забранет Archives - plusinfo.mk

НА СРПСКИ МИНИСТЕР МУ БЕШЕ ЗАБРАНЕТ ВЛЕЗ ВО КОСОВО Ристиќ отишол на одбележување на неделникот „Јединство“

МИА — Wed, 25 Dec 2024 11:12:31 +0000

На српскиот министер за информирање и телекомуникации, Дејан Ристиќ, синоќа му беше забранет влез во Косово.

Во соопштението на Министерството се наведува дека иако посетата на Ристиќ била најавена во согласност на процедурите, нему му е забранет влезот еден час пред да пристигне во Косово.

Предвидено беше Ристиќ да присуствува на денешното одбележување на неделникот „Јединство“, единствен печатен медиум на српски јазик во Косово.

Српските власти ја оценија забраната за влез како „уште еден нескриен пример за кршење на правото на слободно движење, слободата на јавно информирање и на слободата на изразување“.

The post НА СРПСКИ МИНИСТЕР МУ БЕШЕ ЗАБРАНЕТ ВЛЕЗ ВО КОСОВО Ристиќ отишол на одбележување на неделникот „Јединство“ appeared first on plusinfo.mk.

Продолжува забраната за влез во Грција најмалку до 25 октомври

МИА — Tue, 13 Oct 2020 10:49:56 +0000

Грција нема да ги отвори границите до 25 октомври од превентивни причини за заштита на јавното здравје од дополнително ширење на заразата на грчка територија, јави државната агенција МИА.

За туристите и странските државјани за кои не постои забрана, дозволен е влез само преку Бугарија, односно преку граничниот премин Промахонас (Кулата) и само со негативен молекуларен тест направен 72 часа пред пристигнувањето. Од останатите гранични премини што се отворени, односно Какавија и Кристалопиги кон Албанија, Евзони (Богородица) кон Северна Македонија, Нимфеа кон Бугарија и Кипи кон Турција, влезот во Грција е дозволен само за одредени категории и исто така со негативен ПЦР тест.

Овие гранични премини се отворени од 7 часот наутро до 23 часот, а забраната не важи за грчки државјани, за лица кои имаат дозвола за престој и лица кои живеат во Грција, за влез на лица со апсолутно неопходни професионални или медицински причини за кои имаат и потребни документи, како и за транзит на болнички возила кои од Косово преку Северна Македонија влегуваат во Грција за хоспитализирање на пациенти кои припаѓаат на дипломатскиот, воениот или административниот персонал на земјите членки на ЕУ и ЕУЛЕКС на Косово.

Втората министерска одлука се однесува на привремената забрана за влез во Грција на „сите државјани на трети земји, од било која влезна точка, на било кој начин и со било кое средство, вклучувајќи ги авионските, морските, железничките и патните поврзувања од превентивни причини за заштита на јавното здравје од дополнително ширење на заразата на грчка територија”, а важи до 25 октомври 2020 година. Исклучок се жителите на Австралија, Грузија, Канада, Јапонија, Нов Зеланд, Руанда, Јужна Кореја, Тајланд, Тунис, Уругвај и Обединетите Арапски Емирати е на сила од денеска.

Исто така, исклучок се и одредени категории граѓани, како што се медицинскиот персонал и здравствените работници, оние кои имаат дозвола за престој во земја членка на ЕУ или земја од Шенген зоната, членови на владини мисии, дипломати, превозници, возачи на камиони што пренесуваат стоки, транзит патници, студенти, лица кои се грижат за стари лица и лица со инвалидитет, како сезонски земјоделски работници.

Станува збор за двете министерски одлуки, кои во изминатите месеци постојано се продолжуваа, прво на секои две седмици, а сега на 12 дена.

The post Продолжува забраната за влез во Грција најмалку до 25 октомври appeared first on plusinfo.mk.

До 31 јули забранет влез во Грција за државјаните на Македонија

МИА — Thu, 16 Jul 2020 09:46:56 +0000

Грција го продолжи до 31 јули 2020 година привременото ограничување на сите авионски, железнички и копнени поврзувања со Северна Македонија, како и забраната за влез на грчка територија на лица од Северна Македонија – јави дописничката на МИА од Атина.

Ограничувањата се „од превентивни причини за заштита на јавното здравје од дополнително ширење на коронавирусот ковид-19 на грчка територија за временскиот период од 16 јули 2020 година до 31 јули 2020 година”.

Одлуката потпишана од министрите за здравство, за транспорт и инфраструктура и за поморство, а се однесува на Северна Македонија, на Албанија и на Турција, вчера беше објавена во Службен весник на Грција, а денеска стапува во сила.

Забраната не се однесува на: грчки државјани, на лица кои имаат дозвола за престој и лица кои живеат во Грција, како и за транспорт на стоки, за влез на лица за апсолутно неопходни професионални причини, но и за транзит на болнички возила кои од Косово преку Северна Македонија влегуваат во Грција за хоспитализирање на пациенти кои припаѓаат на дипломатскиот, воениот или административниот персонал на земјите членки на ЕУ и EULEX на Косово.

The post До 31 јули забранет влез во Грција за државјаните на Македонија appeared first on plusinfo.mk.

Македонските граѓани не можат да патуваат во Италија

МИА — Fri, 10 Jul 2020 06:40:21 +0000

Италија од денеска забранува влез на нејзина територија од 13 земји за кои процени дека имаат премногу случаи на ковид-19.

На списокот, составен од Министерството за здравство, се Ерменија, Бахреин, Бангладеш, Бразил, Босна и Херцеговина, Чиле, Кувајт, Северна Македонија, Молдавија, Оман, Панама, Перу и Доминиканската Република.

– Забраната се однесува на сите што престојувале во тие земји или поминале низ нив во изминатите 14 дена – изјави министерот за здравство Роберто Сперанца.

Патниците од сите други земји надвор од Европската унија и Шенген-зоната можат да влезат во Италија, но по пристигнувањето тие мора да поминат 14 дена во карантин.

– Пандемијата е во најостра фаза низ целиот свет – рече Сперанца

The post Македонските граѓани не можат да патуваат во Италија appeared first on plusinfo.mk.

Американски туристи вратени по слетување во Сардинија

плусинфо — Fri, 03 Jul 2020 11:18:23 +0000

На петмина американски туристи, кои пристигнале во Сардинија во група од 10 патници со приватен авион, им бил забранет влез од италијанската гранична контрола, бидејќи границите на ЕУ сè уште не се отворени за државјани на САД.

Групата американски туристи била запрена во средата, 1 јули, во 21:30 часот на аеродромот Каљари, по слетувањето на приватен авион од Колорадо, јавуваат денеска италијанските медиуми.

На останатите петмина патници, меѓу кои и државјани на Нов Зеланд, Велика Британија и Италија, им бил дозволен влез во земјата, но со задолжителен 14-дневен карантин, но тие се откажале и го напуштиле островот.

The post Американски туристи вратени по слетување во Сардинија appeared first on plusinfo.mk.

Влезот на македонски државјани во Грција забранет на сите гранични премини

МИА — Wed, 01 Jul 2020 10:59:57 +0000

Околу 10 до 15 автомобили од Македонија и Босна и Херцеговина утрово биле вратени од граничниот премин Промахонас/Кулата на грчко-бугарската граница, откако сакале преку Бугарија да влезат во Грција, објавија грчките телевизии „Скај“ и „Мега“.

Конкретниот граничен премин е отворен за влез на туристи во Грција, но само од земјите членки на ЕУ и од третите земји што се најдоа на европската листа, додека пак за македонските државјани, забраната за влез во Грција до 15 јули 2020 важи независно од граничниот премин.

The post Влезот на македонски државјани во Грција забранет на сите гранични премини appeared first on plusinfo.mk.

Германија забрани ограноци на крајно десничарското движење „Рајхсбуергер“

МИА — Thu, 19 Mar 2020 11:54:34 +0000

Германската полиција утрово изврши рација во десет покраини против ограноци на крајно десничарското движење „Рајхсбуергер“, што е обвинето за спроведување антивладини и расистички идеологии.

Министерот за внатрешни работи, Хорст Шихофер за првпат досега ја забрани фракцијата „Обединет германски народ и племиња“, крајно десничарско движење на „Рајхсбуергер, група која го негира постоењето и авторитетот на современата германска Влада.

Министерството за внатрешни работи на Германија соопшти дека околу 400 полицајци заплениле огнено оружје, пропаганден материјал и мало количество на дрога за време на рацијата во домовите на 21 водечки членови на групата.

– Ние се занимаваме со група која дистрибуира расистички и антисемитски списи и на тој начин системски го труе нашето слободно друштво – изјави Шихофер.

Шихофер вети дека ќе се бори против расизмот, исламофобијата и антисемитизмот по серијата злосторства од омраза што се случија минатата година.

Германските власти изјавија дека членовите на новозабранетата група, чии активности биле фокусирани во Берлин, се заканувале на германските полицајци.

Членовите на групата која се нарекува и „Граѓани на Рајхсбуергер“ имаат сличности со движењата на суеверните граѓани на САД.

Групата го отфрла авторитетот на современата германска држава и промовира поим за природни права, мешајќи ја оваа идеологија со крајната десничарска политика и езотеричните теории на заговор.

The post Германија забрани ограноци на крајно десничарското движење „Рајхсбуергер“ appeared first on plusinfo.mk.

Полициски час во Србија од утре од 20 до 5 часот – забрането движење за сите, освен за полицијата и војската

МИА — Tue, 17 Mar 2020 19:58:15 +0000

Од утре од 10 часот во сите градови во Србија ќе биде забранет излез за сите постари лица од 65 години, а во селските средини излезот ќе биде забранет за лицата постари од 70 години – изјави српскиот претседател Александар Вучиќ, вечерва на вонредна прес конференција.

Како што јави дописникот на МИА од Белград, Вучиќ кажа дека „од утре во 20 часот до 05 часот ќе биде забрането движење на улиците во Србија на сите лица, освен органите на власт и оние кои ќе имаат работна обврска.“

– Војска ќе ги преземе сите гранични премини, мигрантски центри, болници и други објекти, изјави Вучиќ, објаснувајќи ги најновите мерки на Србија во борбата против пандемијата на коронавирус.

Целта ни е да за два до три дена да се бидат укинати сите автобуски и железнички линии, бидејќи целта ни е луѓето да останат во своите домови.

Вучиќ кажа дека Србија ќе излезе во пресрет на барањата на соседите и ќе и „излезе во пресрет на барањата на Северна Македонија за извоз на пченка и брашно.“

The post Полициски час во Србија од утре од 20 до 5 часот – забрането движење за сите, освен за полицијата и војската appeared first on plusinfo.mk.

Ќе се забрани влез во Брисел

МИА — Tue, 17 Mar 2020 08:16:06 +0000

Претседателката на Европска комисија, Урсула фон дер Лајан најави дека на денешната видео конференција земјите-членки на Европска унија треба да го прифатат предлогот на ЕК за привремена забрана за влез во Европска Унија за сите они кои немаат важна причина за патување.

– Рестрикцијата првично ќе трае 30 дена, а по потреба може да биде продлжена – истакна фон дер Лајан.

Од ограничувањата ќе бида исклучени државјаните на Велика Британија, сите кои имаат постојан престој во ЕУ, членови на семејствата на државјани на ЕУ, дипломати, медицински персонал, како и тие што превезуваат стока и работат во пограничните подрачја.

The post Ќе се забрани влез во Брисел appeared first on plusinfo.mk.