, ние сме држава и сносиме одговорност за раководење на државата, сносиме одговорност за да нема меѓуетнички разлики, сносиме одговорност да не повикуваме за да гласаат или да не гласаат против овој или оној. Народот е тој што одлучува и воопшто не е навреда за Христијан Мицкоски туку е совет од еден човек кој има 22 годишно искуство во политичкиот организацискиот живот и водење на државата – вели Ахмети.

Запрашан за денешната изјава на претседателот на ВМРО-ДПМНЕ дека Ахмети по изборите ќе замине во политичка пензија, лидерот ДУИ рече дека Мицкоски не одлучува кој е за пензија, туку граѓаните.

– За пензија не одлучува Христијан туку граѓаните. Ние сме во трка, трката ќе утврди кој каде. Да го потсетам Христијан Мицкоски дека јас како него досега деветмина политичари сум пензионирал…… Добро е да не брза со овие проценки… – вели Ахмети.

Според него, најголемите политичките партии треба да имаат и најголема одговорност, и да бидат тие кои предничат со цел да се зближуваат граѓаните.

– Зборувам за минатото и грешките од минатото не смееме да дозволиме денес да ни се повторат, како што кажа Мицкоски не гласајте за кандидатот на Фронтот, не гласајте за Али Ахмети, не гласајте за ДУИ или и со други навреди во кампањата. Има се уште предрасуди кај македонската заедница, најголемата заедница. Со секое унапредување на правата на Албанците и помалите заедници како што се турската, бошњачката, ромската, се чувствува загриженост дека ќе им се одземе државата, што не е така. Охридскиот договор, правата на заедниците што ги добиле само ја зајакнува државата, ја бетонира државата затоа што се зголемува лојалноста на граѓаните во однос на државата – рече Ахмети.

За извиците УЧК на вчерашниот митинг во Скопје, тој кажа дека „тие биле природни, бидејќи без ОНА немало да биде денешната Македонија“.

– Пред 15 години на истиот плоштад повикав на минута молчење за сите војници на ОНА. Затоа, кога го слушнав екот на младите кои извикуваа ОНА, сигурно дека ме вратија во 2001 година, но сигурно дека тој плоштад бил преполн со луѓе дојдени од четири страни, патриоти, за да дадат поддршка за една филозофија, за една платформа која ја чувствуваат како своја и извиците ОНА се природни бидејќи без ОНА немаше да биде денешната Македонија оваа која е, или пак немаше воопшто да постои. ОНА беше таа која го промени политичкиот, правниот статус на Албанците во Македонија, но и другите заедници кои беа присутни таму и прв пат овие заедници влегоа заедно во еден фронт бидејќи и тие видеа дека ОНА и на нив им го смени политичкиот и правниот статус, и тие добија некои нивни права, независно што после 20 години, но сега е соодветниот момент, овој важен момент и за нив, но повеќе за нас како најголемата заедница во земјава. Нема потреба да се срамиме да се извикува ОНА во сите плоштади и градови во Р. Македонија – изјави Ахмети.

The post МИЦКОСКИ НЕ МОЖЕ СО МЕНЕ ДА ИЗЛЕЗЕ НА КРАЈ Ахмети му порача на Христијан дека досега пензионирал деветмина политичари како него appeared first on plusinfo.mk.

„Господине Бујар Османи, 61 пратеник не ги исклучува заедниците, бидејќи сите системски закони се носат по Бадентер, туку ги исклучува криминалците од ДУИ кои се спремни да продадат сè, за да си ја зачуваат фотелјата и да продолжат да уценуваат, мислејќи дека така ќе се спасат од одговорност за криминалот и штетата што ѝ ја нанесоа на државата.

#МакедонијаПовторноГорда“, стои во нејзиниот пост.

Бујар Османи (@Bujar_O) 61 пратеник не ги исклучува заедниците, бидејќи сите системски закони се носат по Бадентер, туку ги исклучува криминалците од ДУИ @BDI_DUI, … pic.twitter.com/snVmhm6p5u

— Гордана Силјановска Давкова (@gogamkd) April 13, 2024

„ОПОЗИЦИЈА НА ЕВРОПСКИОТ ФРОНТ Е ШОВИНИЗМОТ КОЈ БАРА 61 ПРАТЕНИК“ Османи од Охрид порача дека изборот е меѓу интеграција и изолација

The post 61 ПРАТЕНИК НЕ ГИ ИСКЛУЧУВА ЗАЕДНИЦИТЕ ТУКУ КРИМИНАЛЦИТЕ ОД ДУИ Силјановска-Давкова му одговори на Османи appeared first on plusinfo.mk.

Ескобар, исто така, за Гласот на Америка изјави дека косовскиот премиер Албин Курти „не мора да се согласи” со формирањето на Заедницата на српските општини бидејќи „Косово веќе се согласило”.

На прашањето дали дијалогот меѓу Белград и Приштина наскоро ќе биде обновен, Ескобар одговори дека „на прво место дијалогот не ни запре”, и „предизвикот беше што тој стана инструмент за решавање на кризите”.

„Сакаме повторно да го вратиме на стратешко ниво врз основа на француско-германскиот предлог. Мислиме дека тој предлог е добар. САД целосно го поддржуваат тој предлог и сакаме тоа да биде добро решение за двете земји. Со други зборови, Сакаме тоа да отвори европска перспектива за двете земји, да отвори можност за поголема соработка не само со Европа, туку и со регионот и со САД” .

Ескобар рече дека меѓународната заедница бара од косовскиот премиер Албин Курти да формира Заедница на српски општини, нагласувајќи дека тој дел од договорот ќе се спроведе.

„Еден човек и една партија не можат да се откажат од спроведувањето на правно обврзувачките точки, тоа е факт. Ние ќе го направиме тоа, јас ќе го направам со наоѓање партнери, има многу луѓе кои би сакале да видат подобри односи меѓу Србите во север и остатокот од земјата”, рече Ескобар.

Ескобар рече и дека формирањето на ЗСО и преговорите за француско-германскиот предлог „не се целосно поврзани”.

The post „КОСОВО ВЕЌЕ СЕ СОГЛАСИ“ Ескобар вели дека не е важно веќе што ќе каже Курти appeared first on plusinfo.mk.

Повикуваат на внимателност при движење во поле и низ шумите, и да не се палат отпадоци, меѓи и стрништа на нивите и да не се фрлаат неизгаснати догорчиња.

– Покрај ова, на оние кои ќе престојуваат на излетничките места, им се укажува да се воздржат од палење огнови, кои брзо можат да пламнат и да се прошират наоколу, а со тоа да предизвикаат и материјални и други последици од несогледливи размери. Исто така, на отворен простор да не се оставаат стаклени шишиња или други предмети, кои подолго време изложени на сонце, можат да причинат пожар – се наведува во соопштението.

Најавуваат дека доколку граѓаните не се придржуваат на овие апели и препораки ќе се соочат со ригорозни законски санкции, односно со пријави и можни затворски казни од 6 месеци до 8 години, зависно од видот на пожарот и другите околности и последици.

– Министерството за внатрешни работи овој месец засилено презема координирани превентивни и други мерки со советодавните групи на граѓани, месните и урбаните заедници, навреме да се пресретнат можните причини за пожари, а во координација со други институции и служби ќе бидат засилени и планираните контролни активности – порачуваат од МВР.

The post МВР СО ПРЕДУПРЕДУВАЊЕ Внимавајте! Мало невнимание може да предизвика пожар со тешки последици appeared first on plusinfo.mk.

Вкупно 3.634 случаи се пријавени во Нов Зеланд. Околу 70% од позитивните меѓу моментално заразените се Маори и Пасифики, кои сочинуваат околу 27% од вкупното население. Околу 72% од Маорите добиле единечна доза на „Фајзер“, во споредба со 85% од Пасификите и 88% од сите луѓе на возраст од 12 години и постари.

Вирусот е откриен во најмалку три банди, што ги натера здравствените службеници да им дадат на некои од водачите статус на работник за да се вклучат во тешко достапни заедници.

Криминологот др. Џерод Гилберт изјави за Хералд дека е „храбро“ Џексон што јавно се поврзал со толку широк спектар на луѓе во бандите.

– Ова е пример за тоа што треба да се случи ако сакаме да допреме до тешко достапни заедници – со вработување на луѓе кои се почитувани во тие заедници – вели Гилберт.

The post ЗАЕДНО ПРОТИВ ВИРУСОТ Членовите на новозеландски банди ги повикуваат граѓаните да се вакцинираат (ВИДЕО) appeared first on plusinfo.mk.

На средбата се поздравени мерките и чекорите што ги презема Владата во справувањето со Корона вирусот, во насока на ефикасна заштита на здравјето на граѓаните.

Беше изразена благодарност до премиерот Спасовски за отвореноста за соработка и е изразена силна поддршка да биде направено сè што е возможно од сите страни, за справувањето со ситуацијата.

Премиерот Спасовски ги информираше поглаварите за сите важни информации околу мерките што ги презема Владата за заштитата на здравјето на сите граѓани, како врвен приоритет.

Поглаварите информираа за мерките што тие ги преземаат за поголема заштита на верниците.

Разгледани се можности за максимална заштита на верниците.

Заеднички е ставот дека здравјето на граѓаните е врвен приоритет и дека сите во државата, вклучително и верските заедници и верниците, треба да бидат на ниво на одговорноста со цел да се придонесе за спречување на можно ширење на болеста и непосакуваните последици.

The post Спасовски се сретна со поглаварите на верските заедници appeared first on plusinfo.mk.