Претседателката на Либерално-демократската партија, Моника Зајкова тврди дека нема намера да се приклучи кон власта и вели дека како пратеник и понатаму ќе делува независно во собранието. Таа е јасна дека вонредно собрание на партијата нема да има и уверува дека на чело на партијата ќе остане најмалку уште 2 години, до истекување на мандатот.

Вчера беше најавено дека две третини од општинските организации на ЛДП ќе формираат иницијативен одбор за свикување вонредно собрание на ЛДП за промена на раководството поради нивната непринципиелна пазарџиска политика и недемократско водење на партијата.

– Додека Моника Зајкова е претседател, а ќе биде уште најмалку 2 години, ЛДП ќе остане доследна на своите програмски принципи по кои е препознатлива и ценета-рече таа на денешната прес конференција.

Зајкова посочи и дека нема да дозволи никој со уцени и закани да ја нарушува либерално-демократската идеологија.

– Да ја видов сликата од присутните од некаков иницијативен одбор за вонреден Конгрес на партијата. Нема претставници на општинските организации и органи, нема никакво наводно мнозинство со кое се манипулира јавноста. Или пак мнозинството присутни беа донесени, некои можеби и платени, па дури има и луѓе кои немаат допирна точка со ЛДП. Евтина кампања која не поминува – рече таа.

Таа додаде дека партијата има јасен став донесен на последната седница на Централниот Одбор дека ЛДП дејствува во Собранието независно, а согласно програмските принципи и либерално демократските вредности ќе даде поддршка на она што верува е добро за државата и граѓаните и ќе го критикува она што смета дека не е.

– Се што значи настап на ЛДП на избори за истото одлука носат општинските организации и Централниот одбор по спроведена анализа и дискусии. ЛДП има членови и во Кисела Вода и имавме информации и знаевме дека беше изнајмена општинската сала за прес-конференција, добивме информации дека беа најавени повеќе од 100 луѓе, знаевме дека на повеќето од нив им било понудено за компензација да се присутни таму, имаше најава за присуство и на некакви навивачки групи и на крајот еве ги на сликата, повеќе соседи кои ме почитуваат би собрала и јас – рече Зајкова.

Зајкова исто така нагласи дека веќе активно се подготвува нова стратегија за настап на претстојните локални избори.

Претседателката на ЛДП информира и дека уште добива закани бидејќи планира и во овој собраниски состав да го достави предлогот за намалување на банкарските провизии, но вели дека не се плаши од нив.

– Здружените напади и уцени кои доаѓаат од оние на кои ќе им се намалат моќта и профитите, здружени со лица на кои им е прекината државната функција и привилегии, кои сакаат да ја дефокусираат јавноста од политиките кои ги промовираме, нема да ме натера да се откажам од истите затоа што се водам и како пратеничка и како претседателка на ЛДП од јавниот интерес и од интересот на граѓаните! Не подлегнувам на никакви закани затоа што сè што програмски го предлагаме во Собранието е во интерес на граѓаните и државата – јасна е Зајкова.

Таа најави и објавување на транскрипти од одделни разговори и на преписки од тие што ѝ се закануваат.

– Ако сакаат овие поединци, кои застапуваат туѓи интереси, да ги објавуваме разговорите и преписките со кои ми се закануваат мене, но и го манипулираат членството со измама која е кривично дело и го наведуваат на некакви потписи, а доаѓаат и од луѓе кои се надвор и луѓе тука кои сакаат да се заштитат, чекајќи исход од одредени истраги, не е проблем, транскриптите и доказите се спремни. Може да ги објавиме – вели Зајкова.

The post ЗАЈКОВА НЕ ЈА ДАВА ФОТЕЛЈАТА УШТЕ 2 ГОДИНИ Партијата ја подготвува за локалните избори appeared first on plusinfo.mk.

Лидерот на СДСМ Димитар Ковачевски сподели на својот профил на фејсбук дека денеска заедно со Моника Зајкова и со младите од СДММ и од ЛДП, возеле велосипеди по Кејот на Вардар упатувајќи порача за почиста животна средина, за здрав начин на живот, за подобро здравје.

The post ТАЧЕ НА ТОЧАК Со Зајкова промовираа здрав начин на живот appeared first on plusinfo.mk.

Согласно анализите во вториот квартал од годинава во споредба со истиот период лани добивката на банките е зголемена за дури 35,3%. Зголемената добивка најмногу произлегува од растот на нето каматните приходи, а извесен придонес има и зголемувањето на нето-приходите од провизии, се нотира во извештајот од анализата.

– Апелираме што е можно поскоро да се разгледа овој закон за да ги заштитиме граѓаните кои секојдневно ги користат услугите на банките. Сведоци сме на високите трошоци и провизии како на пример за одобрување кредити, одржување на сметки, провизиите за проверка на трансакциска сметка, па дури и повлекувањето пари од друга банка, доколку е различна од банката депонент на граѓаните – посочува лидерката и пратеничка Зајкова.

Таа додава дека овој предлог закон предвидува значително намалување или укинување на банкарските трошоци и провизии. На тој начин се намалуваат и месечните издатоци на граѓаните со што се чекори поблиску кон поправедна финансиска средина за сите.

– Свесни сме дека иако овие прашања се дел од интерната политика на банките, сепак потребно е законска регулираност бидејќи станува збор за остварување на огромен профит. Со предложениот закон не се обезбедува само финансиска праведност, туку и поправедно и урамнотежено општество во целост. Во нашиот стремеж за правична финансиска иднина за сите граѓани, ги повикуваме и останатите пратеници и партии да ја дадат својата поддршка на овој предлог-закон – порачува Зајкова од ЛДП.

The post ЗАКОНОТ ЗА КАСТРЕЊЕ НА БАНКАРСКИТЕ ПРОВИЗИИ НИ ГО СТАВИЈА ВО ФИОКА Зајкова од ЛДП се жали на собраниска блокада appeared first on plusinfo.mk.

На првиот работен ден, Мифтари вели дека побарал неговото име да биде напишано на албански, но потоа, како што тврди, албанската верзија била покриена со црн спреј и од таблата на влезот во институцијата.

– Имаме 10 сектори и нема ниеден раководител Албанец во нив. Побарав најмалку тројца раководители и тројца заменик-раководители на сектори, но не беше прифатено. Истото се случува и со регионалните единици, така што ова јавно претпријатие е составено од 30 регионални единици, во секој град и исто и кај тие директорски места, според правичната застапеност треба да имаме 9 директори, но и тоа не е направено, има само тројца од ДУИ – изјави Мифтари за Алсат М.

Во оваа институција со над 1.800 вработени, Албанците се застапени со помалку од 5 проценти, тврди заменик-директорот Мифтари. Тој вели дека поради неговата националност директорот целосно го игнорира, па повеќе овластувања од него имале и вработените од пониско ниво. Мифтари се сомнева дека се местат тендери и најави кривични пријави.

– Ако не се преземат мерки, апелирам до надлежните институции, почнувајќи од Агенцијата за спроведување на законот за албански јазик, Антикорупциската комисија, Финансиската полиција, да преземат мерки бидејќи јас исто така ќе поднесам кривични тужби против него, ако не се преземат мерки за спречување на злоупотреби. Се сомневаме дека и владини фирми тука местат тендери – рече Сафет Мифтари, Заменик-директор на ЈП Национални шуми.

Мифтари додава дека иако побарал, не му била дадена целосната листа на вработени, бидејќи секој ден во канцеларијата гледа нови луѓе што му ги носи Либерално-демократската партија.

Во изјава за Алсат М директорот Валентин Груевски овие обвинувањата ги нарекол глупости, а Мифтари го оквалификувал како конфликтен човек. Тој вели дека тројца Албанци се раководители на регионални единици, но, според него, во институцијата нема шумарски инженери Албанци, што е услов да се биде директор на сектор или на регионална единица.

На нападите на Мифтари одговори лидерката на ЛДП, Моника Зајкова, од каде доаѓа директорот Груевски.

„До кога ќе ги делите луѓето по етничка основа, партии, проценти и балансери, наместо по квалитет, а притоа ќе зборувате за дискриминација?!? Доколку кој било во ЛДП има што било против Албанците или која било друга етничка заедница немаше во своите раководни структури да има Албанци и припадници на други етнички заедници.

Еве ако одиме на етничка дискриминација го прашувам раководството на партијата од каде доаѓа Мифтари колку Македонци и припадници на други етнички заедници имаат во раководната структура на партијата?!?

До кога ќе молчат за институциите кои ги раководат, а ќе клеветат дека немало Албанци во институција која ја раководи Македонец само затоа што нема директори на подружници од нивната партија? До кога ќе молчат за дискриминацијата која ја трпат другите маргинализирани групи во државава? До кога ќе се делиме? Кој/кого дискриминира?!? Играњето на етничка карта на никому не му носи ништо, а најмалку напредок во едно општество. За останатите наводи ако има докази и факти, нека ги достави до надлежните органи“ – напиша Зајкова на својот фејсбук-профил.

The post ОБВИНУВАЊА ЗА НАЦИОНАЛИЗАМ ВО „НАЦИОНАЛНИ ШУМИ“ Заменик-директорот Мифтари вели дека Албанците се дискриминирани во ова ЈП appeared first on plusinfo.mk.

– Забрана и контрола на симнување на игри, содржини и апликации кои експлицитно покажуваат и поттикнуваат насилство. Исто така, преглед и контрола на филмови кои можат особено кај помладите луѓе да поттикнат насилство, манипулативно да бидат употребени во пропагандистички цели со величење на насилството – рече Зајкова.

Таа побара Министерство за правда да ја разгледа состојбата и предложи заострување на казнената политика со намалување на возраста за кривична одговорност согласно европското законодавство и практики, како и поголема контрола во училиштата и ангажирање на психолози и педагози за превенирање на булингот во образовниот процес.

The post ЗАЈКОВА ПОБАРА ЗАБРАНА НА ТИК-ТОК Ќе достави предлог-закон до Владата appeared first on plusinfo.mk.

По изборот од делегатите на конгресот, Зајкова изјави дека Либерално-демократската партија има континуитрт и долго опстојува на политичлката сцена и оти во нејзиниот мандат може да се очекуваат повидливи политики, како и конкретни иницијативи со кои ќе се подобри секојдневното живеење на граѓаните.

– Не сакаме популизам и лажни ветувања за работи кои не можат да се имплементираат, туку мали и јасни иницијативи што водат кон конкретни чекори кои ќе значат подобрување на животот и условите во државата – рече Зајкова.

Смета дека државата треба да биде фокусирана кон прогресот и, како што рече, „храбро да чекори кон продолжување на преговоите со Европската Унија, да се отвораат и затвораат поглавјата”.

– Ни претстојат сериозни реформи, процеси кои ќе бидат можеби долги и сигурно ќе нè чинат многу, но ќе значат подобра, попрогресивна европска држава, подобар животен стандард на сите граѓани – рече новата претседателка на ЛДП.

За евентуаален влез на Алијанса за Албанците во Владата, во која и ЛДП е коалициски партнер, Зајкова рече очекува да бидат формално известени за тоа од коалициските партнери и дека „ЛДП е отворена за сите прогресивни сили”.

– ЛДП ќе соработува и ќе коалицира само ако тоа е за доброто на државата и граѓаните – додаде новата претседателка на Либерално-демократската партија.

Во однос на измените на Уставот, рече дека за ЛДП никогаш не било проблем Бугарите што живеат во земјава да бидат внесени во Уставот, но заедно со нив и припадниците на еврејската заедница.

– Бидејќи како либерали секогаш сме се бореле за човековите права и за правото на самоопределување на секој. За нас не е спорно влезот на Бугарите во Уставот, но ќе предложиме и влез на еврејската заедница како дел од народ кој учествувал во креирањето на темелите на оваа држава и учествувале во Народноослободителната борба – истакна Зајкова.

The post ЛДП ИМА НОВ ЛИДЕР Делегатите ја избраа Зајкова која ќе го замени Милевски на претседателска функција appeared first on plusinfo.mk.

Во обраќањето на официјалниот дел од осмиот партиски конгрес кој беше отворен за јавноста, Зајкова рече дека прогресивните политики кои се водеа изминатиот период нема да застанат.

– Најавувам многу работа и ве повикувам обединето, храбро и гласно да работиме заедно, пожртвувано, без штедење, тактизирање и популизам. Заедно да носиме смели и одговорни одлуки во интерес на граѓаните. Ве повикувам да не одиме по слепо дефинирана патека, туку да одиме каде што нема пат и да оставиме трага – либералдемокртатски печат на европска Македонија, да бидеме фокусирани кон нови победи за државата, потенцира Зајкова.

Таа вети пред членството дека ќе го даде својот максимум партијата да ја води делотворно.

– Таа чест за мене значи двојна одговорност. Ви ветувам лидерство насочено кон иднината зашто токму ЛДП ја гледам како партија која гради политики во сегашноста за подобра иднина, политики кои ќе ја направат земјава поубаво место за живеење, но и за идните генерации. Имаме одговорност да преземеме акција сега и денес – подвлече Зајкова.

На конгресот се очекува таа ја добие поддршката. Пред Зајкова, со ЛДП раководеше Горан Милевски кој се уште е актуелен претседател. Во обраќањето на когресот, тој јавно ја поддржа Зајкова, посакувајќи и успех особено на претстојниот пат кон членство на земјава во ЕУ.

Конгресот почна со интонирање на македонската химна, а прв пред присутните се обрати претседателот на Либералната мрежа на Југоисточна Европа и поранешен министер за одбрана на Словенија Роман Јакиќ. По него зборуваше Лилјана Танги, членка на движењето „Напред!” и пратеничка во Националното собрание во Франција, додека преку видео-конференциска врска порака испрати и претседателката на Либерална Интернационала, Хакима Ел Хаите. Обраќање имаше и европратеникот и копретседател на партијата АЛДЕ Илхан Ќучу.

На крајот од официјалниот дел на конгресот се обрати и се уште актуелниот претседател на ЛДП Горан Милевски кој седум години беше на чело на партијата. Милевски за својот посебен придонес доби благодарница која му беше врачена од Зоран Шапуриќ.

Милевски му се заблагодари на членството за досегашната соработка. Рече дека во 2015 година наследил партија која 12 години била во длабока опозиција, партија со блокирана сметка и во долгови.

– Се боревме и успеавме да ја донесеме ЛДП заедно со оваа коалиција на власт и еве веќе шест годинии успешно ја практикуваме власта. Денес сме вадејачка партија со министер, пратеници и неколку директорски позиции, партија која по 10 години настапи самостојно на локалните избори и имаше одлични резултати. ЛДП ја вративме и во европското либерално семејство. Но, нашата битка е делумно остварена, земјава стана членка на НАТО на што сум особено горд зашто ЛДП беше дел од оваа приказна. Останува уште Моника, во која искрено верувам, да го заврши процесот на преговори со ЕУ. Нема да биде лесно. Треба сите да го смениме начинот на размислување зашто реформите не значат само промена на закони, туку бара од нас и промена на начинот на размислување и делување – порача Милевски.

Мотото на годинашниот осми конгрес на ЛДП е „Обединето, храбро, гласно!”. Покрај членовите, присуствуваат многу странски и домашни гости.

На конгресот денеска му претходеше регионална либерална конференција „QVO VADIS EVROPA 2022? Поттикнување на проширувањето и интеграцијата на ЕУ” од која беше испратена порака дека земјава нема друга алтернатива, освен членството во ЕУ, како и дека тој пат бара многу работа, но носи и големи придобивки.

The post ЛДП ГО ПОЧНА КОНГРЕСОТ ЗА ИЗБОР НА НОВ ПРЕТСЕДАТЕЛ Кандидатката Зајкова ветува лидерство насочено кон иднината appeared first on plusinfo.mk.

– Зајкова е единствен кандидат за нов лидер на партијата. Јас нема да се кандидирам. Треба млади и свежи идеи и сили, како ние кога сме ја правеле инфраструктурата на партијатар – рече Пенов во емисијата „Само интервју” на Канал 5.

За доскорешниот претседател Горан Милевски, кој даде оставка од партиската функција и од функцијата министер за локална самоуправа, Пенов рече дека тој бил против францускиот предлог и дека неговиот став не поминал низ органите на партијата.

– Ако си против француски предлог, а Владата го усвојува, тогаш каде ти е местото? Неговиот став не помина низ органи. Пратениците гласаат „за”, се определија за Европа, за чекор понатаму – рече Пенов.

На прашањето дали Милевски ќе биде предложен за амбасадор, Пенов одговори дека „во постапка е”.

– Предложен е, во некоја постапка е – рече Пенов.

The post МИЛЕВСКИ Е ВО ПОСТАПКА ЗА АМБАСАДОР Пенов нема амбиции, Зајкова е единствен кандидат за лидер на ЛДП appeared first on plusinfo.mk.

– Доколку добијам поддршка и од членовите но и од актуелниот претседател мене ќе ми биде драго да бидам јас, ќе ми биде драго да ја водам партијата и да работам согласно либералните апостулати, а ќе ми биде предизвик затоа што историски гледано во партијата, првата жена претседателка на чело на ЛДП – рече Зајкова.

Таа додава дека во партијата нема раздор ниту превирања.

– Во ЛДП апсолутно нема никаков раздор ниту превирања, она што се случуваше во минатиот период односно различните мислења и ставови кои што се изнесуваа во партијата јас би ги коментирала само како одраз на високо нивно на партиска демократија, а не некако раздор или превирања. Министерот најавил дека ќе поднесе оставка меѓутоа тоа е од лични причини – додава Зајкова.

Инаку оваа година ЛДП влегува во година на изборен конгрес на кој секој член и органите и телата ќе носат одлуки за програмата како и избор на ново раководство.

– Секако ние сите сме во постојана комуникација од раководството и во рамките на органите и телата, но и со членовите и таквата одлука која и да биде сите ќе застанеме позади неа – заклучи Зајкова.

The post ЌЕ МИ БИДЕ ДРАГО ДА ЈА ВОДАМ ПАРТИЈАТА Зајкова открива дека ќе влезе во трката за претседател на ЛДП appeared first on plusinfo.mk.