Јеменскиот авантурист Ал-Кака Ибн Антар (30), познат на социјалните мрежи како „Јеменскиот Спајдермен“, трагично загина откако паднал во вулкански кратер додека се обидувал да се искачи по стрмна карпеста падина без заштитна опрема. Несреќата се случила во петокот во кратерот Харадат Дамт, во јужната јеменска провинција Дале.

Антар стекна голема популарност со видеа на кои изведуваше екстремни искачувања и акробатски подвизи на некои од најнепристапните карпи во Јемен. Неговите снимки често стануваа вирални, а многумина го нарекуваа „Спајдермен“ поради способноста да се движи по речиси вертикални карпести површини без никаква заштита.

Според јеменските власти, Антар го загубил потпирачот додека се искачувал по 120 метри длабокиот вулкански кратер. На кратко видео објавено од Цивилната заштита се гледа како тој се држи со едната рака за карпата, по што ненадејно паѓа во длабочината на кратерот.

 

View this post on Instagram

 

A post shared by FutureScope Media (@futurescopemedia)

Спасувачките екипи, во кои биле вклучени нуркачи и специјалисти за спасување во вода, ја пронашле жртвата на околу 30 метри под површината на езерото што се наоѓа на дното на кратерот. Операцијата за извлекување траела речиси четири часа поради исклучително тешкиот и непристапен терен.

По трагедијата, јеменската Цивилна заштита упати апел до сите љубители на авантуристички и екстремни спортови строго да ги почитуваат безбедносните мерки и да користат соодветна заштитна опрема. Смртта на Антар предизвика бројни реакции на социјалните мрежи, каде што неговите следбеници се простуваат од човекот кој стана симбол на храброста, но и на ризиците што ги носат екстремните подвизи.

The post 🎥 ПОГЛЕДНЕТЕ КАКО ЗАГИНА „ЈЕМЕНСКИОТ СПАЈДЕРМЕН“ Познатиот авантурист падна во вулкански кратер за време на опасно искачување appeared first on plusinfo.mk.