Сообраќајот на патиштата се одвива во зимски услови, по влажни коловози, на повисоките места,  во западните делови од државата со мали остатоци од кашест снег на коловозот. Снег со променлив интензитет се бележи на Попова Шапка, во Маврово и на планинскиот премин Стража. На планинскиот премин Буково врнежите се од дожд и снег, информира Авто мото сојузот (АМСМ).

Поради врнежи од снег воведена е забрана за сообраќај за тешки товарни возила  на патниот правец Гостивар – Кичево преку планинскиот премин Стража, како и на патниот правец крак Маврово – Дебар.

На патниот правец Тетово – Попова Шапка е воведена забрана за сообраќај за автобуси, а за останатите видови на возила задолжителна е употреба на зимска опрема.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post ПОРАДИ СНЕГ ВОВЕДЕНА Е ЗАБРАНА ЗА КАМИОНИ НА СТРАЖА На патот кон Попова Шапка има забрана за движење на автобуси appeared first on plusinfo.mk.

Сообраќајот на државните патишта се одвива во зимски услови, по влажни коловози. Врнежи од снег со променлив интензитет се бележат во Куманово, Страцин, Крушево, Железнец, како и на планинските превои Стража, Буково, Ѓавато и Пресека, но во моментов не преставуваат пречка за сообраќајот.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Поради временските услови патниот правец Охрид – Ресен, преку националниот парк Галичица е затворен за сообраќај за сите видови возила.

Од 05.15 часот утрово, поради врнежи од снег, забранет е сообраќајот за тешки товарни возила на патниот правец Струга – Г.П. Ќафасан.

Поради протест на грчките земјоделци, од денеска со почеток во 10:00 часот на Граничниот премир Ники-Меџитлија, има забрана за движење на товарни возила во наредните 48 часа заклучно со 10.01.2026 во 10:00 часот. Сообраќајот за патнички моторни возила ќе се одвива со нормален тек.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ потсетува дека во сила е законската обврска за задолжително поседување на зимска опрема во возилата, без оглед на моменталната временска состојба.

The post СНЕГОТ ГО ОТЕЖНА СООБРАЌАЈОТ НА ПЛАНИНСКИТЕ ПРЕВОИ Забрана за тешки возила на Меџитлија и на Ќафасан appeared first on plusinfo.mk.