Необична ситуација се случи на тренингот на Новак Ѓоковиќ во пресрет на осминафиналето од грен-слем турнирот на Ролан Гарос против Франциск Серундоло.

Припадниците на обезбедувањето во еден момент отишле до боксот со куче кое е тренирано да утврди дали има експлозивни направи на трибините, јавуваат српските медиуми.

Паниката настанала поради мистериозна чанта најдена на трибините. Луѓето од обезбедувањето го лоцирале сомнителниот предмет и не сакале ништо да препуштат на случајноста, па прво го пуштиле кучето да ја провери чантата.

Откако утврдиле дека нема сигнал за бомба или друга опасност, чантата која најверојатно била заборавена од некој од посетителите, била отстранета од трибините.

The post ПОЛИЦИЈАТА УПАДНА НА ТРЕНИНГОТ НА НОВАК ЃОКОВИЌ Мистериозна торба внесе паника на Ролан Гарос appeared first on plusinfo.mk.