Како што соопштија од македонскиот тим на Комисијата, средбата помина во конструктивна работна атмосфера со интензивна расправа за прашања од делокругот на работата на Комисијата.

„Стана збор за евентуални заеднички чествувања. Се водеше дискусија за препораки за македонските учебници за 7 одделение. Се утврдуваше динамиката на работа за првото полугодие за 2025 година. Комисијата го усогласи текстот за нацрт-записникот од 27 седница“ соопшти македонскиот тим.

Следната средба на Комисијата ќе се одржи кон крајот на февруари 2025 година во Скопје.е

Претходната средба се одржа кон крајот на октомври во Скопје, што беше прва средба на новиот состав на македонскиот тим со нивните бугарски колеги.

Новиот состав на македонскиот тим од заедничката комисија беше избран од Владата на 10 септември.

Нов претседател на македонскиот тим е Ванчо Ѓорѓиев, професор на Филозофскиот факултет во Скопје, а членови во Комисијата се Митко Панов, Александар Литовски, Никола Минов, Сашо Додевски, Бесник Емини и Димитар Љоровски.

Претседателот Ванчо Ѓорѓиев порано беше член на Комисијата, но ја напушти во 2021 година. Одлуката да се повлече од Комисијата, како што изјави тогаш, е бидејќи се соочил со политички притисоци во работата.

Заедничката македонско-бугарска комисија за историски и образовни прашања беше формирана како резултат на Договорот за добрососедство меѓу Македонија и Бугарија потпишан на 1 август 2017 година.

Досега Комисијата усвои препораки за заедничко чествување на пет историски ликови – Светите браќа Кирил и Методиј, Св. Наум Охридски, Св. Климент Охридски и Цар Самоил. Комисијата усвои и по пет препораки за измени во учебниците по историја за 6 оделение во Македонија и за 5 клас во Бугарија.

The post МАКЕДОНСКИТЕ И БУГАРСКИТЕ ИСТОРИЧАРИ ЗБОРУВАЛЕ ЗА ЕВЕНТУАЛНИ НОВИ ЗАЕДНИЧКИ ЧЕСТВУВАЊА Дискутирале и за препораки за македонските учебници за 7 одделение appeared first on plusinfo.mk.