Кога родителите не го одобруваат партнерот на својот тинејџер, тоа може уште повеќе да ги зближи, предизвикувајќи го она што психолозите го нарекуваат „ефектот на Ромео и Јулија“, феномен во кој мешањето на родителите го зголемува интензитетот на чувствата на тинејџерот.

Овој поим, откриен од истражувачите Ричард Дрискол, Кит Дејвис и Милтон Липец, бил потврден со истражување на 140 парови, кое покажало дека противењето на родителите често води до посилни врски меѓу тинејџерите.

Како родител, важно е да ги изразите своите грижи во врска со партнерот на вашиот тинејџер, но тоа може ненамерно да поттикне нездрави одлуки.

Клучно е да се разбере дека родителското несогласување може да го направи тинејџерот попосветен на својот однос, дури и ако тоа не е најдобро за нив. Со разбирањето на ова, родителите можат подобро да управуваат со романтичниот живот на нивните тинејџери.

Tрите стратегии за избегнување на ефектот Ромео и Јулија при управувањето со младешката љубов, побарајте ги на порталот „Мајка и дете“.

The post ЗАБРАНЕТА ЉУБОВ КАЈ МЛАДИТЕ Три начини како да ги заштитите децата од ефектот на Ромео и Јулија appeared first on plusinfo.mk.

Двојна трагедија се случи во штипско, откако во рок од 24 часа, момче и девојка поради недозволена љубов си ги одзедоа животите со бесење. Безживотното тело на дваесет и пет годишното момче вчера било пронајдено на локалитетот „Баргала“, а утринава на неговата 21 годишна девојка од селото Аргулица.

Портпаролот на СВР-Штип, Гордана Панајотова потврдува дека утринава во 9.20 часот полицијата добила повик од Итната медицинска помош за пронајдено женско тело во семејна плевна во селото Аргулица. Извршен е увид на местото, а јавен обвинител наредил и обдукција на починатата девојка.

Мештаните во селото Аргулица се во шок, велат дека ова што се случи е двојна трагедија, за девојката потенцираат дека била мирна и вредна, а постојано им помагала доколку им била потребна медицинска помош, бидејќи работела во штипското Инфективно одделение како медицинска сестра и за време на неколкуте бранова била, какошто велат во првите борбени редови да им помага за пациентите во тешка здравствена состојба.

Момчето и девојката биле во врска, но, како,што велат дел од жителите, не им била дозволена, од едно од семејствата. Покрај телото на девојката утринава е пронајдено и проштално писмо.

The post ТРАГЕДИЈА ВО ШТИПСКО Момче и девојка си ги одзедоа животите поради недозволена љубов appeared first on plusinfo.mk.