Актерот Тајлер Мејн, најпознат по улогата на Sabretooth во филмот од 2000 година „X-Men“, откри дека му е дијагностициран рак на дојка.

Тој ја сподели својата „суперретка“ дијагноза на социјалните мрежи на 8 јуни и рече дека почнува со хемотерапија.

– Имам лоши вести. Денес почнувам со хемотерапија. Еден од 750 мажи ќе биде дијагностициран со рак на дојка во текот на животот, а јас сум еден од нив. Бидејќи ретко се зборува за тоа, обично се дијагностицира во подоцнежна фаза и има полоши исходи. Сакам да го променам тоа – рече актерот и поранешна ѕвезда на Светското првенство во борење (WCW).
Мејн додаде дека планира да го документира својот третман за да ја подигне свеста за ракот на дојка кај мажите и да ги охрабри другите мажи да обрнат внимание на можните симптоми.
Актерот кој во 2024 година ѝ се врати во својата најпопуларна улога во филмот „Дедпул и Вулверин“, објасни дека првично сакал дијагнозата да ја задржи за себе.

– Да. Имам рак на дојка. И да, тоа е многу ретко. Само 1 процент од ракот на дојка е кај мажите. Да бидам искрен, мојата прва реакција беше да го чувам тоа во тајност. Мислам, малку е срамно. Но, потоа открив дека мажите почесто се дијагностицираат во подоцнежна фаза бидејќи не се зборува за тоа и не се бара – рече Тајлер, додавајќи дека неговата сопруга, Рене Гирлингс, е заслужна за тоа што побарал медицинска помош откако лекарите првично ги отфрлиле неговите загрижености.

– Ајде да почнеме да зборуваме за тоа – заклучи актерот.

Според Американското здружение за рак, помалку од 1% од случаите на рак на дојка во Соединетите Држави се јавуваат кај мажи. Тие велат дека болеста често се дијагностицира подоцна кај мажите бидејќи свеста за болеста е помала и симптомите може да се занемарат. Симптомите вклучуваат безболна грутка во дојката, промени на кожата или брадавицата, како што се вдлабнатини или промена на бојата, како и исцедок или крварење. Ракот на дојка е почест кај постарите мажи, но може да се појави на која било возраст.

 

View this post on Instagram

 

A post shared by Tyler Mane (@therealtylermane)

 

View this post on Instagram

 

A post shared by Tyler Mane (@therealtylermane)

The post 🎥 АКТЕРОТ ОД „ИКС-МЕН“ ИМА РАК НА ДОЈКА „Многу е ретко. Јас сум еден од 750 мажи“ appeared first on plusinfo.mk.