Има една иронија што не може да се сокрие. Во 24 години власт, Али Ахмети не успеа да обезбеди канализација ниту за своето родно место, Зајас. Имаше власт, министри, директори, општини и милиони евра на располагање. Канализација немаше. Денес, кога документите излегуваат на виделина, станува појасно и зошто – пишува партиајта Вреди во соопштение

„Секој нов факт што излегува во јавноста сè повеќе ја руши маската на ДУИ. На Албанците им продаваа „каузи”, а зад затворени врати се договарале шеми, се вклучувале домашни компании и се вртеа милиони евра од европските фондови. Жителите чекаа канализација, а некој друг си ги чекал исплатите.

Колку повеќе се одмотува клопчето, толку повеќе се отвораат прашањата. Кој ќарил? Кој ги внел компаниите во проектот? Кој молчел? И дали истрагата ќе стигне до секоја алка во овој синџир?

Граѓаните заслужуваат да ја знаат вистината. Заслужуваат да знаат каде завршиле милионите, кој профитирал од проектот и зошто Зајас цели 24 години остана со септички јами наместо со канализациски систем. Зајас повеќе нема да биде заложник на ветувањата на ДУИ. Она што тие го оставија заглавено во кал 24 години, сега конечно се става на вистинскиот пат.

Вреди нема да дозволи ова прашање да се затрупа со прашина. Бараме истрагата да оди до крај. Да се отвори секој договор, секоја исплата, секоја компанија и секоја можна политичка, бизнис или семејна поврзаност. ДУИ зад себе остави долгови и сомнежи. Сега е време да понесе одговорност“ – се вели во соопштението на партијата Вреди.

The post ДА СЕ ИСТРАЖИ КАДЕ ОТИШЛЕ ПАРИТЕ НАМЕНЕТИ ЗА КАНАЛИЗАЦИЈА ЗА ЗАЈАС Партијата Вреди бара одговорност од претходната власт на ДУИ и Али Ахмети appeared first on plusinfo.mk.

Скандал со пропаднатиот проект за канализацијата во Кичево добива нова димензија и може да води до снаата на лидерот на ДУИ Али Ахмети, истакна на прес-конференција Даут Беќири од ВРЕДИ.

– Пред само три дена ја информиравме јавноста за сериозните сомнежи околу канализацијата во Зајас.

Досега јавноста знаеше дека Финансиската полиција поднесе кривична пријава поради сомневања за сериозни злоупотреби, дека државата претрпела штета од над 127 милиони денари и дека се изгубени речиси 9,5 милиони евра европски средства. Но денес се отвора уште едно важно прашање – кој сè бил вклучен во реализацијата на овој проект? – рече Беќири.

Според него, ВРЕДИ располага со договори за соработка од кои се гледа дека азербејџанската компанија „Акелик“, ангажирана за реализација на проектот, склучувала договори со повеќе домашни компании.

– Станува збор за шест домашни компании, РАГ Компани, Перпарими, ОЗ & АЛ Транс, Кими Ибра, Еуро Бодени-Хит и Бибај. Со овие договори аферата добива нова димензија. Веќе не е само прашање зошто пропаднал проектот, туку и кој сè бил вклучен околу него.

Беќири прашува дали овие компании се само случајно ангажирани или се дел од поширока деловна мрежа поврзана со семејството Ахмети?

– Токму затоа јавно ги повикуваме Финансиската полиција и Јавното обвинителство да дадат одговор на четири прашања. Прво, дали Финансиската полиција и Јавното обвинителство ќе проверат дали постои деловна поврзаност меѓу Егзона Ризмани, снаата на Али Ахмети, и компаниите што биле ангажирани од „Акелик“?

Второ, кој ги предложил и кој одлучил токму овие компании да бидат ангажирани во проект финансиран со европски и државни средства? Трето, колку пари биле исплатени на секоја од овие компании и за кои конкретни работи?

И четврто, дали истрагата ќе биде проширена и ќе ја опфати целата мрежа на компании што биле ангажирани околу овој проект? – вели Беќири.

Ако нема никаква поврзаност, вели тој, институциите тоа треба јавно да го соопштат.

Но ако постои, предупредува Беќири, тогаш јавноста има право да знае дали европските милиони и парите на граѓаните завршиле во мрежа на компании поврзани со семејството Ахмети.

– Канализација нема. Европските милиони ги нема. Време е да дознаеме каде завршиле – вели Беќири на прес-конференцијата на ВРЕДИ.

The post СКАНДАЛОТ СО КАНАЛИЗАЦИЈАТА ВО ЗАЈАС ВОДИ ДО СНААТА НА АХМЕТИ? Прашањето е кои фирми биле вклучени во проектот што пропаднал appeared first on plusinfo.mk.

Лидерот на опозициската Демократска унија за интеграција (ДУИ), Али Ахмети, изјави дека планира да се повлече од претседателската функција во партијата, која ја извршува веќе 24 години. Ахмети ја соопшти намерата за време на говорот на Изборното собрание на огранокот на ДУИ во Куманово, посочувајќи дека сака да им се приклучи на редовите на ветераните и политичкото делување да го продолжи во поинаква улога.

– Нема да останам засекогаш претседател на партијата. Сакам да се приклучам на ветераните и да видам како ќе се борам како ветеран – рече Ахмети пред партиските членови во Куманово.

Претседателот на ДУИ не прецизираше кога точно би се повлекол од лидерската позиција. Сепак, неговата изјава веднаш ги отвори прашањата за идното раководство на партијата и за можниот наследник на човекот кој ја предводи ДУИ од нејзиното формирање.

Ахмети во декември лани повторно беше избран за претседател на партијата. Тој е единствениот лидер што ДУИ го имала од основањето во 2002 година и е меѓу политичарите со најдолг лидерски стаж на македонската политичка сцена.

Во изминатиот период во локалните структури на партијата беа направени значителни кадровски промени, при што беа сменети повеќе од две третини од раководните позиции. Тоа во дел од јавноста се толкува како подготовка за генерациска транзиција и отворање простор за нови лица во партијата.

Партиите кои долго време се поврзуваат со еден доминантен лидер често се соочуваат со предизвици при преносот на влијанието врз нова генерација функционери. Затоа евентуалното повлекување на Ахмети би можело да претставува една од најзначајните промени во ДУИ од нејзиното основање.

Ахмети нагласи дека и по заминувањето од лидерската позиција нема целосно да се повлече од политиката, туку ќе продолжи да придонесува во политичките процеси како ветеран на албанската кауза.

Али Ахмети е една од највлијателните политички личности меѓу Албанците во Македонија во последните две и пол децении. Роден е во 1959 година во кичевското село Зајас, а пошироката јавност го запозна за време на конфликтот во 2001 година, кога беше политички лидер на Ослободителната национална армија (ОНА).

По завршувањето на конфликтот и потпишувањето на Охридскиот рамковен договор, Ахмети во 2002 година ја формираше Демократската унија за интеграција. Партијата брзо стана најсилна политичка сила меѓу Албанците во Македонија и во наредните години речиси континуирано беше дел од владејачките коалиции.

Иако никогаш не бил премиер или претседател на државата, Ахмети со години важеше за еден од највлијателните политички фактори во земјата. Под негово водство ДУИ беше партнер во влади предводени и од ВМРО-ДПМНЕ и од СДСМ, што дополнително ја зацврсти неговата политичка тежина.

Токму поради тоа, најавата за негово повлекување се смета за потенцијално историски момент за партијата, бидејќи првпат по повеќе од две децении се отвора прашањето кој ќе ја предводи ДУИ во периодот што следува.

The post АХМЕТИ НАЈАВИ ПОВЛЕКУВАЊЕ ОД ФУНКЦИЈАТА, ДУИ ПРЕД ИСПИТ Беше еден и единствен лидер на интегративците 24 години appeared first on plusinfo.mk.

На магистралниот пат Кичево-Гостивар кај селото Зајас, кичевско, вчера вечерта, околу 21 часот, се случила сообраќајна несреќа помеѓу патничко возило „мерцедес” со кичевски регистарски ознаки, управувано од В.Б.(69) од Зајас и патничко возило „мицубиши” со кичевски регистарски ознаки, управувано од Л.Б.(19) од село Бачишта, кичевско.

Во несреќата со тешки телесни повреди се здобиле двајца сопатници од возилото „мицубиши”, С.А.(20) од село Зајас и А.Р.(18) од село Бачишта, а со телесни повреди се здобиле двајцата возачи и уште еден сопатник од возилото „мицубиши” Б.А.(19) од село Зајас. Сите повреди се констатирани во Медицински центар Кичево, а извршен е увид од екипа од ОВР Кичево.

Утврдено е дека возачот на автомобилот „мицубиши“ воопшто немал возачка дозвола, за што ќе следи соодветен поднесок, информира МВР во Билтенот.

The post ТЕШКА СООБРАЌАЈКА КАЈ ЗАЈАС, ПЕТМИНА ПОВРЕДЕНИ, ДВАЈЦА ТЕШКО Едниот возач, тинејџер, воопшто немал дозвола appeared first on plusinfo.mk.

Околу 250 лица, односно 63 домаќинства, привремено се сместени во спортската сала во Кичево, откако вчерашното невреме предизвика излевање на Зајаска Река и сериозни штети. Сепак, условите таму се ограничени, а граѓаните во моментов немаат соодветни услови за одржување на лична хигиена и капење.

Екипите на ЈП „Комуналец“ и ТППЕ вршат испумпување на водата од подрумите на улиците: Прилепска, Пиринска, Први Мај и 29 Ноември, како и кај домовите покрај реките Треска и Зајашка. Поплавени се и земјоделски површини покрај речните корита во општината, соопшти Центарот за управување со кризи.

Градоначалникот на Кичево, Александар Јовановски, соопшти дека се прават напори да биде обезбедено решение за подобрување на хигиенските услови за сместените лица. Засега не е познато колку долго граѓаните ќе останат во спортската сала. При претходните поплави престојот траел околу една недела, но овојпат, поради поголемите штети, можно е да трае и до две недели.

Надлежните служби информираат дека на терен се работи со целокупната расположлива механизација. Најкритична е состојбата на улицата „Прилепска“, каде водата навлегла во повеќе домови, а трагите на ѕидовите достигнуваат височина и до два метра. Жителите денеска самостојно ја испумпува водата од своите куќи.

Иако Зајаска Река се повлече во своето корито, водостојот и понатаму е зголемен, што создава страв кај жителите од ново излевање. Во меѓувреме, потребни се ќебиња, вода и храна за лицата сместени во спортската сала. Надлежните апелираат донациите да се доставуваат преку Црвениот крст, со цел нивна организирана и транспарентна распределба.

Штети од невремето се пријавени и во Гостивар, Тетово и скопско Сарај. Според најавите на метеоролозите, врнежите од дожд се очекува да продолжат и во текот на целата седмица, што дополнително ја усложнува состојбата на терен.

The post КРИТИЧНО ВО КИЧЕВО, 250 ЛУЃЕ ЕВАКУИРАНИ ВО СПОРТСКА САЛА Поплавите ги оставија без покрив над глава appeared first on plusinfo.mk.

52-годишниот Џ.М. од Зајас бил пронајден мртов под неговиот трактор, информираат од ОВР Кичево.

„Во нашето полициско одделение е пријавено дека на шумски пат во атарот на Зајас, под трактор универзал бил пронајден Џ.М. (52) од Зајас. Според извршениот увид, тој управувал со тракторот, изгубил контрола, паднал и бил прегазен од машината“, соопштија од полицијата.

Лекар од Итната медицинска помош од Кичево констатирал дека мажот починал и дека нема траги на насилство.

Според очевидци, несреќата се случила додека Џ.М. работел на шумскиот пат, а причините за губење на контролата врз тракторот сѐ уште се утврдуваат.

„На лицето место беше извршен увид и се преземаат сите потребни мерки за утврдување на точните околности околу несреќата“, соопштија од кичевската полиција.

The post ФАТАЛЕН ПАД ОД ТРАКТОР Жител на Зајас пронајден мртов под возилото appeared first on plusinfo.mk.

По долгогодишен застој и недомаќинско работење на минатата влада и поранешните министри за животна средина и просторно планирање, Владата на предлог на Министерството за животна средина и просторно планирање на денешната седница ја усвои информацијата за реализација на проектот за подобрување на управувањето со отпадни води во Кичево, соопшти првиот вицепремиер и министер за животна средина и просторно планирање Изет Меџити.

На денешната прес-конфереција во Владата, Меџити рече дека проектот опфаќа изградба на колекторски систем и секундарна канализациска мрежа и поврзување на постојната пречистителна станица.

– Овој чекор го презедовме бидејќи граѓаните на Кичево го заслужуваат овој проект, а бидејќи уште на почетокот беа забележани проблеми со организацијата и капацитетот на изведувачот бевме приморани да го раскинеме договорот со изведувачите кои и покрај бројните опомени и состаноци не покажаа значителен напредок. И на 5.12.2024 година беа поминати 21 од планираните за градба 24 месеци, а реализацијата беше само 17 отсто – изјави Меџити.

Тој информира дека во наредниот период преку повеќегодишна јавна набавка Министерството за животна средина и просторно планирање ќе обезбеди буџетски средства за овој проект бидејќи, како што рече, предвидените ИПА средствата во рамки на Секторската оперативна програма за животна средина и климатски акции, програмски период 2014-2020 веќе нема да можат да се користат поради неисполнување на обврските од изведувачот.

– Сo овие средства ќе се инвестира во над 20 локации, меѓу кои е и изградба на главен канализационен колектор Зајас – Кичево, кој ќе се простира од населеното место Зајас до влезот во град Кичево и проаѓа покрај Зајаска Река, а од постојни мрежи долж колекторот Зајас – Кичево постојат секундарни мрежи кои се комплетно изградени во местата Трапчин Дол, Горно и Долно Строгомиште. Овие секундарни мрежи ќе се поврзат на колекторот Зајас – Кичево. Планирана е изградба на главен канализациски колектор Зајас – Кичево со должина околу 11 километри. Тој треба да ги прифати отпадните води од населбите Зајас, Грешница, Долно и Горно Строгомиште, Колибари, Длапкин Дол и Трапчин Дол. Отпадната вода од колекторот Зајас-Кичево оди кон станицата за третман и пречистување на отпадна вода – информира Меџити.

Министерството за животна средина и просторно планирање за реализација на овој проект ќе инвестира преку повеќегодишна јавна набавка над милијарда денари (1.088.550.000) во текот на наредните четири години, од 2025 до 2028 година.

Проектот опфаќа два договора – договор за градежни работи за рехабилитација и проширување на канализационата мрежа во општина Кичево и договор за надзор над градежните работи.

The post КИЧЕВО ЌЕ ДОБИЕ КОЛЕКТОРСКИ СИСТЕМ И ПРЕЧИСТИТЕЛНА СТАНИЦА Колектор долг 11 километри е планирано да биде изграден во следните 4 години appeared first on plusinfo.mk.

„На 24.10.2024 во 20.00 часот во полициското одделение во кичевското село Зајас, А.А.(30) од истото село пријавил дека кучиња-скитници му усмртиле 21 домашно животно“, соопшти полицијата.

Нема информации за какви домашни животни станува збор.

The post КУЧИЊА-СКИТНИЦИ НАПРАВИЛЕ МАСАКАР ВО ЗАЈАС Убиле 21 домашно животно appeared first on plusinfo.mk.

Тој преку објава на својот Фејсбук профил посочува дека иако вo раните утрински часови, пожарникарите од Македонска Каменица и Кочани добиле воздушна поддршка од еден полициски хеликоптер, пожарот сè уште е активен поради засилениот ветар од пладневните часови.

– Куќите во Јангелковци кои беа загрозени вчера, се спасени. Но, поради се позасилениот ветер и непристапниот терен за делување од копно, сега постои реална опасност од ширење на пожарот кон маало Стамболии во село Цера. ТППЕ Кочани наведуваат дека првично биле активни два одделни пожари. Едниот во село Пресека, а другиот во село Цера. Потоа, истите се спојуваат во еден пожар на доста широка територија и огнената стихија досега однела над 150 хектари висококвалитетна борова и дабова шума – посочува Атанасовски.

Од рано утрово на терен, покрај екипи на ТППЕ-Македонска Каменица, доброволци и локално население од село Цера, во акцијата за гасење на пожарот се вклучени Тппе Кочани,  ДПД Кочани, ДПД САСИ Македонска Каменица, вработени во ЈП „Национални шуми“ и други екипи.

Атанасовски потенцира дека во текот на утрешниот ден како што наведува се очекува да се вклучат и доброволци од институциите во Македонска Каменица.

Истовремено, во кичевско се разгоре пожарот над селото Зајас. Откако синоќа беше изгаснат, денеска пожарот е повторно активен.

– Таму трет ден е активен пожарот, иако денес беше мирно, сега пак е активен повторно. Горат млади борови. Тука гаснат пожарникари од Кичево и 30 припадници на Армијата. Нема услови за гаснење од воздух, оти не спаѓа во тешките и приоритетни пожари и е пристапен за гаснење од земја – рече Ангелов.

Тој утринава апелираше до граѓаните да го пријавувуваат секое сомнително движење ако забележат потпалувачи, а ако им е страв лично да се јават, нека кажат на некој комшија, полицаец, вработен во ЦУК.

– Апелирам на голема внимателност. Не е наивен пожарот и кај депонија или на сува трева, брзо може да стигне до шума или да загрози човечки живот. Борбата против овие кои палат мора да биде жестока, мора жестоко да возвратиме, бидејќи превенцијата е најдобриот начин. Тогаш кога ќе бидат казнети, тогаш ќе бидат внимателни. Нема никакво оправдување за ваквото несериозно однесување. Ќе барам дополнителни законски измени за строги казнувања на ваквите поведенија кои загрозуваат човечки животи и трошат државни ресурси – истакна Ангелов.

На денешната владина седница беше одлучено  мерки за превенција поради топлотниот бран  да важат и утре.

The post ПОЖАРОТ ВО ЦЕРА И ПРЕСЕКА ПОВТОРНО НАДВОР ОД КОНТРОЛА Гори и над кичевско Зајас, на терен се пожарникари appeared first on plusinfo.mk.

„Тој, претходно, на семејна веселба во истото село неовластено испукал повеќе куршуми од пиштол ‘Смит и Весон’, сопственост на неговиот татко Р.У.(64) од истото село, кој го поседувал со дозвола. Притоа, Е.Е.(33), М.Р.(57) и една малолетничка, сите од селото Бачишта, кои биле на веселбата, се здобиле со повреди и биле пренесени во Итната медицинска помош во Кичево, каде им биле констатирани тешки телесни повреди. Од Р.У. бил одземен пиштолот и 300 куршуми, кои ги поседувал со дозвола. По целосно документирање на настанот, ОВР Кичево ќе поднесе соодветни пријави“, се вели во соопштението на МВР.

The post ПУКАЛ СО ПИШТОЛ НА ВЕСЕЛБА, РАНИЛ ТРИ ЛИЦА Приведен е 46-годишен жител на кичевско Бачишта appeared first on plusinfo.mk.